Open in App Akhbar Alaan
Rating
استخدم تطبيقنا ×
-يارا: أحب وأتفق مع عبارة -تغربوا تضووا

-يارا: أحب وأتفق مع عبارة -تغربوا تضووا

يارا شابة سورية تعيش في ألمانيا متزوجة من شاب إيطالي و تشاركنا تجربتها في سلسلة زواج مختلط أخبرتنا في هذه الحلقة عن طريقة زواجهما وحياتهما بعد الزواج، كيف واجها الاختلافات بينهما؟ وماذا كانت ردة فعل عائلاتهما؟ تخبرنا يارا أيضاً رأيها بالزواج المختلط ومعلومات حول عقود الزواج في ألمانيا إعداد وتقديم: مها فطوم

سجل الآن

صارت معي
-يارا: أحب وأتفق مع عبارة -تغربوا تضووا
/

راديو الآن | دبي- الإمارات العربية المتحدة

-تغربوا تضووا-

يارا (اسم مستعار) لضيفتنا في بودكاست صارت معي اخترناه بناء على رغبتها بعدم كشف هويتها، وهي شابة سورية تعيش في ألمانيا وتدرس "ثقافات أوروبية ومجتمع" وتعمل كطالبة مساعد في جامعتها بأوقات مختلفة.

متزوجة من شاب إيطالي و تشاركنا تجربتها في سلسلة زواج مختلط.

أخبرتنا في هذه الحلقة عن طريقة زواجهما وحياتهما بعد الزواج، كيف واجها الاختلافات بينهما؟ وماذا كانت ردة فعل عائلاتهما؟

تخبرنا يارا أيضاً رأيها بالزواج المختلط ومعلومات حول عقود الزواج في ألمانيا.

إعداد وتقديم: مها فطوم

الهوية البصرية من تصميم مديحة طه

الإشراف العام: محمد علي

جزء من الحلقة:

مهتم بمواضيع ومقالات مشابهة؟
سجل الآن

نص الحلقة :

يارا :"اول سؤال بيسالو انه انا اصلا شو ديني لحد انا ارتبط بواحد ايطالي اذا كان البني آدم ما بيعبر بغض النظر اذا الشخص المقابيلي من نفس ثقافتي ولا من نفس لغتي او لا اذا انا ما قلت ما بدي وهو ما قال شو بده ولا حدا راح يوصل للشي الي بده اياه۔""

مها : " سمعتوا صوت يارا وهو اسم مستعار لضيفتنا في بودكاست "صارت معي "اخترناه بناء على رغبتها بعدم كشف هويتها

يارا صبية سورية عايشة بألمانيا وعم تدرس ثقافات اوروبية ومجتمع بتشتغل كطالبة مساعدة بجامعتها بأوقات مختلفة متزوجة من شاب ايطالي وبتشاركنا تجربتها في سلسلة جواز مختلط خبرتنا بهاي الحلقة عن طريقة زواجهم وحياتهم بعد الزواج كيف واجهوا الاختلافات بحكم اختلاف جنتسياتهم وشو كانت ردة فعل اهاليهم بتخبرنا يارا ايضا رايها بالزواج المختلط ومعلومات حول عقود الزواج بألمانيا "

يارا :" صدفة بحتة كنت معزومة على حفلة راس السنة بسكن الجامعة ورحت انا ورفقاتي وبعدين التقينا وقعدنا حكينا يعني حكينا بهيك حفلات بالجامعة كله بيحكي مع كله وبعدين بآخر الحفلة انا صرت بدي روح على البيت فبيقولي انه هو كمان رايح على البيت ووصلني علي المحطة وبعدين بدلنا الارقام وبعد ما بدلنا الارقام فطبعا كنا على تواصل وبعدين يعني متل اي اتنين بيتعرفوا على بعض بيصير شي طلعة وفوتات وكذا بعدين انه بيعبر شو بده طبعا وافقت ضلينا عم نتعرف على بعض فترة شهور مبدأيا وبعدين هو فعليا كان فترة قصيرة اول ما بلش الكورونا وقت ما اتعرفنا على بعض مشان هيك كان في صعوبات معينة متل انه كنا حابين مثلا نروح نتعرف على اهله واعرف تفاصيل اكثر عنه مبدأيا قبل ما انا اعرفه على اهلي فالشروط الي فرضتها الكورونا انه باعتبار انه اهلي بنفس البلد واهله ببلد تانيه وما كان في محال ابدا انه نسافر على ايطاليا لاعرف عيلته فالعكس الي هو صار انه بعد فترة شهور رحنا رحنا لعند اهلي وعرفته على العيلة وهاي صارت اول حركة مرت فترة منيحة بعدين قررنا اواقل شى من جهتي انه شرحتله مثلا بس من فضول ثقافي لا اكتر او اقل شي جربت انا اجاوبه على سؤال او اشرحله كيف بالشام بيصير عادات بالخطبة والزواج وكذا وطبعا انا كان عندي اهتمام كيف بيصير الترتيب بايطاليا بهاد الموضوع لحد احنا الاتنين نتفق شو الشغلات الي بدنا اياها اساسا بالنهاية قررنا ننقل سوا وبناء على هالحكي قررنا انه نتزوج اول اقل شى نعمل عقد زواج ديني اذا بدك فيكي تسميه بس فعليا بالمانيا عقد الزواج الديني الي نحنا بسوريا بيعتبر انه معترف عليه بالمانيا منه معترف عليه لانه ما اذا كان الواحد راح على البلدية وعمل عقد زواج رسمي عقود الزواج الدينية ما كتير الها معنى بالنهاية انا شرحت ليش فهمي لعقد الزواج وشرحتله بالتفصيل الممل لحتي ما يكون هو شخص منو عرفان على شو عم يوافق يعني وهو وافق وهيك صار كيف نحن احنا اتفقنا انه مبدأيا  بدنا نتزوج حاليا"

