منى: الاحتيال على "الباحثين عن عمل" أصبح مصدر رزق للبعض

نص الحلقة :

اقرب الناس لالك يمكن اختك حتي ما تعطيها اي شئ باسمك او ملك خاص لالك

صيرت عنجد ادور لحالي حسباتي علي السوشيال ميديا جبت من الناس اللي تقربلهم جبت اصحابهم اماكن تواجدهم حتي صيرت لحالي بالسياره اروح لهاي الدرجة انه يا انا يا انتوا ۔

فرحت علي طول فتحت بلاغ جرائم الكترونية بس للاسف قعدت شهرين يوميا اروح يصير معي نفس التحقيق مين وكيف وليش ومتي ؟ " مني "

أهلا فيكم بحلقة جديدة ببودكاست صارت معي اليوم رح نسمع تجربة مني الصبية اللي سمعتوا صوتها من شوي مني اسم مستعار اختارناه بناء علي رغبتها بعدم كشف هويتها وعدلنا الصوت شوي كمان وهي صبية اردنية عايشة في الامارات من الطفولة ضلت فيها تدرس وتشتغل حتي بعد ما رجعوا اهلها علي الاردن اتخصصت في مجال العلاقات العامة والاعلام وعندها اهتمامات اعلامية وثقافيه الحلقة مع مني ضمن سلسلة مش معقول بتخبرنا فيها مجموعة مواقف صارت معها ببيئة العمل بعدة اماكن تعرضت فيها لنوع من الاتيال والخديعه والكذب ۔" مها فطوم "

تقريبا كل قصصي للاسف بأماكن الدوام اول ما بدات اشتغل ايجاني شغل باناشوي بشتغل اشي واشتغل اشياء جانبيه بالاشياء اللي انا بحبها فتواصل معي حدا من الشخصيات تعالي اعملي بروجكت لمدة اسبوع ورح اكافئك عليه كان المكان بعيد عني ساعتين روحه ورجعه انا من الحماس في غلط علي انه ما كان في كونتكت او هيك انتي صورلينا علي السوشيال مديا اعملي انترفيو كله مينلي علي السوشيال ميديا يعني انا اصور واعمل انترفيوهات وهما بيعملوا البوست هيك كان الاتفاق كل يوم بضرب خط من الصبح وبروح وبرجع ولما خلصت بقوله ان شاء الله عجبك الشغل وبدي اعرف من وين استلم المكافئة ولا هو بيحكيلي اي شغل ! اي تصوير ! انتي عفوا عن شو عم تحكي !! فقولتله الشغل اللي علي صفحتكم المقابلات التصوير اللي صورته !! شوف صفحتكم كل شغلي موجود ولا هو بيقولي انا ما شوفت اي شغل وبعدين انتي كان المفروض يكون عندك اكسس علي صفحات السوشيال ميديا وتنزلي دايركت من صفحتنا بس انتي كنتي بتنزلي علي صفحتك واحنا بنعمل ريبوست قولتله بس انا ما حدا خبرني وما حدا عطاني اكسس انا شو خسرانه انا كدا كدا عم بصور وما استلمت ولا درهم وهذا كتير اثر علي انه عارفه تكوني لسه في بدايتك ومتحمسه انه اخيرا اجاني هيك بروجكت انتبه علي جهدك وشغلك وقالك يلا تعالي اعملي هالبروجكت جنب شغلك وحسيت هيك فتره انه ما بدي اعمل اي شئ جنب الوظيفة ۔ تاني مرة بعد فترة كتير منيحة كنت بداوم بمكان كتير بحبه والمدير المباشر كتير بيدعمني بس للاسف الادارة العليا لسبب ما مش مقتنعين فيا وكتير بيضغطوني وتقيمي عالي بس خلاص ما بدهم اياني بالمكان ووصلت لمرحلة انه خلاص انا ما بدي اشتغل ولا اي مكان مع انه ما عندي هذا الاوبشن بالحياه عندي كل الاسباب اني اضل اشتغل طول عمري فبيجيني مسدج علي لينكدان شخص كتير مرتب والبروفايل تاعه حلو احنا شوفنا البروفايل بتاعك وكتير مهتمين نتعامل معك احنا شركة استثمار وبندور علي ناس متلك عندهم هيك ليدر شيب وخبرة كبيرة وبدنا نتعامل معك طيب حلو ! ممكن تحكيلي اكتر عن المشروع تعالي المكان الفلاني بالساعه الفلانية ما بدي اكتر من ساعة من وقتك ورح اشرحلك البريزنتشن عن الموضوع ۔ شو الموضوع ؟ هي مثل شركة عندهم كارد معينه انتي اقل مبلغ تشتركي بالعضويه تبعك من 7 الاف اكتر مبلغ 40 الف هاي العضويه بتسمحلك تاخدي ديسكونت بكل البرندات والمطاعم ودورات التدريب فانا مهتمه كتير بهيك شئ فقولتله اللي عندي 7 كل اللي معي 7 هاادا حاليا كل اللي عندي وعادي في عقد يعني شئ كل شئ مبينلك انه كتير الموضوع قانوني فرجيني الويبسايت في صور مع ناس مهمه بالبلد عندهم مكتب كل شئ مرتب حتي وانا قاعدة عزموني علي ايفنت في 200 شخص كل شخص بيحكي تجربته كيف كان موظف عادي وكيف صار مليونير وكيف ترك وظيفته وكيف عنده هلا حريه ماليه موضوع حقيقي كتير وشباب هيك بعمري والله بدأت اول اسبوع اه قالي اي حدا بتعرفيه ممكن يكون مهتم بهيك فرصة بلشت اول اسبوع ما حد ما زاد المبلغ عندي تاني اسبوع يا جماعه انتوا بتقوليلي كل اسبوع بدخل 30 الف و40 الف وعادي اخر الشهر يكون عندي 100 الف اصبري شوي انتي بتعرفي البيزنس ما بعرف كيف خطر علي بالي قولت خليني اتاكد من حد متخصص عندي صديق محامي فكلمته قولتله في شركة تواصلت معي اسمهم كذا بيعملوا ون تو ثري قالولي هادول المحافظ الوهيمه قولتله شوو!! شو يعني محافظ وهميه ما عمري سامعه بالمسمي فبيقولي سوري ما فكرتي فيها انه لو هدا الشئ قانوني كان الدول نفسها بتقول اشتركوا بهادول الشركات فقولت بدي احكيلهم انه خلاص ما بدي اكمل بهذا الموضوع عندي اسبابي وما بدي اكمل رجعولي الفلوس ولا يقولولي ما عندنا هالمبلغ ما عندنا 7 الاف نرجع قولتلهم كيف يعني انتوا بتقولوا عندكم ملايين فروحت علي طول فتحت بلاغ جرائم الكترونيه بس للاسف قعدت شهرين يوميا بروح بيصير معي نفس التحقيق كيف وين وليش وين الاثبتات وين الاشخاص انا حرفيا اتحولت للمحقق كونان هاي الانستجرام بالمكان الفلاني هاي الاثبتات هاي الوتسبات هاي الارقام هاي اسمائهم يعني صيرت عنجد ادور لحالي حسباتهم علي السوشيال ميديا جبت ناس بتقربلهم جبت اصحابهم اماكن تواجدهم حتي لحالي صيرت بالسياره اروح اشوف انه يا انا يا انتم اخر شئ قالولي لازم امر من النيابه وجبت امر من النيابه واخر شئ ما انحل الموضوع بعدها حسيت انه انا ما عندي ثقه لا بالناس ولا بالجهات المختصه قولت شو اكتر من هيك بسوي يعني انا بورجيك الفديو انه عم ينتصب علي حد غيري واكتر شئ عملوه انه جابوا الشخص صار هيك هيك شو رائيك قال لا انا ما عملت شئ اه خلاص طيب مع السلامه انه جد بس هيك خلاص " مني "

