محمد الغرسي: الاحتيال يعتبر بسيطاً أمام ما تعرضت له من خذلان

نص الحلقة :

كان عندي شحنة طالعة من الإمارات للسعودية فالشحنة إحترقت ۔

فكرت بالأمر وفعلا اخترت مجموعة من المشاهير عددهم 10 حطيتهم بدماغي وحاولت اتواصل معهم من العشرة 3 اللي ردوا علي اثنين اللي قابلوني واحدة اللي اتفقت معاي

أنا الحمدلله راضي ومقتنع ومبسوط بقضاء الله واثق أنه هو عم يكرمني ۔

" محمد الغرسي "

 

أهلا فيكم في بودكاست صارت معي في حلقه هذا الاسبوع ضمن سلسلة مش معقول ضيفنا هو محمد الغرسي سمعتوا صوتوا بمطلع الحلقة محمد هو رائد أعمال سوري الجنسية بخبرة تزيد عن 17 سنة بالمبيعات بين تركيا ودول الخليج فعليكم أن تتخيلوا هاي السنوات كام عاش فيها تجارب وعثرات نجاحات وفشل للكثير من المحاولات كما تعرض ايضا للنصب والاحتيال رح يخبرنا اهم تفاصيل ومحطات هذه الرحلة ۔ " مها فطوم "

 

هلا بالأساس أنا بعرف الخبرة ما بتيجي الا عن طريق كتير تجارب الواحد يقع بمشاكل كتير فالصراحة أنا المشاكل اللي وقعت فيها لو حدا من الأشخاص يعني حكالي اياها وقالي هذا الطريق بيأدي لهون كان أنا بالأساس ما وقعت هالوقعه فأنا الحمدلله علي مدار مشاريع كتير اللي وقعت فيها ما بدي حدا يوقع بتجربتي وعلي اساسه انا عم سوي محتوي صارلي سنه ونص بهذا الموضوع تحديدا ۔

" محمد الغرسي ۔ "

 

أوك طيب خبرنا القصة من البداية ۔ " مها فطوم "

 

القصة من البداية أنا كنت طبعا 15 سنوات بدول الخليج عشرة بالسعودية واربعة بالإمارات تقريبا والباقي بين تركيا وسوريا لما تركت وظيفتي انتقلت بدأت العمل الحر أنه أنا بدي أشتغل مع هيك أكون تاجر لحالي سيد نفسي وهي البداىة معاي من الصغر من واحنا بعيلتنا لازم الشخص الشاب الصغير اول ما يطلع بالصيفية ما في يقعد ويلعب بالشارع لازم يشتغل فكان دايما في شغل من مصلحة لمصلحة بتعلم مهام جديدة ومهارات جديده لما بلشت انا بوظيفة جديدة بالسعودية قولت انا رح كون سيد نفسي واشتغل عمل لحالي وفعلا بدأت التجربة الاولي كانت مع احد اقاربي بدأنا بمشروع صغير اتفقنا علي نسب معينه انه يلا جيبنا بضاعة من الامارات صيرنا نبيعها بالسعودية وكانت أرقام حلوة كتير ورائعة يعني ما توقعنا المبيعات كانت بهالسرعه وهالكاثفة لكن كانت تجربة عمل مستقل اتفاجئ من مافي اقل من شهرين انه النسب بدها تتغير انا دافع رأس مال فحسبت حساب انا عطيته خيارات ياخد البضاعه يا اما نبطل ما فيني استمر قال ما في مشكله اترك كل شئ وابدأ من جديد فقررت اني ابدأ بشكل نظامي وقانوني بمكان جديد نهائيا فتوجهت بإتجاه الإمارات أخدت محل قولت بدي أبدأ من الصفر فتحت رخصة تجارية كمستثمر وبدأت فعلا من الصفر صيرت اجيب بضاعة ومبيعات أونلاين الحمدلله رب العالمين وفقني أكتر صارت مبيعات كتير قوية وهايلة يعني ما لحق بيع البضاعة انا بخد المورد نفسة بالامارات باخد منه من إمارة لإماره باخد وبيبيع فالصبح مبيعات وبليل بروح اشتري منه بضاعه فكان رأس مالي اقلبه بطريقة سريعة لكن ما يكفيني فكان لازم طول أحد المرات اجتني ست بيت هي وعندها يادوب وظيفة صغيرة نص دوام وعم تقلي انا حابه طور حالي ومن عملي ماني قادرة طور من عملي او جيب دخل اكتر فشو الحل فخطر ببالي انه انا عندي شويه بضاعه بالمبلابس ايه رايك تاخدي شويه بضاعه تبيعهم وترجعيلي ومنه بتستفيدي وبستفيد وأنا رح اعطيكي النسبة الاكبر لإلك ۔ " محمد الغرسي "

