هدى: خيانته لي كانت منعطفاً هاماً في بناء شخصيتي

مها فطوم

هدى صبية عمرها حالياً 23 سنة طالبة في معهد خاص للرسم والتشكيل و بذات الوقت تدرس الأدب العربي لأن لديها طموح كبير بأن تصبح مؤلفة وكاتبة سيناريو، تشاركنا في بودكاست صارت معي ضمن سلسلة “مش معقول” تجربة عاشتها قبل خمس سنوات تقريباً كانت تجربة قاسية وأثرت على عدة مناحي في حياتها لكنها علمتها على حد تعبيرها درساً كبيراً في حب الذات والاهتمام بها.

تابعوا البرنامج على تطبيقات البودكاست

دبي (أخبار الآن) 

هدى: خيانته لي كانت منعطفاً هاماً في بناء شخصيتي

هدى صبية عمرها حالياً 23 سنة طالبة في معهد خاص للرسم والتشكيل و بذات الوقت تدرس الأدب العربي لأن لديها طموح كبير بأن تصبح مؤلفة وكاتبة سيناريو.

تشاركنا في بودكاست صارت معي ضمن سلسلة “مش معقول” تجربة عاشتها قبل خمس سنوات تقريباً كانت تجربة قاسية وأثرت على عدة مناحي في حياتها لكنها علمتها على حد تعبيرها درساً كبيراً في حب الذات والاهتمام بها.

“مش معقول” هي سلسلة نقدم من خلالها تجارب أشخاص تعرضوا للخيانة أو النصب والاحتيال أو كُذب عليهم كذبات كبيرة غيرت مفاهيمهم عن التعامل مع البشر لنعرف منهم كيف تصرفوا وماذا كانت النتائج؟

إعداد وتقديم: مها فطوم

الإخراج الصوتي: جو الحاج

الهوية البصرية من تصميم مديحة طه

الإشراف العام: محمد علي

 

نص الحلقة :

صارت معي مع مها فطوم بودكاست اخبار الأن

 

كان هو واياها بالسوبر ماركت حاضنين بعض وامي اكتشفت هيك شئ لأنه كان بدها تشتري شغلات ۔

أنا لما بكون لحالي يعني كون كتير تعيسة وكون كتير مقهورة وكئيبة وعنجد ما بقدر باكل ولا بقدر نام ولا بقدر عبر عن شئ اللي حاسس بيه من جواتي يعني لدرجة انه عنجد بيجيلي افكار انتحارية وبالفعل بطبقها يعني ۔ " هدي "

 

سمعتوا صوت هدي صبيه عمرها حاليا 23 سنه طالبه في معهد خاص للرسم والتشكيل وبذات الوقت تدرس ادب عربي لانه عندها طموح كبير تصير مؤلفة وكاتبة سيناريوا هدي بتشاركنا اليوم ضمن سلسلة مش معقول تجربة عاشتها من 5 سنوات تقريبا كانت تجربة قاسية اثرت علي عدد مناحي في حياتها لكن علمتها علي حد تعبيرها درس كبير بحب الذات والاهتمام فيها ۔ مش معقول سلسلة رح نقدم من خلالها تجارب اشخاص تعرضوا للخيانه او النصب والاحتيال او اتكذب عليهم كذبات كبيرة غيرت مفاهمهم عن التعامل مع البشر تعرف منهم كيف اتصروفوا وكيف كانت النتايج ۔ البداية مع هدي عن تجارب قصتها مع ابن الجيران بتشاركنا بصوتها بعضها وبخبركن انا بعضها الاخر لانه هدي رغم رغبتها بتسجيل الحلقه لكنها ما قويت تسردها بشكل مباشر ۔

انتقلت هدي مع اهلها علي حارة جديدة كان عمدها وقتها 18 سنه بالحاره الجديده في سوبر ماركت بيشتغل وقتها علي الكاش شاب عمره 27 سنه هدا الشاب بدا يتقرب لهدي ويتوددلها لما تكون عم تشتري اغراض للبيت وهدي لاسباب كتير تعلقت فيه وحبته وبدات معه بعلاقه اتطورت مع الوقت وصار فيها تواصل جسدي

