أنا هبة..أخبركم تجربتي في تطبيقات المواعدة الإسلامية

نص الحلقة :

صارت معي مع مها فاطوم بودكاست راديو الأن
أخر شئ الصراحة قولتله يعني انت عديم الكرامه علي الاخير يعني في انسانه عم بتقلك أنه ما بدها اياك ما بدها ترتبط فيك وما في ولا اي شئ مشترك بيني وبينك وأنت مباشرة حبتني فأنت علي شو عم تلاحقني يعني علي شو عم تبعتلي جربت مره أستخدم تندر كنت كتير غبية لأنه زغلب الناس اللي هناك دائما بيفكروا بالجنس كانو كتير مستغربين أنه في بنت محجبة علي تندر بحس أنه عندي أنا سلطه اني أنا أقدر اتفرج علي العينه مثل هاي السلطة تبع الرجال اللي بتكون من قبل أنه يفوته يعاينوا الصبية فأنا بحس أنه كتير فرصه حلوه حلاوه بديتنج أبس أنه لسه عندك خيارات يعني مو متل الحياه لهيك عنجد أحيانا بقول لرفقاتي نزلوها بس يعني لتعرفوا أنه عندكم خيار لسه والخيارات كتير واسعه وأنتي بتقدري تنقي وهذا أحلي شئ بالموضوع بصوت " هبه "

سمعتوا صوت معدل لضيفتنا هبه وهو أسم مستعار لضيفتنا في حلقه الاسبوع من بودكاست صارت معي ضمن سلسلة حب وعلاقات هبة صاحبت التجربة الرابعه ضمن السلسلة يالي حبينا من خلالها نستعرض قصص وتجارب ومفاهيم وانطباعات مختلفه ومتنوعه عن الحب والعلاقات واليوم حلقتنا مثل ما شوفتوا بالعنوان عن تطبيقات المواعدة هبة صبية عمرها 30 سنه تقريبا مقيمة بأروبا بعد العديد من المحطات يالي مرت فيها بعد خروجها من سوريا ۔
رح تشاركنا تجربتها مع هاي التطبيقات خاصة تطبيقات المواعدة الإسلامية وإذا للبعض منكم هاي المصطلحات جديدة وما سامع فيها من قبل فبإختصار بنحملها علي هواتفنا الذكية لتسهيل التعارف والتقارب بين الراغبين بإنشاء علاقات عاطفية حسب أماكن تواجدهم ۔۔۔ بصوت " مها فطوم "

