مع السلامة باي باي.. إذا شفت منك هذه التصرفات

مها فطوم

سارة قدورة ناشطة نسوية فلسطينية من لبنان تقدم عبر منصات التواصل الإجتماعي المختلفة محتوى باللغة العربية بعنوان "حكي نسوي" هدفه زيادة الوعي النسوي في مجتمعاتنا وهو محتوى غني بالمعلومات بحيث يمكن التطرق لأكثر من فكرة خلال الحديث مع سارة، لكنها اليوم ضيفتنا في بودكاست صارت معي ضمن سلسلة حب وعلاقات لتخبرنا انطلاقاً من تجربتها عن أبرز الـRed Flags أو (الرايات الحمراء) التي تأخذها بعين الاعتبار أثناء فترة المواعدة و العلاقات بأشكالها المختلفة.

تابعوا البرنامج على تطبيقات البودكاست

(Red Flags من تجربة سارة قدورة في المواعدة)

“مع السلامة باي باي.. إذا شفت منك هذه التصرفات”

دبي (أخبار الآن)

 ماذا يعني مصطلح (الرايات الحمراء) في العلاقات؟

ما هي أبرز هذه الرايات حسب تجربة سارة في المواعدة؟

ما هي أفضل طريقة لندرك خطورة بعض التصرفات عند شريكنا العاطفي؟

سارة قدورة ناشطة نسوية فلسطينية من لبنان تقدم عبر منصات التواصل الإجتماعي المختلفة محتوى باللغة العربية بعنوان “حكي نسوي” هدفه زيادة الوعي النسوي في مجتمعاتنا وهو محتوى غني بالمعلومات بحيث يمكن التطرق لأكثر من فكرة خلال الحديث مع سارة، لكنها اليوم ضيفتنا في بودكاست صارت معي ضمن سلسلة حب وعلاقات لتخبرنا انطلاقاً من تجربتها عن أبرز  الـRed Flags  أو (الرايات الحمراء) التي تأخذها بعين الاعتبار أثناء فترة المواعدة و العلاقات بأشكالها المختلفة.

إذا كان هذا المصطلح غير مألوف بالنسبة لكم فاستمعوا لهذه الحلقة مع سارة وتعرفوا على تفاصيل مهمة جداً حول فترة المواعدة والعلاقات.

إعداد وتقديم: مها فطوم

الإخراج الصوتي: جو الحاج

الهوية البصرية من تصميم مديحة طه

الإشراف العام: محمد علي

نص الحلقة :

كل ما تعمل شئ نكون بقعدة تعمل شئ يعطيها زئرة أو يطلع فيها بنظره بتذكرني بنظرة الأمهات لما ابنن أو بنتن تعمل شئ يعتبر أنه غلط قدام قرايب أو جيران الي أخره ۔
أحيانا بنحس أنه هالشئ لذيذ أنه نحن بعلاقة ما كتير فيها إختلافات بينا بنفكر هذا الشئ أنه شئ منيح ۔ كل الوقت عم نحسب حساب لألي وكل الوقت خايفين من أنه نخسرها وكل الوقت عم نقارنها بعلاقة الأخرين ما بعتقد رح نكون مبسوطين ۔۔۔ بصوت " سارة قدوره "

سمعتوا صوت "سارة قدورة" ناشطه نسوية فلسطينية من لبنان تقدم عبر منصات التواصل الإجتماعي المختلفه محتوي باللغة العربية بعنوان " حكي نسوي " هدفة زيادة الوعي النسوي من خلال الإضاءه علي النظرية والمدارس والقضايا النسوية حسب ما بتعرف عنها بالإضافة للتعليق الإجتماعي وضحل الخرافات ، بقناة سارة رح تلمسوا الغني بالمعلومات يلا بتلامس وبتهم فئة كبيرة منكم والحديث معها يطول جدا ولا يكتفي به بفكرة واحدة لكن اليوم حبينا نكسب سارة معني في بودكاست " صارت معي " ضمن سلسلة حب وعلاقات لنسمع رأيها بموضوع الريد فلاج أو الرايات الحمرا وهو مصطلح يستخدم في العلاقات الحديثة عن الإشارت المرتبطة بأفعال وتصرفات لأحد الطرفين توحي للطرف الأخر بترك هالعلاقه والإبتعاد عن شريكه صاحب هاي الصفات والأفعال ۔۔۔۔۔ بصوت " مها فطوم "

