لمى: لم أتوقع أن يتخلى عن أطفاله من أجل المال

مها فطوم

لمى (اسم مستعار)  صبية سورية متزوجة وأم لطفلتين، تشاركنا تفاصيل حول النصب والاحتيال الذي تعرضت له بسبب رغبتها بالسفر والهجرة وقصتها تشبه إلى حد ما قصة ريما ضيفتنا السابقة والفرق أن حياة لمى كانت في خطر مباشر بسبب المهربين

تابعوا البرنامج على تطبيقات البودكاست

دبي (أخبار الآن)

لمى: لم أتوقع أن يتخلى عن أطفاله من أجل المال

لمى (اسم مستعار)  صبية سورية متزوجة وأم لطفلتين، درست إدارة أعمال و تخصصت في العلاقات الدولية،

اشتغلت في منظمة الأمم المتحدة ضمن برنامجها الإنمائي في سوريا قبل أن تقرر هي وزوجها أن يغادروا سوريا أملاً بمستقبل وحياة أفضل نتيجة الظروف الراهنة للبلد. تشاركنا لمى في بودكاست صارت معي ضمن سلسلة مش معقول تفاصيل حول النصب والاحتيال الذي تعرضت له بسبب رغبتها بالسفر والهجرة وقصتها  تشبه إلى حد ما قصة ريما ضيفتنا السابقة والفرق أن حياة لمى كانت في خطر مباشر بسبب “المهربين”.

سلسلة مش معقول هي سلسلة نقدم من خلالها تجارب أشخاص تعرضوا للخيانة أو النصب والاحتيال أو كُذب عليهم كذبات كبيرة غيرت مفاهيمهم عن التعامل مع البشر لنعرف منهم كيف تصرفوا وماذا كانت النتائج.

 

إعداد وتقديم: مها فطوم

الإخراج الصوتي: محمد الحوراني

الهوية البصرية من تصميم مديحة طه

الإشراف العام: محمد علي

 

نص الحلقة :

لما ضيفتنا هذا الاسبوع في بودكاست صارت معي وهي صبية سوريه متزوجةوام لطفلتين اسم لما هو اسم مستعار اخترناه بناء علي رغبتها وعدلنا صوتها كمان درست لما ادارة اعمال وتخصصت في العلاقات الدولية اشتغلت في منظمة الامم المتحدة ضمن برنامجها الإمائي في سوريا قبل ما تقرر هي وزوجها انه يغادورا خارج سوريا املا بمستقبل وحياة افضل نتيجة الظروف الراهنة للبلد لما معنا اليوم ضمن سلسلة مش معقول وهي سلسلة قدمنا خلالها تجارب اشخاص تعرضوا للخيانة او النصب والاحتيال او كذب عليهم كذبات كبيرة غيرت مفاهيمهم عن التعامل مع البشر لنعرف منهم كيف اتصرفوا وشو كانت النتائج ولما اليوم بتشاركنا تفاصيل حول النصب والاحتيال اللي اتعرضلتوا بسبب رغبتها بالسفر والهجرة قصة قريبة تقريبا لقصة ريما ضيفتنا السابقة لكن الفرق انه حياة لما كانت بخطر مباشر بسبب المهرب " مها فطوم "

 