صراحة بدأت استخدمن لما طلعت علي اسطنبول لأنه خلاص ما عاد عندي ناس كتير بعرفهم حسيت أنه أنا بشكل عام إجتماعيه فبحب اتعرف علي ناس جداد وبحب وسع دائرة علاقاتي فحسيت أنه هي فرصه حلوه حتي التقي بناس جداد وإني أشوف ناس من مختلط الجنسيات واكتشف حالي اني شو بحب وشو ما بحب فصراحه يمكن كان قرار شوي هيك غريب بالنسبة لإلي لأنه المشكلة أنه هادول الديتنج أبس تبطلي تعتبري الشخص علي أنه رفيقك فبتصير أنه أنتوا اتناتكم عارفين انه هاد رفيق طلعه فبنفس الوقت اذا ماكملت القصه صح فبتبطل تصير صداقه اذا هاي تجربتي أنا ولا بشكل عام تجربه عام فلهيك في ناس إتعرف عليهم بيكونوا كتير ظرفين وعنجد أنه حابه نكون أصدقاء بغض النظر عن اي اشي تاني بس ما تظبط للأسف لأن هن بيكون عنده يكون رغبه تانيه فللأمانه في أصدقاء ما بنكر وفي ناس كتير سيئه معاهم للاسف ۔۔۔۔ اذا بنحكي علي تندر أكتر جربت مره استخدم تندر كنت كتير غبيه لأنه أغلب الناس اللي هنيك دائما بيفكروا بالجنس فكانوا كتير مستغربيه أنه في بنت محجبه علي تندر وأنا كتير حسيت حالي يعني كتير متاحه أو هيك عرفتي وهاد الشعور أبدا ما بيشبهني كشخص فلهيك كانت 3 أو 4 أيام ضليت حسيت أنه ناس كتير عم تفهمني كأنه بنت ليل أو هيك واستغربت لأنه في كتير ناس بيتعرفوا علي بعض بتندر وبتكون علاقتهم كتير صحيه وطبيعيه فكتير غريب أنه كيف الناس اللي علي تندر ناس عم يفكروا بهداك المجال أو بس بالجنس وهيك فا ۔۔۔۔ بالنسبة للتطبيقات التانية تبع التطبيقات الاسلاميه بين قوسين فيني قول أنه كانت صراحة تجربتي كتير غريبه لأنه الناس الموجودة هنيك في كاتوجري خاص وفي لأنك أنتي محجبة أو سوريه يعني للأسف المسلسلات كتير هيك رسخت صورة نمطية للسوريات وللمرأه السورية فهن متل شو به خلاص راسمين صوره عني اذا عملوا سوب رايت بيفكروا انه خلاص انتي عندك صوره أنه بنت خلاص بدها تقعد بالبيت أو بدها تكون ست بيت وأهم شئ بالنسبه لإله أنه بدك تربيه ولاده بغض النظر شو كان عم تفكري فبصراحة كان كتير غريب يعني لحد الأن مستمر هاد الصراع بيني وبين الناس اللي بحكي معاهم علي ديتنج أبس ۔۔۔۔ بصوت "هبة"

سألتها لهبة إذا كان في صوره نمطية وحكم مسبق علي كل حدا ممكن يكون في هذه التطبيقات ؟ ۔۔۔۔۔ بصوت " مها "

للأمانة ما كان عندي أي تصور عن الديتنج أبس بس تعتبر أنه أنا بستحي إني عندي أكونت في اغلب الوقت أنا صوري مخفية علي ديتنج أبس فبعدين بعد ما صيرت هون حسيت أنه عادي يعني أنا يعني من حقي أنه كمان أني شوف عينت الراجل ياللي بدي ارتبط فيه لأنه هاي دائما بتكون متل مهمه الرجل أنه بس يتفرج وينقي اللي بدوا اياه فحسيت أنه لا أنا كتير حابه اني اتفرج وبنفس الوقت أنا كتير عندي سلطه بهادا يعني بتحسي أنه في عندك شعورين انتي علي الديتنج أب بس في ناس للأسف في عينه من الناس علي التطبيقات هاي بتحسي أنه يعني عنجد كتير بيكووا غربين يعني كصور كحديث تحسي أنه يعني عنجد جايين بعتذر علي الكلمه بس جايين من الشارع حرفيا وعملوا أكونت يعني هيك فجأة طلع بخلقتهن التطبيق فماعندن أي تهذيب ولا أي حديث بتحسي أغلب الناس ما بيعرفوا يبلشوا والشغله المشتركه ياللي شوفتها بعينه الرجال اللي حكيت معاهم أنه أنا عم بدور علي شئ مانو موجود للاسف اللي هو الحديث يعني بشكل عام كيف عم يروح الحديث بتحسي أنه أكتر الناس ما عندها هاي النهاره تحسي أنه عنجد احنا كمجتمع عربي فاقدين كتير هاي الخصله وهاي الشئ بكل البلاد ما بس سوريا فا يعني ما كان عندي صراحه تصور بس يمكن متل ما قولتلك يعني أنا صراحه بستحي ما عندي كتير جرأه قول أنه أنا بستخدم ديتنج أبس ۔۔۔۔۔ بصوت " هبه "

شو السبب الخجل من أنه نحكي أنه عندنا حسابات علي تطبيقات المواعدة ؟ ۔۔۔۔۔۔۔ بصوت "مها "

