شهد: أتعامل مع التأتأة على أنها مشكلة وليست لعنة

نص الحلقة :

كان في مره قرات من كتاب ، كتاب كان بيتكلم عن التأتأه وأنه اتعامل عن التأتأه كمشكله وليست كلعنه

التأه تأه ما بتيجي بس من المشاعر الداون احيانا بتيجي لما الواحد يكون متحمس او كتير سعيد

النفسية مش كبسة ذر فحتي لو انه النفسيه بتلعب دور انا ما في احكي للشخص اتحكم بنفسيتك التحكم في نفسيتك شئ كتير صعب " شهد "

 

سمعتوا صوت " شهد " صبية فلسطينية مقيمة في الإمارات طالبة جامعية وهي ضيفتنا في بودكاست صارت معي ضمن سلسلة نفسيتي أولا لتخبرنا عن تعايشها مع اضطراب التأتأة التأتأة يعني التلعثم في الكلام مثل تكرار او اطاله كلمات او مقاطع او اصوات ساكنه او بعض الحروف او التوقف اثناء الكلمات لصعوبه لفظ كلمة او صوت معين رح تخبرنا شهد متي بدأ عندها الاضطراب وشو اسبابه وكيف اختارت تتعالج منه ورح تخبرنا ايضا كيف اختارت تخصص دراسي فيه تحدي كبير لحدا عنده تأتأة " مها "

 

اتنفس خد نفس استرخي عيد الجمله عيد اللي قلته يعني في كلمات وجمل المفروض تجنبها تماما " د/ خوله "

 

وهون سمعتوا صوت الدكتورة " خولة الحديدي " بحكم تخصصها هتكون ضيفتنا بنهاية الحلقة لنسمع تعليقها ورأيها علي تجربة شهد يلي رح تخبرنا بداية سبب رغبتها بالمشاركة في البودكاست  " مها"

 

حبيت اني اشارك بهالبودكاست لحتي يكون في توعيه اكتر عن الموضوع وحتي يكون في تسليط ضوء اكتر لهذا الاضطراب خصوصا انه مش كتير ناس تعرفه في ناس بتفكره ضعف بالشخصيه في ناس بتفكره انه مجرد ارتباك او توتر فحبيت احكي عنه اكتر ولانه كمان مش مشخص ميه بالميه انه سببه جذريا نفسي لكن النفسية كتير بتلعب دور فيه عن تجربة شخصية " شهد"

 

طيب خبرينا من البداية متي ادركتي او وعيتي لموضوع انه انتي عندك مشكله معينه ؟ " مها "

 

تمام انا اول شئ ما كان عندي اياه منذ الولادة يعني انا كنت صغيره كنت طليقه بالكلام وكان كل شئ تمام وكنت بشارك بالاذاعات المدرسيه وكان كل شئ طبيعي الموضوع بدأ عندي علي حسب ذاكرتي من صف خامس ابتدائي وقتها صار عندي تأتأه كان في استنفار من قبل العائله انه ليش هيك فجأه وكنت بواجه صعوبات بالدراسه وكذا " شهد "

 

طيب هلا تحليلك انتي الشخصي هلا انتي تجاوزتي ال 20 من عمرك ؟ " مها"

 

لا انا هلا 20 بالظبط  " شهد"

 

20 ؟

وصلتي هلا لل20 فأكيد انتي هلا صيرتي قادرة يمكن تحللي وتتذكري شوي شو السبب ان انتي وعمر ال 10 سنين لما كنتي صف خامس يعني فجأه بلش هالاضطراب عندك وبلشتي انتي تأتأي بالكلام ؟ " مها "

 

هلا بالصراحه يعني سبب معين مش كتير عندي سبب معين بس ممكن تكون وراثيه بحكم ان اختي اللي اكبر مني ب 6 سنين ممكن يكون عندها التأتأه بس هي يعني خفت معها بشكل احسن مني يعني هي لما دخلت الجامعه كانت تقريبا رايحه منوعندها فيمكن علشان هيك انا ما تلقيت جلسات علاجيه مبكره لانه تلقيت جلسات علاجيه من شي سنه تقريبا واستمريت فيها بعدين قطعت هلا ممكن فالكلام انتو ممكن تستشفوا التأتأه اللي عندي ياها زي هلا ما صار مثلا فإذا شوفتوا شخص هيك هو مش ارتباك ممكن يكون ارتباك وممكن يكون توتر بس هذا مش السبب الاساسي يعني فغالبا ممكن تكون وراثيه ممكن انه احنا الاتنين انحطينا فظروف معينه خلت انه عندنا هذا الاضطراب بس بصراحه سبب معين يعني ذاكرتي خانتني من ها الناحيه " شهد"

 

انتو كم حدا بالعيله؟ " مها"

 

احنا الاولاد والشباب 6 ثلاث شباب وثلاث بنات " شهد"

 

واختك اللي عندها نفس الاضطراب كم اكبر منك " مها "

 

اكبر مني ب 6 سنين " شهد "

 

اوكي طيب انتي قولتي من شوي ممكن حطينا بنفس الظروف ممكن نعرف هاي الظروف ؟ " مها "

 

