سوزان وبيت القطط

نص الحلقة :

لما تبحث علي جوجل عن مفهوم رعاية الحيوان رح تلاقي كتير من نتائج البحث من ضمنها تعريف ويكيبديا أنه هو رفهية جسدية والنفسية للحيوان وتوفير هاي الرفاهية للحيوانات من قبل الانسان بعتبرها الكتار أنها رفاهية أو مش أولوية أو حتي بينتقدها في ظل وجودة بعالم في حروب وفقر ويتم وأوبئة بالغالب نسمع تعليق هيهتموا بالإنسان أولي كل ما شخص عبر عن إهتمامه بالحيوانات ۔۔۔۔۔ لكن العناية بالحيوانات وتحديدا القطط أبدا مش رفاهية عند سوزان اللي بترعي أكثر من 280 قطة بمنزلها بمحافظة المفرق بالأدرن لكل قطة حكاية ولعلاقتها معهم قصة رح تحكيلنا إياها في هاي الحلقه من بودكاست قصتها القصيرة ۔۔۔۔۔۔۔۔۔۔۔۔۔

 بصوت " هبه جوهر "

سوزان عويدة أنا من سكان المفرق بشتغل شغل تطوعي بنقذ حيوانات عندي قطط معاقة عددها 280 يمكن أكثر صار بتطلت أعد من زمان يعني فترة طويلة بطلت أعد لأنه بيكون عندنا قطط بتشفي بيجي مكان قط تاني فبيكون يعني الأرقام متفاوته ۔۔۔ بصوت" سوزان"

كتير الدراسات اللي بتحكي عن علاقة الأطفال بالحيوانات وكيف تربيتهم بتنعكس علي شخصية الطفل وفي أثار إجتماعية ونفسية من بينها أنه الحيوانات بتساعد علي تنمية الطفل لما يتعامل الطفل وينمو بصحبة حيوان بتعلم إحترام الحياة وبيتيح اله الحيوان فرصة الحب والمحبة سوزان بدأت علاقتها مع القطط وهي بعمر ال 3 سنوات متأثرة بحب جدتها للقطط وهي صغيرة ما كانت تعرف مفهوم الانقاذ  كانت تعتني فيهم ببرائة وبالفطره ۔۔۔۔۔۔ بصوت "هبه جوهر"

أول قطة أنا كان عندي قطط من عمر ال 3 سنين أنا جدتي الله يرحمها كانت محبه للقطط كان عندها قطط كتير وأبوي كمان كان محب للقطط مع أنه عيلته ما بتحب القطط بس سبحان الله يعني متي بلش الانقاذ هلا واحنا صغار ماكان في هاي العيادات ومكان في انتشار العيادات فكان يعني اللي حيوان اللي بننقذه بنحطه عندنا فيكون أيام علاجه صعب كنا بنعالج الكسور بالتجبير العادي هلأ لما اشتغلت بمصنع شركة تركية منطقة صناعية كان هناك كتير بتصير حوادث كتير بيكون في حالات كلاب فقط مريضه تعبانه أو مدعوسه فبدأ من هذا الوقت يعني أنه أخذهم علي العيادات ۔۔ بصوت " سوزان "

عناية سوزان للقطط تتركز حول القطط اللي بتعاني من إعاقة بمعني أنه لما تلاقي القط مريض بده انقاذ لأنه مريض بتعالجة وبترجعه لبيئته الطبيعية أما لما يكون القط بيعاني من إعاقة بصرية أو حركية بيصير صعب عليها أنه ترجعة لبيئته لهيك بيلاقي الحضن والمأوي والملجأ في بيئتها ۔۔۔۔۔۔۔  بصوت " هبه جوهر "  