للأمانه لأنه ما بحب أنه الناس تفكرني أنه ۔۔۔۔۔ يعني بتعرفي للاسف اااممم۔۔۔ خاصه أنه صيرت بال 30 فبحس الناس بتفكرني أنه أنا خلاص فاتني القطار أو شئ فا ما بدي اناس تفكر يعني أنه أنا عنجد عم دور علي عريس بس والفكره أنه كمان يعني صورة ما كتير حلوه عندنا بالمجتمع يعني هلا من جديد يلي ممكن الواحد بالغربه حتي يقدر يستخدم هادول الابلكيشنز بس ما عندنا بمجتمعنا ما في هيك شئ يعني حتي الناس يلي بتطلع بتشوف بعض بالجامعه هاد الشئ ما كتير متاح أو كتير مرغوب فبتحسي أنه فكره التعارف بين الشاب والبنت بغض النظر شو كان اطارها بتكون شوي هيك يعني عليه اشارات استفهام وأنا بغني الصراحه عن أي اشارات استفهام يمكن اني اتعرض لها ۔۔۔۔۔۔ بصوت " هبه "

هبه صارلها حوالي 3 سنوات بإستخدام غير منتظم لإستخدام هاي التطبيقات سألتها إذا بتقد من خلال تجربتها تعطيني أبرز تصنيفات الذكور الموجودين فيها
بصوت " مها"

يعني للأسف الشديد أشهر فئة موجودة في التطبيق اللي عم يدوروا علي زوجة فقط لا غير بغض النظر شو كان جنسها عرقها لونها شو بتفكر شو دارسه شو مانها دارسه أخر همه لأنه هو بالنسبه لإله شاف بنت محبة فهو بيرسم صوره نمطيه لي البنت المحجبة لأنه هي عندها قدرة أنه بتفتح بيت وتعمل عيله وهو يقدر يفلت علي كيفه عرفتي أنه خلاص أنه هو مأمن علي ولاده وخلاص عادي فينو تكون سلطه بالبيت فقطفي عندك فئه تانيه علي أنه مفكر حاله السيد وفكر أنه كل البنات رح يطير عقله فيه وأنه هو شخص يالطيف يعني اذا هو عملي لايك فأنا لازم مباشرة أنا ابعتله أنا احكيه وأنا كذا وبتعرفي هادول يعني بشكل عام بأي مجتمع بس مجتمعتنا العربية تفضل أنه تكون هو الشاب اللي عم يبادر أكتر ما تكون البنت عم تبادر فأنه اذا انتي ما حكيتي معه يعني هو أنه أنتي شو عم تلعبي كذا وفي ناس كتير مستعجلين يعني خلاص بدهن يفوتوا علي الزواج مباشره لا هاي الأمور ما بتمشي هيك أكيد وفي الناس اللي بدها تطق حنك يعني خلاص فكرة الموضوع حتي لو موجودين علي ديتنج أبس يالي هم يعتبروا مسلم يعني للمسلمين بتحسيهن أنه لا هادول ناس مانن فهمانين الحلال من الحرام وداخلين يطقوا حنك حرفيا وبدهن بنت يتسلوا معاها فأنا كمان هذا الشئ بيصدمني يعني أنت جاي علي ديتنج أب يعني هاذا الاب يعني للمسلمه وفي ناس يالي هن بيشكلوا واحد بالميه يالي عنجد بيكونوا كتير لطفين كتير حببابين وبتندمي أنه ما ظبطت أنتي وياهن يعني ۔۔۔۔۔۔۔۔ بصوت " هبه "

سألتها إذا إمكانية التعارف علي أصدقاء من الجنسين متاحة علي هاد النوع من التطبيقات أو فقط الموضوع محصور للتعارف بين الذكور والإناث بصوت ؟ ۔۔۔۔۔۔۔
" مها فطوم "