يعني يمكن ظروف عائليه ممكن ظروف نفسيه كونه انه تعرفي هي قبلي علي طول ممكن ظروف عائليه ممكن يعني ظروف بشكل تاني بس انا بخمن لاني قرأت انه ممكن التأتأه تكون وراثيه ۔ " شهد "

 

اوك طيب كيف اتعاطوا الوالد والوالده واخوانك الأكبر منك مع مشكلتك انتي وأختك؟ " مها "

 

هلا بصراحه اختي يعني ما بعرف كيف كان الوضع معها ممكن نحكي كانوا مستنين انه هي تروح لحالها يعني يعني كانو مستنين انه الموضوع ممكن ينحل منه لذاته يعني فعلشان هيك هما مابادروا بالخطوه الأولي يعني الا ما انا بادرت فيها يلما انا اتخرجت من المدرسه كانت نفسيتي كان عندي اكتئاب وانه كان في عندي كمان قلق بس مش بسبب انه التأتأه ما كان في بينهم ارتباط وثيق بس هيك بسبب وقتيها كانت انه الكرونا وعلي هاي الاساس فوقتيها كانت من الاشياء اللي مضايقتني التأتأه فأنا بدأت انه اخد جلسات علاج وبدي ازور طبيب نفسي وانا وانا هيك يعني بس هما ما قاموا بشئ معين لانه كانوا مستنين الموضوع ينحل من نفسه خصوصا اختي الاكبر مني الموضوع عندها خف يعني هي لحد هلا اللي بيركز معاها عندها لحظات تأتأه بس فينا نحكي اختفت بنسبه 99 % ولما دخلت الجامعه كان ما عندها كانت شبه معدومه ويمكن لحد هلا فيمكن انه كانو مستنين انه الموضوع زي ما خف من عندها يخف من عندي انا كمان " شهد"

 

سو أختك ما راحت عند أخصائي يعني ؟ " مها "

 

لا ويعني ما راحت عند اخصائي نطق انا زورت اخصائين نفسين سايكترك وسايكولوجست وهاي كمان زورت أخصائي نطق وأخدت جلسات علاجيه ما يقارب السنه سنه وشوي " شهد "

 

لما من شوي ذكرتي أنه أنتي كان عندك اكتئاب وقلق كانو مشخصين ؟" مها "

 

ايه كانوا مشخصين وحاليا عم بتلقي العلاج كمان " شهد"

 

طيب حابه اعرف من وين اجي هذا الوعي بأنه حالتنا النفسيه مهمه انه لازم اروح لعند مختص طالما فهمنا منك بالعيله ما في الاندفاع نحو هالشئ ؟ " مها "

 

بصراحه يعني بالأونه الاخيره صار في كتير عن موضوع الصحة النفسيه صار في كتير تعقيبات انه اهتم بصحتك وهيك فأنا صيرت أقرأ عن الموضوع وأقرأ وأقرأ فأنا صيرت ابحث عن الموضوع اكتر الموضوع بدا معي من وقت الكورنتين لما كنا بالحجر الصحي كنت أحس انه مالي نفس لشئ كلها اعراض للإكتئاب كان في عندي خمول هيك يعني عدم رغبه بإني اساوي اي شئ فيعني وقتها قولت لازم احط حد للموضوع وخصوصا انه كانت اول سنه الي بالجامعه وما كان عندي حماسيه مع انه المفروض اول سميستر بالجامعه بيكون في حماسيه ودافعيه من كل الطلاب يعني فكنت بغيب وكذا ولانه انا كمان عندي سكور شب بالجامعه فكنت لازم انه انا احصد لمستوي علمي معين فكنت قلقه حول هذا الموضوع فأنا صارحت اهلي صراحه ما كنت متوقعه ردت الفعل التعاطف وهيك كنت متوقعه انه لا انتي ما فيكي اشئ بس يمكن لانه كان في احساس انه في شئ غلط فهما بادروا بالمساعده زورت لحد هلا مش متذكره قد ايه بالظبط " شهد"

 

كم جلسه قصدك ؟ " شهد "

 

لا أنه كم طبيب نفسي شكلتي بالاطباء ما ارتحتي من البدايه مع طبيب واحد؟ " مها"

 

لا ما ارتحت مع طبيب واحد " شهد"

 

ليش يعني شو كنتي تحسي لما تزوري الاطباء وتغيرهم ؟" مها "

 

يمكن لانه ما ارتحت معهم وما لقيت النتيجه اللي بدي اياها وكانت حاسه بتغير ملحوظ ممكن الواحد لما بيتحسن بفتره مثلا انه خلاص بيقرر انه انا ما هزور طبيب بعدين لما يرجع ينتكس بيقرر انه انا ما لقيت المرجوه من الطبيب الاول فخليني اغير لطبيب تاني وانا كمان اخدت جلسات علاجيه بس ما ارتحت ما حسيت هيك انه في كميستري " شهد "

 

طيب من 10 سنين لليوم 10 سنين تقريبا شو بتتذكري مواقف صارت معك سببتلك حزن ألم ضيق معين خاصه بالتأتأه ؟ "مها "

 

