فن التنسيق الياباني

نص الحلقة :

هبة رغم أن كثير من المرات بتختار السيدات بيتهم وأولادهم على عملهم لكن هذا ما بيعني أنه أحلامهم بتذبل بل ممكن تزهر وهالزهر يصير قصة وحكاية بتحكي مع الطبيعة وبتهتم في البيئة وبتجمع السيدات مع بعض 

رندة بالنسبة للحياة المهنية ما اشتغلت فترة طويلة حيث لأني ارتبطت بالزواج أثناء دراسة الماجستير وأستذكر عند التخرج كنت أحمل الشهادة بإيد وبإيد التانية بنتي بعد حصولي على شهادة الماجستير بلشت أفكر بدراسة الدكتوراه وأحضرلها ولكن لصعوبة والتفرغ التام من زوجي لمهنته كان القرار أن أقدم التضحية لأن الأولاد وبيتي هي من أهم من أولويات بحياتي فكان الاختيار أنه الأولاد والبيت بدل العمل وخلال عملي لفترة قصيرة بالزهور زارتني صديقة العائلة السيدة سلوى شروحات رحمها الله ودعتني وحثتني على المشاركة بمعرض الزهور التي كانت تقيمه سنوياً جمعية الشابات المسيحيات وكان تحت رعاية ملكية من قبل الملكة زين الشرف رحمها الله والأميرة بسمة حفظها الله ورعاها وتلك المشاركة شجعتني بالاستمرار بالمشاركة بهاي النشاطات وبعد ذلك قريت بالجريدة عن مؤتمر الأول الإيكيبانا سنة 1993 وأنا فعلاً يعني شجعني زوجي أنه أشارك وكانت هي البداية وفعلاً شاركت فيه وتعرفت على مجتمع اللي نحن منشترك فيه بموضوع معين هو اهتمامنا بالزهور وكانت هاي بدايتي 

هبة هاي ما كانت النهاية إنما البداية للمهندسة الزراعية رندة قعوار اللي رح تحكيلنا قصتها القصيرة 

رندة أنا المهندسة رندة معمر قعوار أم لثلاثة أولاد ذكور وإناث حاصلة على شهادة الماجستير بالهندسة الزراعية إنتاج نباتي تخصص أزهار خطف بجانب دورات أخرى من تنسيق حدائق تنسيق زهور يابانية وأوروبية وعدة دورات أخرى 

هبة حلم الهندسة بلش يزهر في مخيلة رندة من وهي وصغيره وانجذابها للطبيعة كان واضح من الطفوله 

رندة طفولتي كانت شيقة كنا نستمتع بزيارة الأماكن الطبيعية والأثرية أيام العطل حيث كان والدي ووالدتي رحمهم الله يحرصون على معرفتنا بالطبيعة الأردنية والأثرية وكان عندهم كتير شغف بالطبيعة واهتمام بزراعة الزهور خلال دراستي الثانوية وبحصة علوم المنزلية قامت بزيارتنا مهندسة زراعية كنوع من إحدى البرامج لمعرفة الطلاب أنواع التخصصات اللي بدهم يدرسوها بالمستقبل بعد الثانوية العامة وقدمتلنا شرح عن هذا التخصص وفعلاً كان له الأثر الأكبر باختياري هذا الاختصاص طبعاً كأي بدايات في من النقاش بنوع التخصص ولكن الأهل رحمهم الله احترموا قراري واختياري 

هبة رغم أنه رندة تركت شغلها عشان بيتها بس أثر الزهور وتنسيقها ضل يفوح بحياتها ويجي ليعطر أيامها 

رندة ومن خلال ترحالي خارج المملكة كنت أراقب الاهتمام بإعادة التدوير ومن هنا كانت الفكرة أنه أؤسس جمعية تعنى بالطبيعة والحفاظ عليها وتجمع السيدات والأعضاء المهتمين فعلاً بالنباتات وكمان بنفس الوقت بحبوا يتعلموا الزهور ففعلاً نحن أسسنا جمعية تعنى لها أهداف منها تعليمية تثقيفية وكمان بنفس الوقت كمان ننسق الورد وأنه كيف نحن نقدر نستعمل النباتات الموجودة ببيئتنا بتنسيق الورد الياباني وكان شعار الجمعية أنه نحن ما منورث الأرض ولكن نحن منستعيرها من أولادنا فيجب الحفاظ عليها 

هبة من المدرسة اليابانية في تنسيق الزهور بدت رندة اللي جمعت النساء على حب الورد وإعادة التدوير 

رندة بالنسبة لأعضاء الجمعية هم سيدات عاملات ربات بيوت متقاعدات بيجمعهم حبهم للطبيعة والزهور وبتجمعهم نفس الاهتمامات بيستمتعوا بالطبيعة والزهور بعيداً عن ضغوطات الحياة بحيث حيث بدأنا عام 2007 بدراسة تنسيق الزهور على الطريقة اليابانية ومن هون إيجت فكرة إنشاء جمعيتنا عام 2010 ومُنحنا الصفة الرسمية عام 2012 بتدريس ودراسة التنسيق الورد عالطريقة اليابانية لمدرسة السوجيتسو عام 2012 وأعطونا اسم Seiko Sogetsu Study Group اللي هي المدرسة اللي بنتمي إلها وهي الحلو فيها أنه بتشجع استعمال تدوير شغلات وعندها مبدأ أنه التنسيق في أي مكان وزمان وبأي إشي يعني إحنا هو فن من أن شكل من أشكال الفن التشكيلي واستذكر في أحد معارضنا أنه نحنا كان اللي صار في قاعة في الهنجر بأمانة عمان نحن عملنا معرض كان الtheme تبعه reuse واستعملنا فيه البراويز المستعملة استعملنا البراويز القديمة الأشجار الناشفة الكبيرة مواسير وفعلاً وقفت على نقطة أنه في شخص إجا عندي وقلي أنا كنت كثير بدي هدول الشغلات بدي أكبهم ولكن هلق رح أعمل فيهم شي فني لبيتي فأنا بعد ما شاف المعرض ففعلاً أنه أنا هون قلت أنا كتير كنت مبسوطة لأنه وصلت رسالة الجمعية أنه أنت بتقدر تعمل إشي حلو من أي إشي كتير مهم التجمعات النسائية لأنه إلها فوائد اقتصادية ثقافية اجتماعية 