نحن حاولنا نسافر تقريبا شي 6 مرات انا وزوجي وكلهم يفشلوا لأنه مرات مثلا نلحق النصبة مرات أنه ما نسافر لأنه يكون راح علينا شئ معين أو لكن أخر محاولتين كانوا يعني بدنا نقول بائسة جدا وفيهم خسارة كتير كبيرة يعني نفسية ومادية وعلي كل الأصعدة طبعا احنا اتعرفنا علي حدا اسمه ابو خالد عطانا اياه شاب هو قدر يقطع من تركيا طبعا نحن اتعرفنا علي اكتر من حدا شئ ابو خالد شي ابو حمزة كلهم ابو ابو يعني ما بنعرف اسمائهم كلهم وهمين لكن هن علي كلامهم انن مضمونين يعني يعني حتي اذا في حال ما تم التقطيع احنا بيرجعولنا المصاري او هيك طبعا السفرة ما قبل الاخيرة نحن كنا بنطلع عن طريق ايدلب علي تركيا خبرونا انن نحن بدنا نطلع بسيارة حتي العاصمه هيكون في ضباط هنيك ناطرينا بيقطعونا بتكون أول ادلب هيكون في سيازة تانية مشان يقطعونا من جهة المسلحين يعني طبعا هاي الطرقات كليتها ما بنعرفها لانه قانوني كتير علي 8 وصلنا بوقت كان ليل قطعنا كل الحواجز فكان معانا ابو خالد في الوقت يعني حدا لابس جلابية فهو يكون موجود معانا مثل ما ركبنا روحنا بسيارة من ساحة العاصي لمنطقة تانية بيكون في سيارة كمان نحن نفسنا في حدا ناطرنا هو الشوفير نفسه يعني يتنقل من سيارة لسيارة كل ساعة يكون فيها ناس يعني بدهن يمشوا معانا فقطعنا وانه هاي حواجز الجيش حواجز المسلحين كليتها احنا قطعنها يعني انه هو نفس الشخص وصلنا تقريبا علي منطقة بحلب هايدي السلفة من سنتين كتير ما اني متذكرة الاسماء المناطق فنحن بهذه المنطقة كنا تقريبا وصلنا لشئ 75 او 80 شخص فخبرنا انه شباب هايدي المنطقة اللي هو أنا هتركم فيها بدكم تمشوا تقريبا شى 3 كيلومتر بطريقة شاقة يعني ما في ولاا مساحة فاضية تماما مافي بيوت ولا شجر ولا شئ يمكن ارض كانت وحيدة فيها جزئ شجر زيتون يعني الشجرة بتطلع شئ مترين او متر وسبعين تقريبا لهلا بتذكر طولهم يعني فنحن ماشيين كليتنا في شباب في ختايرة في نساء معن أطفال في أطفال اصغار يعني أنه واعيين شوي عم نمشي عالم ماسكه بايد بعضها لهلا بتذكر هذا المشهد فأنا وقتها كنت واخدة معاي أنا بحب التصوير فكنت مشترية قبل بشهر بكدج فيه كاميرا ومعدتها كليتها وهو طبعا كان المهرب وصانا اذا صار ما صار طبعا ما هيصير ابدا شئ لكن انا بدي اخبركن شو بدكن تتصرفوا لكن اذا صار ما صار بتذتوا كل شئ علشان يكون فيكم تركضوا يعني بعد شوي سمعنا هاي الطلقات انه اذا انت بدك تمرق من جنبك بنسمع هاي الصوت في صوت بعيد عم يقول جبيهون صيدوهن ما بدي حدا عايش فأنه في عالم او ما فهمت الناس اللي قطعت كانه قطعوا كذا مره لهيك عرفت لوين تركض والناس اللي مثلنا اللي رايحة علي طريق منبعج يعني اول مرة بتروح يعني فإحنا كتير فتنا ببعض