تقريبا ما فيني أحدد تاريخ أمته بلش مصطلح أو استخدام مصطلح ريد فلاج بس بشكل عام بيستخدموه كانوا بعلم النفس وهلا صار شوي شائع استخدامه من ورا الأفلام من ورا المسلسلات من ورا الموسيقي كمان من ورا وسائل التواصل الإجتماعي وصار هيك شوي من الشائع أنه الناس اللي بتحكي عن علم النفس أو بتحكي عن العلاقات تكون عم تعطي نصائح أنه صار كتير سهل هلأ العالم تسجل وتحكي عن تجاربها وتقرب تجاربها من تجارب الأشخاص اللي عم يحضروا فبشكل عام مصطلح ريد فلاج هو بيدل علي مزايا أو تصرفات بيعملوها الأشخاص يلي ممكن مثلا تعطيني عن الشئ أبعد لشخصيتن أو كيف بيتعاملوا مع العالم ممكن تساعدنا ناخد نظرة لمستقبل لكيف بيفكروا هادول الأشخاص أو كيف بيتفاعلو وبيتعاطوا مع الحب وكيف بيتعاملوا مع الأشخاص يلي بحياتن فالريد فلاج ممكن تكون موجودة بأشخاص بدنا نبني معن صداقات أو أشخاص بدنا نبني معن علاقات عاطفيه يعني ضمن أي علاقات إنسانسه وبيسعدونا شوي هيك نحاول نتجنب ألام مستقبلية اذا فينا نقرل بس هي مش علم يعني بالنهاية هي شئ متل موجود عندنا كبشر بناء علي خبرتنا كبشر وبتجاربنا بنصير مع الوقت نوعاله أكتر وننتبهله أكتر بصوت " سارة قدورة "

بالنسبه لسارة في مجموعه من الريد فلاج بيساعدوها لتاخد حذرها بالمواعده أو بالعلاقات سواء العاطفية أو غيرها من أشكال العلاقات المختلفة ۔۔۔۔
بصوت" مها فطوم "

بالنسبة لإلي هاي كمان فينا نقول نسبه بس لما أكون عم بشارك تجارب وحياة مع أشخاص وعم بلاقي أنه تفاعلن مع الحياة هو تفاعل سلبي كل الوقت نحن كلنا عم نمر بظروف صعبه كلنا بنمر بفترات صعبه لحياتنا فأكيد هادا ما بيطبق علي كل الوقت 100 % بس لما شخص كل الوقت يكون نظرته للحياة سلبيه وتعامله مع الحياه سلبي هذا بيحسسني أنه صعب نكون عن نكون تجارب وذكريات لذيذه وصعب أكون عم بستمتع بحياتنا اليوميه أو بتجاربنا سوا أو بالتالي بحاول أبعد عن هذا الشئ يعني النكد بشكل عام بيصعب علينا نكون عم ننبسط ونستمتع بلحظات وبرجع اذكر أنه هذا ما بينطبق علي كل الأوقات يعني بنسبه الي حد ما بس بيلفتلي نظري بلاقي أنه في أمور بتتعمم كمان هي من خلال تعامل هاذول الأشخاص مع الأشخاص حواليهم وببلش أولا بكيف بيتعاملوا مع الأشخاص اللي بيتعاملوا بالخدمات اللي بيشتغلوا بالمطاعم ياللي بيشتغلوا بالنضافه بيشتغلوا بالأوتيلات يعني الأشخاص يلي بيحتلوا وظائف بيعتبرها المجتمع وظائف أقل من "القيمه "

