دينا: لم أكن أعرف أن "هوس نتف الشعر" هو اضطراب نفسي

نص الحلقة :

صارت معي مع مها فطوم بودكاست راديوا الأن
كنت صافنة بالسجادة اللي بالصالون وهيك اجتني هالرغبه وكان في شوية وبر طالع منها بدي أشيله من محله يعني مش متحمله ، بكون راجعة زي الجوعانه يعني بنتف بنهم وبشغف !
ولما دخلت علي جوجل امج وشوفت الصور ذادت صدمتني انه لهالدرجة طيب ليه ما حدا بيحكي عنه ليه مش معروف هالقد ! بتذكر وقتها قعدت اعيط لأنه صدمتني من الشئ اللي شوفته مكنتش متوقعتها ۔۔
للأسف في كتير بنات لبسوا الحجاب علشان يغطوا هاي المشكله !
يعني أنا شوفت هديك المره قاعدين بيستأصلوا كتله شعر هالقد من أمعاء واحدة عاملين لها اسنداد معوي ومنيح ما ماتت من هذا الموضوع كل هاذا من ورا اضطراب ريكودرمنيا ۔۔۔ " دينا "

سمعتوا صوت " دينا عماد " صبية فلسطنية مقيمه في الامارات مدرسة لغة فرنسية وكاتبه اسكربت بهاي الحلقة ببودكاست صارت معي رح نبدأ مع دينا سلسلة سمينها نفسيتي أولا بهاي السلسلة رح نقدم تجارب أشخاص بيعانوا من اضطرابات وامراض نفسيه مع أراء مختصين وأطباء في هذا المجال دينا تعاني من اضطراب اسمه تريكوتيلومنيا بالعربي هوس نتف الشعر رح تخبرنا كيف بدأ عندها هذا الهوس ومتي عرفت أنه مشخص كإضطراب نفسي وكيف تعاملت معه ۔۔ رح تسمعوني بشاركها ببعض من أجزاء الحلقه كوني بعاني من نفس الاضطراب وهيرافقنا خلال الحلقه ايضا الاخصاء النفسي دكتور محمود بشير اغلوا لنستفيد من خبرته ومعلوماته هو هذا الاضطراب " مها"

اليوم بدنا نحكي عن هوس نتف الشعررتي تي ام يلي يعرف علي انه هو اضطراب عقلي واضطراب نفسي أيضا يصيب الأشخاص نتيجة التعرض لحالات من التوتر والقلق المتكر يشعر المصاب بارتياح عندما يبدأ تنفيذ هذا السلوك من نتف شعر الرأس أو شعر الجسم شعر الحاجبين رموش العين من الممكن شعر العانه وشعر تحت الابط ومن الممكن شعر الشارب واللحية نسبه عاليه من هادول الناس اللي بيعانوا من هذا الاضطراب بيعتبروه سلوك عابر عادي ما بيعتبره مشكله ما في فرق بين نسبه الاصابه بين الذكور والاناث بمرحله الطفوله لكن بمرحله البلوغ منتشر أكثر عند الانثي وممكن بسبب هرمونات الانوثه من المككن الاضطربات التي تحدث عند المراه بسبب الدوره الشهريه ومن بعد ذلك الحمل والانجاب والرضاعه " د/ محمود "

أنا تقريبا صارلي 16 سنه بعاني من الاضطراب بصمت والسبب اللي خلاني اتشجع اطلع احكي فيه علن اني اخرج من هذا الصمت اللي دايما محسسني بخجل يعني هيك الواحد يعني مش كتير قابل يتقبل انه بيعاني من هالاضطراب وانا بعرف انه في كتير صبايا بيعانه منه واذا بدهم يكونوا صارحين انه هما بيعانوا من هذا الاضطراب مش بسهوله يراحوا لاي حدا يحكوله انه بعاني من هذا الاضطراب لانه اضطراب مقترن بالشكل وللأسف نحن في عالم بيحب يحكم علي الاشكال علي كل صغيره وكبيره فمش بسهوله الناس بتفكرها انه الواحد اذا بيعاني من هذا الاضطراب يحكي ويعبر انه يا عالم انا بعاني من اضطراب هوس نتف الشعر فهذا هو سبب مشاركتي انه بشجع اي حدا انه بيعاني من هذا الاضطراب انه مش لحاله في كتير عالم بتعاني وانه احنا حاسيين بالالم وانه مش اشي سهل وقليل جدا نسبة الناس اللي قدرت تتعافي منه بس مع هيك نحن بامكانا ندعم بعض معنويا مجرد انه الواحد يسمع انه في غيره بيعاني من هذا الاضطراب يعني تلقائيا بيرتاح نفسيا انه ممكن يفتح معاه الموضوع يصارحه يحس انه في حدا تاني بيعاني من هذا الاشي مش لحاله يعني ۔۔ " دينا "

أنا بضم صوتي لصوتك لأنه أنا كمان بعاني من نفس الاضطراب والهوس كمان كنت لفترة طويله يعني بعاني منه بصمت الدائرة القريبه مني بيعرفوا بس هن مانن مدركين لأبعاده كانوا مفكرين انه عادة وكان مرتبط بفترة المراهقة وهيك قصص فأنا لليوم بعاني منه لكن خف خف مع السنوات ولما قرأت مره انتي كاتتبه علي الفيسبوك انك عندك هالمشكله وبحكم الصداقة اللي بتجمعنا يعني ما بعرف حسيت شعور اني بدي قلك يعني وانا كمان متلك هههه ۔
مش سهل مش سهل يعني انا هلا متحمسه لسجل هالحلقه لانه انا رح حسبكل كلمه رح تحكيها " مها"