 

أخدتهم باعتهم عجبتها الشغلة لانه مرابحها حلوه وانفتح الباب لاعداد كبيره من المندوبات النساء يشتغلوا هالشغله وهالشئ خلاه ينتقل لمستوي أعلي بالشغل ۔

"مها فطوم "

 

فكرت بطريقة قولت انا ببعتلكم صور الموديلات انشروها علي وسائل التواصل الاجتماعي ولما يجيلكم طلبات انا بشحنها للعميل والعموله بتوصلكم يوم الخميس او الجمعه اتفقنا علي هالشئ العدد من 5 او 6 مندوبات صار 95 مندوبة وصار الموضوع مو بس بالإمارات صاروا ناس تدل ناس ناس بسوريا وضعهم صعب انه يقبضوا بالدرهم او الريال السعودي ناس بالسعودية من الاقارب يعني الخير عم والفكرة أنه أنا كنت حاطت العموله الاكبر للمندوبه وحاطت استندر سعر ثابت وما بميز حدا عن حدا فالحمدلله الله اكرمني بحسنتن وصارت مبيعات كبيره كل 3 أشهر نوصل للمليون درهم مبيعات وصار لازم غير طريقة العمل فجبت شركة محاسبة للحسابات مسؤولين افرع بالمناطق انه خلاص بالامارات في شخص مسؤل عن البضاعه وترتيبها وفي بسوريا في مسؤلة عن 30 او 25 مندوبه وبالسعودية نفس الشئ اتعاقدت مع شركات توصيل كتير توصل احنا صح في فروع لكن اغلب مبيعتنا اونلاين بالاضافه انه صار في عندنا بدنا رأس مال اكتر وبدنا فروع اكتر فاصيرت اخد بضاعه من مصانع تركيا من اربع او خمس مصانع من تركيا اشحنها للامارات ومن الامارات للسعوديه وغيره هذا الامر صار بده مشاركين اكتر وفعلا ادخل معايا شركاء من قطر ومن السعوديه من الناس اللي بعرفهم لكن كان هذا الشريك سيف ذو حدين هو له مكانته وله اجره وكان بينفعني وبيساعدني كتير وبيسهلي كتير امور لكن بنفس الوقت هو بيسببلي بلحظة ممكن يسببلي ازمة كبيره انا حسبت حساب دائما حسن النية والثقة والتاجر قلبه قوي واتوكلنا علي الله وسويت العقود بشكل رسمي انا كمستثمر بالامارات جاي اتعاقد مع لكن اقامتي بالسعودية كمقيم عادي وفعلا بدأنا العمل واتفقنا علي الشراكة صار هو بده يدخل بكل الافرع اللي عندي رفضت وقولتله انا بس بدخل معك بالسعوديه محتاج هون مش محتاج بالامارات وقطر والامارات لا اصر يدخل بطريقة معينه اتاخر توقيع العقود وغير بالعقود كثير صار يماطل معاه شخص طبعا هو اللي بيدير له الامور وانا ماشي معن ننقل بضاعه لعندي خلينا نجيب البضاعه لعندي نقلت البضاعه لعنده بلشنا مبيعات كانت الحمدلله خلال شهرين مبيعات هائلة اتفقنا خلاص اعطيني شويه رأس مال اذا بدك تأخر حصتك عطيني دفعه معينه علشان بدنا نجيب بضاعه من تركيا بدنا نصنع ونجيب طلبات كتير طلعت علي تركيا كان عندنا مسؤل مشتريات هون بتركيا جهز البضاعه بالمصانع ورتبنا الامور عم جهز البضاعه واذا بعتلي شخص من تبعه قالي لا ترجع خلاص ما عاد فيك ترجع ! ليش ما فيني ارجع ؟ قالي خلاص ۔ " محمد الغرسي "