او بيستخف فيها وهادول الناس بشكل عام لا يعاملوا كبشر من كتير نواحي فلما اكون عم بتعرف على حدا وبشوف انه هاي الطريقة الي بتعامل فيها مع هاي الاشخاص هي باستخفاف وبنبرة بتستهتر فيهم بكرامتهم هذا كمان بيدل ان هذا الشخص ما عنده احترام للناس والاحترام طبعا تجاه الناس بيعتمد على طبقته الاجتماعية كمان كيف بيتعاملوا مع اي فئة مستضعفة في المجتمع ان كان الاطفال الي اساسا فئة مستضعفه من ناحية انه ما فيهم يعبروا عن حالهم ما بيعرفوا بعد يعبروا عن حالهم يتعاملوا باللغة احيانا بيعصبوا احيانا بيبكوا بفهم الناس بتضايق ما بتحب تكون جنب اطفال ما يكونوا اطفالهم لما يكون عم يصير هيك شي بس لم يكون تعامل مع هيك لحظات هي تعصيب ومسخرة او ما بعرف سب وشتم وانه جايبين ولادكم ومش عارف شو يعني بحس فيها هيك نوع من عكس اللطافة يعني ما في هيك احساس بالتانيين كمان اي استخفاف لفئات مستضعفة تانية للأشخاص الي عندهم اعاقة ، اشخاص مهمشين اجتماعيا كيف بنتعامل معهم هذا بيدلنا كثير علي شخصية الأشخاص أما من ناحية يمكن تعامل بينا وبين الشخص بلاقي أنه كلنا بنستمتع أكيد بأول فترة علاقة عاطفية أنه يكون فيه إظهار للحنان وإظهار للعاطفية وهدايا وسهرات الي أخره بس في ناس شوي بيبالغوا بكيف بيظهروا هذا الحب بيسموه بالانجليزي لاف بومبنج ما بعرض اذا شو الترجمة تبعته العربية بس زي اللي عم يزد عليك قنابل حب يعني اللي هي انه حدا مثلا بيقلك بحبك بسرعه ما قاطع أسبوعين علي العلاقه وأنه الحب شئ يمكن بده شوية وقت أكتر وفي يكون إعجاب أكيد من أول لحظه يعني بس أنه عالم بيحطوكي بمحل مضطره تردي أو تتفاعلي أو تحسي أنه الحب هيك بيجي هو النظرات والعشق أو الهوس اللي بيكون بأول فترة بخاف لما حدا يقولي أنه بحبك بسرعة بحس أنه علي شو مستعجلين وبلاقي هادول الأشخص عادة بيذتوا حب كبير وبيعلقوكي فيهن وبعدين يصيروا شوي شوي يطلعوا من الموضوع تدريجيا لما يصير جدي فلهيك بنتبه وباخد حذري اذا حدا عم يغرقني بالهدايا أول فترة أو عم يغرقني بالحب الي اخره واحنا بعدنا يعني بفترة مواعدة وبلاقي كمان كيف الأشخاص بيتفاعلو مع الأمور يلي منحبها إن كانوا هوايتنا أو أمور مننفيها أو الأشخاص ياللي منشتغلها حدا بعدك عم تتعرفي عليه أو حتي مش عم تتعرفي عليه يعني هادا كمان بينطبق علي العلاقات لاحقا فيكن عندي انتقاد علي امور بتحبيها بس لما يكون عم يستخف بهاي الامور يحسسك أنك هبله لأنك عم تستمتعي بهوايه معينه أو ما بعرف بتحبي تقري أمور معينه تحضري مسلسل تقضي وقتك بشكل بالنسبه لإله سخيف أو مش قد القيمة يعني بحس هادول الأشخاص اللي بيستخفوا بالقصص اللي بتسلينا وبتغيرلنا جو كمان عم يستخفوا بجزء منا يعني وهيك بنصير نستحي ونراقب حالنا حواليهم ۔۔۔
بصوت " سارة قدورة "

من الريد فلاج المهمين أيضاعند سارة هو علاقة شخص بالنساء في حياته
بصوت " مها فطوم "