إذا بدنا نحكي عن الاسباب فهي اسباب كثيره انا ما فيني اربطه كإضطراب نفسي او عقلي لحاله انا بعتبره هو عارض مرافق لكثير من الامراض النفسية فهو اله علاقه باضطراب الوسواس القهري واله علاقه باضطراب القلق وله علاقه بالاكتئبا وله علاقه باضطراب فرط الحركة ونقص الانتباه اللي بيصيب ضمن الاحصائيات انه هذا الاضطراب بيصير ما بين ال 10 ل 15 سنه الوراثة عامل جدا اساسي من ممكن الجينات الوراثية تسبب في انتشار المرض والاضطراب بشكل اكبر اللي عنده حدا باسرته امه او ابوه او اخوه فهو اكتر اصابه الموضوع الاخر هو موضوع التكرار مشاهدة أحد الاشخاص في التليفزيون او البيت او المدرسة يساعد في تكرار هذه الحاله " د/ محمود "

ولما العين تألف تصرف معين بشكل يومي المخ بتبرمج انه شو المشكله عادي انا جربت اعمله صراحه هذا اللي صار معي انا في حدا في عائلتي عنده هذا الاضطراب وانا كنت بشكل يومي بشوف هذا التصرف فانا بلشت بصراحه موضوع تنتيف الشعر وانا 14 سنه كانت تجيني هاي الرغبه الملحه اني انتف شئ من مكانه بس مش شعري كان السجاد يعني الواحد لما يبحث بيشوف انه اللي عندهم ما عندهم مشكله ينتفوا شعر البسه واي شئ في فرو يعني الحيوانات الأليفه عندهم الرغبه الملحه باردوا انهم ينتفوه يعني الرضا من انه انا اشيل شغله من محله هاي هي الرغبه الملحه اللي ممكن تصيب الواحد ممكن حتي الالعاب البنات الصغار اللي الهم شعر يعني اي ام تنتبه علي بنتها اذا بتتصرف هذا التصرف ممكن يكون بدايه اعراض انه تنصاب بيها علي كبر شوي فأنا بتذكر اول مره ما بعرف كنت صافنه بالسجادة اللي بالصالون وهيك جاتني هاي الرغبه كان في شويه وبر طالع منها كنت بدي اشيله من مكانه يعني مش متحمله ومجرد ما بلشت اعمل هادا التصرف خلاص جاني شعور بالراحة وعجبني وجه علي بالي اكرره لحد ما امي انتبهت علي اني قاعده بخرب بالسجاده وقتها وقفت لاني عم بخرب شي بس ضلت عندي الرغبه الملحه وبعدها بشي كام سنه بلشت امارس هاي العاده بس علي فروه شعري انتف شعري واحس بشعور رليف ما بعرف ليش بحسه وضليتني اكررفيه وللاسف الادمان بلش من وقتها لحد اليوم "دينا "

طيب لما بلش مظهر شعرك يتغير ويتاثر بهاي العاده كيف بلش تفكيرك تجاه هالموضوع " مها "

كان كتير صعب لانه بالذات نحن البنات لما يصير في فراغ بشعرك مش بالساهل تستني انه في شعره تطلع وتطول وتصير مع باقي شعرك فرح تضلك صافنه انه شو عملتي في حالك بيصير بعدين يجيكي شعور بالندم يصير شعرك يفضي من محلاته تحاولي مرات بشعرك تغطيه تعملي طريقه معنيه انك تغطيه مشان متحسسي اللي حواليكي انه تعملي شئ غلط وهادا اللي كنت اعملها انا وين ما كانت البقع اللي تفضي احاول اني اضبضبها بشعري وما اخليها انها تبين وبهديك الفتره ما كان حدا بيعرف انه بنتف غير امي لانه كانت تسشورلي شعري وكانت تنتبه الفراغ عمال يكبر ، غير هيك مثلا الشباب تعاملهم مع الموضوع اسهل لانه شعرهم اقصر سهل جدا انه ينتف كل شعره ويحلقه كله وممكن يبرر انه بلش يصلع مثلا بس البنات صعب وللاسف في كتير بنات لبسوا الحجاب علشان يغطوا هاي المشكله ۔۔ " دينا "

طيب والدتك لما كانت تشوف هاي الفراغات اثناء السشوار شو كانت تقللك ؟
" مها "

كانت تعصب ما كان يعجبها الموضوع نهائي وكان ردة فعلها انه اتبهدل شو بتعمل ليش هيك بتعملي يعني ما جاها الفضول انه شو السبب للي خلاني اعمل الحركه بس كانت تبهدليني علشان ما يزيد وما يبين يعني هو كان مزج للنظر صراحه فكان ردة فعلها بس العصبيه والبهدلة " دينا "

ومن باقي افراد الاسرة الوالد اخواتك كذا الاصدقاء المقربين ؟ " مها "

ا حدا بيعرف ما حدا انتبه لانه انا كنت ادبر الموضوع انه انا اغطي وما احكي في الموضوع يعني انا لو صادفت واحدة حكت انه هي بتعاني كان احب علي قلبي انه اروح احكيلها اه انا عندي هادا الاضطراب ما بعرف كيف اوقفه ما بعرف كيف بسوي هيك لو مفش حلول مجرد الفضفضه مع شخص فاهم عليكي بيعطيكي شعور بالارتياح " دينا "

