كاولين عزمي تتعرض للتحرش داخل سيارتها
تعرضت الفنانة كارولين عزمي للتحرش صباح اليوم في سيارتها، وشاركت متابعينها بمقطع فيديو على وسائل التواصل الإجتماعي إنستجرام ،وعلقت عليه قائلة “مساء الخير، أنا اللي يعرفني أو متابعنى عارف أني شخص مالوش فى المشاكل، ولا عمري شاركت مشكله تخصني سوشيال ميديا”
وكشفت الممثلة عن تفاصيل تعرضها للتحرش، قائلة “كنت في عربيتي وجنبي عربية فيها واحد كسر عليا كل اللي عملته إني بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقني، اتفاجآت وهو بيقول لى بتصوريني يا بنت لفظ خادش”.
وأضافت كارولين عزمي قائلة “ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا”.
وأنهت الممثلة حديثها قائلة “أنا أتشمت واتهنت وأتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريباً متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي”.