بالنهاية نحن بزمن عم نطالب فيه بحقوق عم نطالب فيه بكرامة والمفروض بهذا الوقت يعني أغلب الأشخاص صاروا بيعرفوا صاروا بيفهموا شوي عن حقوق النساء لنقول أو النسوية أو تعامل البشر يعني مع الناس يلي بحياتنا حتي لو مش واعيين علي كل هاي الأمور السياسية أو إجتماعيا كيف الأشخاص بيتعاملوا مع النساء بحياتن بيحدد كتير كيف هذا الشخص رح يتعامل معي أو رح يتعامل مع عيلتي أو رفقتنا إلي اخره أو نظرتهن يعني كتير كتير بعرف يعني هادا الموضوع عن نظرته للنساء بشكل عام فإذا حدا بيحبني وبيعاملني بشكل لذيذ وبيحترمني بس بنفس الوقت طريقة يلي بيتعامل فيها مع امه او اخته فيها تحكم فيها مسخرة فيها عصبية الي أخره ومش عم بحكي هون عن علاقه سامة يعني مش عم بحكي عن أم مثلا ممعنفه أو ما بعرف يعني في كتير ظروف بتفوت بهذا الموضوع بس عم نحكي عن ثقافة أصلا موجودة عندنا بتخلي الشباب بشكل عام يكونوا عندن سلطة علي النساء بحياتن فإذا بيستغلوا هاي السلطة ليكونوا عم يتحكموا بالنساء او يصعبوا حياتن أو يعنفوهن أو يحكوا عنهن بطريقة استحقار واستخفاف هادا طبعا بيدل أنه هيك بيشوف النساء بحياته ولو عم يعاملني بشكل لذيذ هلأ بالمستقبل بس يبطل الوضع هيك رومانسي ببدايتة رح يتغير طريقة تعامله معي ۔۔۔
بصوت " سارة قدورة "

أيضا من الريد فلاج اللي لازم نكون واعيين الها كيف بيتكلموا الأشخاص عن علاقتهم السابقة ممكن يعطيك دلالة كيف ممكن يتكلموا عنك وعن علاقتك فيهم في حاله ما استمريت ۔۔۔۔۔ بصوت " مها فطوم "

كتير سائد عندنا مش بس عندنا يعني حول العالم في هيك ثقافة بتشجع الناس انه لما يتركوا علاقات وعم بحكي مش علي قد سامة أو علي قد معنفة لما يتركوا أي علاقة رومانسية الشئ ياللي بيعملوا هو بيقطعوا الشخص من حياتهم هادا قرار شخصي بس بكتير أحيان ما بتظبط العلاقه لأنه الشخصين بطلوا متفقين مع بعض أو الأمور اللي بدن يخطوها أو الخيارات اللي بدن يخطوها بحياتن غير متوافقة وبالتالي بينموا هاي العلاقة إن كانت علاقة فيها زواج أو ما فيها زواج فلما الشخص يصير عم يحكي عن الأشخاص اللي كان معهن بعلاقة بشكل كمان أستحقاري أو أنه والله كانت مجنونة والله كانت ما بعرف يهد بالأمور اللي كانوا يعملوها سوا يفضح أمور خاصة بينتهن يحكي عن أسرار۔۔۔ إلخ ما ياخد كرامتها وخصوصيتها بعين الإعتبار هذا كمان بيخوفني والمفروض يخوف أي واحدة عم تفوت بعلاقة مع شخص جديد لأنه ممكن تكون محل هاي الشخص بالمستقبل بشكل عام مش لذيذ أنا ما ضروري أعرف أسرار أشخاص سابقين بحياة الشخص اللي عم اتعرف عليه فهذا كمان بلاقية ريد فلاج مهم ۔
وفي كام شغلة بعد اول واحدة الي هي كتير سائدة يمكن مطبعة بمجتمعاتنا بكذا مجتمعات حول العالم الي هي اديش الشخص بيتحكم في قراراتنا وخياراتنا كتير بنعطي رومانسية للغيرة ويمكن في اشخاص بيحبو في نوع من الغيرة بعلاقتهم هذا الشي بيرجعلهم بس في نوع من الغيرة بيصير سام وبيصير مؤذي واحيانا بتبلش الغيرة بشي بسيط او على درجة بسيطة وبعدين بتصير عم تقلب لتحكم ، تحكم بكيف تصرفي مصاريكي اذا فيكي تشتغلي او لا اذا فيكي يكون عندك هادول اصدقاء او اذا يكون عندك اصدقاء اساسا اد ايه ممكن تشوفي اهلك رفقاتك اذا بدك تكملي دراستك او لا اذا بدك تروحي تسهري تحتفلي تعملي حيالله شي من الامور الي كنتي تعمليها اساسا ، بينقال انه هذا الشي عم ينحكى من دافع الحب ومن دافع انه هذا الشخص عم يحاول يحميكي الى آخره بس هاي من اول العلامات يالي بنعرفها لما نكون بنطلع على علاقة سامة او علاقة عنيفة انه الشخص بيعزلك شوية شوية عن محيطك الاجتماعي الي ممكن يحميكي او ممكن يوعيكي لحقوقك او يوعيكي للامور يالي بتصير وعم تسيئ لالك بهاي العلاقة وبيعزلك شوي شوي عن مصادر رزقك والأمور يالي بتقويكي اجتماعيا وماديا مثل العلم مثل الشغل وبالتالي كتير مهم نفرق بين هيكي الغيرة اللذيذة الي ممكن تكون موجودة الي فيها لعب وضحك وهيك ، انه بلاي فل وبين الغيرة يالي الهدف منه انه الشخص يتحكم فيكي ويحد من خياراتك ويفرض سيطرته عليكي بكافة جوانب حياتك ، في كمان ريد فلاج تانية : الشخص الي بينتقدك كل وقت والي بيحبط من معنوياتك ، يالي بيتمسخر عليكي ، بيتمسخر على القصص يالي بتحبيها هاي ترتبط بشى ذكرته قبل بس بشكل عام الشخص يالي بيعلق على مظهرك كل الوقت على وزنك على شعراتك على لبسك شو بتحطي على وشك ، خياراتك بالحياة ، الأمور يالي بتحبيها وبتحبي تعمليها ، بينتقدك بذكائك ، بيستخف بذكائك بيحسسك انك هبلة بأمور معينة او ما فيكي تحكي بأمور معينة او ما فيكي تنجحي ، بيستخف بطموحاتك بأحلامك ، هادول الأشخاص يعني ما بعرف ليه نخليهم حوالينا اساسا يعني مش ناقصنا ، المفروض نفوت بعلاقة احد اهم القصص بالعلاقة هي انه حدا عم يسندنا حدا عم يحسسنا بثقة زيادة بأنفسنا حدا عم يساعدنا نحب حالنا يعني الحب اللذيذ هو الحب يالي بيخلينا نحب حالنا وهيكي لطيفين مع حالنا وحنونين مع أنفسنا وبالتالي اذا حدا عم يخلينا نكره انفسنا وبنضل مراقبين حالنا 24 ساعة يعني بتذكر احد الأمثلة الي كنت اشوفها لعلاقة لصديقة الي كل ما تعمل شي يعطيها زقرة او يطلع فيها بنظرة بتذكرني بنظرة الأمهات لما ابنهم او بنتهم تعمل شي يعتبر انه غلط قدام قرايب او جيران الى آخره فهاي النظرة لما حدا يعطيكي هاي النظرة وانتي قاعدة معه قدام عالم انه وقفي او انتبهي او يعني ما تحرجيني الى آخره هذا شي كتير بيخوف وبيدل على أبعاد أكتر ممكن تروح عليها هاي العلاقة باتجاه سيئ ۔۔۔۔۔۔۔
بصوت " سارة قدورة "

