برينجلز .. قصة الرقائق ضد الكسر

نص الحلقة :

انهاردة هنحكي عن قصة واحد من أكتر السناكس اللي محببه علي قلبي هي قصة برنجلز ومين الراجل اللي وراها وابتدأت ازاي وكل التفاصيل " فرح "

 

 

بيزنس ميد نايتس مع فرح أخبار الأن بودكاست

 

أهلا بيكم في 3 حلقة من بيزنس ميدنايتس معاكم فرح وإبراهيم

 

طيب إنتي يا فرح إيه أكتر برنجلز بتحبيه " إبراهيم "

 

أنا بالنسبالي الساور كريم أند اونين ده اكتر فليفر بحبه تحفة " فرح "

 

100 % عندك حق حتي أي برند لما بيعمل الفليفر ده مبحسش باردوا انه بيوصل نفس الطعم " إبراهيم "

 

أيوه دايما في حاجة ناقصة كدا متفهمش في ايه

ماشي يلا بينا نبتدي ۔۔ لو بصينا علي الماركت هنلاقي انه في شركات كتير شيبسي وأنواع كتير جدا متوفدة بس لما نيجي نبص علي برينجلز كدا معرفش بتحس الموضوع ده ولا لا بس بتحس انه في حته تانيه البوزيشن بتاعه مختلف وده بيرجع لكذا سبب أولهم مثلا الباكدجنج بتاعه يعني عمرنا ما شوفنا برنجلز في كيس دايما بنشوف انه هو في سلندر كدا معرفش بتاخد بالك ولالا نادرا اوي لما تلاقيه متكسر من جوا او لما تيجي تاكله تلاقيه مزيت  " فرح "

 

ايوه دايما في كوالتي كنترول عاليه اوي "إبراهيم "

 

صح عكس براندز كتير اوي الحته دي ناقصه عندهم  " إبراهيم "

 

والحاجات اللي قولتها دي كلها مجتش معاهم صدفه كدا يعني برينجلز الحظ ملعبش معاهم بالعكس كل ده كان متفكر فيه ومتتخططله من ناس كتير اوي وتيم الموضوع ابتدي من 1939 لما ناس كان بتشتكي انه اغلب الشيبسي اللي في السوق زي ما قولنا مزيت اوي وبيكون متكسر حتت صغيره كدا عارف لما تفتح الكيس وتلاقيه متكسر حتت صغيره ؟ " فرح "

 

أيوه نصه بيكون تحت  " إبراهيم "

 

بالظبط الناس في 1939 كانوا مضايقين اوي من الحوار ده ۔۔ لحد في 1956 شركة بروكترنج كامبنج قررت انها عايزه تحل أزمة الشيبس اللي في السوق وعايزين يعملوا بيرفكت شيبس " فرح"

 

ازاي بقي "إبراهيم "

 

حاجه كدا مفيهاش غلطة هوالموضوع بقي ابتدا معاهم من هنا وراحوا طلوبا المساعدة من كيميائي اسمه فادرك باور ۔۔ فادرك مكنش مجرد كيميائي لكنه كمان كان فني تخزين للمواد الغذائيه وكان شاطر أوي في الماث زيك ههههه

يا جماعه أنا لو حد يعرف عني حاجة أنا فاشلة في الارقام مبطيقهاش ههه

وساعتها بقي فادرك كان بيشتغل معاهم في الشركة في الكوالتي كنترول وبعد ما ادوله المهمة دي فادرك فضل يفكر ازاي يحل موضوع تكسير الشيبس  " فرح"

 

مشكله كبيرة ! "إبراهيم "

 

هو كان عاوز لما البرودكت يوصل للكاستومر ميبقاش متكسر وفادرك قعد شغال سنتين علي البروجت ده تخيل قعد سنتين لحد ما توصل لفورميلا وطورها وعمل بقي السليندر باكدجنج اللي احنا عارفينه ده غير انهم كمان استخدموا السوبر كمبيوتر علشان الرنجس بتاع البرينجلز تتحط كدا بطريقة معينه تحافظ عليها

" فرح"

 

هي ايدينتكل كلهم نفس الحاجة " إبراهيم "

 

بالظبط هي جينيس بجد فادرك ده عالمي شوف الطريقة انه فضل يشتغل سنتين ويطلع بالطريقة دي وعلي فكره احنا بنتكلم عن سنه 1950 يعني لو دلوقتي عادي

" فرح "

 

دلوقتي كل حاجه سهله ۔۔ " إبراهيم "

 

بالظبط زمان مكنش التكنولوجيا متطورة وفادرك بقي حل مشكلة الباكدجنج

بس فادرك بقي قابلة مشكله تانيه ان البرينجلز طعمه وحش أوي تخيل يعني دي حاجة تخيل ۔۔ " فرح "

 

لا بس دي حاجة استارت كل حاجه بتبتدي كدا وبعدين بتعدل " إبراهيم"

 