 

الشريك طمع واستكتر باللحظه علي محمد انه يكون قادر عم بيحقق كل هاي الارباح بهالمهارة وبالتالي قرر يستغل القوة وينصب عليه ويخليه بعيد ليخسر كل شئ ۔ " مها فطوم "

 

الحمدلله علي كل حال الله عوضك جميل اللي رزقني بيرزقني قولت ما راح اطلع لورا كتير خليني امشي لقدام خلال ساعتين انا كنت هون واخد مكتب بس علشان ما في مكان بضاعه بتركيا فعلا خلال ساعتين استاجرت محل وخلال اول يوم بدات مبيعات وبلشت شوي شوي الامود تمشي خلال نفس اليوم تاني يوم كان في الي شحنه طالعه من الامارات للسعوديه فالشحنة احترقت كليتها وهي شحنه تجميع ما عليها تأمين ما عليها أي ضمان للموضوع وسببتلي ضرر كبير روحت علي الامارات مشان حل الموضوع جاني منع السفر ما عاد فيني اطلع من الامارات صيرت بدي صفي الامور في ناس الهم ديون الهم كذا وبنفس الوقت الي مبالغ كبيرة بالامارات عند المندوبات في مندوبات كانوا ياخدوا بضاعه وفي مندوبات نظام شوبنج في محلات بحط عندهم بضاعه شافوني وقعت ما عاد حدا يعطيني اعمل اللي بدك اياه حاولت بطريقة بالتانيه صار خلاص انا المطالب فجأة لقيت حالي انه خلاص كل شئ راح ففكرت بالموضوع شو اسوأ شئ ممكن يصير سجن طيب معنتها رح كون جاهز طيب واذا ما صار كمان رح كون جاهز ورجعت لربي صيرت راجع حالي بخلوه فعلا من ما كنت بالسابق مثل ما بيقولو اربع هواتف لكل دولة هاتف كل بلد الها مسؤول بيتابع معاي مجموعة موظفين مشغول علي طول صيرت لشخص يمكن بالعيد سلمت علي 3 اخاص بالغلط فصار الموضوع جدا هيك صعب بالنسبة إلي فنحن طبيعتنا أنا طبعا سوري ومدينة هاي مثل مثل ما بنقول نحن بنتميز بموضوع الشعر والامور الادبيه فطلعت اللي بقلبي من انفعالاتي حكيتها بالشعر طبعا نسيت انه جاتني قضية عائليه انه فسخ الزواج بناء علي هاي القصة وعندي بنتين انا فجت كل المواضيع مع بعضها فطلعت بقصيدة مشان طلع كل اللي في مشان ركز لقدام رغم انه لستني بالمعمعه ما طلعت من الموضوع فكتبت تجين دمعة قهر من عين رجال سالت علي خده عقب عزال يمشي وعلي صدره هموم جبال من غدر الناس وكل من هزه جف دمه من كتر ما سال كل البلاوي تسابق عليه ولا سلم من خله ولا من خال كل البشر تطعن يا دار صوب الهجر مثل ما كان يا دار بعدك امر من المر ما بقي بالدفة مسمار وانشال وما بقي للوقت رجال مثل جده وين اللي يفزع فيه رجال وان اللي يجبره عثرات يقدم نفسه الله اعطانا بالكون امل وأمال وحاجه من كرم وخير ۔