في كمان ريد فلاج مرتبط بقدرتنا على مواجهة مشاكلنا واختلافاتنا مع الشك ۔۔۔۔۔ بصوت " مها فطوم "

احيانا بنحس انه شي لذيذ انه نحنا بعلاقة ما كتير فيها اختلافات بيناتنا بنفكر هذا الشي انه هاي الشي شي منيح بس احيانا هذا بيكون دليل انه احنا بنهرب من الاختلاف على أمو يمكن ما بنتوافق فيها عم نهرب من حديث لازم نعمله عن مواقف معينة او خيارات معينة وبالتالي لما الشخص التاني دائما عم يكون عم يتهرب من حديث عم يتهرب من المواجهة بس علشان ما يثير اي تينشن هذا الشي مش لذيذ لأنه بمحل ما هاي القصص راح تطلع وبيصير مضطرين نواجها بمرحلة متقدمة من العلاقة وبيصير أصعب علينا نحلها لهيكي في أمور لازم نحكي فيها اول العلاقة ما لازم نتجنبها متل ما شو بدنا من العلاقة شو تطلعاتنا أمور مثلا متعلقة اذا نحنا ببالنا عم نتجوز اذا مشي الحال بيبان انه نكون عم نجيب ولاد اذا هاي شو رأينا بالأطفال شو رأينا بالتعليم بالبلد بالهجرة امور خاصة بالايمان الشخصي بالأفكار السياسية الي آخره فمن القصص الكبيرة الي لازم عم نكون بنتناقش فيها للقصص الصغيرة الي هي انه شي خاص بوين بنروح نسهر رفقاتنا الى آخره ، الأمور البسيطة كتير ما لازم نتجنب المواجهة ما بيعني نتخانق ونتصارع ونعيط على بعض لأنه النقاش بهاي الأمور في يكون لطيف في يكون عنده طريقة تواصل نتعلمها مع الوقت تكون تحترم الشخص الآخر والهدف منها مش انه نسكت بعض او نربع على بعض بس انه نوصل لمحل بس هيك كتير مهم نعطي حالنا مجال عم نحكي بهاي الور ما نتهرب منها يعني هادول تقريبا القصص الي بفكر فيهم بشكل عام ۔۔۔۔۔ بصوت " سارة قدورة "