يعني فأنا حسيت اني بس بدي وصل لشجرة من شجرات الزيتون أقدر اوصلها اتخبي وراها لانه كان وقتها عتم يعني فكان في شاب هو وأمه قالي إذا ضايقتك الشنطة تركيها واركضي انه المهم انفدي طبعا هن فجأة صار معهم بلجكتور انه في شغلة انا انتبهت لها كتير انه وقتها الارض ما فيها لا شجر ولا علي مد عيني يعني ما في هن مثلا انه يتخبوا ورا شئ فجأة طلعوا يعني طلعوا وبلشوا يقوصوا علينا في عالم اتصوبت بإجرها وفي عالم نفدت انا بصراحة من كتر العتم ما بعرف اذا حدا وقع او هيك بس بسمع بكي عياط نسوان عياط زلم اركضوا امسكوهم او جيبوا الصيابة يعني هاي الكلمات اللي كانت ترن يعني بعد شوي انه نحن طبعا ركضت للزيتون فأنه في احد الاشخاص اجه بوجهي فأنا حسيت حالي خلاص انه انا يا اما بدي موت يا اما خلاص يعني أنه ما بعرف شو بيصير فيني فأنا صيرت فكر في هاي اللحظة انه بدي ادعي انه بس انفد من هاي السفدة وخلاص ما عاد سافر ما عاد حط ببالي ابدا سفره يعني كنا تقريبا شئ 25 شخص في عالم ركضت قدرت تنفد وفي عالم لا مسكت وفي عالم ما بعرف عنها شئ بصراحة وقتها انه كل حدا بده ينفد فبتيجي السيارة والكبار اللي بيحملوا فيهن شولات شعير هاي الكبيرة ركبونا فيها وحطولنا بإكياس بوجهنا مشان انه نحن ما نشوف احنا وين رايحين فتقريبا مشينا مسافة منيحة ما بعرف كم بالتقدير بس انه ضلينا شئ ربع ساعة السيارة ماشية بسرعة ودج علي الطريق وضجة حجر يعني بس انه مستعجلين بسرعة فأنه وقتها نزلونا انا سمعت بداني صوت المهرب اللي اسمه ابو خالد فكان جنب حدا عم يقوله انه صوت بو خالد انه ما بده يسمعني وقت اللي فتنا نحن علي الفرع طبعا اللي بقي معنا واللي سلمنا هو ابو خالد نفسه وكا اكتر شئ عم يأشر علي انه انا معي كاميرا يعني انا كتير اضايقت عليها لانه كانت جديدة وانها كتير كان احد احلامي انه يكون عندي هيك كاميرا فضلينا عندن لتاني نهار وانا عم بتسأل أنه ليش هيك المصاري راحت ونحن بدنا نسأل انه بدنا نرجع مصريتناا ما خلولنا ابدا انا كنت بحالة صدمة ما بعرف شو اتصرف لحالي واساسا الشباب اللي كانوا موجودين ما شوفناهم يعني الشباب لحال والنساء لحال طبعا احنا تحقيق ما اتحقق معانا انه شو اسمك شو بتشتغلي وهيك الشباب طلعوا جيت بدي اخبر اني بدي اخد الشنطة فعطوني اياها انه اخر شئ خبروني انه منيح اللي طلعتي يعني انه منيح اللي طلعتي لسه بدك تسألي علي اغراضك وهيك بعدين روحنا هاي السيارة نفسها ما بعرف وين مشينا تقريبا مسافة منيحة حتي وصلنا علي ضيعة بحلب شوفنا هيك بيوت رفية قعدنا فيها تواصلت انا هون مع زوجي وخبرته انه هيك هيك صاير معي بعدين هادول الجماعة اللي قعدنا عندن مرأونا لنص حلب وجينا كل حدا دبر حاله يعني ۔ " لما "

