ضرب مروة الدولية يثير الجدل في السودان

مروة الدُولية فنانة سودانية كانت في حفل غنائي ترقص وتغني لتتفاجأ بمهاجمة عسكري لها بالعصا..والسبب كان هو أن الحفل لم يكن مرخص وامتد لوقت متأخر من الليل فعٌرضت مروة ومن معها على القاضي وهي بهذا الشكل بالكدمات على وجهها وجسدها لتُغرم هي ومن معها ب30 ألف جينه لكل واحد فيهم بتهمة الازعاج وإقامة حفلات بدون تراخيص.

نشرت مروة صورة بعد الاعتداء عليها بالضرب وكتبت على فيسبوك ما يلي “السلآم عليكم لكل الناس وجمهوري الحبيب الوقف معاي وساندني انا الفنانه مروة الدولية ماحابه اكتب كلام كتير لاني مصدومه من الحصل بس عندي سؤال ل كل مسؤل ف الدوله دي معا احترامي لكافه القوات النظاميه واقتناعي انو العملو كدا مابمثلو الشرطه وانهم مصيرو العدل بياخد مجراهو.

سؤالي:-لو جاتكم وليه ومره مهما كان هي شنو او منو او شغاله شنو وقالت ليك ف رجااااال ماراجل واحد ضربوني واهانوني ورقدوني ف الواطه زي الحراميه وضربوني بالعصايه بدون رحمه وشهدو ف المحكمه زور ف حقي وانا ماعملت شي هل بتجيبو ليها حقها ؟؟؟ انا اول مره احس بالظلم والقهر حسبي الله ونعم الوكيل حسبي الله ونعم الوكيل حسبي الله ونعم الوكيل

وصلو رسالتي ل اي مسؤول قلبو حار ومابرضي الحقارة ولا الاهانه لي حريم مهما كانو هم منو او عملو شنو خلي من انهم ماعملو حاجه اساسا بس ف ناس بستغلو سلطتم وانا يشهد الله لا اسئت زول ولا غلطت علي زول ولا قذفت زول وكل الاتقال دا ظلم وبهتان وافتراء علينا وربنا عالم و شايف بس عاوزه زول راجل مالي مركزو ف المسؤولين وبيقيف ضد الظلم يقرا رسالتي و يبرد ناري من الظلم الانا حاسه بيهو والاهانه دي”

تستاهل…مع ضربها

حتى بعد هذا التعليق وهذه الصورة كان هناك من مع الاعتداء عليها وكتبوا بصريح لعبارة تستاهلي ناشرين فيديوهات للفنانة وصفوها بالخادشة للحياة سواء في لبسها أو رقصها أو فيما تغنيه من أغاني.