هبة رغم هيك واجهت مجموعة من التحديات 

رندة التحديات اللي واجهتنا ومازالت تواجهنا الوقت المتطوعين الدائمين التمويل المكان زي ما بتعرفوا دايماً العمل التطوعي دائماً بيحتاج إلى التمويل لأنه هم ما بياخدوا يعني في تكاليف وفي مصاريف فإذا ما كان في تمويل كتير صعب أنه الواحد يضل يتطور وينمد لا شك أنه الحكومة بتقدم ولكن لمشاريع معينة كتير في مشاكل أنه تلاقي محل أو موقع يكون مؤهل للتدريس يعني هلق حالياً منتجمع في بيوتنا في كافيهات أماكن أو قاعات صغيرة بس أنا أمنيتي أنه يكون في عنا مكان كبير مجهز محضر لكل المدارس أنه بيقدروا يستعملوه ويدرسوا 

هبة أما عن أهمية فن التنسيق الياباني للزهور فهي واحدة من 3 آلاف مدرسة إلا أنه هذا التنسيق بيحتوي على تصميم بأبعاد ثلاثي وإلها أبعاد نفسية اقتصادية واجتماعية 

رندة بالنسبة لفن التنسيق الياباني هو بيعود لأكثر من 2000 سنة كانت بداياته الصين ولكن من أكثر من 600 سنة هو مرتبط الفن التنسيق على الطريقة باليابان فهو هلق صار عالمياً مشهور بفن التنسيق الياباني الإيكيبانا وفي أكثر من 3 آلاف مدرسة في اليابان وهلق حالياً بالأردن في عنا 3 مدارس وأربع مجموعات كل واحد بدرس ستات معينة ومنتميين لهذه المجموعة طبعاً كلهم بيشتغلوا بيشتغلوا تحت مظلة نادي الإيكيبانا فرع الأردن وهي مؤسسة غير ربحية تطوعية حالياً أنا أترأس النادي فن تنسيق الورد على الطريقة اليابانية مش هو بس أنه أنت تحطي ورد بالمزهرية والصحن وتنسيق لأ لأ ولكن هو فن وهو نوع من الفنون التشكيلية ثلاثية الأبعاد إلها أكثر من هدف فيها الصفاء الذهني الالتزام مبادئ التصميم التركيز تقدير كل زهرة أو مادة مستعملة بالتنسيق وبتعطيك كمان تحدي لنفسك أنه أنت بتقدري تعملي إشي حلو من لا شيء من أي شي بسيط بتقدري تعملي شي حلو وكمان وكمان بتقدر تكون مهنة وكمان بتتعرفي عالمياً على أصدقاء بيشاركوكي نفس الاهتمامات وهون بتكوني أنت سفيرة لبلادك 

هبة السيدات اللي بيعملوا بهذا التنسيق قدروا يتعلموا تنسيق الزهور الياباني اللي قدروا يتعرفوا على هاي المهارة من يابانيين كانوا يجوا على الأردن 

رندة هلق طبعاً هناك في مجموعة كتير من السيدات في الأردن واللي بتجمعهم الاهتمامات بهذا التنسيق الورد الياباني واللي وضعوا حجر الأساس للنادي قبل 40 سنة اللي مهتمين بثقافة تنسيق الورد طبعاً لا ننسى نذكر أنه من المؤسسين واللي وضعوا حجر الأساس للنادي الست هند الشريف ناصر وزوجة السفير الياباني بهداك الوقت المدرس هون بالنسبة للي بدرسوا اللي عم بدرسوا أخذوا تعليمهم تنسيق الورد إما من خلال دورات خارج البلاد أو معلمات أو سيدات يابانيات زاروا الأردن أو أقاموا بالأردن بفترة معينة فنقلوا هذا الفن للسيدات وطبعاً حصلوا على كلهم حصلوا على شهادات بتأهلهم تابعة لمدرستهم بتأهلهم أنه ينقلوا هذا الفن لسيدات آخرين طبعاً المدرسين تلقوا التدريب والتعليم خارج البلاد أو من معلمات زاروا الأردن أو السيدات يابانيات أقاموا في الأردن في فترة معينة وهدول السيدات حصلوا على شهادات تابعة لمدرستهم وأهلتهم أنه ينقلوا هذا الفن ويدرسوه للأردنيات أو المقيمين في الأردن كمان 

هبة الزهور جزء من حياة رندة اللي بتحلم دائماً بأردن أخضر 

رندة طموحاتي نحو أردن أخضر كانت وما زالت حب الطبيعة وأنه الورود جزء من تقاليدنا وحياتنا بس لكن الوضع الاقتصادي بيخلي الحاجات الأساسية للحياة من أولويات العائلات الأردنية كمان يكون تدريس وتعليم فن التنسيق من أحد المواضيع من إحدى المواضيع اللي بيتدرس في المنهاج الدراسي الأردني عشان نشجع الجيل القادم على حب الطبيعة وفعلاً نادي الإيكيبانا في فترة معينة 2018 على ما أذكر أنه أو كثير نحنا عملنا برامج أنه كنا نحن نزور بعض المدارس والطلاب ونشرح لهم عن هذا الفن