لكن ۔۔۔۔۔ " مها فطوم "

 

 

انا لما كنت مع هذا الشخص ما كنت عم حس بشئ اسمه علاقه صحيه دايما كنت هيك فكر انه كيف رح يكون مستقبلي انا وياه وعنجد رح نكفي مع بعض او لا دايما كان عندي شك في علاقتنا انه رح تكمل فعنجد هدا الشئ صار انه ما كفينا مع بعض وهو اختار طريق غير طريقي وخذلني وخاني وعرضني لخيبة امل عنجد كتير فظيعة يعني ضليت انا سنه ونص مكتئبة عنجد كل هذا الشئ عيشته بسببه وبسبب خيانته لإلي دايما كان عندي شعور انه عم بحبه من طرف وحد علي الرغم انه كان مبادلني نفس المشاعر وبيسال عني وبيسال علي طول الوقت وبشكل يومي انه شو اكلتي شو اشتريتي لوين روحتي يعني من تفاصيلي اليوميه اخدتي دوش هلا منيحه نايمه مو منيحة يعني بيسال علي احوالي وعني يعني ۔ " هدي "

 

خيانته الها صارت لما رجعت لحياته صبية كان بيحبها من أيام الثانوية وبمعايير عيلته فهاي الصبية مناسبة للجواز اكتر من هدي وهو مثل ما هدي حاسه مشاعره تجاه البنت كانت اقوي من مشاعره لهدي لدرجة خلته يرتبط بالصبية التانيه اثناء علاقته بهدي " مها فطوم "

 

انا لما اكتشفت خيانته لالي مع هلا اللي صارت هلا مرته كان هو وياها بالسوبر ماركت وحاضنين بعض وامي اكتشفت هذا الشئ لانه كان بدي تشتري شغلات هيك بالبيت قالتلي يا هدي اطلعي عليه هالشوفه يالي عنجد ما بتشرف ابدا فانا لما حبيت انزل يعني بمسكن بالجرم المشهود ما لقيت هالبنت بس عنجد امي شافتهم وهو صار يبرر الموقف يعني امي ما بتقوي بالمره يعني قولتلها حتي هو هلا لو بيصلح الشئ اللي سوا فيني ويعني بيعتذر منك وبيطلب منك السماح وكذا ما بتسامحيه قالتلي لا يعني هي مصرة علي موقفها لانه عنجد ما بتطيقه "هدي "

 

حاولت هدي تنكر احساسها وكل الخبريات اللي وصلتها عنه وجربت تبقي وتعطيه فرصه تانيه۔ " مها فطوم "

 

انا كنت مثل الغبيه ما مكتشفة هذا الامر اللي عنجد سواه فيني انه بده يتجوز وياسس عيله وكذا ما كانت اعرف انه هيسوي هذا الشئ فيني وهذا الفصل الناقص يعني انا اتعاملت بشكل طبيعي في الاول وبعدين صار في صدمة بالمرحلة التانيه يعني بالاول كنت هيك بشوف رفقات يالي نحن مشتركين معهم بالسوبر ماركت زملائنا صرت عم بحكي معن ومثل انه انا كتير منيحة ويا جبل ما يههزك ريح وبعدين انا لما كون لحالي يعني كنت كتير تعيسة وبكون كتير مقهورة وكئيبة وعنجد ما بقدر اكل ولا بقدر نام ولا اقدر عبر عن الشئ اللي حاسه فيه من جواتي لدرجة انه عنجد بيجيلي افكار انتحارية وبالفعل بطبقها بطبق هدا الشئ يعني بجيب مثلا حبوب وبشربهن او مثلا من هادول الافكار بس عنجد يعني وصل فيني لهاي المرحلة يعني ما كنت عم حب ضل لحالي لانه تعلقي بهذا الشخص يعني كان كتير قوي لدرجة انه لهلا انا كتير عم حاول يعني ما بتذكره لانه لما بتذكره كتير بنجرح يعني في كتير جرح ولما هيك مر يعني بالحارة وبتذكر تفاصيل يلي كنا عم نساويها وعنجد ريحة الذكريات لستها علقانه بذاكرتي ۔ " هدي "