هلا مثل مثلا الفيسبوك عنده ديتنج شئ في خاصية جديده عامله ما بعرف اذا جديدة ولا لا بس في خيار انك تحطي الجنسين وفي مثلا حتي التطبيق الإسلامي مثل هوايا في خيار انك تعملي صداقة مع بنات وصراحة يعني بفتح البنات وبقول عنجد نحن رائعات كبنات عرفتي يعني بحس انه بنبسط أنه صورنا حلوين وهيك عنجد شكل حلو بروفايل حلو لحالنا بتفتحي علي الجهة التانيه من كوكب تاني علي عالم رجال بتلاقيها حاطت فلتر سناب شات بس بتطلعون يعني يا جماعه نحن عندنا تليفونات كتير حديثة حاليا فصورلي صوره حلوه يعني فا ايه في خيارات صراحه لحد الأن يعني لسة ما اتعرفت علي صبايا بس في خيار متاح يعني وفي عالم كتير لطيفين ممكن يلتقوا ۔۔ بصوت " هبه "

وهل متوفرة خيارات لعلاقات العاطفية المثلية ؟ بصوت " مها فطوم"

هلا بظن علي تندر ما بعرف ما متأكدين بظن متوفر هذا الخيار ما عندي كتير صراحة فكره لأنه مثل ما قولتلك انا تجربتي علي التطبيقات الإسلاميه اكثر بس علي تندر ما متأكدة أنه في هيك شئ ۔۔۔۔ بصوت " هبه "

خبرتني هبه أيضا من تجربتها البسيطة علي تندر وتجربتها العامه علي التطبيقات الإسلامية أبرز الفروقات بين الإثنين ۔۔۔۔ بصوت " مها فطوم "

أمممم ۔۔۔۔ جد عم بحكي اللي بقلبي تندر أول شئ عم بتلاقي البروفيلات كتير هيك عم تعملي سبايك تنصدمي أنه عنجد نجوم هيلوود موجودين علي تندر صور كتير ظابطه وعاملين فوتوشوت ينزل صور علي الأكونت وهيك منسقين الكتابة وكذا بتحسي أنه شئ مرتب عنجد بس للأسف أخر همن أنه بيعمل علاقه بس بدن يعملوا جنس فبيستغربوا انتي ليش موجودة هون فاا ۔۔۔ يعني تشوفي الصور تقولي كتير ناس حلوين عالم يعني عضلات وكذا وتعبانين علي حالن بالشكل بتروحي علي التطبيقات الإسلاميه أخد صورة من أنفه مثلا صور أبدا ما منيحة معقول !! ضاقت فيكم الحال لحتي تصورلي فلتر مع رموش كذا وتحطه علي الديتنج أب كتير غريبه يعني في كتير صراحه فرقات في ناس مثلا ما بتعرف تكتب عن حاله شئ أو يكتبلك مثلا اقتباس هيك جمله تبع أنه يا زمن يا غدار مادري شو إييش هااااد يعني ۔۔۔ ! حتي أنه شوفي هذا لبين ما تطلعي صوره ظابطه لشخص شئ بتقعدي تعملي شي 20 سبايك اب ل 20 لحتي يطلعلك بروفايل مثل الخلق والعالم ۔۔۔
بصوت " هبه"

هل صار في لقائات فعلية واقعيه علي الارض من خلال تواصلك عبر التطبيقات مع بعض الشخصيات ؟ بصوت " مها فطوم "