يعني فرغت طاقتي من انفعالات وطلعت قولت خلاص اللي راح راح الحمدلله انا بخير وبسلامة وبصحة ومصيبتي مو بديني بمالي عسي تكون تجربة قوية ۔

" محمد الغرسي "

 

اللي صار خلاه يرجع ويختلي بنفسة ويتقرب لرب العالمين أكتر۔ " مها فطوم "

 

وربي الحمدلله أكرمني بوضع جدا سئ من النحية الماليه يعني ما صار عندي مكان انام فيه وانا بالامارات فصيرت أنا بمحل صغير وباقي المحلات خلاص اتسكرت كان في سياره بورش اعطيتها في كذا في سياره تانيه بعتها البضاعه الديون في ديون لناس مثلا وضعهم صعب في ديون حاولت احصلها ما احسن فصار الوضع صعب والكل حسيت انه فعلا اتخلي عني بوقتها الا ربي اكرمني الحمدلله وصيرت اراجع حالي وافكر بالامور وبوقتها قولت طيب انتهت الدنيا هون ؟ لا ما انتهت منع السفر وبينشال بعد فتره وبسدد بشكل جزئي وبحاول اشتغل بالامور اللي بعرفها ان كان مهارات تسويق او شئ ففكرت بالموضوع انه سناب شات في كتير مشاهير بيطلعوا عليه انا ليش ما استفيد بهاي التجربة تبعن هنن بيحققوا مبيعات انا ما خرجي اكون مثلن لكن انا ممكن اعمل شئ يفيد بهذا الموضوع ففكرت بهذا الموضوع ماليا لقيت انه انا لو اشتغل علي هذا الموضوع انه لو ابيع منتج باسم احد المشاهير بيكون فكرته رائعه وبطلع بنتيجه ففكرت لقيت فكره العطور انه اسوي براند عطر بالذات اذا كان مشاهير ستات يكون كتير لالهم يعني فكرت بالامر وفعلا اخترت مجموعه من المشاهير عددهم 10 وحاولت اتواصل معهم من اصل 10 3 اللي ردوا علي واتنين اللي قابلتهم وواحده اللي اتفقت معاي اتفقنا انه خلاص نساوي هذا العطر طيب انا ما عندي رأس مال شو الحل احد اصدقائي حكيت معه شافني بلشت انشط واتحرك قولتله هيك هيك الامر ممكن نعمل مشروع قالي طيب هو منه راس مال انا مني الجهد هي منها التسويق والبراند باسمها بنصورلها فيديو بنشتغل عليه بطريقة ما فقولنا يارب جاهزين نبدأ بالمشروع اتفقنا ساوينا عقود وضحنا الامور كليتها وفعلا بدانا بالمشروع طبعا انا ما عندي خبره بالعطور فاضطريت اشتغل الاول بمحل عطر كام يوم افهم الموضوع لقيت انه القصه هنن ما عم بيبعوا عطر هنن بيبعوا شخص يحكي بيبيع فهذا ما هدفي انا بدي ابيع قيمه فضليت دور علي هالامر لقيت شركه كبيره ناخد العطر باسم مشهور فعلا بعد شغل 5 او 6 اشهر لعمل متواصل وصلنا لنتيجة طلعنا العطر سوينالاه لحن وشعر وطلعنا الفيديو ونزلنا علي وسائل التواصل وشحنا البضاعه للسعوديه ونحن بالامارات وانا محجور وما قادر اطلع فعلا الله اكرمنا وبيعنا الكميه وعملتلي نقله هاي القصه۔ :" محمد الغرسي "

 

بهالمرحلة كان محمد لوحده عايش من بعد انفصال زوجته ام بناته عنه وتواجدهم بمكان بعيد عن مكانه ۔ " مها فطوم "