بالظبط ساعتها بقي المشكلة اللي قابلتهم أنه البرنجلز كان طعمه وحش مكنش زي دلوقتي خالص وبدل ما يشتغلوا علي ان طعم الشيبسي يبقي أحلي وبتاع قرروا انهم يركزوا علي بروجت تانية خالص ساعتها ويركنوا برينجلز علي جنب بس بعدها بكام سنه قرروا يدورا علي برودكت جديدة يشتغلوا عليها في السوق والحمدلله فتحوا ملف برينجلز وابتداو يشتغلوا عليه وعلي الاختراع اللي طلع بيه فادرك واللي عملوه انهم بدأو يحسنوا طعم الشيبس علشان البروجيكت يكتمل وفضلوا يحاولوا بالفعل لحد ما طلعوا بالريسيبي بتاعت برنجلز اللي العالم كله عارفها وبيحبها دلوقتي وفي كذا نظرية طلعت بس عايزة أقولك انه لحد دلوقتي محدش عارف ليه سموه برينجلز ؟ " فرح "

 

مش عارف ۔۔ بس هو اتشهر انه لدرجه انك تقول برينجلز بقت حاجه عاديه

" إبراهيم "

 

تحس انها ترند ۔۔ المهم تعالي نرجع تاني نزل برينجلز بقي السوق خلاص اللحظة اللي كل الناس منتظراها بس للاسف انه هو في الاول فشل ومكنش بيتباع ولا اصلا حد كان بيقربله وهو محطوط في السوبر ماركت والسبب ببساطة أنه التغير صعب الناس ساعتها كانت متعودة علي حاجة معينه وفجأة كدا نزلهم شيبس مختلف بشكل مختلف طبيعي انه يبقي في تحدي في الاول بس الفكره انه التحدي اللي واجه برنجلز مكنش من الناس بس ده كان من المستثمرين والمنافسين في السوق رخموا عليهم جامد جدا وفي سنه 1975 أول ما جربوا برينلجز رفعوا قضية !!!

تخيل ليه، دي تبقي البرودكت بتاعك أنه يترفع قضيه أترفع قضية أنه برينلجز يبطلوا يقولوا علي نفسهم شيبس أو بطاطس ! " فرح "

 

ليه ! " إبراهيم "

تكنكلي برينجلز مش مصنوع من البطاطس أصلا لكنه شبيه ليه " فرح "

 

بس أنا بتهيالي برينجلز فيها حوالي 40 % بطاطس " إبراهيم "

 

بص انا مش متأكدة من النسبة بالظبط بس هو حاجة شبيها بالبطاطس  " فرح "

 

يعني هو مش شيبس ؟ " إبراهيم "

 

لا مش شيبس فهما بقي استغلوا النقطة دي واللي حصل ان ادارة الغذاء والدوا اصدرت انه برينجلز فعلا مش شيبس ولازم يغروا اسمهم

فا برينجلز قالو خلاص احنا هنوصف نفسنا بكريسبس من بطاطس لكريسبس

المهم عدت السنين وبرينجلز اكتسب شهرة واحدة واحدة وابتدوا يدورا علي ماركت يفتحوا فيها وفي 1995 برينجلز بقي متاح في اروبا وأمريكا اللاتنيه وأسيا وده بقي خلاص فاهم اللي هما ابتدوا يتوسعوا وكانوا عاوزين باردوا يتوسعوا في البلاد دي فققروا بقي يعملوا حاجة ذكية جدا انهم ينزلوا فليفرز جديدة من برينجلز مناسبة للثقافات دي واللي الناس بتحبه عامة !! ودي من أكتر الحاجات اللي بتميز بجد برينلجز وهما ان عندهم فليفرز مجنونه " فرح "

 

انك حتي لما تسافري تقولي ايه ده عندهم برينجلز مش هنا فتجربيه " إبراهيم "

 

أيوه أنا بقول لصحابي ساعات لما يسافروا انه ممكن تجيبوا طيب فليفر كذا كذا بتبقي حاجات ليمتد اديشن بس للبلاد دي "فرح "

 

أيوه بتبقي حاجات حلوة أوي  " إبراهيم "

 

عاوزة أقولك مثلا في أسيا هتلاقي مثلا برينجلز بالسويد وفليفر تاني كدا سمعت عنه جابان بلاك ترافل دي حاجات في مصر عمرنا ما سمعنا عنها ! " فرح "

 

حاجات مقدرش اكلها " إبراهيم "

 

أنا مش متخيله طعمها يعني بتاع السويد دي طعمها ازاي وباردوا مش عارفة هتلاقي في كذا بلد تانية فليفرز مجنونه يعني في بالتشيز برجر والبلو بري والخيار المخلل اللي هو ايه الكلام ده وطبعا كل المجهودات والفليفرز الجديدة دي خلت بقي برنجلز اللي هو في السوق ويكتسب شعبية كبيرة وعامة ده مش في بلد معينه حوالين العالم عمله اكسبوجر غريب والناس بقي بقت بتحب برنجلز يجو فايرنج اونلاين ان بقي في طلع كدا طريقة مختلفه وكريتف تاكل بيها برينجلز وكل واحد بيعملها بمزاجه ويطلع فيديوا اونلاين " فرح "