 

تهريب البشر هو سوق عمل رائج علي الحدود اللي ظهر طبعا مع تأزم الأوضاع بسوريا وكتير ناس اتمسكوا بقشة الأمل واضطروا يروحوا لهالطريق ليصيروا بعدين ضحايا ۔ " مها فطوم "

 

هايدي القصة اللي صارت معاي قبل الاخيرة الاخيرة اللي صارت معاي تقريبا من سنتين تعرفنا علي شاب هو علي أساس عنده أطفال بده أنه يبعتهم علي كندا فأنه بين كلمة جد ومزح أنه نحن بنطلع شو رأيك أنه نطلع نحن ما تنزلنا عن الوصاية شو بتكلفنا أنه نرجع ندفع تكاليف وهيك فالأطفال ضلوا عندنا 20 يوم نحن بعدين تعرفنا انه هو متزوج فنحن حنينا عليهم للولاد خبرنا هون انه بعد فترة بدها تطلع الفيز وإن شاء الله فيزيتكم طالعة وأنه كل شئ مضمون وناطر المكتب بلبنان وفعلا بعد تقريبا 15 يوم اجت الفيز النا وطبعا نحن بهاي ال15 يوم هو عم يقنعنا بيعوا الاغراض علشان يكون معكم مصاري طبعا نحن هون مو بس بيعنا الاغراض بيعنا كل ما نملك تركت كام اشئ لاهلي وبعدين سافرنا معنا الاطفال وقت اللي وصلنا علي الحدود صار في مشاكل علي الاطفال يعني مع انه معنا وصاية لإلهم يعني كان بس ما مارأونا لانه ما سمحولنا انه الفيز مزورة كانت او فيها شئ ما نظامي فخبرنا وقتها الأمن العام أنه لا شو رأيكم أنه خلاص صفوا انتوا بتفوتوا علي المطار وهونيك علشان ما يكون في حقوق عليا علشان بدكم تتأكدوا يعني نحن روحنا علي المطار طبعا بالمطار اجه اللي بدوا يشوف الفيزا النا وطبعا هون الشاب اللي بدوا يسفرنا خلي الاطفال هنيك وخلوهن علي اساس انه بعتلنا الفيز عرفتي كيف طبعا هون احنا اكتشفنا انه ما بس الفيز مزوره وعلي أساس انه كل الامور ماشية بنكتشف أنه الأب بعد ما طلعنا نحن فكر انه نحن طلعنا علي لبنان اخد زوجته واختفوا نحن كنا بايعين كل ما نملك ورجعنا علي الحديدة طبعا ما عندنا شئ ابدا حتي عفش بيت ما في مع انه النا 12 سنه متزوجين يعني وكان فرشنا احسن شئ كان فكتير بعناه برخص أنه أوك خلاص بكره بنطلع علي كندا وبيصير عندنا اخيرا بعد ما وصلنا قولنا نتواصل مع هذا الشاب او نتواصل مع المكتب اللي سفرنا كلن ما يردوا قومت اتواصلت مع زوجته للشاب كان من سالمين طبعا هو ما هو سالموني هو من ادلب ولكن احنا كتير عطفنا علي الاطفال وتواصلنا مع الخال علي اساس يبعتلنا والامور كتير تمام طلعت مؤامرة طبعا هدف المؤمراة لحد الان ما هو كتير مفهوم ولكن اللي اكتشفناه انه الاب بده يخلص من الاطفال وحطن عندنا نحن بالامانة وطلع هو ومرته يعني بعد فترة بيوصل علي الواتساب رساله صيرت ابعتلها دائما فهي خبرتيني انه قولتلها احنا بيعنا كل اغرضنا والاولاد عندنا موجودين والاطفال كبار مانو صغار الكبرية عمرها 17 والاصغر 16 واصغر طفل صف سادس انه خدوهم وهيك ورجعولنا وليش هيك عملتواا فينا احنا كنا مناح معكم نحن رح نشتكي عليكم يعني فهي بترد علي انه القانون لا يحمي المغفلين كتير اضايقنا نحن لانه حسينا أنه يعني المفروض كنا اتعلمنا درس قاسي ما نوثق بحدا وأنه المفروض نحن نكون أوعي من هيك ونحن دارسين وفهمانين بس نحن كنا طالعين من صدمة أنه سافرت تركيا وتهريب اجت علينا هاي القصة فحسينا حالنا مثل الغريق اللي متعلق بقشة انه نحن صدقنا ومستحيل حدا ولادة معنا يعني مستحيل يكذب يعني ما حدا بيفرط بولادة وهيك انه الامور ماشية وفعلا كانت ماشية انه الفيز صارت معنا وقطعنا تكت الطيارة في شاب لبناني عنده