 

الحب والارتباط والعلاقات العاطفيه الوهم والنسيان تجارب بيعيشها البشر يوميا وقصصنا فيها تبدوا متشابهه لكن تعاطي كل واحد منا مع نتائجها واحداثها بيختلف حسب اعمارنا وعينا وبيئتنا وبناء نفسيتنا خاصة في مرحلة المراهقه لما تؤدي الخيانة العاطفية مرات لكتير من الاثار السلبية خيبه احباط غضب تعاسه وهالشئ ممكن يقلل الثقة بالنفس والثقة بالاخرين ويؤثر علي صحتنا النفسية ۔ " مها فطوم "

 

أنا لما قولتله الف مبروك هاد اصعب موقف مريت فيه بكل حياتي يعني قولتله الف مبروك علي الزواج انا من جواتي عنجد ما كنت حابة قوله يها لانه كنت مضطره اقوله ايها لانه هو جبرني قوله يها قالي قوليلي الف مبروك علي الزواج قولتله انت كنت واعدني بالزواج وما وفيت وكنت عم بتقلي كيف عم نسمي ولادنا وهلا يعني انا متقبله هذا الشئ من جواتي لانه هلا صار من الماضي بس لما عم عيش هلا نضوجي وهالمرحلة صيرت متقبلة انه هو هلا مرتبط وبمسؤلييات وعيله وزوجة وولاد يعني قولت خلاص يعني اتقبلي الامر ليش انتي متعلقة بهدا الرجال لما حكيت هدا الموضوع لدكتورتي النفسية قالتلي انتي ما عيشتي مرحلة طفولتك يعني بشكل طبيعي وكمان اهلك يلي حواليكي ما كانوا كتير ناس عاطفين علشان يحسسوكي بالحب والاهتمام هلا هيك لما عيشتي بمراهقتك هاي قصة الحب كتير اتعلقتي بهذا الشخص لانه وجدتي في أشياء يعني غير الاشياء اللي انتي افتقدتيها من صغرك يعني لهيك قالتلي تعلقك بهذا الشخص هو بسبب طفولتك بسبب تلبية رغباتك العاطفية او الجنسية او يعني المادية كمان بشكل عام في مجتمعنا العربي ما بيهتموا بالعلاقات العاطفيه او الاهل ما بيفرجوا هالشئ للاولاد لانه بعادتهم وتقالديهم عيب الاب والام يعبروا عن هذا الشئ بالاساس بدأنا نبحث عن العاطفه بأشخاص تانين ولما قررنا نحب اتعرضنا لخيبة الامل لانه العلاقات العاطفية بنسبة كبيره بمجتمعنا ما بيقدورا الاحاسيس واحساس البنت لما حد يتركها وتقرر تنفصل لانه هذا الجرار عنجد اسالي مجرب وما تسالي حكيم هذا القرار يحرق القلب وعنجد بيجنن انا بعتبر صراعاتي وانكساراتي ومعاناتي بعيشن لحالي بعد كل هاد بالنسبه الي بدايه لانه بعتبر حالي هلا ببتدي اعمل حياه جديده او هدف جديد معين ۔ هلا انا مو متل الماضي يعني انا هلا كتير قويت وحابة انجح وحابة استقل ماديا وحابة استقل جسديا وعاطفيا وما بعتمد علي حدا وعنجد ما بتعلق باي شخص بيفوت حياتي ولا في عندي عنجد بزوجي المستقبلي ما في عندي مواصفات معينه اهم صفه حابه زوجي المستقبلي تكون فيه يعني الثقه والحب والاهتمام وما بيخوني يعني ۔ لما اطلع علي حالي بالمرايه واحط حمه علي شفافي والبس احلي لبس عندي بالخزانه واعمل مانكير وبدكير هادول التفاصيل يلي عنجد بيخلوني مرتاحه مع حالي وبهتم فيها عنجد وبطبط عليها هادا اكبر موعد غرامي بالنسبة الي لاني انا لما بفوت اي حدا مجددا بحياتي رح حبه مثل ما بحب حالي بذات الوقت اتجن اتعلق باي حدا مشان اذا اتعرضت للخيانه او خذلان ما بعيشه مثل اول مره عيشته