سألت مني عن رأيها وتحاليلها للاسباب اللي بتدفع باتجاه بالتغاضي عن هذا النوع من الجرائم ۔" مها فطوم "

تحليلي البسيط جدا انه يمكن في جرائم اكبر خطيرة اكتر مثلا علي المجتمع هيقولوا جاي علشان 7 الاف درهم في جرائم قتل واغتصاب ناس بالملايين بيتنصب عليها فا اتس فاين 7 الاف درهم اكتشفت بعدين انه بيقولولي انه في كتير شركات محافظ وهميه في كتير ما بعرف اذا هالمعلومه صح او لا انه انا بدي رخصه انه عندي فلوس بدي افتح شركة استثمار اه انا مستثمر اه انا معي حق الرخصه وخلاص وات ايفر شو الرخصه استثمار او شئ تاني يمكن كان في تدقيق اكتر هذا الحكي من كام سنه ما بعرف ۔

شئ تاني صار معاي مرتين مو مرة بأماكن الدوام بتكوني لسة جديدة ورقك مو جاهز وهذا علمني انه ما اداوم الا واقامتي طالعه انا موقعه الكونتركت بكل الجهات المختصه خلاص ورقي ججاهز اهلا وسهلا انا بداوم مرتين اداوم بمكان فيه الاوفر ليتر يعني بعدين احس انه انا ما كملت شهر  انا مش مبسوطه بدي انسحب معلش ممكن تعطوني هالاسبوعين انا داومت اسبوعين كل يوم باجي وبشتغل والله انتي ما كملتي الشهر ما في فلوس وبتروحي وتشتكي ما بعرف يمكن شوي خجل انه اسبوعين كم بدهم يطلعوا بس كمان انتي تعبتي هلكتي صحيتي ضربتي خط اشتغلتي في جهد عملتي والله انتي ما كملتي احنا المفروض انتي موظفة وما كملتي يس ما كملتي حره في 6 شهور وماكملت هاي مرتين كتير بحس انه في استغلال ونصب هالايام موجود في قصة مشابهه بس ما بدي اقول نصب بس كان في شخص كان المفروض يعملي اوراقي كامله وبعدين يماطل بالموضوع صار علي مخالفات بعدين قالي انتي طلعتي انا ما بدي ادفع ما بدي اقول هذا نصب بس هذا نوع من الاحتيال انا صار عندي مشاكل لانه انت رب عمل علي اخر لحظه مابدي اعمل ما بدي اسوي فبحس في استغلال من ارباب العمل او المدرا للاموظفين بيستغلوا انه انتي بحاجة للوظيفة او الفلوس او انه يكون عندك اقامة .

أخر شئ صار معي تعلمت انه اقرب الناس لإلك ما تعطيها اي شئ باسمك او شئ خاص لإلك انا اربيت ببيت هذا الحكي قبل 30 سنه ابوي كان ماشي بالشارع يشوف ناس كبار بيمشوا بيوقف السياره يركبهم يوصلهم او بيعرف ناس نازلين لعندنا ما عندهم بيت عيب كيف ينزلوا بأوتيل خلاص هاي مفتاح البيت واقعدوا فيه قد ما بدكم فلليوم انا بشوف هذا الشئ عادي يعني معقول صاحبتي البيت موجود وما اعطيها معقول محتاجة سيارة وما اعطيها وات ايفر وما اعطيها فانا هيك الوضع عندي طبيعي من فتره اعطيت سيارتي لصديقه من الصديقات محتاجة السياره اه اتفضلي بالويكند بس اه خديها اهلا وسهلا سيارتي انا مش ملكي هي ملك للدوام من امتيازات الدوام يمكن خطأ مني انه مش ملكي للدوام بس كمان هاي سيارتي بس حسيت انه هأمنك تستخدميها واخدتها عملت مخالفات ب 16 الف درهم بهادول الثلاث ايام وما حكتلي انه انا عملت مخالفات او ما بعرف شو الظروف اللي خلتها تعمل هاي المخالفات روحت علي الدوام جاني المسؤول فلانه عليكي مخالفات بهاي المبلغ فبقوله اكيد في خطأ اكيد في شئ مش مظبوط قالي هاي الاوقات فانا انتبهت انه هاي السياره مو معاي ممكن تدفعيهم يا فلانه لا ما بدي ادفع قعدت اسبوعين يا فلانه يهديكي يرضيكي ادفعي المبلغ المبلغ كبير مش بسيط طيب ادفعي انتي نص وانا نص طيب شو رايك اقسطهم لا ما في تقسيط هادا لازم مره واحده لما روحت اشتكيت افتح بلاغ يعني كان بدي بشكل ودي يني انا ممنوع لازم ما جابو سيرتها كل التركيز كان علي واعطيتها السيارة في وعيك ودقيقه بقول انا اسفه يا جماعه بعدين كل الموضوع لف علي وكل الخطأ علي لانه في قانون ما كنت بعرفه انه اي شئ انتي بتعطيه لحد باسمك مش باسمك انا سلمتك اياه انا المحاسبه مش هي حتي لو هي اللي ارتكبت المخالفه انا طلعت الكاميرا انه هي المسرعه هي ما طلع عليها ولا شئ هادا نوع من انواع التحايل ولاحظت انه في اخبار كتير بتنتشر انه اكتر من شخص نفس الموقف صار معاه فاتعلمت درس كبير انه ما اسلم اي شئ يخصني لحد بس لليوم انا صار عندي تراست ايشوا مش طبيعيه تعرفي بس اتعامل مع حد بعرف غلط مني بس كانت تجربة قاسيه ببقي بدي امسك عليه علي الواتساب اوك خلاص انا عندي اثبات علي الواتساب وبعدين بتعامل علي شكل طبيعي ما بعرف لمتي بضل هيك يمكن صار بدي علاج بس تجربة قاسية بتحسي حالك خسرتي ماديا نفسيا جهد حدقة اعصاب للاسف بشوف مثلا حد مشهور اليوم انحلت المشكله الفلانيه شكرا للجهات شكرا طب انا ليه كشخص عادي ما بتنحل مشكلتي بهالسرعه لازم يكون عندي انفلونسر علشان وانا قاعده مكاني تنحل مشكلتي بتحسي بتخسري انتي الثقه بنفسك والاشخاص والجهات اللي لازم تحللك مشكلتك ۔" مني "