بصراحه أنه عدم استيعاب اللي حوالي أنه لمشكلتي هاي الشغله كانت بتضايقني مثلا انه في المدرسه كنت بواجه تنمر بفترات معينه يعني مثلا شغله خدي نفس يا جماعه النفس ماله علاقه بالتأتأه خدي شهيق خدي زفير يعني ممكن التوتر يكون عامل بالتأتأه يعني 100 % يعني مشان هيك احنا اصلا قاعدين نتكلم باضطراب التأتأه بهذا البودكاست بس يعني التنفس واشياء تانيه ما الها علاقه اساسيه بالتأتأه فمثلا كان في مواقف من اقراني لما كنت صغيره مثلا كانت كتير تزعجني وكتير تضايقين يعني كمان العائله لما كنت صغيره كتير كانوا يفكروا انهم شئ بقدر اتحكم فيه ولحد الان بقابل أشياء يعني انا لحد ما اتقبلت الموضوع يعني ولحد هلا بواجه انه امور الناس بتفكر انه انا مثلا انه التئتئه ضعف شخصيه او ارتباك او قله ثقه بالنفس لا ما الها علاقه هي الها علاقه بالنفس يعني مش ضعف شخصيه او من هذا القبيل " شهد "

بتصاحب الشخص اللي بيواجه مشكله التئتئه حركات ثانويه طرف الجفنين سريعا رعشه الشفتين او الفك حركات لا اراديه بالوجه ونفضات بالرأس ۔۔ " مها"

 

أنا عندي مثلا حركتي الثانويه مثل ما كانت تحكيلي معالجتي معالجه النطق انه عنده حركه بالفك انا بلاحظ حالي انه بغمض عيوني في وقت التئته هاي بيسموها حركات ثانويه في من المؤثرين علي السوشيال ميديا انه كتير الهم دور مثلا حماسي تجاهم موضوع التئتئه وانه اتعالج من التئتئه هو محمد عبالله هو انفلونسر في الاردن وانه هو كمان عنده تئتئه وهو مسمي نفسه ملك التئتئه فهو بيحكي وبيحط استراتجيه يساعد الناس وانه كويسشن بوكس واسئله عن التئتئه وبتكتشفي انه في ناس كتير بتعاني معك بس مش كتير باينين او خايفين يتكلموا عن هاي المشكله " شهد "

 

طيب خبرينا عن أبرز الأشياء اللي بتقرأيها وبتسمعيها عن قصص الناس ومعانتهم مع هذا الاضطراب " مها "

 

يعني غالبا بتكون معناه الناس في بيوصوفها كأنها لعنه انه صابتنا لعنه في مره قرأت من الكتاب كتاب كان بيتكلم عن التئتئه انه اتعامل مع التئتئه كمشكله وليست كلعنه فانه في كتير من الناس بيشوفوها كلعنه بيحسوا انهم الوحيدين الي بيعانوا من هذا الموضوع بيحسوا يعني انه الدنيا مسكره بوجههم وطبعا الاشاعات المغلوطه عن التئتئه بتلعب دور بهالشئ يعني بيحكولك خد نفس زي ما قولت انه بتحاول تعمل تمارين معينه هلا في تمارين بتساعد وموثوقه وفي تمارين تانيه مالها علاقه فلما الواحد يحاول كتير وبعدين ما يلاقي نتيجه بيصيبه حاله احباط او يأس فهذا اكتر شئ يعني اللناس بيتمركزوا حوله " شهد "

 

خلينا نقول انه انتي بعمر ال 17 قررتي تروحي لطبيب نفسي ؟ " مها "

 

أنا بعمر ال 18 " شهد"

 

ومن وقتها لليوم سنتين مروا وغيرتي كتير اطباء ومختصين طيب اعطيني خلاصه تجربتك مع العلاج او علي القليل مع الطبيب اللي ارتاحتي اخر شئ معه شو كنتي تتناقشوا شو لقيتي حلول علي شو هلا انتو راسيانين بمرحله علاجك ؟ " مها "

 

اول شئ انا حاليا زي ما قولتلك مستمره بتلقي العلاج وكل شئ بفتره من الفترات انا شو الي خلاني احكي انه نوعا ما اضطراب نفسي لما كنت باخد الادويه خفت التئتئه بشكل ملحوظ جدا حتي مثلا بالجامعه كانت زي ما خبرتك انا تخصصي صحافه فانه كان مبين الصحافه فيها كتير حكي وطبعا دخولي للصحافه هو نوع من انواع التحدي بالنسبه الي " شهد "

 

الادويه اللي كنتي تاخديها هي ادويه خاصه بالتئتئه ولا لا ؟ " مها "

 

لا مافي ادويه لها علاقه بالتأتأه بس لما كنت اخد الادويه النفسيه اللي تتعلق بالقلق والاكتئاب وهيك خفت عندي التأتأه بفتره كتير ملحوظه خلاصه تجربتي انه بصراحه انه يعني العلاج النفسي يعني عالم كتير كبير فأنه اول شئ بحس ما توثقوا بأي حدا بدكن تدورا كتير انه يفهم علي مشكلتكم وانه هيك ممكن تجربوا ادويه كتير عادي في ناس لحد هلا بتخاف من الادويه او انه عالج نفسك بنفسك هو بيعتمد علي قابليه الشخص هل انا بقدر فعلا اعالج نفسي بنفسي ولا انا بحتاج مساعده يعني عادي في ناس مثلا يكون عندهم مشكله قلق هما قادرين يتحكموا بهالقلق في غيرهم ما قادرين يتحكموا هيك هو عم بدمر حاله فانه هاي خلاصتي يعني ما تملوا هادي رحله مع ذاتكم ۔ " شهد "

