الصحفية التي أصبحت صانعة كيك

هبة جوهر

من رقص الباليه إلى دراسة اللغات الحديثة إلى الصحافة ونهاية بتأسيس فكرة مبتكرة لإنتاج وصناعة الكيك! لنستمع إلى قصة لينا قطيشات. 

تابعوا البرنامج على تطبيقات البودكاست

من رقص الباليه إلى دراسة اللغات الحديثة إلى الصحافة ونهاية بتأسيس فكرة مبتكرة لإنتاج وصناعة الكيك!

لنستمع إلى قصة لينا قطيشات.

إعداد وتقديم: هبة جوهر
الإخراج الصوتي: محمد الحوراني
الهوية البصرية: سرد ديجيتال
الإشراف العام: محمد علي

نص الحلقة :

هبة اجتمعت الظروف كلها لتخلي لينا تشتغل في مهنة الصحافة وتلاقي فرصة كبيرة بهذا المجال بعد ما تخرجت من الجامعة تخصص صحافة وإعلام كان اجتياح بغداد وكانت وسائل الإعلام والصحفيين مجتمعين في الأردن ليقدروا يغطوا هالأحداث وهون كانت فرصة لينا إنها تحصل على وظيفة في وحدة من وسائل الإعلام العربية بس تفاصيل حكاية لينا فيها أكثر من الإعلام رح تحكيلنا ياها بقصتها القصيرة 

لينا كنت محظوظة الحمد لله أني أول ما تخرجت لقيت فرصة عمل رائعة وكانت بتلفزيون بالأخبار كان تلفزيون عربي مش محلي أردني وكانت وقتيها الأردن هي المقر لكل الصحافة لأنه كان وقتيها الsecond invasion على العراق الاجتياح الثاني كان ببغداد فكانت الأردن هي المنبر لكل الصحفيين يعني كلهم اجتمعوا الأجانب العرب كلهم اجتمعوا في عمان عشان هي كانت المنطقة الوحيدة اللي بيقدروا يدخلوا فيها يغطوا الأحداث اللي عم بتصير في بغداد وكانت هاي بالنسبة لإلي فرصة رائعة إني شفت كل إشي شفت يعني كان يومنا ما نعرف إيش هو كيف يبدأ وكيف ينتهي تعرفت على أحسن صحفيين بالعالم تعرفت على ناس كتير وشفت قصص كتير يعني هذيك الفترة بحمد الله عليها لأنه كبرتني وخلتني أشوف الدنيا بمنظور مختلف وأنه مش سهل الحياة مش سهلة وبدها اجتهاد وبدها شغل وبدها مثابرة فهاي يعني أنا بالنسبة لإلي بحسها هيك كنت محظوظة بهاي الفترة اللي اشتغلت فيها 

هبة الوصول لدراسة الإعلام ما إجا بهاي السهولة لأنه لينا غيرت تخصصها في الجامعة أما عن هواياتها وهي صغيرة كانت رقص الباليه 

لينا كانت أحلامي كلها شوي بمجال رقص الباليه فكنت بهديك الفترة كتير برقص باليه وكنت يعني هذا كان أكبر حلم بالنسبة لإلي بعدين لما تخرجت ودخلت الجامعة إيه لأ شوي فكرت بطريقة تانية أول ما دخلت الجامعة دخلت وبدأت دراسة الmodern languages وبعد أول فصل على طول عرفت أنه هذا مش المجال المناسب لإلي بحب أنا شوي المجالات اللي اللي بتفكري فيها خارج الصورة النمطية أو مش حفظ وشغل مكتبي بحب الشغل الميداني كتير فقررت أني أحول الصحافة وبالفعل تحولت لدراسة الصحافة ما كنت شاطرة كتير بالدراسة الكتابية والهاي بس كنت ناجحة مثلاً أكثر إشي نجحت فيه هو مشروع التخرج لأنه فيه شوي عمل ميداني فيه خيال فيه تفكير بأشياء برضه خارج الصورة النمطية 

هبة بعد الزواج اختلفت حياة لينا من شغل في الصحافة لشغل جديد وبعدين انقطعت عن العمل عشان تقدر تقعد مع أولادها وتعمل عيله 

لينا بعدين اتجوزت وتركت مجال الصحافة ودخلت مع الأمم المتحدة كانت وقتيها لسا في العراق بس ما طولت كتير لأنه حسيت أنه خلص بدي أخذ break من الشغل وبدي أركز I want to focus على حياتي العائلية أجيب أطفال يعني قلت خلص أنه بدي آخذ break من حياتي العملية وبالفعل بلشت تركت الشغل وكونت عيلتي بعديها كتير سافرنا على Europe كنا دائماً نقضي معظم وقتنا بـEurope وكنت دايماً بس آكل حلو هناك أني أرجع على عمان أقول حاسة في طعمة مختلفة حاسة أنه مش نفس الطعمة اللي أنا عم بدوقها بره 