بس بدي نوه لما ذكرتي انه السجاد وشعر الالعاب انا بحالتي ما كان عندي هاي الرغبه يعني ما كنت اتلذذ ابدا انه انتف اي شئ قدامي سواء سجاد او شعر لعبه او شي أنا كانت المتعه الحقيقية تكمن عندي انا يعني اذا ما حسيت بالألم بتاع ازاله الشعره او تقطيعها او تنتيفها ما كان شئ يريحني يعني حاولت حاولت ابطرق كتيره انه احصل علي هاي اللذه بطرق تانيه لا ! ما كنت احصل عليها الا بهاي الطريقه فهاي الموضوع شكله بيختلف بيختلف من شخص لشخص كمان " مها "

بدنا نحكي عن علاقته بالصدمه يعني ممكن نحن نتعرضلها في سن مبكر اله علاقه جدا في الوسواس القهري وسواس النضافه بالاضافه الي الصدمه اللي اجتني في الطفوله خلتني بصريقة اللا وعي اني اوصل لشعري واقوم بنتفه هو جدا يعتبر عارض اساسي من اضطربات ثنائي القطب عند النوم بتلاقي المريض بلس ينتف الشعر كمان فرط النشاط اللي ممكن يكون موجود عند الاطفال والحركة الزائدة والطاقه اللي موجودةه عند الطفل بتخليه ينتف اشعره بطريقه اللا وعي
" د/ محمود "

واذا اتطور الموضوع لمرحلة اعلي ممكن توصل الواحد انه يمسك الشعره وياكلها يعني يمسكها وياكلها " دينا "

صح ۔۔ ببعض الحالات ممكن توصل مع بعض الاشخاص اللي مصابين بهذا الاضطراب انه ياكلوا هذا الشعر انا بحالتي ما كان في حدا من حولي ابدا عنده هاي العاده او هادا الاضطراب واجتني بسبب يمكن اذا بدي افسر الموضوع بسبب ظروف نفسيه مرتبطة بعمر المراهقة اجتمعت مع ظروف عائلية خلاني الجأ لهاي الطريقة لأرتاح بأفراد اسرتي كمان بعدين كان عنده هذا الاضطراب لكن بالرموش يعني انا بالشعر هو بالرموش انا هون بدي نوه هو بيبدا باضطراب بيتحول لعادة يعني مو كل نتفنا شعرنا معنتها نحن بنمر بظروف صعبه لانه هو خلاص اسبابه اوك اضطرابات نفسيه معينه او اضطربات بنمر فيها زعجتنا لكن مع الوقت بيتحول لعادة " مها "

حتي مش يسمي انه بيتحول لعادة لإدمان " دينا "

لإدمان لإدمان تماما ،لأنه مرات كنت اسال حالي مها انتي مرتاحه ما في شئ زاعجك امورك تمام ما في شي زاعجك ليش عم تنتفي شعرك طبعا مستقره نسبيا شو بكي ليش عم تنتفي شعرك دائما كان يتوارد هالسؤال لإلي طبعا اخر سنه خفت كتير أول شئ كانت يوميه وأخر 5 او 6 سنوات صارت تجيلي زي هجمات يعني بتلاقيني تركت تركت شعري طبيعي وف ايام زاد توتري يها وهجمت هيك كذا يوم " مها
إذا بدنا نحكي عن اعراضه حسب الاعراض اللي ذكرت فيها منظمه الصحة العالميه ومنظمه البحوث بيكون بشكل متكرر من الممكن يكون بتقطيع الشعر ما بيكون نتف بيقطعها شئفه شئفه من الممكن يكون انزعاج من الشعر بسبب تلف الشعر او تقشف الشعر يوجد كثير من المرضي الذين يقومون بابتلاع الشعر والذي تسبب مشاكل في الجهاز الهضمي بنحس بارتياح بعد نتف الشعر لانه ممكن يعطيني شعور قليل في الالم وهذا يعطيني شعور بالنشوه بننكر هذا التصرف ونعتبره شئ طبيعي ممكن نخبيه بالحجاب المبكر نرتدي قباعات نحط شالات من الممكن اذا كانت رموش نركب رموش صناعيه من الممكن ممكن نعمل حواجب بالتقنيات التجميل التاتو والوشم او رسم بالاقلام لتغطيه هاي الاشياء " د/ محمود"

انا حابه تخبريني كيف بلش اداركك ووعيك انه هذا اللي بيصير معك مش شئ طبيعي وشو اول معلومات عرفتيها عنه وشو اتصرفتي " مها"

يومها انا كنت بالجامعه يعني كان عمري 22 سنه باخر سنه يعني صارلي علي موضوع التنتيف 8 سنين وانا ما جاني فضول احاول اسال عن معلومه فبالجامعه انا كنت كل ما يكون علي امتحان انتف شعري وصيرت انتبه انه لما اووتر توتر ما قبل الامتحانات علي السريع لازم افش بشعري فا بيوم جاني فضول وكتبت بالانجليزي بدي شوف ايش بيطلعلي انصدمت من كميه نفس الجمله اللي مكرره من ناس عم تكتبها بتويتر وفيس بوك ومحلات تانيه وانا بطلع انه الشئ اللي بعمله هو شئ حاله ! حاله يعني دخلت وقعدت اقرأ قعدت اقرا تقارير عربي وانجليزي اغلبهم طبعا انجليزي وبعدين عرفت انه هذا مصطلح علمي يصنف كحاله اضطراب وسواس قهري كمان من وقتها عرفت انه انا اعاني من شئ ما مش عماله اتوهم او ابالغ ومش لحالي في الدنيا وطلع في ناس بالهبل عندهم الاضطراب ولما دخلت علي جوجل امج وشوفت الصور زادت صدمتني انه هل لهالدرجه هادا الموضوع طيب ليه ما حدا بيحكيعنه ليه مش معروف هالقد زي اضطراب القلق او مرض الاكتئاب مثلا لانه الموضوع مقترن في الشكل وتكرار هذا التصرف بيعمل قله احترام للذات وبيصير الواحد مضايق من المنظر العام وبيصير يضايق ويخبي فمستحيل يوصل لمرحلة يحكي عنه علشان هيك الموضوع مخبي ومبينجابش سيرته للعلن للاسف " دينا "