مها :" خبرتنا يارا حول تفاصيل عقود الزواج والشراكة في المانيا واسباب اختيار العقد الديني في الظروف الحالية "

يارا : " بالنسبة لقصة عقود الزواج الرسمية هلا بالمانيا في شي فعليا انا جربت اخده بعين الاعتبار في "partnership contract شي اسمه

بيعملوه بالثقافة الالمانية بيكون مثلا في بوي فريند جيرل فريند وهنا ما بدهم يتزوجو ففي عندهم هاي الخيار يروحو يعنلو عقد شراكة فيكي تسميه بالعربي وبيترتب على هذا العقد شغلات كتير طويلة يعني انا جربت شوف العقد بالظبط  يعني لاقراه اول شي وافهمه لحتي اذا بده بشكل اساسي انه نعمل هيك شي وبالنسبة لعقد الزواج الي بالبلدية بينعمل  انه يعني زواج رسمي قدام القانون الالماني طبعا زواج رسمي بيترتب عليه كتير شغلات حاليا لا انا ولا هو عنا الوقت و الاراده انه نسويها بس مبدأيا partnership contractشارك معك انه عم افكر هلا اعمل  انا عم

بس فعليا لسه ما خصلت اقرا العقد لافهم بالظبط شو القصص القانونية الي بتترتب عليه لحتي بيوم من الايام بالمستقبل اذا قررنا نحنا نعمل عقد زواج رسمي بالبلدية قدام القانون الالماني فممكن نعملها بس باعتبار نحنا للاتنين شايفين انه هلا لو انا بالمكان الي بيخولني او فعليا الدراسة واخده كل وقتي فابدا ما في مجال لهيك موضوع  مثلا في عقد زواج ديني الي هو بالنسبة الي معترف فيه فبيكفيني انا اني انا معترفة فيه فبيهمني كمان يكون في شي  رسمي قدام القانون الالماني يعني فمشان هيك كنت عم بفكر بهاي القصة ومن هون ليصير عندي وقت كمل قراية العقد اساسا وافهم كل القصص الي بتتضمنه وهاي الحركة لنشوف اذا بالمستقبل الله بيتمم على خير وبنظبط هاد الكونتراكت مبدأيا والله اعلم بعدين كيف الحياة بتفاجأنا وحتي نقرر نعمل عقد زواج بالبلدية "

مها : " سالتا ليارا اذا كانت ببداية وعيها العاطفي كانت بتخطرلها فكره الارتباط بشخص اجنبي او كان في صفات معينة لشريك حياتها "

يارا : " اذا بقلك هاي آخر شي كان بيخطر ببالي لان بعرف حالي انا ماني متحفظة  بشكل بيرضي المجتمع العربي لارتبط ببني ادم عربي او سوري تحديدا بغض النظر وماني كتير اوبن مايندد لحتى او اقل شي هاي التجارب الي عملتها عيشتي بالمانيا فرجتني اني ماني كتير اوبد مايندد لدرجة انه والله بفكر انه والله ممكن ارتبط ببني ادم الماني على سبيل المثال ففعليا هي القصة كلها صارت صدفة بحتة لا اكتر ولا اقل كمان بنرجع لنقطة انك انتي والله عم تسالي اذا انا  في كان فبالي صفات معينة بالشخص الي بدي ارتبط فيه امممم لا