مكتب انه حتي هاي الامور نسأل عن تفاصيلها بس كنا علي ثقة انه ما رح يغشنا اللي اسمه شادي من ادلب لانه ولاده معنا يعني ما في حدا بيفرط بولاده وهيك وبعدين الاطفال حسوا ان هما كتير عبئ علينا ما بعرف في طفلة من الاطفال اتواصلت مع خالها اللي موجود بإدلب وخالها اتواصل مع عمها وعمها اجه اخدن من عندنا من البيت بس احنا هون عندنا كنا ما في شئ ابدا بتذكر وقت اللي اجيت انا كانوا اهلي مودعيني وأصحابي وهيك فتت علي البيت فاضي ما في شئ ما في شئ بنملكه نهائيا كان في شوية أغزاض تاركتها الماما لساتهن موجودين كان النا كذا ساعة ما كتير نص النهار احنا طرقات وين ما صار معنا هاي القصة بعدين رجعنا قضيت اسبوع لحالي كنا مصدومين انا وزوجي بصراحة لأنه يعني كنا ضايجين من نفسنا انه ليش نحن هيك وليش هيك صار فينا وبنفس اللحظة انه نحن كان عندنا افقنا واحلامنا وطموحتنا ونحن بدنا نطلع وانه اخيرا فرجت واخيرا في حدا يعني انه مأمن ولاده معنا يعني والحمدلله اجت هيك مثل ما بيقولوا ساعدنا بالطلعه بس نصير هنيك ونحن عندنا كفائات ومتعلمين وبنحكي انجليزي منيح وانه في كذا مؤهل انه بنقدر نتألف مع البيئة اللي هنيك واساسا حلم حياتنا يعني نطلع فبقيت تقريبا شهر الوضع كتير سئ نفسيا واسبوع ما شوفت حدا مع العلم انه اهلي واصحابي بس بدهم يشفوني ما رضيت شوف حدا ولا احكي ما حدا بعد 10 أيام غصب انه اجوا لعندي وكل حدا بيجبلي شئ حدا بيجبلي بطانيات حدا بيجبلي صوبا كان اول الشتويه حدا بيجبلي بواري حدا بيجيب طقم كاسات وهيك بس نحن نستر حالنا بالشتاء يعني الحمدلله كان درس قاسي وصعب ومر لحد اللان اذا بحكي عنه برجع لنفس الحاله اللي انا كتير سيئة ما بحب اني انساهم علشان اتعلم الدرس وما بحب اذكرها لان هي كتير صعبه بس عنجد الشخص ما قضية ثقة انه توثق او هيك حتي ولاده الواحد صار يتخلي عنه واذا سفرة تهريب يعني انه الموضوع كتير يعني خطر والامر مانوا لعبة أبدا وأنا قد ما حكيت عن القصة يعني قد ما حكيت وحكيت تفاصيل اكتر وادق من هيك رح كون ماني عم بالغ لانه يعني هيك بتوجع وصعبة وتحس انه بلحظة الواحد قادر يفقد حياته بلحظة وما حد بيسأل عنك أبدا كون مثلا امن الحدود عم يدافع عن الحدود او هيك ما يعني انت اللي ملام بتكون يعني ، الحمدلله يعني اصحابي واهلي وقفوا معي منيح واللي ماثر فيني لحد الان وبصراحة يعني صيرت اخاف من موضوع السفر وانا لغيته من بالي نهائيا سفر التهريب لغيته نهائيا نهائيا صيرت اشتغل علي حالي بعد وعم ادرس الحمدلله وبنشوف يعني اذا صارت سفره نظاميه معناه ممكن غير هيك انا خلاص يعني ابدا ابدا يعني ابدا ما بفكر بالموضوع لانه صار شبه مستحيل  صار عندي ردة فعل من هيك قصص وحكايا ومافي حدا بتصدق ابدا فبتمني انه يعني وجهة نظري انه توصل للاشخاص اللي هن علي وجه انن يطلعوا يسألو قدر الامكان يعني اذا هن كتير معتمدين علي الطلعه والله مع الكل يعني  وقت اللي احنا بدنا نشتكي ما الشكوة باطله يعني اللي هي المره ساعدناها خبرتنا انه القانون لايحمي المغفلين ونحن زعلنا يعني علي شهادتنا بس ما كنا متوقعين انه حدا بيتخلي عن اطفاله هيك وكانت الامور شبه نظاميه يعني والمصاري راحت والاملاك راحت والحمدلله النا سنتين عم نحاول نأسس حالنا بعد زواج 12 سنه نحاول نأسس أشياء لبيتنا وخسارتنا كليتها الحمدلله علي كل شئ  ۔ " لما "

