تريندينغ الآن|  قانون جديد يثير الغضب في مصر

قانون جديد للأحوال الشخصية الجديد في مصر يثير الجدل.. فحوصات صحية.. انشاء لجنة لمراجعتها برئاسة قاض لإتمام العقد من عدمه والأهم من كل هذا.. سيتم تأسيس صندوق لدعم الأسرة المصرية يتم تمويل جزء منه من المقبلين على الزواج.

ذكر الرئيس “عبد الفتاح السيسي” أن المبلغ الذي سيدفعه المواطن لصندوق دعم الأسرة، مبلغ يقدر عليه أي شخص مقبل على الزواج، مضيفا: بتعملوا فرح مش عارف عامل ازاي وتتخانقوا على الشبكة والفرش، لكن ده صندوق مهم، ولو الناس هتدفع مليار الحكومة هتدفع مليار، ولو الناس هتدفع 2 مليار هندفع 2 مليار.

الإعلان عن اعتماد صندوق دعم الأسرة خلق حالة من الجدل والغضب بين المواطنين في مصر، فقد انتقد النشطاء هذا القرار الذي يأتي في ظروف اقتصادية صعبة تعيشها البلاد.

“دنيا” تحدثت في تغريدتها عن هذه القرارات التي وصفتها بالتعسفية قائلا: ” مبالغ فيه جدا إجراءات الدولة التعسفية ضد افراد الشعب ، حل الازمة الاقتصادية مش لازم يكون على حساب الفقراء ، في دول أخرى بيتم دعم المتزوجين واحنا هنا بنعمل جهدنا نمنع الزواج ونخليه مستحيل وفكرة منفره! لمصلحة مين ده”.

 

تريندينغ الآن| "إلحق اتجوز يا مصري".. قانون جديد يغضب المصريين

تعليقات النشطاء / تويتر

من جهتها المغرّدة “ ندى أحمد” تحدثت عن الأزمة الخانقة التي يعيشها المواطن المصري البسيط وأن هذه الخطوة تأتي لتزيد الطين بلة.. “ندى” قالت: “يعني احنا مش لاقيين ناكل والناس قربت تاكل طين والشباب قرب يطفش ويقولك اعمل صندوق دعم الأسرة للي هيتجوز طب ماهو مش لاقي يتجوز اصلا ولو لقي انت بقي تاخد منو 30 الف حتي الحلال صعبتوه اهربوا ياعيال اللي يقدر يهرب من هنا يعمل كدا أو اتجوزوا عرفي بمعرفه أهاليكم”.

في تعليق طريف ومبطن قال ” عبد الرحمان صالح” ما يلي: “صباح الخير ع الرجالة اللي صاحيين من بدري وسايبين سريرهم ف البرد ده ونازلين يسعوا ف طريق ملوش ملامح علشان يحوشوا للجواز و اشتراك صندوق دعم الأسرة واشتراك الجيم علشان تعدي الكشف الطبي و ممكن بعد كل ده القاضي يقول انك مش مناسب.”

“بيري أحمد” انتقدت وبشدة هذا القرار مستعينة بهاشتاغ “إلحق اتجوز يا مصري”.. “بيري” قالت: “إلحق اتجوز يا مصري السيسي عامل قانون الاحوال الشخصية بعد شهر سيطبق ، هتدفع يعني هتدفع !! المواطن خلاص كره حياته !! كل شوية يطلع قانون يسحب الفلوس من جيوب الناس”.