تمام وشو اتصرفتي بعدين شو عملتي مع مين حكيتي كيف بدا تعاطيكي مع الموضوع " مها "

بتذكر انه وقتها قعدت اعيط لانه صدمتي من الشئ اللي شوفته ما اتحملته وما اتحملت المعلومات فبتذكر قضيت اسبوع زمان وانا بس هيك صافنه وشارده وسرحانه طيب ليش طيب كيف ؟ حاولت انه اناقش الموضوع مع اهلي بس مش كتير اتواجبوا معاي حسيت انه انا لحالي في هالموضوع وبالذات انه انا ما لقيت حدا بيعاني من هالاضطراب ممكن انا صادفت اصحاب بالجامعه معارف بس ما بيحكوا وممكن من هالوقت لحد وقت طويل وشعور الوحدة بالمعناه اسوأ من العناه نفسها " دينا "

في كتير مضاعفات لهذا الموضوع في كتير مشاكل ممكن يسبب ايها في الجلد والبشره والجهاز الهضمي وبيسببلي صلع مبكر وبيسببلي تهيج في الجلد بيسببلي احمرار بقع داكنه بيسببلي تقصف في الشعر ومن الممكن في بعض الحالات واللي هو بيكون حلق الشعر فبيبطل الشعر ينموا مره اخري " د/ محمود "

أنا مثلا بحالتي الكل كان حاسس انه في شئ غلط حواليا انه هذا الشئ مش طبيعي بس ما حدا عنده هذا الوعي انه هذا اضطراب ومرض معين او شئ بتذكر اول مره قررنا نحل الموضوع بطريقه حقيقيه بعد ما فشلت كل المحاولات البيتيه روحت علي طبيب نفسي بعد 5 سنوات من بدايه هذا الاضطراب عندي طبعا الطبيب النفسي ولا جاب سيره هذا الشئ ولا انه اضطراب ولا عند نسبه من النساء ولا جابلي هيك سيره كانت الحلول التقلديه تبع الاطباء النفسين انه اطلعي امشي العبي رياضه حتي دوا ما كتبلي فقط لا غير فأنا حسيت بالاجدوي يعني ما طلعت من عنده وانا مرتاحه يعني وخلاص صار تعايش مع الموضوع فهل انتي بخلال رحلتك كلها لجأتي لطبيب نفسي او مختص ؟ "مها "

لحد الان لا بس اود يعني في القريب العاجل " دينا "

اذا بدنا نحكي عن العلاج فهو المفروض يكون في علاج نفسي وعلاج سلوكي واقناع المريض باساليب اخري والبحث عن السبب والمتسبب الاساسي للقيام بهذا التصرف احاديث طويله ونقاشات طويله مع المعالج النفسي واستبدال هذا السلوك بأشياء اخري تتعلق بحركه اليديدن والأصابع العلاج الدوائي يعني فرض في حاله عرفنا المتسبب اذا كان ثنائي القطب واذا كان الوسواس القهري او فرط الحركه
" د/محمود "

لاحقا انا لما انتقلت علي دبي روحت لمختصيين واطباءوأخدت أدويه يعني كان مقرون بأمراض تانيه إكتئاب وقلق والقصص هاي فكان احدي الحلول انه بدل ما انتف شعري احط مطاطه بايدي والسع فيها ايدي يعني هادا الالم اللي هحصله هو نفس مفعول الشعر يعني جاب نتيجه نسبيه بس زي ما قولتلك انا لليوم بعاني منه هو كان موضوع نسبي
ولأنه كان منظر شعري يعني غريب كنت دايما اقصه مثل الصبيان دائما دلوقتي علي فتره طويله كان شعري قصير صار شي تغير بحياتي كبير بعتبره تغير ايجابي خلاني ارحم حالي اكتر يعني احب حالي اشفق علي نفسي يعني انه احن عليها واحن علي شعري لما شوفته تجاوب معي بفتره الحمل شعري لما حملت انا ببنتي فايتمنات اللي كنت اخدها بالحمل صرعوا هيك نموه مثلا صارت المنطقه المتضرره عندي بفروه رأسي تنبت شعر ورجع شعري طول فلما شوفته هيك صيرت احكي معه عنجد يعني عنجد شكرا علي رغم كل شئ سويته فيك انه انت لسه بتحبني وعم تطول كرمالي ومن وقتها صار في علاقه عنجد بنيت علاقه ما بعرف اذا هي كانت ساهمت في هذا الشئ بانه يتحسن وضعي تعاطفت مع نفسي وصيرت اخلق علاقه مع شعري هيك اخاطبه يعني فحسيت انه ساعد هذا الشئ انه يتحسن الوضع هلا عنجد اتحسن الموضوع فأنا حابه اسمع منك انتي كيف اتعاطيتي مع الموضوع ولليوم ۔ " مها"