 

طيب كتير بسمع قصص عن ناس عندهم تئتئه انه انا بتذكر انه انا ما كنت بتئتئ بس مره حدا في العيله خوفني تعرضت لموقف فيو اعتداء معين بيتزكروا مواقف معينه خلتلن هالتعلثم يصير ويصير دائم فانتي في شئ هيك بحياتك شئ موقف هيك صار معك تتذكريه ؟ ۔ " مها "

 

بصراحه مع الاسف ما بتذكر وانا بحكي مع الاسف لانه احيانا لما بتعرفي بدايه الشئ وتمسكي طرف الخير ممكن تقدري تعالجيه بطريقه افضل بس انا ما بعرف انا ما بتذكر ابدا شئ من هذا القبيل " شهد "

 

ممكن تكون محاكاه لاختك الكبيره يعني احيانا الطفل بيتاثر بحدا حواليه بيصير يقلده بالحكي " مها "

 

ما بظن لانه انا كطفله كنت نوعا ما اوعي من الاطفال اللي حواليا علشان انا ربيت انه اخواني كبير واخواتي كبير فكانت هي اكبر من عمري فما اتوقع انه الموضوع كان محكاه لانه حتي لو كان محكاه كان بيستمر لفتره معينه بس ما هتضل لها العمر مثلا " شهد "

 

مافي سبب معين لتأتأه ويوجد العديد من الفرضيات والنظريات حول اشكال اضطراب التأتأه هل هو نفسي ام عضوي ؟ " مها "

 

هلا بصراحه انا بحس انه اللي بكون معاه منذ الولاده هو ممكن يكون شئ فيزيائي انه يعني عند الشخص ما اله علاقه بالنفسيه بيكون اضطراب في النطق ، لكن اللي بيبدا معاه من فتره معينه ما اله علاقه بالنفسيه بيكون اضطراب بالنطق لكن اللي بيبدا معاه من فتره معينه هذا غالبا بيكون نفسيا بيكون الشخص اتعرض لموقف او لتخويف او اي شئ من هذا القبيل يعني وانا كمان من تجربتي انا انسانه جدا قلقه فبحث انه التأتأه والقلق ماشيين سوا بمسار بعض " شهد "

 

بتحسي صاروا مثل الحلقه يعني اكتئاب قلق تأتأه زياده خف اكتئاب خف القلق خفت التأتأه مثلا بتحسي انن مترابطين مع بعضن " مها "

 

هلا هي التأتأه ما بتيجي بس من المشاعر الداون احيانا بتيجي لما الواحد يكون متحمس او كتير سعيد فمشان هيك ما فيني احكي هاي حلقه يعني انا مثلا لما اكون كتير متحمسه او كتير سعيده ساعتها بتزيد عندي وانا اكتر شئ بالقرأه انه بيصير عندي حبسه أنه بيصير في تكرار بالحكي هلا الشئ انتي لاحظتيه وانا بصراحه انا اتلقيت علاج لهاي بس يعني وقت ما كنت اتلقي مشان النطق كنت احس في تأثير وتغير وتحسن بس بعد ما تركتهم انه عنجد زي ما انا فعلشان هيك انه الاضطراب هذا انا وخداه كأنه يجاورني بحياتي يعني ما بستني فجأه يتوقف خلاص انا عايشه معه والحمدلله ما بحس انه مخرب عليا شئ بحياتي انه اكيد طبعا مش انه متقبله الموضوع بطريقه انه انا ما سعي للتحسن اكيد انا بسعي للتحسن وكذا بس انا متقبله الموضوع لانه انا جربت كتير اشياد وعملت اللي علي فبحاول قدر المستطاع انه انا ما افكر بس واخلي حياتي كلها متمحوره حوالين هذا الاضطراب " شهد"

 

حكيتي من شوي لفتتني لما قلتي أنه انا توجهت لدراسة الصحافه كنوع من التحدي لان الصحافه يلزمها لسان طليق ؟ خبريني عن هلخيار والقرار ؟ " مها"

 

