متلازمة داون والبطلة مجد

هبة جوهر

كان قدوم مجد للدنيا حدثا غيّر حياة والدتها التي أصبحت أكثر قوة وقدرة على التحمل، وتمكنت من أن تستمد القوة من ابنتها من متلازمة داون لتصبح أم مجد هي أم البطلة. سنتعرف في هذه الحلقة من بودكاست قصتها القصيرة على مجد الهندواي، بطلة الكاراتيه ورائدة الأعمال ووالدتها البطلة.

تابعوا البرنامج على تطبيقات البودكاست

متلازمة داون والبطلة مجد

كان قدوم مجد للدنيا حدثا غيّر حياة والدتها التي أصبحت أكثر قوة وقدرة على التحمل، وتمكنت من أن تستمد القوة من ابنتها من متلازمة داون لتصبح أم مجد هي أم البطلة.

سنتعرف في هذه الحلقة من بودكاست قصتها القصيرة على مجد الهندواي، بطلة الكاراتيه ورائدة الأعمال ووالدتها البطلة.

إعداد وتقديم: هبة جوهر
الإخراج الصوتي: محمد الحوراني
الهوية البصرية: سرد ديجيتال
الإشراف العام: محمد علي

نص الحلقة :

هبة 23 سنة من التحدي والإصرار على النجاح 23 سنة من عدم التوقف لإثبات أنه الاختلاف مش عائق وأنه المعيقات هي من البيئة اللي حوالينا ومن الظروف 23 سنة عاشتهم مجد الهنداوي بالإنجازات اللي بتحتار من خلالها عن شو تحكي وعلى شو تضوي مجد الهنداوي صبية من متلازمة داون هي بطل في لعبة الكراتيه وناشطة اجتماعية وصبية عندها أحلام كتيرة 

مجد مرحبا أنا مجد الهنداوي عمري 23 أنا أول بنت داون باخد حزام أسود بالكاراتيه في الأردن وكمان أنا متحدث رسمي لأطفال متلازمة داون كمان أنا مراقبة انتخابات بقدر أني أنتخب وقائد أولمبياد مساعد مدرب أمثل الخاص ولاعبة كمان خلوني هيك بمنصب رئيس مجلس بالأولمبياد الأردني الخاص

هبة هيك مجد بتعبر عن حالها اللي هي بالإضافة لأنها بطلة كاراتيه عندها مشروع أعمال يدوية قدرت من خلاله تحقق استقلالية

مجد ومشروعي أنا أعمال يدوية يعني أساور حمالات تلفونات خواتم إعادة تدوير وكمان على فكرة أنا بخيط بخيط شنتة غير أنا بخيط شنتة بخيط كمامة علون بعد الماضية وكمان دخلت مشروع جديد هو أصلاً مجال الطباعة يعني صورة عتيشرتات صورة على بيت على بلايز كم أثواب العادية أثواب الحرارية على Cover تلفونات على كل إشي

هبة مجد بتحلم أنه تصير صحافية عم تكمل الدراسة لتقدر توصل لحلمها وتدرس الصحافة والإعلام بعد تقديم امتحانات الثانوية العامة

مجد برضه أنا رح أقدم السنة هي توجيهي تخصصي أدبي بحب الحفظ يعني حكمل دراستي صحافة وإعلام وإذا بهم صورها وكمان أنا بحب أني هيك أمنيتي أنا أشوف جلالة الملك والملكة وأني هيك أني يارب أني أتوفق وتكون الامتحانات سهلة وأنجح بالتوجيهي أرفع راس أهلي وصحباتي وصحابي وكمان ألاقي مكان ألاقي محل وأطور مشروعي أكتر حط في مشروعي وأخلي كمان صحباتي وصحابي يساعدوني عشان يكون عندهم دخل

هبة أما عن قصتها في الكاراتيه بدأت من عام 2013 لما غيرت مكان سكنها وعاشت في بيت بشمال العاصمة الأردنية عمان هناك انضمت لنادي وبدأ مشوارها