للأمانه هاي أمتع شغله بالنسبة لإلي لأنه بحس أنه بحس أنه عندي أنا سلطه أني انا اقدر اتفرج علي العينه عرفتي مثل هاي السلطه تبع الرجال اللي بتكون من قبل أنه يفوتوا يعينوا الصبيه فأنا بحس أنه كتير فرصه حلوه بنفس الوقت أنه ما بكون عندي مشاعر تجاه هذا الشخص فعنجد بقدر شوف القصص والتفاصيل ولغة الجسد وأي شغلات بيقولها والكذبات ممكن اللي بيكذبها التناقض بحكيه فاللأمانه ايه عندي كتير التقيت بناس وأغلب الحلات بتكون ما عم تروح للديت التاني عرفتي ما بعرف يمكن المشكله فيني أكتر لأنه صيرت شوف شغلات بشكل أوضح بس أنه يعني بشكل عام أنه الرجال اللي موجودين بتحسيهن ما عندن أبدا ثقافه الحديث ما هي موجوده أبدا ما بيعرفوا يديروا حديث أبدا فهذا بالنسبه لإلي هو رقم واحد يعني نفس الانسان يكون عم يحكي معاكي وهو مانو عرفان يدير حديث فبالنسبه لإلي هاي الريد فلاج يعني خلاص لازم الواحد يطلع من هيك شئ فااا ۔۔ أغلب الناس بشوفهم في عالم إجت من غير بلد صراحه لحتي التقي فيهن بس أنه في كتير قصص غريبة صراحه في ناس عنجد كتير كانت منيحه بس يا إما يكون عنده مشكله مثلا عنده مرض بالعيله أو مثلا بمكان بعيد أنا ما فيني أروح لغير محل أو مثلا يعني في ناس مثلا بيكون عقلن متحجر عنجد يعني خلاص ماجوي أبدا فكتير في شغلات صراحه غريبه وفي ناس بستمتع كتير صراحه معاهم والشغله الحلوه بالديتنج أبس أنه أغلب الرجال وهذا الشئ ما بتلاقي موجود بمجتمعنا ما عندن مشكله بالعمر وهاي الشغله كتير حبيتها يعني مثلا أنا بعمر ال 30 هاد ايتقدمولي كتير ناس بعمر 28 وال 26 وال 25 تخيلي فاا ۔۔۔ ما بيكون عندن مشكله بس أنا بيكون عندي مشكله لأنه أنا كتير فرق كبير بين العمر فاا ۔۔۔۔ يعني إيه بتكون شغلات كتير غريبه ۔۔۔ بصوت " هبه "

هل في صوره نمطية مسيئه للنساء الموجودات علي هاي النوع من التطبيقات بأذهان الرجال ؟ ۔۔۔۔ بصوت " مها فطوم "

للأمانة صادفت حالات كتير قليلة صادفت اللي بده كل مره يسافر علي بلد يلتقي ببنت أنه بس مشان يقضي معاها فأنا يعني من الصدمه حسيت أنه شو عم يحكي هاد ما فهمت عليه أول شئ فقولتله أنت متأكد من اللي عم تحكيه يعني أنت جاي لعندي أنا شايفني بحجابي عم تحكي معي بهذا الاسلوب قالي ايه فقولتله روح لشئ بيت دعارة يعني وين جاي لعندي أنا مثلا شو المنطق تبعك في ناس مثلا إذا رفضيتهم بيهاجموكي أنه مثلا بيقولك أنه أنتي بهالعمر أو أنتي مثلا شكلك ما حلو مع أنه بيكون هو قاتل حاله لحتي يحكي معك عرفتي ! بيقولك أنه هي رفضتني فأنا لازم شغل دفعاتي فبيهاجمك شخصيا بأنه مثلا الحدث من كام يوم في واحد قالي أنتي بعمر ال 30 يعني ينتكش فيكي ههههه ! فكان كتير غريب الصراحه فقولتله أوك ماشي ۔۔۔ شو بدي أحكي معه يعني مبين يعني مقفعه معه الحكايه فاااا۔۔۔ للأمانه يعني في هيك صورة بس لأنه يمكن إحنا ببلاد بعيده عن بلدنا فما كتير يعني موجودة يعني نسبتها قليله ۔۔۔ بصوت " هبه "