القطط اللي موجودة عندي هلأ حاليا 280 قطة أكثر أقل بطلت أعد طبعا من زمان هلأ الحالات اللي عندي كلها معاقه هلأ لما بنحكي إعاقة الإعاقة غير المرض المرض بيكون يعني تعبان أو مريض يعاني من مرض خاص فبنعالجه لما بيعيش أو يطيب أموره تمام تإحنا بنرجعة للبيئة الطبيعية تبعيته لكن الإعاقة تختلف الإعاقه تندرج تحت أنه يكون معاق، أعمي، مثلا فاقد أطراف مصاب بالكيلي بيكون القطط الها أكل معين في كمان حالات الصرع عندي 5 قطط مصابة سرع عندي مرعي هو أشهر واحد بيقلي علي السوشيال ميديا معاه صرع مع أنه إحنا عالجناه لكن للأسف ما ظبط العلاج العمي عندي كمية عمي يمكن تفوق ال 30 أو 35 قط هادول عمي أو فاقدين عين أنتي عارفه كيف أو مصابين بالحول في كمان عندنا يعني كتير كتير حالات نصادفها هي بيكون مريض بعدين لما طاب مثلا فقد جزء من وجهه يعني عندنا في مرض أسمه الكاليسي الكاليسي هذا بيكل الفم وأجزاء من الوجهه في عندنا هيك حالات في بيكونوا مصابين بالطاعون بعد ما تعبوا من الطاعون تبع الطاعون غير معدي للإنسان بعد ما يطيب من المرض بيصير عنده أثار جانبية اللي هي الإهتزاز زو الرعشه مثل الباركنسون في عندي كمان مريض أعصاب كتير كتير حالات بتندرج بهاي الأمور عندي موجودة ۔۔۔

بصوت "سوزان"

سوزان بتتعامل مع القطط مثل ولادها لهيك بتعطي عناية أكبر لبعضن خاصة اللي تكون حاجتهم لعناية خاصة بتميزهم أكثر وبتدللهم أكثر ۔۔۔ بصوت " هبه جوهر "

القطط الموجودة عندي الأغلبية معاق لكن في قطط أنا بحبها يعني أنا بحبها المريضة حتي يشفي بكون أنا بدير بالي عليها أكثر يعني بزيادة بس في ناس بتحكيلي ليش بتديري مالك علي تيمون أو ليش بتديري بالك علي مرعي لأنه حالات خاصة حالات خاصة جدا يعني تيمون ما بيعرف ياكل لحالة عنده ارتعاش وضعه صعب يعني ما بيعرف الاكل لازم أنه تكون مثبته أو أنك تحطي الزكل بتطعمية كل القطط حبيباتي بحبهم كتير وبعشقهم وبعاملهم سواسية لكن شوي يعني اللي بيكون يعني عنده بزيادة أو إعاقة بزيادة فهاد أنا يعني بكون دايرة بالي علية أكتر بجيبله أكل خاص ۔۔۔۔۔ بصوت "سوزان"

أكيد مش سهل يكون في 280 قطة بحاجه لعناية ورعاية خاصة لكن سوزان شايفة أنه هذا واجبها تجاهم بالعكس هي بتشوف أنه القطط علموها الكثير علموها الصبر ۔۔۔۔۔ بصوت "هبة جوهر"

قديش صعب الإهتمام بهادا العدد الكبير خليني أحكيلك أنه الموضوع متعب جدا يعني متعب جدا جدا لكن الحمدلله لا يكلف الله نفسا اللي وسعها يعني هادا وسعي ربنا أعطاني أنا اتعلمت الصبر أنا اتعلمت أنه أنا أكون شخص إيجابي يعني شو ماكان زاد عندي التعب شو ماكان زاد عندي كمية القطط لأنه حالات خاصة يعني في عندك اللي بيلبس حفاظة في عندك اللي لازم باخدة علي الليتر بوكس في كمان الأكل الخاص يعني لكل يعني لكل قط مثلا في اله أكل خاص في مجموعة  قطط مثلا ما بتاكل أكل عادي في قطط ما بتاكل ما عندها أسنان في منها كمان كبيرة بالسن فأنا براعي هذا الموضوع كلياته أنا مخصصلهم جزء يعني جزء خارج البيت يعني أنا ساكنه أنا وهم وعم بدور علي بيت أكبر بإذن الله إن شاء الله ، الله يرزقني وألاقي مكان أوسع أكبر الشمس بتفوته أكتر يعني كتير كتير أنا حابة هذا الموضوع صعب صعب لما يكون عندك هذا العدد الكبير اللي بدك تغير الليتر بوكس وتغير التراب يعني شخص أنا شخص واحد عم بعمل هذا العمل كله ما في مافي أبدا ما حدا مضايق مني ما حدا يعني أنا بحالي أنا شخص بحالي ما الي علي الإختلاط كتير مع الناس والحمدلله ۔۔۔۔ بصوت " سوزان "