هبة في مطعم قديم جداً عند بحيرة في أوروبا حست لينا أنه طعم الحلو أول مرة بتاكله وهو مختلف خاصة عن المطاعم العربية ولما سألت عن سر النكهة كان الجواب هو المكونات الطبيعية 

لينا ليوم كنا باسكوتلاند أو بالأخص قعدنا عند بحيرة اسمها لوخ لوموند وكان فيها هيك جبل كان فيه مطعم كثير قديم فيه ست وزلمة متجوزين كبار كتير وكانوا يعملوا cake وdessert وحلو للناس اللي بيعمله hiking هناك وبتذكر وقتيها دقت أزكى Chocolate cake بالحياة يعني كانت طعمتها مش عادية وسألتها وقعدنا نحكي قلتلها كيف بتعملي الcake وكيف هاي من وقتيها بلشت تشرح لي إنه كل شي بيستعملوا natural كله مكونات طبيعية عندهم recipes كتير قديمة وتوارثوها عبر أجيال هلق الnatural doesn't mean أنه الصح أو healthy الnatural اللي اكتشفته بعدين لما كملت لفتي ب Europe وصرت ألف على المحلات وأسأل عن dessert اكتشفت إنه السر بهاي الطعمة هو البساطة هو المكونات الطبيعية هو إن هم كتير بدخلوا الفواكه وأنواع كثير من الخضرة بالcake المكونات إنها تكون natural طبيعية ما تكون معمولة من خلطات جاهزة الخلطات الجاهزة اللي هي بتكون مصنعة كلها chemicals كلها منكهات فإحنا لأ إذا بدنا نعمل أي إشي natural نعنع نحط فيه طعمة الفراولة أنه كله يكون مكونات طبيعية منقطفها منغسلها ونعملها بالcake فهذا هو كان السر أنه كيف طعمة الcake ب Europe كتير مميزة 

هبة تأثير كورونا على حياتنا واضح ورغم الآثار السلبية إلا أنه فتح الله قدامنا أبواب جديدة زي ما صار مع لينا اللي مش بس بتصنع الحلوى من مواد طبيعية هي بتصمم شكل الكيكه وبتتعاون مع فنانين ليرسموا ويصمموا معها وحولت الcake لفكرة بتقدر تتعلمها وتشوف الفن في اللوحات الموجوده في الاستوديو اللي عملته 

لينا وبعديها لما إجت الكورونا قعدنا قعدت أفكر إني I have to start something اللي بحبه وبلشت أني بدي أتعلم سافرت تعلمت برة أخذت كثير دورات online جربت كثير وخبصت كتير وحاولت كثير عبين ماعرفت إيش هو أنا الline اللي أنا بدي ياه إيش هو الطريق اللي أنا بدي ياه فعرفت أنه أنا الطريق اللي بدي ياه بدي مكونات طبيعية تكون natural أستخدم فواكه حقيقية كريمة تكون quality عالية وأني أتعلم الtechnique الصح التي هي recipes يعني عبر مئات السنين موجودة من زمان وأنه أنا بس أني أتعلم كيف الtechnique تبعها وبعدين بصفي أنه كل واحد بحط الtouch تبعه والإضافات تبعيته هلق من الشكل من برة كمان حاولت أني أضيف إشي تاني دخلت فيه الأشكال الهندسية دخلت معاي رسامين كثير موهوبين زي جهاد حداد كان يجي يرسم عليها فيعني حاولت أطور من الشكل التقليدي للcake لأشكال تانية وهيني كل يوم عن يوم عم بحاول أتعلم إشي جديد وأطور حالي صارلي تقريباً ثلاث سنين ثلاث سنين ونص في هذا المجال عبين ما عملت cake studio نصه هيك art gallery صغير فيه لوحات لفنانين والنص الثاني kitchen بعمل فيه orders حسب الطلب ومعظم الorders ما باخد يعني إنتاجي مش تجاري يعني ما بنتج كميات كبيرة لأنه أنا again ما بستعمل خلطات جاهزة ما بفرز يعني أي order زي شغل البيت بعمله بس للorder الل بينطلب مني 

هبة لينا قدرت تؤسس فكرة جديدة في إنتاج الcake وكل المعرفة اللي حصلت عليها من برة قدرت تجمعها بدورات تدريبية لتفيد كل المتدربات وصاروا عيلة وحده 