نعم بصراحه أنا كتير بحب الكتابه وكتير بلاقي حالي بالصحافه وبفيد الميديا والاعلام بشكل عام فققرت اني انا انطلق وعملت أنه يعني انترفيو بالجامعه والحمدلله اخدت سكور شب وهيك حكيت انه كل السبل متيسره الي تجاه الشئ اللي بدي اياه او تجاه الحلم اللي دايما بشوف حالي فيه فحكيت ليش اوقف حالي بس علشان هذا الشئ طبعا الشئ اخذ مني كتير محاورات مع نفسي وكذا كنت صراحه علشان اكون صريحه كنت مستنيه أنه امته هتروح مني فنقطه معينه فأنه انا يعني برحله الصحافه في نقطه معينه هتروح بالتأتأه هلا لا انا عندي ماي منتلتي أنا مبستني تروح مني يعني أنا ماشيه بطريقي ما في شي بيعكرس علي لانه كمان استشرت اهل الاختصاص انه استشرت دكتوري دكتور موسي برهومي هو دكتور الصحافه بالجامعه فقولتله اني عندي هذا الاضطراب هل ممكن يأثر عليا مستقبلا او ما اقدر ازاول شغلي بالشكل المطلوب قالي لا انه اطلاقا اللي بيحب شغله واللي عنده شغف فيها واللي عنده اصرار اكيد انه هينجح فعلشان هيك انا ما حبيت اخلي شئ يوقفني وانه طالما انا بحب هذا الشئ ليش احط حالي بمكان انا ما بحبه يعني يعني في النهايه هتكون تضحيه كبيره من التضحيات اللي مش مفيده " شهد "

 

 

عاطفيا لما مثلا تتعرفي علي شاب بدك تصادقي هادا الموضوع شكلك أزمه ؟

" مها "

 

هلا أزمه أزمه لا لانه مثلا انا الحمدلله عندي ثقه بنفسي وهيك فهذا الشئ ممكن يكون طاغي علي شئ اخر وانا الحمدلله ما واجهت من هاي النحيه كتير صعوبه لانه بحس انه في وعي حتي بحس يمكن الوعي من الشباب اكتر من الوعي عند البنات فلا بصراحه يعني ما واجهت مشكله حقيقيه بس هل انا احيانا بفكر يعني هل ممكن الشخص يفكر انه ارتباك او انه ضعف في الشخصيه او شئ لكن بالنهايه ما بخلي هاي الافكار انه تسيطر علي افكاري فزي ما بقولك انه الجانب النفسي بيكون طاغي بجانب التأتأه فيعني مثلا الشخص اللي بيتأتأ واللي بيوقف بيقعد يحكي انه انا تأتأت أو انه يعني الابتسامه او شئ هنا بيكون في عائق بس اذا انتي عادي كملتي انه انت هاي طريقتك بالحديث وانا هاي طريقتي بالحديث بس اذا انتي كملتي عادي يعني ما بظن يكون في عائق هاذا الشئ طبعا بده كتير تدريب انه كتير فليكسبلتي عند الشخص ليوصل لهالمرحله وهو كمان اذ سون اذ هو مش في علاقه عاطفيه انه اتعود عليكي مثلا فبتصير انه كتير اسهل وفي كمان جانب المصارحه يعني مثلا الشخص اللي بيتأتأ يحكي يعني مثلا انا كنت انه قاعده بتكلم بدي انه يعني بدي مثلا اوردر لمكان لمطعم او شئ فأنه فيني احكي هاي اي سيتر انه تبيني للشخص اللي قدامك انه انتي بتأتأي هذا الشخص بيخلي الشخص اللي قدامك بيحاول يستوعبك وبيخلي انه يحترمك اكتر انه انتي مش عم تحاولي تخبي اللي فكيكي يعني " شهد"

 

بس هل الشخص المصاب باضطراب التأتأه مضطر وين ما راح بده يبلش اي حديث بده يقعد يشرح اول شئ انه عنده هاي المشكله ؟" مها "

 

هو لا صراحه هو يعني بيعتمد علي الشخص في ناس بيكونوا مرتاحين اكتر في ناس كتير بيفكروا بالشخص اللي قدامهم وهو هلا شو هيقول شو بفكر فاللي هيكون مثل هيك هادا هيريحوا نفسيا انه يقول انه بيتأتأ بس مش كتير بيفكر بكلام الناس او كذا فأنه لا مش لازم انه هادا فأنا مثلا نادرا جدا ما بستخدم هذا الشئ حتي لو الشخص اللي قدامي عطاني ضحكه سخريه او انه استغرب او عمل فيس اكسبرشن انه عادي بكمل حكي انه انا صارلي عمر مع التأتأه فأنه انا اتعودت " شهد "

 

طيب كأنه التأتأه كمان درجات في ناس بتكون كتير صعبه وناس اهون لانه انا هلا من تواصلي معك حاليا وحديثنا ما عم احس بأزمه كبيره " مها "

 

لا هي ما أزمه كبيره بس أنا بالقرأه عندي أنا ظاهره اكتر من الحديث العادي رزي ما حكتيلك النفسيه كتير بتلعب شئ فيمكن هذا انا شوي فيني احكي مسترخيه يعني ريلاكس هيك وهذا التكرار اللي حاليا عم يصير انه يعني هذا هو نوع باردوا من الانواع يمكن مش كتير ملحوظ يمكن فيني احكي انها تأتأه طبيعيه بتصير بالكلام فمش كل حدا بيقدر انه ريكوجنيز أت " شهد "

 

شهد خبرتنا أيضا بعض الأمور اللي لازم نكون حريصين عليها اذا اتعاملنا مع شخص عنده تأتأه " مها "

 