مجد طبعاً إحنا لما لما رحلنا على أبو نصير 2013 فلاقينا نادي أبو نصير كابتن حسام أهل الهمة ماخد التميز من جلالة الملك والملكة فدربنا دربني أنا مجد الهنداوي أعطاني حزام أسود خلاني كابتن مجد وكمان أنا مدرب يعني بحب أني أدرب ولاد صغار كاراتيه وكتير استفدت منها الكاراتيه يعني أنا عندي كمان ثقة بالنفس تكون نفسيتي أقوى وكنت جريئة أي واحد بيحكي معي بحكيله الله يسامحه هي أول شغلة أو أو مثلاً أصلاً ليش أنا حبيت نادي أبو نصير عشان أنا بدي أتدرب وأدافع عن نفسي أكتر ورياضة الجسم السليم بالعقل السليم وعندي هيك ثقة بالنفس وعندي جراءة وقوة وكمان السباحة بحب السباحة كتير أنها بتقوي عضلة القلب ونكون هيك يعني نكون إحنا مرنين أكتر أنا قصدي طبعاً العقل السليم العقل السليم بالجسم السليم يعني الرياضة بتقويني عندي جراءة عندي جراءة وقوة وعضلة القلب تنشط أكتر أكون نشيطة وأكون إحنا مرنين وبالسباحة كمان بحب كتير السباحة لأنها بتقوي عضلة القلب المفتوح فيعني نستفيد أكتر إشي بالكاراتيه

هبة هي القوة وهذا الإصرار في وراه أم أعطت من قلبها ووقتها وجهدها لتمهد الطريق قدام مجد ما فكرت للحظة أنه تتراجع وما ضعفت وكان وصول مجد للدنيا لحظة أمل وفرح

أم مجد أنا لما عرفت أنه مجد متلازمة داون كانت ردة فعلي غير عن يعني أي شخص تاني لأنه كان عندي طفل يموت يعيش كان قلبها واقف وكانت عالأجهزة وكانت بالخداج يعني وعليها جهاز التنفس وعليها يحكولي أنه بنتك هي ممكن تكون إعاقة ممكن إنها تكون متلازمة داون أحكيلهم شو ما كانت تكون المهم أنه ربنا يعني ينجيلي ياها ويشافيها ما كنت يعني الصدمة إلي أنه كان عندي طفلة أنها بدها تموت هي صدمة أكبر من أنها إيش يعني أنها ذوي إعاقة بس صحصحت شوية وعملت عملية بلشنا نشتغل عليها وهي صغيرة عندها متلازمة داون يعني أدركنا أنه هي متلازمة داون وأنه بنفس الوقت يعني رب العالمين أعطاني قبلها ولد برضه سباعي وربنا نجالي ياه ما في إشي فأنا بدي أتقبل مجد كيف تقبلت ابني الأول بدون أي مشاكل بدون أي اعتراض على حكمه فأنا لا اعتراض عحكم رب العالمين وتقبلت الموضوع بكل صدر رحب لأنه عندي مراحل أصعب اللي هي وضعها الصحي كثير سيء اللي كانت فيه فهذا كان إشي مغطي على أنه هي متلازمة داون وذوي إعاقة أولادنا علمونا الصبر يعني أنا بنتي متلازمة الداون علمتني الصبر الصبر أكثر مما أنا كنت يعني لأنه حياتهم كلها معاناة تعب مرض المشاكل الصحية فأنا يعني تعبت عليها ورب العالمين أعطاني أني أنا أصبر أصبر على أنه هي يعني مريضة هي تعبانة والحمد الله هي يعني تجاوزت كل المراحل وهي الآن بصحة جيدة وهي بطلة عالم إن شاء الله طالعة عبطولة عالمية وهي بتدرس السنة هي توجيهي إي فأنا يعني تخطيت إنه يعني بنتي تكون وضعها يعني بالنسبة لإلي أنه هي البنت يعني ممتازة

هبة حياة أم مجد تغيرت كلياً بس إجت مجد على الحياة أعطتها القوة ودفعتها لتلاقي حياة اجتماعية مختلفة تماماً