سألت سارة اذا عندها تواصل مع صبايا من الفئة العمرية بين 18و24 وبتلاحظ عندهم معايير مختلفة لتحديد الريد فلاج وكيف درجة وعيهم بأهمية الانتباه الها في العلاقات ۔۔۔۔ بصوت " مها فطوم "

بعتبر هلا صار في وعي شوي أكتر على هاي الأمور يعني سار ينحكى فيها هيك ، صارت كلمة ريد فلاج دارجة شوي بس مع هيك بلاقي انه بنكون محمسين بهاي العمر نخوض تجارب مختلفة بنكون محمسين لما بنلفت انتباه أشخاص معجبين فيهم ان كان بهذا العمر ولا أعمار أكبر صراحة أحيانا بنتجنب الريد فلاج لأنه بنفكر أنه ممكن نغير الأشخاص أو ممكن هذا ما بتعبر عن كتير قصص وهذا الشئ يمكن نعمله أكتر لما ما يكون عندنا تجارب كتير لهيك البنات كل ما أشخاص بشكل عام كل ما صغروا بالعمر كل ما حسوا أنه يمكن ما عندن تجارب كافية ليعرفوا قديش هاي الأمور مهمة وقديش بتأثر علي العلاقات لاحقا وبعتقد مع الوقت التجارب بتخلينا أو بتحسسنا أنه وقتنا ثمين أكتر لأنه كل ما نكون أصغر بنحس أنه عندنا وقت نجرب عندنا وقت نخبص عندنا وقت هيك نتسلي أكتر بعدين بنلاقي حالنا كل ما عم نكبر مش لأنه ما في حب لما نكبر لما نكبر أو مش لأنه ما فينا نخوض علاقات لما نكبر بس يمكن بيصير عندنا تقدير أكتر لوقتنا تقدير أكتر لأنفسنا فبحس أنه القصص اللي بنمرأها نحن وصغار ببطل عبالنا أو الينا أخلاق نمرأها كل ما نكبر أكتر ويصير عندنا تجربة أكتر لهيك بلاقي أنه في فكرة أنه نحن وأصغر بنحس حالنا أنه أول علاقة بنفوتها او العلاقات اللي بنخوضها لهاي الفترة هي العلاقة يلي رح تضل معانا وهي العلاقة يلي عم تنجح واذا ما نجحت رح نفشل وما رح نلاقي غيرها وما رح نلاقي الحب ۔۔۔۔ الخ
هاي الافكار بتكون بعده شوي هيك معلقة براسنا فا بنسير نحس أنه لازم نتقبل قصص معينة أو نرضي بقصص معينة علشان ما نحسر هذا الحب أو ما نخسر هاي العلاقة وهاي الفكره بتخف أكثر وأكثر كمان كل ما نكبر ويصير عندنا تجارب أكثر أنه اذا علاقة فشلت يعني أول شئ ما ضروري أرجع أفوت بغيرها أو أنه في مليون حدا والعمر يعني ما بيأثر علي العلاقات فعليا يعني بداية ونهاية علاقة مش نهاية الإنسان أو مش نهاية الحب أو مش نهاية تجارب فهذا بيعمل شوية فرق ۔۔۔۔
بصوت " سارة قدورة "

بتخبرنا سارة من وجهة نظرها كيف أي حدا فينا ممكن يقاوم الصراع يلي بيصير لما نحس ونعرف ونشوف قديش هل الإشارة أو الريد فلاج خطرة ولازم نبعد وبين مشاعر الحب والرغبة بالإستمرار يعني كيف بدنا نتغلب علي الحب ؟ ۔۔۔۔
بصوت " مها فطوم "