أنا في كذا مرة انتبهت لحالي لما اوقف تنتيف لشعري لفترة طويله توصل لشهور طبعا يهأيلي اني نهيت الموضوع بس ما بنهيه لما بلشت اربط شو كان يصير بهذيك اللحظات كان يكون عندنا مناسبه بتذكر من البهدلات اللي امي كانت تبهدلني اياها انه لما يصير عندنا حفله او عرس او كذا شو بده يكون موقفك شو بده يكون منظرك ما بعرف هالكلام اثر عندي بالاشور انه لما يكون عندي مناسبه قريبه اضبط حالي انضباط شديد بالوعي والاوعي اكون منضبطه علي اخر بتذكر مثلا بخطبه اخوي وعرسه وخطبه اخوي التاني وعرسه لما يكون في حفلات وفي ناس كل واحد يظبط شعره ويعمل تسريحه ما يظبطش انه يتحط في هذا الموقف المخزي المحرج أنه مفيس مجال تغطي شعرك هاي كانت من الاشياء اللي خلتنني اوقف تنتيف الشعر فترة اشهر طويله اطول مده طولت عندي كانت سنه و3 اشهر اني ما ممدتش ايدي نهائيا ولا نتفت شعره واحده ومجرد ما المناسبه تنتهي بكون خلاص ببلش انتف كانه ماسكه حالي بالعافيه بستني هدا السبب اللي انا ضابطه حالي علشانه ينتهي علشان ارجع للعادة الاصليه وهادا الحكي ما كنت انتبه لحظتها انا بعد ما اتكرر هذا النمط واسترجعت الذكريات ربط انه في قاسم مشترك بين كل الفترات اللي انا اتخيلت انه خلاص اخيرا اتخلصت من هذا الاضطراب كنت اربطه في مناسبه معينه وبعد ما تخلص المناسبه فعلا كل شئ رجع متل اول واسوا بكون راجعه زي الجوعانه يعني بنتف بنهم وبشغف عرفتي يعني بكون بشيل الشعره بكل قلب ورب زي ما بيحكوها وللأسف من المشاكل اللي بيعملوا هذا الاضطراب علي المستوي الشكلي شئ طبيعي المناطق اللي بتفضي فروه الراس ممكن تتورم محل ما بيصير فضي وممكن الفروة تصير حمرا تنفخ شوي مرات بيأثر اصلا علي نمو خصل الشعر علي مدي بعيد يعني يعني في ستات وصلت معهم انه البصيلات بطلت تنتج اشي مفيش مات بطلع يطلع محله غير هيك بيأثر علي الجانب النفسي انه بيفقد الثقه بالواحد زي ما حكيتلك بيعزز عنده الوحده والانطوائية في هذا الموضوع وممكن يخليه انه يتجنب المناسبات الاجتماعيه حتي ما يضطر انه يطلع فلذلك احنا بنداري هذا الاضطراب بتلاقي البنات بلشوا يلبسوا بروكات علشان يخفوا هذا الحكي وفي بنات بيتحجبوا والشباب ممكن يحلقوا شعرهم وما تفرق عليهم هما اسهل بالتعامل مع هذا الموضوع غير هيك زي ما انتي حكيتي هذا الاضطراب بيصاحب لاضطرابات تانيه زي الوسواس القهري معاه وممكن كمان مع فرط الحركة وتشتت الانتباه فاللاسف هو بيصاحب الاضطربات التانيه بتعزز الحاله النفسيه انه يضل ينتف ۔۔ " دينا "

تماما بفترة المراهقه للبنت تحديدا بمجتمعتنا مظهرها حضورها وطلعتها واحساسها بانوثتها فقله الثقه بهالمرحله بالشكل والمظهر وبوجودها يعني رهيبه بتكون انا عنيت منها جدا انه بهاي الفترة الحساسه كان كل صديقاتي وزميلاتي بالمدرسه شعورهم حلوه وطويله وناعمه وانا عندي بالعيله كل اسرتي شعرنا صحي وجميل الا انا فانتي تخيلي هادا الشعور انه انتي طالعه هيك مثل العين المقلوعه مثل ما بيقولو عنا فبفترة المراهقة بتذكر كيف خيار الحجاب ما كان مطروح ووصلت انا لمرحله انه ما عاد يتغطي ما عاد يتغطي ابدا يعني مفيش مجال يعني قصير ومنتف ونقره من هون ونتفه من هون اتعرضت للتنمر كتير بسببه هذا الشكل اثر علي ثقتي بنفسي بمظهري وبحضوري وطولت كتير كتير كتير لاتخلص من هذا الشعور بالخزي والعار وانه انا مش حلوه وانه انا اقل من غيري يعني ما تتصوري قديش اثر عليا وطولت كتير كتير لتخلصت من هذا الموضوع بيضل اثار طبعا تظهر بهالمطاريح لكن انا حسيت حالي اليوم اقوي اتشفيت من هالحاله يعني " مها "

او علي الاقل متقبله انه انتي تعاني من هذا الشئ حتي لو كل مره تيجي هبه عليكي انك تنتفي بس ات ليست انا فاهمه شو مالي واني مش قادرة اقاوم هالحكي ويمكن اذا حاولت اقاوم ازيد الوضع سوء علي فكان زي انه بهون علي نفسي اتس اوك معلش " دينا "

تماما وكمان ساهم الموضوع انه مظهر شعري حاليا لا بأس به يعني صحي يعني ما حدا بيلاحظ اي شئ وهو عنجد ما في شئ يعني هي بتكون هجمات بتظهر بالتالي ما عم تاثر عليه بانه مظهره يتضرر " مها "