أم مجد أنا حياتي كلها تغيرت من لما إجت مجد أنا كنت بخاف كثير بخاف من الدم بخاف من المرض بخاف من الصوت العالي بخاف من أشياء كثير مجد غيرت كل حياتي لأنه يعني هي ضلت يعني بالمستشفى وضل يمر علي أشكال أشياء كتيرة فغيرت كل حياتي أنا اليوم صرت قوية بوجودها أنا ما كنت بالقوة هي فهي فعلاً غيرت حياتي أفكر شو بدي أعمل شو بدها تساوي لازم ألاقيلها إشي تشتغل عليه مشروع لقدام غيرت كل اتجاهاتي كل تفكيري أنا زمان كنت أفكر إني أنا خلص بس أتزوج بدي أشتغل نفسي أشتغل أعيش حياتي أنا بيتي بولادي بس لما إجت لأ الحياة كلها تغيرت يعني فش طلعات إذا طلعتي بدها تمرض إذا طلعتي بدها تلتفح بدها تاخد الفيروس بدها تمرض فهي غيرت حياتنا بالبداية لضغط نفسي تعب بس بالنتيجة الحمد لله أن البنت يعني انشغل عليها صح وأمورها يعني كتير ممتازة ومميزة الحمدلله

هبة أم مجد قبلت التحدي تحدي أنه تكون بنتها بطلة وكانت أحلى اللحظات اللي هي لم تيجي مجد معها شهادة المدرسة

أم مجد التحدي عندي كان أني أعمل من مجد إنسانة بطلة رائعة منجزة كان تحدي لإلي لأنه مجد كانت تعبانة مريضة مرهقة يعني دايماً بالمستشفيات فأنا كان عندي تحدي إني أخليها شخص مميز منجزة يعني بطلة وأنا بحلم أنها تكون بطلة عالم بحلم أنها تصل كل اللي بتتمناه هي نفسها تدرس أنها تدرس تصل مراحل متقدمة من الدراسة وهي حابة تدرس إعلام وتكون مذيعة بحلم لمجد بكل إشي يعني هي بدها ياه اللحظات الحلوة اللي مريت فيها كنت لما أشوف مجد مبسوطة وطيبة أحس الحياة كلها يعني مش سايعتني من الفرح مجد لما كانت تخلص من المدرسة وهي صغيرة جايبة الشهادة تبعت الروضة كان أكبر إنجاز لإلي ولإلها وهي لسا بيبية صغيرة يعني كان عمرها خمس سنوات لما جابت الشهادة كنت أنا كثير مبسوطة وهي كانت مبسوطة يعني بشكل أنه يعني حاسة فاهمة أن هي الشهادة يعني إشي لقدامها إن شاء الله إشي كتير ولما كبرت وتركت الدراسة لأسباب يعني طبعاً عالغالب مادية رجعت منزلي كان كتير فرحانة بالدراسة وبتحلم أنها تكمل لحظات كتير حلوة مرت بحياتنا لما بتصحصح اللحظة الحلوة اللي أنا حسيت فيها أنه بنتي كنت أتمنى طول عمري إني أخلف بنت فأنا لما مجد أقامت معي 9 أيام في المستشفى وهي مرافقة لإلي ليل نهار ما روحت عالبيت حسيت أنه يعني الدنيا كلها مش سايعتني من الفرح قد ما كنت بتألم وقد ما كان وضعي الصحي سيئ قد ما أنا كنت مبسوطة بوجودها وهي مبسوطة أنها قايمة فيي فهي تضل تحكيلي يا ماما إنتي ضليتي أيام معاي وقت طويل بالمستشفى وطول عمرك معاي أنا مبسوطة أني أنا بعمل إشي إني أنا جنبك فيعني هي اللحظة كتير يعني عنجد حلوة ومميزة

هبة أحلام أم مجد متعلقة بتحقيق مجد لأمنياتها وأهمها أنه تخلص دراستها وتقدر تعتمد على ذاتها بدون ما تحتاج لحدا