الحب صعب فعلا بلاقي أنه أحيانا الأشخاص يمكن ما بدن يكونوا عم يتصاعدوا بفترة معينة يعني بلاقي كتير مهم أنه شخص يلي عم بحكي معه أو معها يكونوا بمحل قادرين يتقبلوا النصيحه لنقول أو مشاركة التجارب بس حتي لو هن بمحل ما بدن يسمعوا أو ما بدن يتركوا هلأ مع هيك مهم أنه نحكي عن الريد فلاج لأنه هذا الشئ رح مثل ضو شمعة براسنا نكون منتبهين أكثر وفي نصيحة بتساعدني كتير بالحياة مش بس من ناحية العلاقات من ناحية كتير أمور اللي هي أنه أنا يمكن بفكر حالي أذكي حدا بالعالم أو أقوي حدا بالعالم وما راح ينضحك علي أو ما راح إتأذي وبقدر أطلع من العلاقه وقت اللي بدي الي اخره فبحب أفكر بصديقة مقربة لإلي أو أخت ما عندي أخت بس بحب أفكر أنه بحدا بحبه كتير بحياتي إذا كانت بمحلي بهاي العلاقة هل هذا الشئ بلاقيه صح بلاقي أنه لازم تكون بهاي العلاقة بلاقي أنه هاي العلاقة صحية لإلها بقبل هذا النوع من الأذي عليها بقبل يكون حدا عم يعاملها بهاي الطريقة لأنه من الأسهل أنه نحس بحنان وعطف وهيك تعاطف بشكل عام تجاه ناس اللي بنحبن أكثر ما نحس هذا الشئ تجاه أنفسنا أحيانا فلهيك يمكن الشئ يلي بقوله هو أنه اذا حاسين حالكم مش متأكدين أنه هذا الشئ منيح أو مش منيح لإلكن فكروا اذا حدا بتحبوه كان بهذا الموقف هل بتشوفوا الأمور من نفس المنظور أو بتحسوا أنه لازم تساعدوهم أو لازم علي القليل توعوهم أنه هذا الشئ منيح لإلن ۔۔۔۔۔ بصوت " سارة قدورة "

وقبل ما نختم حبت سارة تضوي علي نقطة بتخص الحب وأهميته بحياتنا ۔۔۔
بصوت " مها فطوم "

الحب كتير شئ لذيذ بالنسبة لإلي من أهم التجارب وأهم الأحاسيس بالحياة ونحن مش معمولين لنكون لحالنا ومش عم بحكي بس عن الحب العاطفي يعني بشكل عام الحب يلي بيجي من ناس مقربين لإلنا وإذا لقينا حالنا بعلاقات عاطفية لذيذة كمان هذا الشئ من أحلي التجارب الإنسانية فلهيك كتير مهم أنه نفرق بين النظرة أو الصورة الرومانسية أو الصورة الموجودة عن العلاقات يلي اتعلمناها بدزني أو بالمسلسلات والأفلام الي أخره أو الحب يلي يمكن شوفناه بالمجتمع يلي كان مؤذي من نواحي بس حسينا أنه هذا النموذج الوحيد للحب هنفرق بينه وبين تجارب يلي عن جد ممكن تغذينا وتخلينا نحب أنفسنا يعني الحب مش مش راح ينقذنا أكيد ما نحط علي الحب هاي المسؤؤلية أو علي الشريك والشريكة هاي المسؤؤلية ولكن اذا الحب كان عم يساعدنا أنه نحب أنفسنا وأنه نكون أفضل يمكن فيرجن من أنفسنا أفضل أفضل نسخة من أنفسنا فهذا الشئ كتير لذيذ لهيك برأي أنه مهم دايما أنه نفرق بين النصايح اللي بتنعطي أونلاين يلي بدها تعمل العلاقات شئ هيك فينا نحسبه علي الكالكوليتر أو فينا قوالب جاهزة بالظبط ويلي بخلينا دايما هيك متنبهين أو شكاكين بأنفسنا أو شكاكين بالشخص الأخر وبين الحب يلي عنجد بيرحنا وبيحسسنا بأمان وبيعطينا نوع من الحماية وبيخلينا نتنفس لأنه اذا نحن بعلاقة كل الوقت عم نحسب حساب لإلها وكل الوقت خايفين من أنه نخسرها وكل الوقت عم نقارنها بعلاقة الأخرين ما بعتقد رجح نكون مبسوطين وهذا الشئ بلاقي منافي للحب كمان فبس هيك بتمني لنا كتير حب يعني بس حب لذيذ وصحي هيك ۔۔۔۔
بصوت " سارة قدورة "