لينا وكتير عم بحاول أعلم الناس techniques جديدة أو أصول الcake لأني أنا تعلمت بالطريقة الصعبة لأني حاولت أتعلم بعمان وما لقيتش اللي أنا بدي ياه أتعلمه بعمان فتعلمت برة وللأسف بحسش في بعمان أنه أو بالأردن بشكل عام إنه الtechnique الصح الtechnique الصح كثير مهم للcake يعني هو هو الأساس المعادلات الكميات كله كتير مهم حتى إنكم تقدروا تنتجوا cake صح وحاولت كمان إني أساعد الناس أنهم يغيروا الصورة النمطية عن الcake بكميات السكر المضافة بطريقة تغليف الcake حتى إنه دائماً بسمع إنه أنا بحط فانيلا عشان زنخة البيض وكثير بستغرب من هاي القصة لأنه الفانيلا ما إلها دخل بزنخة البيض والبيض مفروض ما يكون له زنخة البيض إذا انعمل بتكتيك صح هو مفروض إنه الكيكة ما تطلع مزنخة لا الخل ولا الليمون ولا الفانيلا هم معطرات أو بشيلوا زنخة البيض الفانيلا هي عبارة عن طعمه it's flavor زي أي طعمة تانية إحنا منستعملها فكثير في أشياء أنا بشوفها بالvideos وبشوف كيف الناس بفكروا فيها فهلق لأني أنا أعطي دورات عم بحاول كثير أساعد ناس أنهم يبلشوا المشروع تبعهم وأختصر عليهم الطريق اللي أنا مرقت فيه عشان يقدروا ينتجوا business من بيتهم من شغلهم بطريقة صحيحة عشان يقدروا ينتجوا cake صحيح أحلى إشي بمشروعي اللي فتحته بالcake studio إنه ما حدا دخله وأخذ دورة أو إشترى cake whatever especially اللي أخذوا courses عندي إلا ما صاروا جزء من العيلة صاروا صاحباتي وأخواتي مرات خربت معهم كيكة يجيبوها يصلحوها عندي مرات يدخلوا علي يشوفوني معجوقة على طول يبلشوا يساعدوني إذا من الأشياء اللي كتير مبسوط عليها هو الfeedback من الcustomers اللي أخدوا الcake courses معي والعلاقة اللي بتربطني فيهم هلق هلق هم صاروا جزء من عيلة La Bohème هذا أحلى إشي بLa Bohème أنه يكون فيه فرح كتير يكون فيه تكاتف محبة أخوة عيلة يعني La Bohème بالنسبة إلي عيله 

 


قائمة الحلقات

  • النرجس لغة حب
    هبة جوهر

    النرجس لغة حب

    النرجس لغة حب تميم وريم هو مشروع للزوجين مأمون عودة وهبة جموم، اللذان عاشا قصة حب بدأت من ورد النرجس، وتعلمت هبة لغة الإشارة لتنشر الحب في كل مكان. إعداد وتقديم: هبة جوهر الإخراج الصوتي: شركة ...

  • حلم الأمومة المؤجل
    هبة جوهر

    حلم الأمومة المؤجل

    حلم الأمومة المؤجل يرى الكثيرون عملية تجميد البويضات على أنها خطة بدلية للحفاظ على حق الأمومة، على الرغم من ذلك تواجه العملية رفضا مجتمعيا وحيرة، فـ ما تفاصيل هذه العملية وكيف يراها المجتمع؟ إعداد وتقديم: ...

  • قصة الشابة التي حلقت بإنجازاتها إلى الفضاء
    هبة جوهر

    قصة الشابة التي حلقت بإنجازاتها إلى الفضاء

    قصة الشابة التي حلقت بإنجازاتها إلى الفضاء د. مروى صلاح مستشارة في تطوير البحث العلمي والتعليم الاحترافي، ، وهي مطورة للمدن الذكية، وكما أنها عالمة وأول إمرأة أردنية تستثمر بالفضاء. لنسمع منها قصتها القصيرة.  إعداد ...

  • ما علاقة الملكة النبطية "شقيلة" بالرياضة؟
    هبة جوهر

    ما علاقة الملكة النبطية "شقيلة" بالرياضة؟

    ما علاقة الملكة النبطية "شقيلة" بالرياضة؟ آمنة طبيشي إعلامية متخصصة في الرياضة ومؤسسة لجمعية "شقيلة"، عاشت تجارب مختلفة في مشوارها العملي، واستطاعت أن تثبت نفسها في مجال الإعلام الرياضي. إعداد وتقديم: هبة جوهر الإخراج الصوتي: شركة ...

  • كيف تعيش النساء وحدهن؟
    هبة جوهر

    كيف تعيش النساء وحدهن؟

    كثير من النساء يواجهن تحديات باستكمال دراستهن أو عملهن خارج مدنهن، الامر الذي يخلق عائق لاستكمال أحلامهن. سلام تتحدث عن تجربتها في العمل والدراسة. إعداد وتقديم: هبة جوهر الإخراج الصوتي: شركة Feedz Pro الهوية البصرية: سرد ديجيتال ...

  • جسر الأمل الذي بناه حمزة
    هبة جوهر

    جسر الأمل الذي بناه حمزة

    نور العمد أم لثلاث أولاد وزوجة وصحفية، مرت في عدة محطات في حياتها، لكن المحطة الأهم كانت حينما أنجبت التوأم حمزة وسيف، وبدأت حياتها تتغير لتطلق مشروع "الجسر". إعداد وتقديم: هبة جوهر الإخراج الصوتي: شركة Feedz ...