أول شئ بدي أقول انه اعطوا فرصه للناس اللي بتشوف انه عندها تلعثم أو تئتئه ما توصفوا انه ضعف بالشخصيه ما تتبوا اطلاق الاحكام ما تعطوا احكام علي طول لا هو هاد اضطراب هاي أنه علي حسب اخبار قرأته أنه هو بيصيب 1 % من سكان العالم وفي كتير زي ما قولت بالانستجرام في كتير كوميونتي عندها تأتأه وكذا فأعطوا كل شخص مساحته وفي شغله منيح اتذكرت احكي عنها انه أنا التأتأه بحس أنا بستفيد منها بجانب معين يمكن هالشئ صح او غلط بس هالشئ انا بستخدمه أحيانا بتتوفر علي اني انا اقضي وقت طويل للشخص انه لحتي اعرف مستوي وعيه كيف ؟ يعني مثلا اذا انا قابلت شخص لأول مره اذا الشخص هذا تفهم وما اعطي اي رد فعل عكسي تجاه التأتأه انا بعرف اذا هذا الشخص واعي وعنده علم بالتأتأه او هذا الشخص مش فاهم بس ما عم بيعطيأي دره فعل عكسيه فهذا الشئ بيوفر علي انه اتناقش مع الشخص لحتي اعرف مستوي وعيه لانه فيني اعرف مستوي وعيه من هذا الاضطراب اللي عندي " شهد "

 

ثانكيوا عنجد هاي نقطه كتير مهمه وشو كمان "مها "

 

فأنه أعطوا الناس وقتهم ما تتبنوا اطلاق الاحكام علي طول مش ارتباك ومش ضعف بالشخصيه نحن بس بنتأتأ نحن هاي الطريقه اللي بنحكي فيها وانتوا هاي الطريقه اللي بتحكوا النفسيه ممكن تلعب دور بس مش عند كل الناس والنفسيه مش كبسه ذر فحتي لو النفسيه بتلعب دور انا ما في احكي للشخص اتحكم بنفسيتك التحكم بالنفسيه شئ كتير صعب انتو لو مش مكان الشخص يعني ما تتبنوا انه يعني اطلاق الاحكام انه يعني حاولوا تتفهموا حاولوا يكون في وعي ويكون في صبر وفي شغله كمان الشخص اللي بتأتأ ما تكملوا عليه الجمله استنوا يخلص حكي واذا في رد عليه ردوا يعني ما تبادروا علي طول وأنا يعني بتخيل الاضطراب هاد انا حتي انه في مره اتواصل معي شاب علي الانستجرام قالي انه هو اتعرف عليه من اكونت ستر الامارات ما بعرف كيف لقي الاكونت تبعي او هيك بس هو قالي انه اتعرفت عليكي من هذا الكوميونتي ودار الحديث وهو قالي انه في نوع من العلاج هو استخدمه وانه كتير فاده وهيك بس انا ما بادرت انه انا اعرف اكتر عن الموضوع او هاي لاني كنت اوردي بعدي بالجلسات العلاجيه ولاني بطبيعه الحال ما قرات كتير عن الموضوع نوهني عن الاشياء اللي ما خطرت ببالي قالي انه التأتأه عند الشباب بتكون اصعب من عند البنات لأنه الشاب دايما في صوره لازم يكون دايما ظاهر بالرجوله والثقه بالنفس ما ترخي حالك وشد حالك فلما يكون في شاب متأتأ اتخيل انه بيواجه مشكله اكتر يعني نحنا ما فينا ننتقص من معناة حدا بس كون المجتمع بيحط الشاب والبنت بقوالب فبحس ان الشباب بيعانوا اكتر وعليهم ضغط اجتماعي اكتر فأعطوا الوقت للجميع ما تعطوا نصائح باختصار اذا انتو مش قرأين يعني أنا ما بحب نصيحه اللي يقولي خد نفس طيب هل انت قرأت دايما أي نصيحه بالحياه ما بتنعطي اذا ما كان الشخص مطلع طب هل انت قرات وعرفت اذا النفس بيعطيه طيب ليش بالتأتأ انه كتير في فتاوي وكتير بتفتوا " شهد"

 

الحلقه الماضيه كانت عن اضطراب نتف الشعر فكانت الفكرة بالعكس انه الضغط الاجتماعي علي البنات هو أكبر لانه دايما الانثي بمجتمعتنا مرتبطه وبشكلها وشعرها وهاك أما الشاب اذا كان عنده إياه فهو بأسوأ الأحوال بيحلقه علي الصفر وما حدا بيقوله ليش حلقت علي الصفر فالحياه غريبه ! " مها"

 

فعلا والضغوط الاجتماعيه كتير كتير بتأثر علي الاضطرابات النفسيه بحس أنه صح صار في وعي بالأونه الاخيره حول الاضطرابات النفسيه وكذا بس لسه في فجوه معينه لازم أنه هاي الفجوة تمتلي "شهد"

 

أما الأن رح اترككم مع تعليق ورأي الدكتوره خوله الحديدي حول اضطراب التأتأة وتجربه شهد " مها "

 