سألتها عن أكثر موقف غريب صار معها في تجربتها في تطبيقات المواعدة ؟ ۔۔۔ بصوت " مها فطوم "

يعني اممم ۔۔۔۔ الصراحه أغرب موقف صار معايا علي الديتنج أبس تعرفت علي حدا ما راح أذكر نجسيه بس حدا يعني من بلد ما عنده كتير اختلاط مع النسوان التقيت فيه مره وحسيت أنه هادا الانسان يعني جذاب بالنسبه لإلي وخلاص يعني ما عاد التقي فيه ف يعني الله كان غضبان علي وبعتله رساله من تليفوني الخاص أنا كنت بتواصل مع من قبل علي الانستجرام فاااا ۔۔۔۔ يعني من وقته الأخ خلاص وقع بغرامي طول الوقت حاببني وكذا وبيبعتلي صور وما بعرف شو خلاص أنه خلاص بالنسبه لإله أنا الزوجه المثاليه اللي لازم يرتبط فيها طيب هذا الشعور مانو متبادل يعني خلاص هو ما بيسمع هذا الشئ كتير موجود عند الرجال علي التطبيقات أنه خلاص هو شايفك منيحه فأنتي بغض النظر أنت شو حكيتي يعني ما نو كتير مهم المهم هو شايفك زوجه منيحه فهذا الزلمه ضل دابئني اعمله بلوك يرجع يبعتلي من رقم تاني أعمله بلوك علي الواتس يطلعلي علي تليجرام أعمله بلوك علي تليجرام يطلعلي علي فيسبوك يعني شغلني شغله شئ أسبوع ونص و أنا عم بعمله بلوكات من كذا محل ويرجع يدقلي وأنا أعمل بلوك أخر شئ يعني قولتله أنت عديم الكرامه علي الأخير يعني في إنسانه بتقلك انه ما بدها إياك وما بدها ترتبط فيك وما في أي شئ مشترك بيني وبينك وأنت علي طول حبيتني فأنت علي شو عم تلاحقني يعني علي شو عم تبعتلي يعني أنا شبه أهانتك بهذا الحكي أم قولتله أنه أنا صيرت عم صورأخر شئ صور سكرين شوت قولت بحالي يعني ضل عم يلاحقني أو شئ وقولتله والله اروح علي البوليس وفعلا ما كذبت خبر صراحه وقولتلهم هيك هيك كان الشرطي فقالي اذا بدك روحي أعملي شكوي وحطي كل الاسكرين شوت بالبلاغ تبعك قولت لحالي هعطيه فرصه اذا رجع بعت رح خلاص يعني رح روح علي البوليس وخلاص يعني من وقتها خلاص ما عاد بعت بس للأمانه لحد الأن كل شئ بعلتي اياه موجود علي تليفوني ۔۔۔ بصوت " هبه "

هل اتعرضتي لرفض من إحدي الشخصيات اللي فعلا نالت إعجابك واتطور الموضوع ليصير متل تحصر علي هذا الشخض ؟؟ ۔۔۔ بصوت " مها فطوم "

الناس اللي بيعبولي راسي كتير قلال كتير قلال فمريت بهيك ناس يعني كتير انجذبتلهم حسيت حالي بس يعني وقت لاقي أنه هو ما بده يروح علي مثلا علي محل تاني مثلا التقينا أول مره وما بده نلتقس مره تانيه فلحالي بوقف مشاعر يعني عرفتي ما بخليها تندفع هيك يعني للأمانه بحس أنا نادرا أعجب بحدا بس بقول أنه يعني لسه الخيارات قدامي الحلاوه بالديتنج أبس أنه لسه عندك خيارات يعني مو متل الحياه العادية هيك عنجد أحيانا بقول لرفقاتي نزلوها بس لتعرفوا أنه عندكن خيارات لسه والخيارات كتير واسعه وأنتي بتقدري تنقي وهذا أحلي شئ بالموضوع ۔۔۔۔ بصوت " هبه "