لان كل مره حدا كان ممكن يسالني شي سؤال هيك سؤال فبقول انها هي منها شوبينج ليست ان الواحد يقول انا بدي واحد اتنين تلاته وبيطلع على المجتمع ممكن يلاقيها بالعكس بشكل عام انا بفكر انه اي بني ادم التقيت فيه من قبل او راح التقي فيه بعدين بشوف البني ادم الي قدامي شو الصفات الشخصية الي فيه بايجابية او سلبية وعلى اساسها بقرر انه هاد البني ادم انا ممكن ارتبط فيه او لا۔" "

مها :" وعلي هذا الأساس أتعرفت علي شريكها واقتنعت فيه ومن ثم قرروا الزواج لكن كيف مشيت الأمور وشو نوع التحديات اللي واجهوها ؟"

يارا :" إذا بقلك إن الأمور مشيت بسلالسه بكون بكذب عليكي أولا هلأ بشكر رب العالمين إن في عندي أب و أم متل أبي و أمي لأنهم من قبل وقت اللي كانو عايشين بسوريا كنت دائما بحمد وبشكر ربي عليهن وكنت بشوف النمتزج التانيه من أب أو أمهات رفقاتي وبعدين لما طلعت ألمانيا كمان شكرت وحمدت ربي عليهن لأنهن نعمه هلأ فعليا من قبل وبعد بيهمني كتير كان طبعا أنه أبي و أمي يوافقو علي أي بني أدم بكون مقتنعه فيه وهادا فعليا الشئ اللي صار وهادا الشئ اللي بيهمني بس اللي بعدين صراحه اتفاجئت فيه هو أفراد العائله ما توقعت بإعتبار أنه أبي وأمي اللي هنن أهم شئ يكونو موافقين أو لا أنه هنن يوقفو ضد إرادة أهلي يعني إتفاجئت في عندي أفراد عائله عملو مواقف أبدا ما حلوه للأسف الشديد ما كل البشر يعني ولو كانو ربيانين بعيله واحده عندهن نفس مستوي الوعي والمقاييس إذا فينا نقول إن هنن يعاملو البشر علي أساس أنن كانو ربيانين ببيت واحد يعني علما أنه تقاط الإعتراض من باقي أفراد العائله هي أبدا مانها منطقيه يعني لا علي صعيد المقاييس المجتمع العربي الشرقي وعلي مقاييس الدين لأنه ماإلها علاقه لا بالدين والإعتراضات اللي هنن إعتراضوها والتصرفات اللي عملوها ما إلها علاقة بالدين ولا إليها علاقه بإعتراضات مثلا بقلك والله مجتمعنا العربي ضدها يعني ۔"

مها :" سألتها أيضا علي التفاهم وطريقة ولغة الحب والتعبير عنه لما يكون في إختلاف ثقافات ولغات ؟"

يارا :" الحب واحد بغض النظ إذا حبينا بأي لغة أو بأي ثقافة علي وجه الكره الأرضية فمنرجع لقصة تعبير باللغة أو بأي شئ تاني لهادا الحب بلاقي أنه ماكان في هادا العائق هلأما بعرف صراحة إذا عم جاوبك علي سؤالك ولا لا بس إذا كان قصدك مثلا أنه في شغلات معينه أي بني أدم بدو إياها فالشئ الوحيد اللي كل أي حدا فينو يعملها ليوصل الشغلات اللي بدو هو يتواصل يعني ما حدا عنده قدرة المخاطرة إن كان مرتبطه مع بني أدم عربي ولا أجنبي فأي بني أدم بدو شغله بدو يعبر أنه بدو إياها أقل شئ هيك أنا بفكر أو هيك تجاربي ورجتني إذا كان البني أدم ما عم يعبر بغض النظر إذا الشخص اللي مقابيلي هو نفس ثقافتي ولا من نفس لغتي أو لا إذا أنا ما ئلت شو بدي وهو ما ئال شو بدو ولا حدا راح يوصل للشئ اللي بدو إياه ۔  ما بظن قصة اللغة عائق علي الرغم من أنه مثلا عم يحاول أنه يتعلم عربي وكتير أنا أمبريسد ( معجبه ) بمستوي اللغه اللي عم يحكيها علما أنه هو أتعلم لحاله يعني مارح علي أي كورس ولا حدا ۔interest ساعده بس أي