يعني لاني انه انا بعاني من هذا الاضطراب سهل اني مرات انتبه علي اي بنت بتعاني اذا كانت مش قادره تخبي فا انا ما قدرت هادا الحكي اشوفه فيكي يعني
" دينا "

ما انتبهتي " مها "

ايه ما انتبهت " دينا "

لو انا ما خبرتك ما كنتي هتعرفي " مها "

ايه بالظبط " دينا "

بس لو كنتي شوفتيني من كام سنه كنتي انتبهتي يعني ما عم قلك انا مظهر شعري الصحي اتصاحب مع الحمل لانه هرمونات الحمل اثرت عليا بشكل اجابي والفايتمن فا انا لما شوفته بيتجاوب بهاي الطريقه حسيت انه هو سامحني عرفتي ؟
دينا وانا ايضا اخذنا الحديث لنحكي بالتفاصيل المتعلقه بطقوس معينه بنعيشها اثناء نتف الشعر " مها "

مات بتحسي انه في طقوس للي بينتفوا شعرهم انه مش اي شعره بنتفها مرات بنكون بندور دوار علي الشعره المناسبه التي تستحق انت نتف " دينا "

هادا حوار الشعر لحاله بده فلسله هلا بضيف انا تعليق علي هالموضوع خبريني كيف بتختاري الشعره ؟ " مها "

يعني لازم احس بشعور الشعره انه تكون ناشفه مجعده زياده اخمل من الشعرات اللي حواليها يعني لازم احسها غير اما مش اي شعره مجرد ما احس بهاي الشعره الناشفه بقول اتس ات هاي اللي لازم اقبعها وشعور انها تطلع من راسي هو شعور الرضا اللي بدور عليه يعني انا اذا نتفت شعره ما بتكون بالمعاير هاي هاي شعور الرضا ما بحسه يعني بحس انه الشعره راحت بخساره او انه اتقطعت بنص الطريق انه انقطعت بس ما انشالت من بصيلتها يعني بحكي خساره ۔ " دينا "

هلا انتي بتحكي عن اكتر حدا حاسس فيكي اكتر حدا عارف شو اختيار الشعره المناسبه الشعره اللي رح تمنحك هاي اللذه طبعا انا الطقوس اللي قولتي عليها انه تبحثي عن الشعره كمان لحالها مرحله حلوه لما تلاقهيا انا كانت المراحل عندي كالتالي البحث عن الشعره هاي لحالها منظري بيكون غريب يعني اي حدا بيشوفني بيقول شو هاي ليش هيك عامله ايديها بعد ما الاقيها بقول هاي هي بس ما بقطعها دغري لا عندي مرحله سابقه اللي هي تقشيطها بأضافري لحتي ما تتقطع تتنتف يعني تصير متل ما بيقولوا عنا فيها تقصيف بتصير ضعيفه جدا جدا بعدين اخر شئ اشيلها من الجذر بعدين احيانا لما اكون مرتاحه مش متوتره كتير اول لما الاقيها بشيلها من الجذر اذا شوفتها هي المناسبه هاي العادة المرتبطه عندي لانه بدات عندي عن التقصيف بالشعر كان شعري جدا حلو ومره من المرات اختارت امي انه تقصلي اياه عند كوافيره من بعده ما بعرف شو صارله احترق احترق من بعدها كان عندي حصره عليها كل اطرافه مقصفه فأنا بتذكر البدايه كانت بالاضافه للظروف النفسيه انه انا كان بدي اشيل هادول التقصيفات كل شعره اشيلها اشيلها لحد ما شيطرت عليا الحاله وصارت اضطراب وعاده هاي كانت اسبابه " مها "

شايفه كل حاله مختلفه " دينا "

كل حاله مختلفه هي بدات عندك انك كنتي تشاهدي حدا عم يعمل نفس الشئ لا انا كانت من الحصره من الحقد انه كيف بتقوصيلي شعري شوفوا شو صار فيه شو كذا فانا فاكره حالي اني عم لاقيله حل تماما هاي هي " مها "

مش عارفه شو شعور لما حدا ما صارح اي حدا عن هالموضوع وعم يسمع اخيرا علي العلن انه يحس انه فعلا في حدا غيره بيعاني هالمعناه صحيح احنا بنحكي وبنضحك بس بطلت كتير اقصي علي حالي او اجلد في حالي يعني كتير بحكي لحالي خلاص دينا بيكفي فضي شعرك خليله شوي بس بطلت اجلد حالي مجرد انه ما تعديت هاي المرحله علي الاقل عايشه بديش احكي بسلام بس بتفاهم مع الاضطاب بنشد ونرخي مع بعض " دينا "

100 % وشكله دينا كل الاضطربات هيك لازم نتعاطي معاها اذا ما في حلول جذريه لالها بدنا نتعاطي معاها بهاي الطريقه بدنا نعيش معاها " مها "