هي تجربه ثريه وغنيه وناجحة جدا في تجاوز هذا الاضطراب في شرحه وتفصيله وفهمه بتعليقي علي حديث الصبيه رح افصل بعده نقاط النقطه الاولي لفت نظري العمر اللي اصيبت فيه بالتأتأه هلا معروف انه اغلبيه حالات التأتأه بتبدأ بداية النمو اللغوي للطفل بالعمر المبكر سنه ونص سنتين بالمفروض بقي يتعلم الكلام فبتظهر أغلب حالات التأتأة او عمر ما قبل ال5 سنوات عمر ما قبل المدرسه وطبعا في حالات توجد بعمر متأخر أيضا في اعمار لاحقه لكن هي اقل كتير نسبيا من حالات التأتأة اللي تظهر في عمر مبكر فحالة الصبية اللي حكت انها بدأت بعمر 10 سنوات وعلي حسب كلامه انه هي تظهر عندها ما سمته الحبسه بالكلام أثناء القراة فممكن المشكله بدأت صعوبات تعلم اكتر ما تكون مشكله مرتبطة بالجهاز الكلامي او استراتجيه التأتأة كله كيف بتصير كأليه يمكن صعوبات تحمل هادي بسبب اهماله واترسخت حاله التأتأة لكن بنفس الوقت هي حكت انه عندها اخت اكبر منها هذا بيحللنا انه واحدة من النظريات المهمه هي اللي ممكن تكون التأتأة حالة وراثيه مرتبطة بالجينات لكن تبقي نظريه الوراثه شائكة جدا ومعقدة بهذا الصدد لانه ما في شئ مثبت بشكل حاسم بانه يتم وممكن تورث هذه المشأله بالكلام مثل ما يورث لون العيون او لون الشعر او لون البشرة الي اخره فالمسأله يعني وجود طفل تاني بنفس العائلة بالعكس يمكن حتي ما بيحللينا الوراثه يحللنا العوامل المكتسبه عوامل التربية العوامل المحيطه اللي عاشوا بها الطفلين وفي نقطة انتي اثرتيها مها يعني ممكن تكون محكاه خصوصا انه اختها اكبر منها ب 6 سنوات ايضا واحده من المحكاه والتقليد لكن هذه ايضا غير ثابته لانه ممكن ينوجد اطفال عندن تأتأه والاب والام والاخوه كلن يكونوا طلقين الكلام لكن بيكون هيدا الامر وارد مع ان هي نفيته ولانه شخصيته من النوع الواضح لانه شخصيتها قويه وما بتتأثر كتير بالاخرين ووقت تثير المحكاه عند البنت بتصير لا شعوريه يعني هو ما بيدكها اساسا فممكن يكون هذا كمان واحد من العوامل مو شرط بهاي الحاله بس بنحكي بشكل عام مثل ما قولنا هاي حالتنا فبدنا نحكي بكل الاسباب ف مش ثابت الاساسي للتأتأه او خلينا نقول هو الفيسيولوجي او العضوي وغياب التناسق العضلي العقلي التوافق الزمني المطلوب للعضلات الازمه اللي يحتاجها الكلام الطليق فشو اللس يسبب هذا الشي غير معروف يعني لكن كل هذه عوامل بتختلف من شخص لاخر لذلك دراسه كل حاله هو اللي بيعرفنا السبب فممكن لو رجعنا لتعريف عائلة الشابه هذه كونه عندها اخت أخري بس ممكن اذا الاب والام عرفوا انه بعائلتهم في حالات مرت هيك ممكن وقتها نقول انه في شئ جيني وراثي بإستثناء ذلك اللي حكته الشابه بيرتبط بكتير عوامل واحيانا كتير استجابه المحسط للحاله الولي اللي بتظهر عند الطفل بردات الفعل هي اللي بتساهم بتكريث هاي الحاله وبتلغيها تجاهل الاهل التام وفكره انه هذا بيصيب وبيطيب لحاله هاي الفكره السايدة في مجتمعنا أنه التأتأه بتروح لحاله هي فعلا مع العمر في حالات بتنتهي لحالها بس في حالات ما بيصير  لازم الانتباه الها يمكن هذه الشابه لو تم الانتباه الها وهي 10 سنين ما كانت اتطورت وصارت حاله تأتأه يمكن كان هلا هي ما عندها هالي المشكله وردود فعل المجتمع ايضا المجتمع المحيط والاقران والبيئة المحيطة بالمدرسه اوغيرها ممكن اتعرضت للتنمر مع الاطفال او المدرسين المجتمع المحيط كلياته بيصير يركز هي شو بتحكي ردود فعلن سواء ابتسامه او سخريه هذه كله بيرسخ الحاله بدل ما يعالجها الجميل بالحاله الشابه واعيه بذاتها ادراكها لنفسها واتبعها للطريق الصحيح يعني نحن الطريق هذا اللي اتبعته الشابه هو الطريق اللي المفروض كل الاسر تتبعه مع اطفاله انه وجود هاي المشكله بتستدعي العلاج الطبي والعلاج النفسي لكي يتم الكشف عن المشكلهفالشابه اتبعت المسار الصحي للعلاج وفي نقاط ثارتها كتير مهمه مثل الانتباه للفروق بين