 

دي هما عامله لنفسهم متاركتنج من غير ما يعملوا كامبين " إبراهيم "

 

بالظبط معرفش انت شوفتها ولا لا انه في برينلجز هاكس أنك لو جبت ورقة وفتحت البرنجلس واسليبتد كدا وزحلقتها جوا تقدر تطلع كل الشيبس او الكريسبس بقي علشان ميزعلوش كلها جوا طالعين كدا لازقين في بعض حته واحدة اتس جينيس وطبعا كل ده يرجع للديزاين العبقري بتاع فادرك يعني شوف حاجة كريتف واحدة قدر انه يبوزيشن ذيم سيلفس " فرح "

 

بنوا عليها " إبراهيم "

 

بالظبط لحد بقي ايه في 2008 فادرك باور مات وهحكيلك حاجة غريبة جدا فادرك مات وهو عنده 89 سنه وهو زي ما انت شايف كان فخور اوي بالاختلاع بتاعة وكان بيعتز جدا ببرينجلز طول سنين حياته لحد ما مات " فرح "

 

طيب انتي شايفه لو حد جاي الاختراع ده دولقتي هتجيب نفس الاتركشن بتاع زمان ؟ " إبراهيم "

 

يعني أه طبعا ليه لا وبوجود السوشيال ميديا هيبقي سهل لو عملت حاجة كريتف ومختلفة فعلا في اتشانس كبيرة أوي  " فرح "

 

صح " إبراهيم "

 

والغريب بقي انه قبل ما فادرك يموت طلب من ولادة حاجه غريبه جدا طلب انه لما يموت يحطوا شوية من الرماد بتاعة في علبة برنجلز ويدفنوها جنبه " فرح"

 

يا الله دي حاجة صعبه اوي " إبراهيم "

 

وعايزة اقولك انه لما قال لولادة كلهم قعدوا يضحكوا ومخدوهاش بضريقة جد لحد ما قالهم انه بيتكلم بجد وأول ما مات هما سمعوا الكلام وهما فالطريق علشان يدفنوه وقفوا عند واحد من السوبر ماركت في امريكا وبالفعل اشتروا علبة برينجلز وحطوا فيها شويه من الرماد بتاعة ودفنوه معاه " فرح "

 

طيب وايه الفليفر اللي هما حطوه فيه " إبراهيم "

 

علي فكرة ده سؤال حلو اوي لاني كنت قريت في انترفيو انهم قعدوا شويه كدا علي مقرروا يشتروا اي فليفر تخيل دول ولاد ابوهم ميت فداخلين يشوفوا اي فليفر

" فرح "

 

انتي بعد الشر تتحطي في اي فليفر " إبراهيم

 

شاور كريم اند اونيون طبعا ماي فيفورت هههه بس هما قعدوا يشوفوا انت هتجيبوا اي فليفر فا يعني حاجه انا مش مصدقة وفعلا جابوا الاوريجنال فليفر والراجل ده مدفون ومعاه الرماد بتاعة في برينجلز فا قصه انا مصدقتش نفسي بصراحة لما عرفت ۔۔ طيب وانت شايف ايه يور فيد باك عليه  " فرح "

 

أنا شايف انه هو قدر يعمل حاجة علي بيها البراند كله علي بيها من الباكدج حتي لو انه البرودكت نفسه كان في الاول وحش بس هو عمل الباكدج الناس كلها اتشدت وهما ابتدوا طبعا وانها مكنتش حاجة حلوه انهم يشوفوا برودكتس تانيه وبعدين يرجعوا لبرينجلز " إبراهيم "

 

لا هما مش شافوا برودكت تانيه لا هما انشغلوا اهلموا قالوا خلاص هنركنه علي جنب علي ما نشوف حاجات تانيه ننزل بيها السوق بس بصراحة انا كفرح شايفه انه جينيس وانه كمان ساب حاجه لأولادة يعني هما لحد دلوقتي لما بيطلعوا في انترفيوا دايما بيذكروا ابوهم وانه له اختراع وانهم سوبر برود وبغض النظر انه ابوهم مات بس الاختراع بتاعه لسه مكمل والناس بتحبه حوالين العالم " فرح "

 

حتي برنجلز مكمله وبتنزل فليفر جديدة دايما بيعلملوا حاجات جديدة يعني

" إبراهيم "

 

فنصحية لاي حد عنده فكره لبرودكت متعملش حاجة عادية يعني لا اعمل حاجة مختلفه فادي لنفسك الوقت تشتغل عليها وتطورها تبقي مختلف عن الناس اللي في السوق " فرح "

 

100 % " إبراهيم "

 

بيزنس ميد نايتس مع فرح أخبار الآن بودكاست ۔