أخبار الآن | دبي – الإمارات العربية المتحدة (أميرة ذوادي)

وجبة شاورما بدينار.. عرض مغري من مطعم في عين الباشا بالأردن جعل سكان المنطقة يتهافتون على المطعم لكنه عرض مسموم، تسمم 700 شخص نقلوا جميعهم للمستشفى وتوفي طفل صغير عمره 5 سنوات جراء التسمم.

بحسب بيان لوزارة الصحة الأردنية فإن سبب التسمم هو جرثومة في اللحم والدجاج.

كان وزير الصحة قد زار المصابين في المستشفى، أربع حالات لديهم مضاعفات خطيرة وجميعهم يخضعون للمراقبة.

تم أيضا اغلاق مطعم الشاورما احترازا وإيقاف صاحبه.

الحادثة كانت شاغل الأردنيين.

سهيلة كتبت “أكثر من ٧٠٠ حالة ووفاة طفل بعمر خمس سنوات بتسمم شاورما.. في عرض على وجبة شاورما بدينار في احد المطاعم. ما تعرف شو ودك تحكي او تعلق على هيك موضوع. الرقابة الصحية ولا جشع التاجر ولا شعب مسكين يتنظر عروض على سندويشة ….!! الله يشفي المصابين ويرحم الطفل ويصبر أهله.”

حسين علق “مهما كانت الرقابة شديدة وحازمة سيجد التجار والبائعون الفاسدون طريقة ما للغش والحل هو بعقوبة شديدة جدا لمخالف واحد على الأقل ليكون عبرة لغيره بعدها سيراجع التاجر نفسه الف مره قبل الغش بل وربما تبرع بالتبليغ عن الغشاشون خصوصا إذا كانوا منافسون له”

لوزان عبايدات قال “الجوع ما بسمم ٤٥٠ بني ادم بس ! الجوع بسمم ملايين…! قصه مطعم عين الباشا ما بتحكيلنا عن المايونيز على قد ما بتورجينا انو في ناس بتوقف ع دور عشان تشتري وجبة بدينار #وجبة_الدينار”

 

يوسف غرد “ليس السبب فقط بأن الشورما فاسدة بل السبب المحزن هو فقر مجتمع وطمع تاجر #عين_الباشا”

 

فيما هناك من لام المصابين الذين كانوا فريسة سهلة لعرض يبعث من الأول على الريبة.

أم غسان منهم “والله شكله عنده مم جاجه وكم خروف الهم زمان بلثلاجه وقلك لازم يخلصوا…. راح نزللهم للناس بس انا مش فاهمه يعني بلعقل وجبه الشاورما بدينار معناته في ان وأخواتها.

مهو بلعقل يعني….. لو انها ببلاش ما باكل منها لانه البلاش وراه قصه لذلك الغالي سعره فيه شو ماكان”

 

 

 

وآخرون لم يعجبهم أخذ الموضوع في محنى فقير وغني “اكيد مو قصده يسممهم، بكون المايونيز فسد من الحرارة. الشاورما رفاهية كل الطبقات، وكل الشعب بحبوها، ووين ما كان في عرض الكل رح يشتري في عين الباشا أو غيره. أنا مش فاهمة ليش تحول الموضوع عدالة اجتماعية!! مش اول حالة تسمم بتصير في مطاعم. اللي صار سوء تقدير اكيد مش بالعمد”

شاركنا برأيك هل ستؤثر حادثة التسمم هذه في شعبية وجبة الشاورما في الأردن والاقبال على مطاعم الوجبات السريعة عموما؟

للمزيد

تريندينغ الآن | “طبيب الغلابة” محمد مشالي في ذمة الله.. كان يكشف على الفقراء بـ 10 جنيهات فقط