الجنسين بهذه القضيه من الثابت ايضا انه يصاب الاولاد 3 اضعاف عن البنات بالتأتأه لكن ايضا استجابه المجتمع لاي اضطراب يصيب الاتنين خصوصا مجتمعنا وردود فعله علي ذلك يختلف تجاه جنس الشباب او البنات واحد النقاط بهذا المجال انه النمو اللغوي للاناث متطور اكتر خلقيا يعني هو متفوق علي الذكور فمن الغريب انه يكون نسبه انتشاره عند الشباب اكتر من البنات وكمان ايضا ردود الفعل علي هذا وقت بيكون مثل اي اضطراب بيختلف ردود فعل المجتمع علي الذكر او الانثي هذا كلياته شئ بيودينا لنقطه الحديث المهم عن كيفيه تعاطي المجتمع مع هذا الموضوع من ضمن سؤالك مهم جدا المجال العاطفي العلاقه مع الجنس الاخر كيف الناس بيشوفوا ذكرت هي نقاط جدا جدا مهمه وحيويه يعني انه كيف لازم المجتمع يطعاطي مع هذا الموضوع تجن النصائح وعلي فكره مو بس بالتأتأه لكن الناس هلا اذا قولتي بيوجعني راسي بتسمعي الف نصيحه دائما تجنب الافتاء بالاشياء التي لا نعرفها تجنب الحالات هذه انه ما تقوله اتنفس شوفتوا كيف هي مزعوجه انه ما تقولولي اتنفسي خد نفس استرخي عيد الجمله عيد اللي قولته يعني في كلمات وجمل المفروض نتجنبها تماما المفروض من الاهل والمعملين والمجتمع واولا تقبل الناس علي ما هم عليه وتقبل هذا الاختلاف ثاني شئ الاستماع اله وعدم مقاطعتن ليكملوا الجمله اللي بدهن يقولوها عدم التركيز علي التأتأه حتي ما نزود عنهم الخجل والارتباك والخوف لأنه هذا واحده من الاشياء اللي بنكون بشئ بنصير بشئ تاني مثل ما حكت الصبيه بحماسها هي ماشاء الله هي متفوقه وحاصله علي منحه دراسية صارت تتجنب الروحه علي الجامعه هذا الانسحاب الاجتماعي تجنب الكلام من اكتر ردات الفعل اللي ممكن يعملها الطفل وتأثر علي مصير حياته كلها هذا كله من كيفيه تعامل المجتمع مع هذه الحاله وكيفيه تقبل الاخرين والاستماع الن تحليلي مره اخري الي هذه الصبيه للمصار الصحيح اللي اتبعته في العلاج اللي هو العلاج الطبي والنفسي لكن لفت نظري هون نقطه وبحب اختم فيها انه مو دائما نحن لازم نغير من الاطباء والمعالجين الي في حال عدم تحسن علي مدي طويل وفي حال عدم الراحه اذا ما هي ارتاحت للمعالج ما تكمل معه من البدايه غير هيك التغير من المعالجين بيضر اكتر ما بيفيد وهذه حاله بنشوفها الاهل بدهن استجابه سريعه هذه الحالات تاخد وقت طويل لحتي تبلش تظهر النتائج الجيده وبنفس الوقت بختم هذا الكلام لازم كتير يصير في وعي وتوعيه بالمجتمع لهذه المسأله لازم بالمدارس هلا صار متوفر في كل مدارسنا مرشدين النفسيين والتربويين دائما في بدايه كل عام دراسي انه يحكوا عن كل صعوبات التعلم ومشكلات الكلام اللي ممكن الاطفال يلاقوها عند زملائهم واقرانهم كيف يعلموهن يحترموهن الاهل وقت بيسجلوا ابنائهم بالمدارس لازم ينبهوا انه هذا الولد عنده هيك لازم يتنبه رفقاته لهيك وقيس علي ذلك ليس فقط بالتأتأه بالاضافه الي المجتمع عموما من خلال الاعلام مثل برنامجك هذا من خلال وسائل التواصل الاجتماعي من خلال تشجيع الشباب والشبات للانضمام المجتمع ليعرفوا المجتمعات الشبيه اللي عندهم هاي الحاله ليعرفوا انهن ليسوا واحيدين وانه هاي مسئله طبيعيه وتقبل الاختلاف ورفع الوعي وبالذات رفع الوعي الاجتماعي شكرا ۔۔۔ " خولة الحديدي "

 

شكرا الكم لحسن استماعكم واهتمامكم انتظرونا الاسبوع القادم بحلقه جديده لبودكاست صارت معي فيها

ضمن سلسله نفسيتي اولا من

هلا لوقتها ضلوا بخير واسمعوا الحلقات السابقه عبر زياره موقعنا أخبار الان في

قسم بودكاست ۔أو من خلال تطبيقات البودكاست المختلفة

مثل أبل بودكاست إذا كنتم حمله ايفون، أو جوجل بودكاست اذا نظام موبيلاتكم

أندرويد أو من خلال ساوندكلاود ، ديزر ، أنغامي ، سبوتيفاي

شاركوني أفكاركم وتعليقاتكم واتواصلوا معي عبر الواتساب

00971568531592

بالاعداد والتقديم برافقكم دائما أنا " مها فطوم " إلي اللقاء