أخبار الآن | القاهرة – مصر- (خاص) 

تأثير داعش الأخطر هو في تغلغله في أفكار الجيل الناشئ  فقد وصل الأمر في بعضِهم بمحاولة تقليد أفعاله الإجرامية ولو ببراءة. هذا ما استفزنا لنستطلع آراء عدد من الأطفال ونسألهم عن داعش واللافت أنهم أجمعوا ، رغم صغر سنهم ، أن ما يقوم به التنظيم مخالف للإسلام , مراسلتنا في مصر ندى عبد السلام جالت بين الأطفال  وعادت لنا بالتقرير التالي.

– اﻻسم محمد احمد حسني محمد السن 15 سنة حضرتك اللي اعرفه عن داعش ده يعني مجموعة ظالمة اوي مفنرية يعني الفيديو اللي احنا بنشوفه ده قطع قلوبنا كلنا ازاي يعني يدبحوا ازاي يجيلهم الجرأه انهم يدبحوا ناس زي كده هما ليه هما مين عشان يدبحوا ده افترى
– انا اسمي البير هاني عندي 13 سنة اعرف ان هما جماعة ارهابية ومابيرحموش وشفت ليهم كذا فيديو وهما بيدبحوا الناس
– انا اسمي مصطفى عيد سني 12 سنة داعش بتاثر بيها شفت ناس اللي ادبحوا اخوانا ادبحوا واتاثرت بيهم اوي ودمعتي نزلت وقلبب اتقبض يعني زعلت عليهم
– اسمي اشرف عمرو السيد احمد سني 10 سنين داعش بيموتوا في الناس ودبحوا الناس على النت وموتوهم ورموهم في المياه والمياه بقت دم خالص وقعدوا يعملوا حاجات وحشة خالص . بتتكلم مع مامتك وباباك عن الموضوع ده ؟ اه بشوفه على النت وماما بتقولي ان ده حرام وربنا هيعذبهم يوم القيامة وبابا بيقولي كده
– انا اسمي مهند احمد وعندي 13 سنة واكيد داعش دي مجموعه ارهابية انا دخلت على اليوتيوب وشفتلهم فيديوهات وكده وطبعا انا لما اكبر عمري ما هنضم ليهم ﻻنهم مجموعة ارهابية بيقتلوا في الناس
– انا اسمي عبد الرحمن احمد رمضان والفيديوهات اللي شفناها من داعش قتلوا ناس كتير 21 واحد ودبحوهم وطبعا لما اهلى بيتكلموا مع بعض بيقولوا ده ظلم وافترى 
– انا اسمي عمر وعندي 10 سنين كنت بشوف فيديوهات عن داعش بس انا معرفش ايه هي داعش بس انا كنت بشوف عندهم فيديوهات وانا مش عايز ابفى زيهم عشان ممكن اخش النار وممكن اخش الجنة وانا عايز اخش الجنة عند ربنا ولو دخلت النار هتعافب من ربنا 
– اسمي ملك عمرو السيد احمد محمد عندي 10 سنين مبحبش داعش عشان هما بيقتلوا في الناس والناس حرام عليهم ان هما بيقتلوهم عشان اهلهم ببزعلوا عليهم واللي هما بيقتلوهم ربنا هياخدهم يوم القيامة عشان حرام عليهم انهم يقتلوهم 
– اسمي تقى سعيد وعندي 11 سنة انا عايزة اتكلم عن داعش ليه داعش بيموتوا الناس مش هما ناس زي ماحنا ناس مش هما بني ادمين زي ماحنا بني ادمين وانا لما شفتهم انا خفت ولما قلت لماما وبابا شفتهم على اليوتيوب قلتلهم انا خايفة قالولي ليه قلتلها ياماما ﻻن انا بخاف من داعش ليموتونا زي الناس اللي موتوهم اللي ملهاش ذنب في اي حاجة 
– انا اسمي مينا سمير فؤاد وسني 15 سنة اللي انا بعرفه عن داعش هما ناس كفره الصراحة ولما حرقوا الطيار ودبحوا الصحفي اﻻمريكي ودبحوا الناس في البحر ده حرام عليهم كمان عندهم ستات بتدبح
– اسمي محمد اشرف سيد سني 12 سنة انا اعرف عن داعش ان هما دبحوا 21 واحد وحطوا راسهم على جسمهم من ورا عشان خاطر هما من الجماعة المسيحية لكن هو ظلم فعﻻ وافترى هو الدين مخلي حرية العبادة ماينفعش ندبح ناس مسيحية عشان مش راضية تخش في ديننا يعني ﻻزم نديهم حرية العبادة