رغم أنه بتعتني بكل القطط بشكل عادل ومتساوي لكن في قطط اللهم معزة خاصة بقلب سوزان منهم "مرعي وفيكي" ولكل قطة حكاية ومشهد ما بيغيب عن بالها ۔۔۔۔ بصوت " هبة جوهر "

أكثر بسة أنا بحبها هلا أنا بحب مرعي كثير مرعي حبيبي مرعي لأنه مصاب سرع مرعي أنا ما بنام علشان يعني حتي لما بنام بنام زي يعني نص نوم علشان أنه إذا إجته النوبة أكون أنا صاحية عليه أمسك راسه لأنه القطط لما بيصيبها صرع بتصير تلف حواللين راسها وبتدرب بالحيطان وبتدرب أي شئ فأنا لازم أكون موجودة عنده القطة اللي حزنت عليها كثر هما قطتين كان عندي قطة اسمها "فيكي "فيكي كانت يعني بحبها كثير كثير طلعت يعني طلعت بره ضلينا ندور عليها يمكن ليلة كامله للأسف وأنا عم بنادي عليها بتيجيني من بعيد تركض بدها يعني أنه خلاص يعني أنا لقيتها واجتني من بعيد تركض للكن للأسف اجت سيارة خبطتها هاي يمكن أكثر قطة بكيت عليها بحياتي القطة الثانية اللي أنا زعلت كتير عليها ويعني ما عاد قدرنا أنه ننقذها هاي قطة محروقة أنا أنقذتها من الشارع طبعا كانت بلغونا أنه في قطة محروقة فلما روحت عليها كان جلدها كله محروق وتعبانه ووضعها سئ زنقذتها وماشاء الله والحمدلله أول يوم تاني يوم لكن للأسف كان اصابتها كثير شديدة كان نفسي إنها تعيش ۔۔۔ بصوت " سوزان "

280 قطة هم عائلة سوزان بيتجمعوا حواليها ويسهروا سوا وبتشعر بالمسئولية والصبر والمحبة هاي المحبة المتبادلة خلت حلم سوزان أنه تعم الرحمه بين الناس ۔۔۔ بصوت " هبة جوهر "

علاقتي مع البسس علاقة كثير حانية علاقة كثير حلوة علاقة كلها رحمه الإخلاص يعني اتخيلي يعني أنا ما عندي أنا مش متزوجة وما عندي أطفال وهم أطفالي هم عيلتي وأنا بحبهم كثير إتخيلي أنه أنا الإخلاص كيف أنك انت بتعمل أي شئ علشانه بتعمل وبتظبط وبتنضف راحتهم أمورهم وهما بيحبوني يعني هذا متبادل يعني الحب متبادل مش أنه من طرف واحد أنه أنا بحبهم وهم ما بيحبوني لا كأنه هم بليل بيتجمعوا عندي بيناموا عندي يعني حتي لما بقعد بيقعدوا جنبي فهاي العلاقة كثير حلوه أحلامي أحلامي  كثير كبيرة وبسيطة بنفس الوقت يعني نفسي في بيت نفسي أنه أنا نفسي أنهم ما يمرضوا أو نفسي بالمساعدة أنه الناس تساعد هاي الحيوانات بتنتشر ثقافة الرفق بالحيوان عدم إيذاء الحيوان هاي مسؤؤلية مجتمع هاي الأحلام البسيطة يعني أنه يعم الأرض سلام بيعم الأرض الرحمه والتفاهم والصبر ونكون كليتنا يعني احنا كليتنا مخلوقين يعني علي الأرض كلنا علي كوكب الأرض مخلوقين علي الكوكب فبتمني أنه الرحمه تنتشر بين الناس ۔۔۔۔ بصوت " سوزان "