مصباح
ريف إدلب، سوريا، 21 مارس 2014، أخبار الآن –
أمهات سوريات، فقدن أبنائهن خلال الثورة، لم يثنيهن ذلك عن تقديم مزيد من فلذات أكبادهن في سبيل الوطن، منهن من فقدت إبناً أو إثنين،، أو ثلاثة أبناء. ليمر عيد الأم على الأم السورية من دون قبلة يد،،، أو كلمة يامو.
تقول أم معن ” ام لشهيدين معن وهاشم دهنين ” : بالنسبة لعيد الأم أنا بوجه تحية لأمهات الشهداء إن شاء الله بيكونوا من الصابرات , وان شاء الله الملتقى الجنة , وان شاء الله نحن عايشين لنرفع راية لا اله الا الله محمد رسول الله , وانا من وقت بلشت هالثورة , اتمنيت أمنية , وئلت يا ريت لو عندي (15) صبي لأوهبهم في سبيل الله ولإعلاء كلمة لا اله الا الله , وكلمة الحق ونحن طلعنا بكلمة حق ضد سلطان جائر , وولادي الله يتقبلهم وجميع الشهداء ويجعلهم من الشهداء ويجمعنا معاهم في جنات النعيم . وان شاء الله يا امهات الشهداء بصبركم وبصبر نفسي بنفس الوقت وان شاء الله الملتقى الجنة , هنن النا بالاخرة , واتوجه الى هالشباب انو ان شاء الله يتوجهوا بنفس الخطوة الي خطوها ولادي والشهداء كلهم , في سبيل نصر الاسلام وازالة الطاغية عننا و ازالة الهم .
وبتوجه بكلمة للعرب كلهم , انو يوقفوا وقفة حق مع هالشعب السوري الي انظلم , انظلم , انظلم , والله اكبر .
أم خيرو سرميني : ” انا ام شهداء اتنين والحمد لله رب العالمين انو صبرني عليهم , يعني لحد الان بنقهر عليهم وبعدين بقول الحمد لله انو اولادي استشهدوا شرفاء مو متل الشبيحة او متل رجال النظام , وانا الحمد لله رب العالمين الله مصبرني لهلأ ولبكرا وحتى اني مستعدة قدم اولادي الباقين شهداء واصبر حتى يسقط النظام , وبوجه رسالة لأمهات الشهداء جميعاً انو الله يصبرهم متل ما صبرني .
أم محمد : ” انا بقول لكل أم رحلها ولد تصبر , معلش شهيد واتنين وتلاتة المهم كلمة الحق توصل وانا مستعدة قدم ولادي كلهم للثورة لكلمة الحق , ووقت ما بيضل عنا رجال نحن رح نتصدى لهدا الشي , وبقول لكل ام رحلها شهيد بإذن الله تعالى ما رح تخسروا , فداء كلمة الحق فدا كلمة لا إله إلا الله , لأنه نحن ما عملنا شي غلط , شهدائنا ما راحت دمائهم هدر بإذن الله تعالى , وبدنا نقدم ولد ورا ولد واديه ما رح شهداء نحن فداها للثورة بإذن الله .
أم عبدو : ” انا ام الشهيد , بوصي امهات الشهداء انو ما تزعل ولا يندموا على الي قدموه في سبيل دين محمد عليه الصلاة والسلام , وانه اولادنا لازم يكونوا كلهم فداء للدين .