يعني انا مره سمعت باحد الطرق العلاجيه انا مش رح افتي طبعا بشغل المعالجين النفسين او الاطباد النفسين انه يحاولوا يدورا علي جرر اللي ادت لهذا التصرف ووصلت للقصه اللي خلته يدمن شذ معين ممكن تخليه يتخطاها وينسي الموضوع ويعتبرها خلاص شئ صار بالماضي وبطل في حياتي ومع هيك الادمان او الاضطراب ما زال وفالفكره انه الترجر الاساسي اللي خلاكي تدمني شئ معين حتي لو راح ممكن يروح ويخليلك الخراب اللي انتي فيه فسمعت مره واحده حكت انه العاده بشكل عام هي رغبه بعدين بتستجيبي لها الرغبه بعدين في بيصير نتيجه والنتيةه فيها ريليف وساتسفكشن وهذا للي بيخليكي تعيدي الدائره هذا التصرف المعين بيعطيكي شعور بالراحه والريليف ممكن التوتر علي سنين عمرك تختلف يعني هو الشعور ضل بس انه ارجع بسنوات الماضي انه اللي خلاني بلش موقف معين ممكن موقف يروح بس ممكن موقف تاني يرجع التوتر عمره ما بيخلص من الحياه كلنا بنعاني من التوتر كلنا عندنا قلق يا قلق من الماضي يا المستقبل يا حتي قلق بمشاكل حاليه فهيك هيك احنا عندنا معززات موجودة 24 ساعه فهي كانت وجهه نظرها للموضوع انه انا مش ضلني ارجع لورا انبش بسبب التوتر علشان اتخطاه واعالجه انا بدي اتقبل اني عايشه بدينا شئ طبيعي يكون في توترات شئ طبيعي يكون في صدمات في حياتنا الفكره انه لما بدي اجي اتعامل مع هاي الصدمات اكون واعيه انه استبق الاحداث اني عارفه انه كمان شويه انه رح انتف احاول بسرعه اني الاقيله بديل يا اما بديل يديني نسبه الساتسفكش اللي بيعطهالي هذا الادمان يا اشغل نفسي بحاجة تاني فمثلا زي ما حكيتي اللي وصفلك الطريقه انه تحطي المغيطه فرقت مع ناس في ناس بتحكيلك ما عملتلي ولا شئ في ناس بتعرف تلهي ايدها وفي ناس بتحكيلك لا انا بدي هادا شعور الساتسفكشن اعمل في حالي شئ اروح العب بوكس اعمل تصرف معين اتفشش وقتها اهدي واخف فبتختلف " دينا "

بتعرفي دينا انا هلا حديثك خلاني فكر انه انا فكر ليش خفت عندي الحاله يمكن لاني لقيت بديل واللي كمان اتحول لادمان بس هو اهون يعني ادمان اهون من انه تأذي نفسك شخصيا مباشرة بتأذي جسمك اللي هو ادمان السوشيال ميديا يعني اوك انا لقيت بديل صيرت انا الجا لمواقع التواصل الاجتماعي اشغل حالي فيها ساعد انه يخف عني شعري ملهيات يعني ملهيات صح صح بس كمان اذا اتحولت هي بشكل تاني كمان مش منيح يعني يعني انا هالمرحله بحاول اضبط حالي عن السوشيال ميديا صح ممكن كتير ما يساعدني لانه مضطره بحكم شغلي لكن يعني مسيطره قدر الامكان في شئ انتي بديل لقتيه عندك ولا لا ؟ " مها "

صراحه لحد الان لا مرات كنت يعني احاول احفز حالي اذا ما بنتف فتره معينه اروح اهدي حالي شئ ومرات بحكي لزوجي اذا بتشوفني بنتف احرمني من شئ او نبهني يعني مرات كنت احاول اعاقب حالي او اكافئ حالي اذا ما بنتف هذا الحكي مظبطش معي معرفتش الهي حالي في الموضوع الاهي ايدي مثلا اني امسك شئ تاني مثلا جربت الطابه هاي ما استفدت منها حسيت انها اجهدت اعصاب ايدي بس عادي بتركها برجع انتف مستفدناش ولااشي فلحد الان لساتني في عمليه البحث اني الاقي بديل ومش بالساهل صراحه يعني انا اقرب هبه جاتني امبارح فالموضوع مش كتير سهل التعاطي معاه سهل السيطره عليه بس علي الاقل ذهنيا انك زي ما قولتي اتعاطفتي مع نفسك او تعملي ديل مع نفسك تشدي وترخوا كتير احسن من انك تعملي كل جهدك تقاومي هذا الاضطراب وكانه مش موجود كانك بتنكري انه صار جزء منك ومع الاسف بيعود عليكي بنتائج عكسيه وسلبيه بيخليكي عم تنتفي زياده " دينا "

طيب اذا حد بيسمعنا وهو عم يعاني نفس الاضطراب في شئ من تجربتك بتقوليله اياه " مها "