أنا أيضا بتمنالكم كتير من الحب مستمعينا في بودكاست "صارت معي" وبذكركم أنه فيكن تسمعوا جميع الحلقات السابقة عبر زيارة موقعنا
akhbaralaan.net
عبر وجميع منصات البودكسات متل
Apple
podcast ,Google podcast , spotify , Soundcloud , Deezer ,
Anghami
أنتظرونا الأسبوع القادم في التجربة الأخيرة في سلسلة " حب وعلاقات " وشاركونا أفكاركم عبر الواتساب 00971568531592
بالإعداد والتقديم برافقكم دايما أنا " مها فطوم " إلي اللقاء

 


قائمة الحلقات

  • كيف يتحمل مضيف الطيران نفسيات الركاب المختلفة؟
    مها فطوم

    كيف يتحمل مضيف الطيران نفسيات الركاب المختلفة؟

    كيف يتحمل مضيف الطيران نفسيات الركاب المختلفة؟ عمار نفاع مضيف طيران سابق بخبرة تزيد عن 11 سنة، يشاركنا في بودكاست صارت معي ضمن سلسلة "خفايا شغل" تفاصيل ومعلومات عن عالم مهنة مضيف الطيران وبعض أسرارها ...

  • القهوة تستحق أن أصبح باريستا لأجلها
    مها فطوم

    القهوة تستحق أن أصبح باريستا لأجلها

    القهوة تستحق أن أصبح باريستا لأجلها الريم الهناوي شابة إماراتية عمرها 23 سنة، توجهت للعمل كباريستا في واحدة من أشهر الكافيهات بالعالم بعد أن قررت عدم متابعة دراستها الجامعية. تشاركنا في بودكاست صارت معي ضمن ...

  • معلومات لا تعرفها عن تغسيل الموتى
    مها فطوم

    معلومات لا تعرفها عن تغسيل الموتى

    معلومات لا تعرفها عن تغسيل الموتى الشيخ أحمد عودة والشيخ حسين سليمان سوريان مقيمان في لبنان، بالإضافة لعملهم الأساسي في التعليم الديني يقدمون خدمة تغسيل الموتى منذ سنوات طويلة ، شاركونا في بودكاست صارت معي ...

  • لماذا لا نحب موظفي الـ HR؟
    مها فطوم

    لماذا لا نحب موظفي الـ HR؟

    لماذا لا نحب موظفي الـ HR؟ ليلاس مكي متخصصة في الموارد البشرية وعلى منصات التواصل الإجتماعي كريمة جداً في نصائحها للباحثين عن عمل والراغبين بتطوير أنفسهم مهنياً، شاركتنا في بودكاست صارت معي ضمن سلسلة "خفايا ...

  • تشويقة: سلسلة "خفايا شغل" - بودكاست صارت معي
    مها فطوم

    تشويقة: سلسلة "خفايا شغل" - بودكاست صارت معي

    "خفايا شغل" سلسلة حلقات في بودكاست صارت معي نستضيف فيها أشخاص من مهن وخدمات مختلفة ليخبرونا أسراراً لا نعرفها كأشخاص خارج مجالهم وكواليس تحصل أثناء ممارسة المهنة بالإضافة إلى مواقف طريفة وغريبة حصلت معهم. إعداد ...

  • كيف نتحرر من القوالب الضيقة التي وضعونا بها؟
    مها فطوم

    كيف نتحرر من القوالب الضيقة التي وضعونا بها؟

    غالية تركي صبية سورية فلسطينية مواليد 1991 مقيمة في الإمارات منذ عامين وتعمل في مجال إدارة المشاريع التسويقية والخدمات الإلكترونية، تشاركنا في بودكاست صارت معي تفاصيل تجربة قاسية وصلت فيها للموت بسبب التنمر وعدم تقبل ...