أم مجد لأ بتمنى لمجد أنها تخلص دراستها أنها تحصل بطولات عالمية أنها هي بتضل تحكي نفسي يعني أعمل مشروعي الخاص وأستقل فيه وأصرف على حالي وعلى بيتي على أمي وعلى أهلي وعلى حالي أكتر إشي إني أصرف وأكتفي ذاتياً فأنا بتمنى أنها تحصل هذا الإشي وتصل لهالمرحلة هي أنه هي فعلاً تكون قادرة أنها تكون مكفية حالها عالأقل مش بحاجة أي شخص فينا وطبعاً تكمل دراستها وهي إلها أمنيات كتيرة اللي عليها هي بس أنا بالنسبة إلي هي الأمنيات اللي أنا بتمناها أنها تخلص دراستها وتصل يعني المشروع اللي هي حبيته تكمل فيه وتصل فيه لمراحل متقدمة

 


قائمة الحلقات

  • النرجس لغة حب
    هبة جوهر

    النرجس لغة حب

    النرجس لغة حب تميم وريم هو مشروع للزوجين مأمون عودة وهبة جموم، اللذان عاشا قصة حب بدأت من ورد النرجس، وتعلمت هبة لغة الإشارة لتنشر الحب في كل مكان. إعداد وتقديم: هبة جوهر الإخراج الصوتي: شركة ...

  • حلم الأمومة المؤجل
    هبة جوهر

    حلم الأمومة المؤجل

    حلم الأمومة المؤجل يرى الكثيرون عملية تجميد البويضات على أنها خطة بدلية للحفاظ على حق الأمومة، على الرغم من ذلك تواجه العملية رفضا مجتمعيا وحيرة، فـ ما تفاصيل هذه العملية وكيف يراها المجتمع؟ إعداد وتقديم: ...

  • قصة الشابة التي حلقت بإنجازاتها إلى الفضاء
    هبة جوهر

    قصة الشابة التي حلقت بإنجازاتها إلى الفضاء

    قصة الشابة التي حلقت بإنجازاتها إلى الفضاء د. مروى صلاح مستشارة في تطوير البحث العلمي والتعليم الاحترافي، ، وهي مطورة للمدن الذكية، وكما أنها عالمة وأول إمرأة أردنية تستثمر بالفضاء. لنسمع منها قصتها القصيرة.  إعداد ...

  • ما علاقة الملكة النبطية "شقيلة" بالرياضة؟
    هبة جوهر

    ما علاقة الملكة النبطية "شقيلة" بالرياضة؟

    ما علاقة الملكة النبطية "شقيلة" بالرياضة؟ آمنة طبيشي إعلامية متخصصة في الرياضة ومؤسسة لجمعية "شقيلة"، عاشت تجارب مختلفة في مشوارها العملي، واستطاعت أن تثبت نفسها في مجال الإعلام الرياضي. إعداد وتقديم: هبة جوهر الإخراج الصوتي: شركة ...

  • كيف تعيش النساء وحدهن؟
    هبة جوهر

    كيف تعيش النساء وحدهن؟

    كثير من النساء يواجهن تحديات باستكمال دراستهن أو عملهن خارج مدنهن، الامر الذي يخلق عائق لاستكمال أحلامهن. سلام تتحدث عن تجربتها في العمل والدراسة. إعداد وتقديم: هبة جوهر الإخراج الصوتي: شركة Feedz Pro الهوية البصرية: سرد ديجيتال ...

  • جسر الأمل الذي بناه حمزة
    هبة جوهر

    جسر الأمل الذي بناه حمزة

    نور العمد أم لثلاث أولاد وزوجة وصحفية، مرت في عدة محطات في حياتها، لكن المحطة الأهم كانت حينما أنجبت التوأم حمزة وسيف، وبدأت حياتها تتغير لتطلق مشروع "الجسر". إعداد وتقديم: هبة جوهر الإخراج الصوتي: شركة Feedz ...