 

فهون انا صيرت عذابي ووضعي انه بشتغل واسعي اظبط اموري وفعلا قابلت زوجتي الحاليه خطبتها هناك بدبي وجيت لتركيا من تقريبا 2018 لا أملك شئ صفيت هنيك اموري كليتها وجيت املك 2100 ليره تركيا يعني اقل من 200 دولار كان بوقتها وجاي ابلش من جديد بمهاراتي وشغلي واموري والحمدلله حاولت اول شئ اتوظف واعمل شئ لقيت الوظايف رواتبها قليله لقيت شركه قولت يمكن اشتغل فيها قالي بعطيك ما يعادل 200 دولار قولتله بعيد كتير فتذكرت انه انا موجود عندي محل مازال بتركيا ما زال موجود فيه شخص فروحت هونيك شو الاوضاع مربح بخساره بيطلع خسران قعدت بلشت انشط الموضوع  اول طلبيه طلعتلي بالراتب اللي كنت بشتغله فاقتنعت انه ما راح ارجع للوظيفة مره تانيه لازم ارجع لاموري واشتغل وفعلا اشتغلت من جديد وبلشت اكبر واطور الموضوع وزيد المبيعات بطريقة تانيه اتحسنت الامور افضل شوي صيرت اشتغل بمجال اضافي لخدمات تانيه لانه بدي اطور الموضوع فخطر ببالي انه لازم اعمل شئ اكون اذا سوقت شغله واحده تجيبلي 100 دولار بدال ما تجبلي واحد دولار لقيت افضل شئ بتركيا العقار بده سياره وبده شركه وكذا انا موجود عندي شركه لكن بدها كتير مكونات تدعم الموضوع قولت خليني اتوجه باتجاه السياحة العلاجية فعلا اتعاقدت مع شركات سياحة علاجية وبلشت اشتغل علي الموضوع انا بدي اسوي عمليه مو بدي اتعب حالي كتير فطلع معاي اني اشتغل علي موضوع تطبيق السياحة العلاجية ۔ " محمد الغرسي "

 

لكن للأسف اتزامنت انطلاقة المشروع مع ازمه جائحة كرونا فاتوقف ورجع محمد من جديد يفكر شو يعمل فكر وصار يصنع ملابس للحوامل وبلش يبيع اونلاين والدخل ساعده ليبقي صامد ليتمم زواجه التاني لكن بفترة الاغلاق التام طور واشتغل علي مشروع الكتروني هي مثل منصه بتزود المتاجر الاكترونيه ورواد الاعمال بالبضاعة وبتسهل عمليه التخزين والدفع والشحن لباب العميل وبتختصر العمليه التجاريه وواحدة من اهم مسابقات المشاريع بتركيا حصل علي المرتبه الاولي ضمن 44 مشروع وهذا الشئ رجعلة الثقه شوي بعد كل المطبات يلي واجهته ، لكن كمان مع انتهاء الاغلاق العام وعوده الاسواق لنشاطتها من جديد الشركاء والداعمين لمشروع الشجره الالكترونيه كمان فضوا الشراكه ورجع محمد علي جديد يفكر شو ممكن يعمل رح اختصر عليكم حصل علي شهاده اي ال ام من برطانيا كمرشد ومدرب دولي برياده الاعمال وبدأ بشكل فعلي نشاطه كصانع محتوي علي منصات التواصل الاجتماعي بما يخص المشاريع والاعمال التجاريه ليساعد كل الشباب الرغبين  بخوض المجال ويختصر عليهم بعض الصعوبات يلي واجهته۔

كمان حب اسمع منك بجزئية تحكيلنا انه كمان بعد مرور هالسنوات الانسان بيكون اكتسب هالخبره ويصير عنده النضوج المهني والتجاري والحياتي انه بيكون شوي قادر يقيم الامور بطريقة ناضجه اكتر بوقتها بيحس انه عايش مظلوم وانا انغدرت واتنصب علي انا كذا الا يكون في جزئيه او قسم من الحاله سببها نحن كأشخاص شو الهفوات مثلا اللي ارتكبتها شو الاخطاء اللي ادت فيك لهاي الامور يعني كرمال الواحد كمان يستفيد من التجربة ۔ " مها فطوم "