( مهتم ) هو بأي شئ بتكتبه بيتعلم عربي وإذا عنده أسئله بيسألني وبجاوبه بالمقابل أنا كمان عم جرب أتعلم إيطالي مكسر بحكي إيطالي مكسر بس بغض النظر عن إختلاف اللغات أو إختلاف الثقافات بظن هاي شغله مفتاحيه يعني إذا البني أدمين متفاهمين قد ما كان في إختلافات إذا علي مستوي الفكر والثقافه والمخ اذا متفاهمين اي اختلافات تانيه بحسها مانه مهمة فعلا احنا متفاهمين على الرغم من اختلاف اللغات هلا اللغة المشتركة الوحيدة بيناتنا الي انا واياه فينا نتواصل فيها بطلاقة فيني قيلك هي الالماني لانه لا هو بيحكي عربي كفاية ليقدر اتفاهم انا وياه بالعربي ولا انا بحكي ايطالي كفاية لنقدر نتفاهم بالايطالي بالمقابل اذا فيه اتنين بني ادمين مانهم متفاهمين بلغتهم او بثقافتهم ما راح يكونوا متفاهمين  واذا كانو بلغة او ثقافة تانيه عم يتواصلو بلغة مختلفة كمان ما راح يكونو متفاهمين يعني اثبات لهاي الحكي هو وجود الانفصال بالمجتمع العربي نفس بالمجتمعات التانيه على وجهة الكرة الارضية يعني كرمال هيك قلتلك انا انه التفاهم هو كلمة كتير مفتاحية باي علاقة مو بس بنطاق شريك حياة يعني اي نوع من انواع العلاقات الي بدك "

هلا  كمان ما راح اعملك انه يعني نحنا حياتنا كتير كل يوم والشمس طالعة والعصافير عم تزقزق والحياة لوز وسكر  يعني هذا الشي ابدا مو واقعي اكيد بنتختلف كاختلافات اي اتنين على وجة الكرة الارضية بيختلفوها و متل ما انتي اتفضلتي وحكيتي انه بيمر اوقات البني ادم بدو يعبر بلغته هذا الشي بيصير بالنهاية كل واحد انا وقت في شي بدي اعبر عنه بالعربي بعبر عنه طبعا بشرح بعدين امور شو انا حكيت واذا بدك بيتعلمو دغري هو زكي كتير كمان نفس الشي بيصير معه اله وقت هو بده يعبر عن الشي بالالماني وفيه مفردات كتير باي لغة على وجة الكرة الارضية في مفرادات كتير بأي لغه جوركيه ، الاوردية لغة معينه متفردة فيها فإذا هو بدو يعبر بالإيطالي ف كمان بيعلمني إياها أنا طبعا بنسي بعد فتره قصيره بس طبعا بفهم عليه شو بدو بالضبط عن شو عم يعبر۔"

مها ": سألت أيضا عن أهل زوجها وعلاقتها فيهم ؟"

يارا : "هلا أهلة لما أتعرفت عليهم صراحة يعني أطيب الناس اللي بحياتي أتعرفت عليهم لأن يعني من أول مرة روحنا زورناهم يعني رواق مافي بعده رواق يعني عم نتواصل بالايدين والرجلين لأن لسه مابحكي إيطالي كفاية بإيطاليا مو كل الناس بتحكي إنجليزي للواحد بيقدر يتواصل معهم بالإنجليزي فا دائما هو المترجم بينتنا يعني هن ناس طيبين بسيطين حتي تعرفت مو بس علي أبوه وأمه وأخواته تعرفت علي عيلته لكبيرة يعني بظن ممكن هلا في شغلات معينه صارت أنا ما قدرت أفهم كل شئ بس أكيد ولو كان بلغه أنا مو بفهمانتها يعني لغه الجسد كتير صعب تتخبي بس كان كل شئ تمام حتي نحن بعد مازورناهم بإيطاليا لأول مره يعني هلا صرنا كذا سنه مع بعض يعني هنن بيجو يزورنا بألمنيا ونحن بنزوهم دائما نروح مصايف هنيك كتير متفقين والحمدلله كل شئ منيح في عندي رفقات عندهم حدا بالعيله متزوجه اليوم فاكانو دائما بيحكولي أنه نحن عندنا مثلا كيف عندنا مفهوم الحماية بالمجتمعات العربية اللي بتعمل حياة الناس حواليها سودا كمان بإيطاليا في هيك شئ مثلا وقت الحمايخ ما بتحب زوج بنتها أو كذا فالحمدلله طلع حظي حلو فأبوه وأمه كتير بيحبوني وبحبهم حتي أهله حبابين لدرجه كتير فظيعه ما بعرفهم كان فاكره إني عم بالغ بس طبعا بعد كبر أهلي بيحكو بس ألماني وعربي و أهله بيحكو بس إيطالي فا مافي لغه مشتركة يعني طبعا متل كل البشر هاوجه الكره الارضيه بحب يكون في هاد جو العيله لكبيره والله أهلي يعرفو أهله يعني بالعكس فاامم مبدئيا كخطوه أولي بلشت بقي يعني أخر مره روحنا صيفنا عندهم ف أخدت معي حدا من إخواتي تعرف عليهم فاكانو بالضبط حببابين معهن متل ما كأنهم حبباين معي "