سألت مني عن طبيعة العلاقة بينها وبين البنت اللي اتصرفت معها بهذا الشكل ۔" مها فطوم "

شو بغض النظر شو العلاقة يعين المفروض حتي من الزوق مثلا انا عطيتك سيارتي حتي لو احنا مقربين والله سوري عملت مخالفة تفضلي هاي المبلغ بس شو الجرأه اللي تقوليلي اول شئ والله غلطت طيب ادفعي انتي نص وانا نص طيب انا ليه ادفع نص انا في بيتي قاعده بعدين طيب استني علي بدفعلك اليوم الفلاني وبعدين بتختفي بعدين خلاص راح الموضوع بعدين انا خلاص ادبست فيهم في موجودين هادول الناس يعني حتي بعد ما صارتلي القصه لما احكيها للناس يقولولي اه صار فيا هيك وانا زمان صاحبتي سوت فيا هيك موجودين موجودين بس انا ما عمري تخيلت يصير فيا هذا الشئ ابدا ابدا ۔ " مني "

وصار عندي فضول اعرف شو هاي المخالفات يلي صارت قيمتها 16 خلال فقط 3 ايام ؟ " مها فطوم "

رادرات في كل مكان تقريبا هي طالعه من الصبح لليل عايشه حياتها مش مخليه مكان الا وطالعه فيه بابوظبي بدبي ما مخليه مكان الا وهي ماشيه 200 السرعه 80 هي 200 ماشيه العلاقه مش كتير قويه بس مثل ما قولتلك انا طبعي مثلا انتي بتجيني عادي زميلتي بالدوام يعني فعلا هذا صار  معي من سنه جاتني زميلتي لسه خاطبه جديد فبتقولي ما معي السياره وبدي روح انا وخطيبي نشوف البيت الفلاني في المكان الفلاني هي ما اجت لعندي بس هي هيك بتحكي قدام الكل معلش حدا يسلفني السياره بدي اشوف خطيبي ونشوف البيت ما بعرف شو فانا هيك اطلعت يا عيب الشوم لا حدا ساعدها حسيت هيك شهامه مني اتفضلي مفتاحي انا ما بقدر اوصلك بس هاي مفتاحي فهو طبع مني كل حد حط اللوم علي انتي هبله انتي فيكي سذاجة يعني انتي حسيت عرفتي عنجد صيرت كتير اراجع حالي انه هاي طيبه ولا هبل ولا غباء يعني عرفتي جد يعني اخر فتره هيك حسيت انه هيك كل المبادئ بتاعتي خطأ انه عنجد انا هبله يعني انا بنت عمري فوق ال 30 معقول انا مو عارفه اتصرف ولا هو الزمن غلط ولا انا غلط ولا انا ما بعرف احكم علي الاشخاص كتير هيك مخي صار يودي ويجيب يعني من كام يوم عادي ايجي عندك علي البيت انا ما كنت في البيت انا في المكان الفلاني طلعت هيك 100 حجه مع انه بالعاده هقولها اهلا وسهلا تعالي خدي المفتاح وروحي عادي استخدم اللاب توب قولتلها اصلا انا ما عندي لاب توب ههههه هيك عرفتي بس خلاص الدرس كان قاسي كتير انا عندي الثقه كتير مهمه علشان اعرف اتعامل معك وخلاص خسرتها مو مره مره مرتين وعشره صارت اذا ما اتعلمت يعني الغلط كامل علي ۔ " مني "

وبالختام حبت مني تحكي شئ خاصة للبنات ۔ " مها فطوم "

ما بعرف ليه حاسه بدي اركز رساله للبنات انه خدي كتير وقتك تتعرفي علي الاشخاص ما تثقي باي حد دو يور تيست بس بدك تدخلي بعلاقه صداقه مع حد او ما بعرف خلينا نقول شو ما تكون طبيعة العلاقه اختبري الشخص حتي تتاكدي انه ثقه حتي تتاكدي انه مستحيل يعمل موقف معك يوديكي لمكان عمرك ما رح تتخيليه فجاه تلاقي حالك في قضيه نصب تضطري تروحي مركز شرطه او تدخلي في صداع انتي في غني عنه يعني بالمختصر۔ "مني "

انتظرونا الاسبوع القادم بحلقة جديده من بودكاست صارت معي ضمن سلسله مش معقول من هلا لوقتها ضلوا بخير واسمعوا الحلقات السابقه عبر زياره موقعنا اخبار الان ۔ نت في قسم البودكاست او من خلال تطبيقات البودكاست المختلفه علي موبيلاتكم مثل ابل بودكاست جوجل بودكاست اسبوتيفاي ديزر او انغامي شاركونا افكاركم وتعليقاتكم واتواصلوا معي عبر الواتساب 00971568531592 بالاعداد والتقديم برافقكم دايما أنا " مها فطوم " الي اللقاء ۔