 

طبعا كل مشكلة بوقع فيها قعدت احللها بوقتها لكن بادراكي وتفكيري وخبرتي وتجربتي بوقتها خليني اقول مثلا 60% او 70 % كل مع الزمن مع التجارب الأكثر مع يعني المدة هاي كليتها والحالة اللي انتقل فيها حتي مع كل بلد زيادة بروحلها بتختلف اموري وادراكي بيختلف فأكيد في بعض القصص بطلع مثلا الخيار الأول اللي صار مع قريبي انا غلطان انه ما انا كاتب عقد صحيح غلطان ما ني رايح عند محامي وعامل عقد صحيح طيب مع الشخص الثاني انا ماني مقدر الشراكه بطريقه صح وما اني عامل حساب انه هذا الشخص ممكن ياذيني بطريقه وما اني واخد حذري طيب اللي بعدها العقد لازم يكون مربوط بدفع بالعقد بالشراكة معروف الدفع هذا لوين فا في ثغره معينه فإلجأ لشخص قانوني فأنا حاليا بأي امر بنصح فيه حدا بيعمل اي مشروع لا يستهين بموضوع المحامي نحن بننظر لموضوع المحامي انه هو شغله كبيره ومابدنا نروح عليه بدنا ندفع مبالغ ومحامي بس بيعطونا كلام لا بالعكس المحامي هو شخص مارر عليه تجارب بيقولك اذا بتعمل هيك بيقع عليك مشكله قانونيا نفس الوقت حسب اختصاصات تانيه يعني مثلا تجارب الشحن انا مريت بتجربه انه اتحرقتلي بضاعه وما عرفت عوض بسبب شو انه ما عرفت اختار شركه شحن صح استرخصت ما اخدت ايصالات تضمنلي حقي يعني الحمدلله ان كان بالسعوديه او بالامارات او حتي تركيا في قانون وطرق تطبيقة له أليه تطبيق معين يعني في الامارات الي حق باخده بكل سهوله بالسعوديه في حاليا قضايا وقصص الواحد بياخد حقه لكن الاليه انه تكون قانوني 100 % تشتغل بطريقة صح 100 % تعرف انه بيحقلك تعمل هيك هيك ترجع تلجأ لشخص قانوني محامي يحميك كما يجب حتي لو دفعت يعني تدفع مبلغ 1 او 2 % او 5% افضل ما تخسر المبلغ افضل ما تدمر حياتك يعني حتي بتأثر موضوع الشغل والبيزنس ما بيأثر بس علي مبلغ وخسرته الموضوع اكبر من هيك يعني الوقت اللي انا عم بقضيه هلا مثلا وبناتي عم بيكبروا وبيربوا بتحسي فيه شئ كتير صعب يعني الواحد أوقات ما بيعوضها صح أنه الله رزقني مثلا الحمدلله الله أكرمني بزوجة وابن وزوجتي وقفت معاي بمواقف يعني زوجتي الحاليه وقفت معاي بمواقف كتير قويه ومابنسالها اياها يعني هي خليني اقول هي اللي رب العالمين سخرها وبعتلي اياها سندتني للمرحله الجديدة اللي انا فيها قوتني بكتير شغلات وعتني كنت اتصور وممنون يعني انا فرب العالمين يعني اكرمني بهالقصص فأنا اليوم بعد هالتجارب وهالقصص فعلا انا غير سابق وغير قبل وحتي كتير اشخاص انا ما بلومهم أيام أول مثلا بقوله انت عقلك وادراكك وتفكيرك كان شئ معين وهلا شئ معين يعني خلاص انت عيش اللحظه لكن اتعلم من غيرك وشوف تجربه غيرك الشاطر فعلا اللي بيتعلم من غيرك لا اتعلم من غيرك تفهم هاي اهم