يعني انا الصراحه حابه اوجه حكي للبنات اكتر من الشباب اولا لانه هم اصابات اكتر وثانيا البنات بيصعب عليهم يتعاملوا مع الموضوع اكتر اول شئ انا حابه احكي للأهالي للام اذا في ام بتنتف بشعرها بترجها تعملش هذا الحكي قدام البنات يعني لو في تقبل لهذا الاضطراب وما بتقدر تسيطر عليه علي الاقل ما تعمل هذا التصرف قدام ولادها لانه ممكن يعمل عندهم محفز هذا اولا ثانيا كام معندك هذا الاضطراب اذا وعيتي عنه اذا حستيهم بسن صغير عمالين ينتفوا العابهم بينتفوا السجاد بينتفوا اذا عندهم بسه هذا ممكن يكون بدايه الاضطراب انه يبلش وثانيا بشجع اي بنت مصابه في هذا الاضطراب انا عارفه مش سهل اني احكي ما تخجلوا هو شئ بيخجل هو مرتبط بالشكل والواحده بتحس انوثتها بترتيبها لشعرها فلما الواحده تحس وتوقف علي المرايه وتشوف المناطق الفاضيه وتحاول تغطيها هذا رح يزيد الطين بله فعلي الاقل تحاول تتقبله تحاول تشوف معالجين نفسين تحاول تشوف شخص زيها يعني كل ما حس حدا انه في حدا تاني بيعاني زيه علي الاقل بيعشر بنوع من الارتياح انه انا بشير البين وذ اذر مثلا في جروبات سبورت حتي لو كانت علي السوشيال ميديا الواحد بيكون بايدنتي فيك او انه بيكون علي ارض الواقع الواحده تشوف صبيتين تلاته بيحكوا بالموضوع هادا كتير بيخفف من الحمل النفسي انه انا مش لحالي انه انا مش مضطره اضغط علي حالي واخفي حالي اني بعاني من هالمشكله واذا قدرتوا تداروا عن الموضوع مش مشكله استخدموا بروكه ولا انه تنطوي علي نفسك حاولي تلاقي حلول بديله شوفي اعملي ديل مع نفسك وافهمي نفسك اكتر وحاولي ما يتفاقم الموضوع لانه في ناس بلشوا بفروه راسهم فكروا ما راح يتعدوا لانه في ناس بلشوا بفروه راسهم شوي شوي لحواجبهم لرموشهم ممكن مرات الواحده بتشيل الشعره وبتصير تحطه بشفايفها شوي شوي بتدوقها بعد شوي تلاقيها صارت تبلعها يعني انا شوفت هديك المره كان في عمليه جراحيه كانو بيستأصلوا كتله شعر هالقده من امعاء واحده كانت عملالها انسداد معوي ومنيح ما ماتت من هالوضوع كل هاد من الاضطراب" دينا "

كمان بدي ضيف عليكي ببعض المراحل اذا حسيتي حالك محتاجه لطبيب الجأي يعني روحي " مها "

ويفضل اذا عندك الكلفه والوقت والقابليه انك تروحي لمختص تحكيله كل هالاعرضا بالنهايه هو تخصصه يسمعك يفهمك ويحاول يعطيكي الحلول قد ما بيقدر " دينا "

لانه انا صحيح تذكرت اول طبيب نفسي بعد 5 سنوات كنت لساتني بعمر صغير بس لا ما كانت مفيده بالنسبه الي بس لا بعدين الاطباء اللي لجأت لهم كانوا جدا مفيدين ما فكره واحده خلتني اعمم انه الطب النفسي ما مفيد لا مشان ما يصير فيه لبس بالحلقه " مها "

كمان رسالتي لأخصائين النفسين المعالجين او الاطباء انهم يحكوا زياده عن الموضوع ما يساعدوا بتخبايه هذا الموضوع هذا الموفروض اشي درسوه وبعرفوه ولو في حدا جه علي عيادتهم رح يكونوا ملمين بالموضوع وين المشكله انه تطلعوا بالسوشيال ميديا تحكوا بالموضوع علشان تشجعوا الناس المصابين فيه يتوجهلكوا يعني انا ما شوفت يادوب الواحد يدخل علي اليوتيوب يدخل يكتب هوس نتف الشعر بتلاقي يمكن كم من مقابله خفيفه مع الاخصائين انهم طلعوا يحكوا بالعلن " دينا "

بالعالم العربي ضروري هالموضوع يعني باميريكا واروبا عم يكون في جرأه اكتر بس نحن بحتاجه بتعزيز المحتوي العربي بكل ما يتخصص بالاضطرابات النفسية
" مها"

الاضطرابات النفسيه لازم يتم التركيز عليها بالاعلام علي الاقل ينحكي عنها يعني سبيني من التفاصيلها العلميه والطبيه بس انه عادي ترا نحن بشر اي حد ممكن يكون معه اضطراب ما في شئ يدعي للخجل انه تكون مصاب وتعلن انه انت مصاب بعرف الناس بتحب تداري علشان الناس ما تحكم عليها لانه نحن بالعالم العربي بالذات بنحب نحكم علي بعض علشان هيك بتلاقينا لا بنحب نبين انه نحن ملناش اشي ونحن فينا كل العلل ولما الناس يشوفوا المختصيين بيحكوا بهالموضوع انه خلاص شو المشكله انا عندي اضطراب نتف الشعر انا بنتف شعري انا عندي مرض فرط الحركه انا عندي اكتئاب مش اشي مبسوطه فيه ومش حابه يكون معاي بس هادا اللي صار معاي ومتقبلته ومش هضلني متخبيه علشان حضره فلان وعلان ميحكمش علي " دينا "

دينا شكرا كتير كتير " مها "
انتظرونا الاسبوع القادم بحلقه جديده لبودكاست صارت معي فيها رح نقدم من ضمن سلسله نفسيتي اولا الترجبه التانيه مع اضطراب او مرض نفسي مختلفي من هلا لوقتها ضلوا بخير واسمعوا الحلقات السابقه عبر زياره موقعنا أخبار الان في قسم بودكاست ۔أو من خلال تطبيقات البودكاست المختلفة
مثل أبل بودكاست إذا كنتم حمله ايفون، أو جوجل بودكاست اذا نظام موبيلاتكم
أندرويد أو من خلال ساوندكلاود ، ديزر ، أنغامي ، سبوتيفاي

شاركوني أفكاركم وتعليقاتكم واتواصلوا معي عبر الواتساب
00971568531592
بالاعداد والتقديم برافقكم دايما أنا " مها فطوم " الي اللقاء۔