هبه من بيئة تقليدية محافظه لكن مش متشددة انطلبت للخطبه مرات عديده لما كانت بعمر أصغر وعندها تجربتين مع الخطبه ما استمروا خبرتني أنه الثورة السوريه يالي اندلعت بسنه 2011 لعبت دور بتغير بعض الأفكار والمعتقدات حول الإرتباط والزواج ۔۔۔۔ بصوت " مها فطوم "

يعني أنا بالنسبة إلي كان قبل الثورة إني اتزوج بس لما بلشت الثورة كتير اتغير هذا الموضوع بالنسبة لإلي وكتير اتغيرت الخيارات لإلي فأنا صيرت شوف المعيار تبع الزلمه اللي بدي ارتبط فيه كتير أوسع كتير أفتح يعني كتير غير عن بداية الثورة قبل الثورة فبصراحة يعني بحس أنه كمان هذا الشئ ممكن عم يشكلي صعوبه لأنه هلا حاليا الخيار متروك لإلي 100 % حسه أنه عنجد كتير مسؤؤل يعني أنا لازم كون كتير عنجد حريصه ومسؤوله علي هذا الخيار ويمكن لحد الأن ما ارتبطت بشكل جدي وما استقريت لأنه للأسف الشديد هذا الشئ بتلاحظيه وين من ماكان بس السوريين بحاول قد ما فيني يعني بعد الارتباط برجال السوررين لأنه كتير صعب وأغلبهم ما عندهم إستقرار يعني ما في استقرار عاطفي وبتحسي أنه يعني عم يدور علي شئ وبعمره ما راح يلاقيه فلهيك بحس أنه يعني بشكل عام ما بميل للرجال السوررين لأنه ما بتعرفي عن صار عندن تفكير غربي ولا بتعرفيهن لساتهم محتفظين بالتفكير الشرقي فأنتي بتقعي بين نارين وأنا اتجاوزت كتير مرحلة تبع العادات والتقاليد بس بنفس الوقت لساتني محافظه علي القواعد الإسلاميه بس ما بشكل أنه تشدني لورا أو تقيدني بالنسبه للرجال مانو متوفر تلاقيه لساته في شئ عم يشدوا لورا فلهيك بتحسي أنا بشكل عام هيك حسيت اذا فيني عمم ولا لا تجربتي مع السوررين تكون كتير فاشله أنه ماشي الحال يعني عم نشوف صراحه دائما في خيارات أوسع ۔۔۔۔ بصوت " هبه "

تتوقعي زواجك بيكون عن طريق تطبيقات المواعده ؟ ۔۔۔ بصوت " مها فطوم "

حاليا صراحه انا بمرحله انه نسيت موضوع الإرتباط كلياته فقدت الأمل لأنه ضل بردد هاد المتل وأنا كل عم بكبر كل ما عم حس أنه المعايير تبعتي عم تزيد فأنا يعني خبرتك أنه من أول لقاء صيرت بعرف الكاريكتير تبع الشخص بعرف كذاب ولا لا بعرف تفاصيل حياته لأنه خلاص صار عندك خبرة خاصه أنتي تعرفي نحن في مجال الصحافة كتير نلتقي بناس فصيرتي تعرفي شو براسه ف كتير صعب إني مجرد اني انعجب بحدا هذا الأمر كتير عم ياخد مني طاقة فكيف إني ارتبط هذا هيكون كتير ورح اعمل عنجد عرس مطنطن لأنه هيكون إنجاز بالنسبة لإلي ۔۔۔۔ بصوت " هبه "

برأيك كيف هيكون مستقبل إستخدام تطبيقات المواعدة بينت الأوساط العربية والإسلاميه ۔۔۔۔ بصوت " مها فطوم "