تحية من كل قلبي للما ولهدي ولريما ولمحمد ولذكري  ولمني يلي شاركوني تجاربهم بسلسلة مش معقول تحية لشجاعتهم وشفافيتهم بالوقت اللي كتار بيشوفوا من الصعب الاعتراف بانن انخدعوا او تم استغفالهم ضيوف سلسلة مش معقول حكوا تفاصيل للبعض ممكن تكون محرجة كرمال كل حدا اتعرض لنفس الموقف يتأكد انه مش لحالة وانه كلنا ممكن يصير معنا هالشئ وكمان لننتبه اكتر في حال ما صار معنا بتمني تكون السلسلة نالت إعجابكم واهتمامكم رح ناخد في الاسابيع القادمة بريك قصير ونرجعلكم قريبا في بودكاست صارت معي بسلسلة جديدة من هلا لوقتها ضلوا بخير واسمعونا دايما من خلال موقعنا اخبار الان ۔ نت وجميع منصات البودكاست واذا حبيتوا تتواصلوا معنا  عندكم رقم الواتساب 00971568531592 بالإعداد والتقديم برافقكم دايما أنا " مها فطوم إلي اللقاء

۔" مها فطوم "


قائمة الحلقات

  • كيف يتحمل مضيف الطيران نفسيات الركاب المختلفة؟
    مها فطوم

    كيف يتحمل مضيف الطيران نفسيات الركاب المختلفة؟

    كيف يتحمل مضيف الطيران نفسيات الركاب المختلفة؟ عمار نفاع مضيف طيران سابق بخبرة تزيد عن 11 سنة، يشاركنا في بودكاست صارت معي ضمن سلسلة "خفايا شغل" تفاصيل ومعلومات عن عالم مهنة مضيف الطيران وبعض أسرارها ...

  • القهوة تستحق أن أصبح باريستا لأجلها
    مها فطوم

    القهوة تستحق أن أصبح باريستا لأجلها

    القهوة تستحق أن أصبح باريستا لأجلها الريم الهناوي شابة إماراتية عمرها 23 سنة، توجهت للعمل كباريستا في واحدة من أشهر الكافيهات بالعالم بعد أن قررت عدم متابعة دراستها الجامعية. تشاركنا في بودكاست صارت معي ضمن ...

  • معلومات لا تعرفها عن تغسيل الموتى
    مها فطوم

    معلومات لا تعرفها عن تغسيل الموتى

    معلومات لا تعرفها عن تغسيل الموتى الشيخ أحمد عودة والشيخ حسين سليمان سوريان مقيمان في لبنان، بالإضافة لعملهم الأساسي في التعليم الديني يقدمون خدمة تغسيل الموتى منذ سنوات طويلة ، شاركونا في بودكاست صارت معي ...

  • لماذا لا نحب موظفي الـ HR؟
    مها فطوم

    لماذا لا نحب موظفي الـ HR؟

    لماذا لا نحب موظفي الـ HR؟ ليلاس مكي متخصصة في الموارد البشرية وعلى منصات التواصل الإجتماعي كريمة جداً في نصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة "خفايا ...

  • تشويقة: سلسلة "خفايا شغل" - بودكاست صارت معي
    مها فطوم

    تشويقة: سلسلة "خفايا شغل" - بودكاست صارت معي

    "خفايا شغل" سلسلة حلقات في بودكاست صارت معي نستضيف فيها أشخاص من مهن وخدمات مختلفة ليخبرونا أسراراً لا نعرفها كأشخاص خارج مجالهم وكواليس تحصل أثناء ممارسة المهنة بالإضافة إلى مواقف طريفة وغريبة حصلت معهم. إعداد ...

  • كيف نتحرر من القوالب الضيقة التي وضعونا بها؟
    مها فطوم

    كيف نتحرر من القوالب الضيقة التي وضعونا بها؟

    غالية تركي صبية سورية فلسطينية مواليد 1991 مقيمة في الإمارات منذ عامين وتعمل في مجال إدارة المشاريع التسويقية والخدمات الإلكترونية، تشاركنا في بودكاست صارت معي تفاصيل تجربة قاسية وصلت فيها للموت بسبب التنمر وعدم تقبل ...