نصيحه واهم شغله انا طلعت بها من خلاصه هالقصص يعني والجارب وعلي اساسها الحمدلله انا بقدم بموضوعي بمجالي بالذات ان كان مجالي تخصصي عملي او مجال مجال تجاره فأنا بقدم نصائح وبقدم استشارات وكمحتوي وما ببخل علي حدا فأنا يجوز الله اكرمني وهيألي الامور وهيألي ناس وقدرت قوم وقف من جديد غيري ممكن تروح عليه ما يحسن فهاي هي الفكرهي عني لا يصيبنا الا ما كتب الله لنا لنا وليس علينا رب العالمين عم يكتب لنا كله خير فأكيد انا الخير لإلي بهذيك السنوات بهذيك البلد مع ديك الشراكه وهذه الناس وبعدين الخير ببلد تانيه وورزقتي هون وأنا الحمدلله راضي ومقتنع ومبسوط بقضاء الله وواثق انه هو عم يكرمني اكتر فلما الواحد فعلا بيكون راضي ومقتنع هون القصه التانيه اللي هي أنه انا وين رايح كتير قبل ما اعرف البوصله اوك انا بدي اشتغل وبدي اعمل لكن البوصله ما موجهه علي الطريقة الصح فاحيانا الاشخاص بيساعدوني علي اكتشاف حالي بطريقة بيريحوني فيها الامر الاخر اللي هو الموادنه بين الحياه والعائله لانه الحياه مو كلها بيزنس ومو كل شخص بيصلح يكون صاحب عمل او تاجر ولا كل شخص بيصلح يصير موظف الناس بيدفعوا الناس يلا روح اترك الوظيفه وكذا كل اله مكانته واله دوره وشئ بالمجتمع بالاخر بده يطلع هو ربح خسر فلوس عمل ترك اثر انا ببخر انه فعلا 95% 8 % منن عم يشتغلهم اعمال قائمه واحده منن اتواصلت معي من الدينمارك جاي اخد بيت بسطنبول بسبب تدريبك فانا هون وصلني حقي وغيرها فتح محالات ونعملوا شئ فالواحد يترك اثر الدنيا ما كله فلوس وبيزنس نوازن الامور ورب العالمين كريم ما في اكرم منه الحياه تجارب وخبرات وان شاء الله نتعلم من غيرنا ونفيد غيرنا هادا هو بشكركن علي الاستضافة الرائعه وفعلا يعني انا سالت حالي لما سالتيني انه منيح انك ليش انت قبلت تطلع معنا فعلا مو اي حدا  بيحسن يحكي عن الفشل لكن انا فشلي بعبره تجربه هو مو فشل الفشل لما اقعد استكن خلاص اقول انا ما عد حاول مره تانيه وانا بستر وما عاد اعمل شئ تاني هون الفشل فالله يجزيكم الخير علي هيك لقاء بتوعوا الناس علي مثل ما بيقولو خبرات غيرهم بطريقة حلوه ۔ محمد الغرسي ۔"

شكرا لمحمد وشكرا الكم مستمعينا علي اهتمامكم انتظرونا الاسبوع القادم بحلقة جديده من بودكاست صارت معي ضمن سلسله مش

معقول من هلا لوقتها ضلوا بخير واسمعوا الحلقات السابقه عبر زياره موقعنا اخبار

الان ۔ نت في قسم البودكاست او من خلال تطبيقات البودكاست المختلفه علي

موبيلاتكم مثل ابل بودكاست جوجل بودكاست اسبوتيفاي ديزر او انغامي شاركونا

افكاركم وتعليقاتكم واتواصلوا معي عبر الواتساب 00971568531592

بالإعداد والتقديم برافقكم دايما أنا " مها فطوم "

الي اللقاء ۔