هلا بالنسبة للناس اللي بأوربا ما عندن خيار تاني غير تطبيقات المواعده أما بدها أمه تروح تخطبله من سوريا أو من لبنان أو من تركيا وهذا الخيار بالنسبة لإله بيكون كتير مكلف فلهيك الناس يا إما تعتمد علي مجموعات علي الفيس بوك أو علي الديتنج أبس وأغلب الناس خلاص ما لاقو خيار غير الديتنج أبس أساسا وبيعروفوا شو بيسمعوا أنه في كتير قصص تمت صارت جوزات علي هذه التطبيقات فالناس أكثر عم تروح لتطبيقات المواعدة وعما تقتنع أنه هي السبيل الوحيد حرفيا للناس لتلتقي خاصة بظل تفكك المجتمع اللي صار وخاصة انه الناس خلاص لحاله والناس عم تحاول تدور علي شئ بيشبها يعني ما عم تدور علي ناس كتير منفتحين أو كتير منطلقين فالديتنج أبس بتوفرلك هاي الميزه تشوفي حدا بيقدر يشبهك يعني ۔۔۔۔۔
أبدا ما نو غلط الواحد يشوف الخيارات البعيدة بالحياه وحلو أنه الواحد يوسع أفقه يعني أفق تفكيره وأفق التعرف علي الناس لأنه بالنسبه لإلنا حصر حالنا بالمتنع السوري حتي في ناس تحصر حاله في نفس المحاظه يعني الحمصي بدي يشوف حمصي والشام بده يشوف شام فهذا الشئ بشوف أنه خلاص لازم نطلع منه حلو الواحد يتقرب علي ثقافات جديده ويشوف ناس جداد وبجوز يكتشف أنه نصيبه بغير محل يعني خاصة بيضل الغربة عنجد بحاجه أنه نطلع من عبائة المجتمع السوري المحافظ والعادات والتقاليد كمان يعني فكرة الديتنج أبس أنه بيخلكي تفكري بشكل أوسع ويعطيكي خيارات لأنه في كتير صبايا مثلا بال 30 بيفكروا أنه القطار فاتهن وخلاص ما عاد عندهم خيارات كتير بالحيات لينتظروا الفارس اللي علي حصان أبيض هذا الشئ كتير خيالي وكثير يالطيف يعني جاي مثل قصص الخيال فعنجد لازم الصبايا يفوتوا علي هيك تطبيقات لحتي يشوفوا عنجد هنن شو بدهن وهذا الشئ بتوفرة الخيارات يعني بتوفرة التطبيقات ويعني بتساعد عليه لأنه عنجد نحن بدنا نتزوج لأنه ما ضل خيار تاني فا ۔۔ فكرة التطبيقات بتخليكي تفكري أنه عنجد هذا الشخص مناسب ولالا بس أهم شئ نكون دايرين بالنا وعم نحمي حالنا يعني موضوع الصور والتتبع والأرقام وما بعرف شو شئ كتير خطير وممكن أنه يسبب كتير أزمات نفسية حتي يعني للناس اللي تشتغل علي ديتنج أبس حلو الواحد يكون عم يوازن وبنفس الوقت أبدا صراحه مانو عيب فينا نقول منا عم نشارك صراحه أنا بحسه مناسب بالنسبه لإلي معقول إني ما استخدم ديتنج أبس بس مانو أبدا مانو شئ كتير بعيد خاصه لازم نتقبل هذا الواقع من جديد المفروض علينا
بصوت " هبه "

شكرا لهبة وشكرا اليكم مستمعينا انتظرونا الاسبوع القادم بتجربة جديدة في سلسلة حب وعلاقات وشاركونا أفكاركم عبر الواتساب
00971568531592
فيكن تسمعوا جميع الحلقات السابقة في بودكاست "صارت معي" عبر موقعنا
akhbaralaan.net
عبر وجميع منصات البودكسات متل
Apple
podcast ,Google podcast , spotify , Soundcloud , Deezer ,
Anghami
بالإعداد والتقديم برافقكم دائما أنا "مها فطوم" ، الى اللقاء