" هدي "

 

شكرا لكم مستمعينا علي اهتمامكم ومتابعتكم وشكرا لهدي لانها شاركتنا التجربة انتظرونا في الحلقات القادمة من سلسلة مش معقول اذا حابين تكونوا ضيوفنا وتخبرونا قصص ومواقف صارت معكم اتعرضتوا فيها للنصب او الاحتيا للخديعة او الخيانه اتواصلوا معي عبر الواتساب علي

00971568531592 من هلا لوقتها ضلوا بخير واسمعوا الحلقات السابقة في بودكاست صارت معي عبر زيارة موقعنا اخبار الان ۔ نت وجميع منصات البودكاست مثل ابل بودكاست جوجل بودكاست اسبوتيفاي ديزر وانغامي ۔

بالاعداد والتقديم برافقكم دايما انا مها فطوم الي اللقاء


قائمة الحلقات

  • كيف يتحمل مضيف الطيران نفسيات الركاب المختلفة؟
    مها فطوم

    كيف يتحمل مضيف الطيران نفسيات الركاب المختلفة؟

    كيف يتحمل مضيف الطيران نفسيات الركاب المختلفة؟ عمار نفاع مضيف طيران سابق بخبرة تزيد عن 11 سنة، يشاركنا في بودكاست صارت معي ضمن سلسلة "خفايا شغل" تفاصيل ومعلومات عن عالم مهنة مضيف الطيران وبعض أسرارها ...

  • القهوة تستحق أن أصبح باريستا لأجلها
    مها فطوم

    القهوة تستحق أن أصبح باريستا لأجلها

    القهوة تستحق أن أصبح باريستا لأجلها الريم الهناوي شابة إماراتية عمرها 23 سنة، توجهت للعمل كباريستا في واحدة من أشهر الكافيهات بالعالم بعد أن قررت عدم متابعة دراستها الجامعية. تشاركنا في بودكاست صارت معي ضمن ...

  • معلومات لا تعرفها عن تغسيل الموتى
    مها فطوم

    معلومات لا تعرفها عن تغسيل الموتى

    معلومات لا تعرفها عن تغسيل الموتى الشيخ أحمد عودة والشيخ حسين سليمان سوريان مقيمان في لبنان، بالإضافة لعملهم الأساسي في التعليم الديني يقدمون خدمة تغسيل الموتى منذ سنوات طويلة ، شاركونا في بودكاست صارت معي ...

  • لماذا لا نحب موظفي الـ HR؟
    مها فطوم

    لماذا لا نحب موظفي الـ HR؟

    لماذا لا نحب موظفي الـ HR؟ ليلاس مكي متخصصة في الموارد البشرية وعلى منصات التواصل الإجتماعي كريمة جداً في نصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة "خفايا ...

  • تشويقة: سلسلة "خفايا شغل" - بودكاست صارت معي
    مها فطوم

    تشويقة: سلسلة "خفايا شغل" - بودكاست صارت معي

    "خفايا شغل" سلسلة حلقات في بودكاست صارت معي نستضيف فيها أشخاص من مهن وخدمات مختلفة ليخبرونا أسراراً لا نعرفها كأشخاص خارج مجالهم وكواليس تحصل أثناء ممارسة المهنة بالإضافة إلى مواقف طريفة وغريبة حصلت معهم. إعداد ...

  • كيف نتحرر من القوالب الضيقة التي وضعونا بها؟
    مها فطوم

    كيف نتحرر من القوالب الضيقة التي وضعونا بها؟

    غالية تركي صبية سورية فلسطينية مواليد 1991 مقيمة في الإمارات منذ عامين وتعمل في مجال إدارة المشاريع التسويقية والخدمات الإلكترونية، تشاركنا في بودكاست صارت معي تفاصيل تجربة قاسية وصلت فيها للموت بسبب التنمر وعدم تقبل ...