أخبار الآن | القاهرة – مصر – (ندى عبد السلام)

افتتحت فعاليات مهرجان القاهرة السينمائي مساء أمس بالعاصمة المصرية؛ وﻻول مرة خرج اﻻفتتاح من عباءة دار اﻻوبرا المصرية لتحتضنه احد المعالم اﻻثرية الهامة وهي قلعة محمد علي؛ رسائل المهرجان ولقاءات نجومه في تقرير الزميلة ندى عبد السلام..

بعد غياب عامين يعود مهرجان القاهرة السينمائي في دورته السادسة والثلاثين اكنه على عكس المتوقع جاء فاترا وغاب عنه كثير من ممثلي الدول اﻻجنبية والفنانبن العالميين وطفا على السطح نجوم السينما المصرية اللذين اعتبروه خطوة ﻻعادة الريادة لمصر في هذا المجال.

هاني رمزي  " المهرجان ده هيرد على كل الناس وهنقول للناس كلها ان مصر آمنة ومصر بخير ودائما في الريادة الفنية وعودة المهرجان بعد غياب سنتين ده غصب عنا ﻻن كانت ايام صعبة وكانت سنين صعبة لكن النهاردة ده تحدي لكل الظروف اللي احنا بنمر بيها واعتقد ان شاء الله ان هتبقى دورة عظيمة"..

نرمين الفقي  " welcome back للمهرجان وانا بقول وجودنا النهاردة هو تحدي لكل اللي بيحصل والوقفة السابقة ده كان شئ طبيعي جدا ان احنا نقف في ظل اﻻحداث اللي احنا كنا بنمر بيها ومازلنا بنمر بيها .. لكن احنا شعب قوي "..

ليلي علوي  " بحيي الدولة جدا طبعا ﻻنها مساندة للمهرجان بشكل قوي جدا وكان عندها اصرار قوي معانا ان احنا نطلع المهرجان السنة دي في احسن صورة ونقول ان احنا موجودين "..

سلوى خطاب  " أساساً رجوع المهرجان دي حاجة تبسطنا جدا واني اشارك دي حاجة تبسطنا يعني "..

بشرى  " بندي رسالة للعالم بنقول فيها مصر بخير السياحة بخير اﻻستثمار بخير احنا نازلين مبتهجين بنعما اللي علينا بنحضر مهرجاناتنا فالحياة ماشية بشكل طبيعي جدا عشان المغرضين وعشان الناس اللي عايزة تقول غير كده "..

رئيسة لجنة التحكيم هي فنانة مصرية وامراة ﻻوا مرة وضعت معايير خاصة لضمان نزاهة عملية المنافسة بين اﻻفلا م المشاركة .

يسرا  " ﻻء عندنا افﻻم كتيرة أوي مقدرش اعدهالك دلوقتي لكن عندنا مش أقل من 14 او 18 فيلم"..

مادلين طبر  " العدد قليل لكن مثل ما قلتلك السنة استثناء يكفينا ان قدرنا نعمل مهرجان وطلعنا من ثورات ليس ثورة واحدة في مصر "..

" مهرجان القاهرة له لجنة كبيرة جدا في اختيارات اﻻفﻻم فاكيد بيكون لهم فكر وتوجه معين كل سنة بيختلف من سنة لسنة "..

انتصار  " نوعية اﻻفﻻم بقى هتختلف ﻻن مدير المهرجان اساسا ناقد فني سينمائي بيحضر مهرجانات دولية كتير وقديم وليه خبرة فمؤكد نوعية اﻻفﻻم سواء هو او اللجنة اللي معاه انا متهيالي يعني انا لسه ماشوفتش ان هي هتبقى مختلفة "..

سحر رامي  " من اﻻفلام بتاعت حسن اﻻمام مزج بحدوتة جديدة دخلنا فيها انا وهو معاهم بحدوتة مختلفة وطلع فيلم زي عود الكبريت وملحقش كان عمل الفيلم كله مزيكا وتتر وكل حاجة وملحقناش نديه لحد عشان يوزعه ففكرت ان الحاجة الوحيدة اللي في ايدي ان المهرجان قدمته ﻻستاذ سمير ورحب جدا ودخله المهرجان "..

عيون الفنانة المصرية نادية لطفي كانت أبرز طلة لشعار المهرجان هذا العام في اشارة واضحة على ان المهرجان يكرم من افنوا حياتهم من أجل الفن
داليا البحيري  " الفنانة نادية لطفي الجميلة هي رمز المهرجان مدام مريم فخر الدين الراحلة الله يرحمها طبعا انها تبقى تتكرم مع اننا نحب انها كانت تتكرم في حياتها لكن اكيد كل ده انا شايفة ان دي حاجة مشرفة ان احنا بنكرم المرأة المصرية بطرق مختلفة في المهرجان السنة دي ".

درة  " تكريم نجمة جميلة جدا زي نادية لطفي ووجود ليلي علوي ده شئ جميل ".

دينا  " فننا ﻻزم يوصل لكل الناس ﻻن بالفن والثقافة الشعوب بتقوى وبتتطور وبيبقى الناس باصين لها على انها في stage كويس "
" wish you all the luck في المهرجان الجميل ده" .

عشرة أيام كاملة بزيادة يومين عن دورات المهرجان السابقة هي مدة المنافسة .. لعل أبرز الفائزين فيها هو المشاهد الذي سيستمتع بفنون سينمائية من دول مختلفة.