مها:" كيف اتصرفو لما عرفو أنه إبنهم أسلم كرمال يتم عقد الزواج ؟"

يارا :"أبوه ما حكي شئ أمه مثلا سألتني أنه أوك هلا أسلم وبعدين شو راح يصير لأنه في كتير أمهات بأوربا وقت إبنهم يأسلم كتير بيخافو لأنه طبعا بالميديا كل الشباب والصبايا الأوربين اللي عم ينزلو علي البلاد العربيه ليدعمو داعش فعندهم خوف فهادا السؤال أنا كتير بتفهمه فببساطة جاوبتها هلا رح يجرب يتعرف علي الدين أكتر ويتعلم شعائر الدين وبعدين هي ما بقي سألت أكتر من هيك يعني هلا شافت صور كان عندها فضول تعرف أنه شو صار بالضبط وقت عملنا عقد زواج ديني فهي بس سألت سؤال أسئله كتير عاديه سالتني إياهن وجاوبتها عليهن "

مها :" يارا ما بتفكر بالإنجاب وممكن تتكفل طفل بحاجة دفئ عائلي وتربيه فسألتها عن تصورها لطريقه وأسلوب تربيته في ظل إختلاف جنسياتهم وثقافتهم هي و شريكها ؟ "

يارا :" أنا وياه كقيم بشريه ما فيني قلك عندنا إختلاف فظيع فبيهمني إذا حصل بيوم من الأيام وفعلا إحنا إتكفلنا ولد بغض النظر من وين مسقط رأسه أو بأي مجتمع خلقان بظن راح يتربي علي الإنسانيه أول شئ والأخلاق اللي هي طبعا لسه أهم وأهم وبالنهاية بخصوص الدين هلا بالنهايه نحن كلنا بشر خلقنا بدون إرادتنا ببلد معينه لدين معين وباسم معين وأخر شئ قضينا كلنا عمرنا عم ندافع عنه لاسباب نحن يمكن ما مقتنعين فيها امم يعني هي شئ خارج نطاق الاختيار أنه بس بالنهايه أنا رح قلك إذا كان بعدين إتكفلت بولد وكذا رح ربيه عالشغلات اللي أنا مقتنعه فيها ورح ربيه زنه هو ما دائما يتبع إتباع أعمي اذا بسياق الدين ولا بسياق مجتمع ولا بسياق أفاكا ر ولا شئ أنه بالخر بده يشغل مخه يعني أنا بكره الاتباع الأعمي ودائما يكون البني أدم يكون عنده مخ ناقد يعني ما ياخد أي شئ متل ماهو بدون مايسال كيف وليش ولي ومين وبيعرف يعني فهلا أنت تريد وهو يريد والله يفعل مايريد يعني حتي بالعيال العربيه مثلا أو لما الأم بتكون والام عم يربو بيدخلو بيت الجد بطديقه التربيه هدا الشئ مزعج كتير بس النقطه اللي عم حاول وصلك إيها من خلال هادا الحكي أنه التربيه هي مانها شئ سهل وهي واحده من الأسباب اللي أنا بقول بعمري ما بدي جيب ولد لألي أو ولد بيولوجي التربيه هي مسؤؤليه كتير فظيعه وصعبه يعني ما فيني أتنبا أنا بالمستقبل كيف راح نربيه لأنه بالأساس هلا إحنا مكتفين أنه ما نحن هلا بمطرح لا نتكفل بولد ولا نجيب ولد هي أصلا فكره مانها وارده نهائيا بس لنشوف شو المستقبل بيخبيلنا ۔"

مها :" بتركز يارا علي فكره أنه البنات العربيات إذا إتوفقو بشاب عربي بناسب تطلعاتهم ومتفهم وشريك داعم فهادا الشئ بيكون ممتاز لكن إذا لا فما تردد أبدا بالزواج من شريك أجني تنطبق عليه هاي المواصفات ۔"

يارا :" هلا الشئ اللي بحب قوله للصبايا اللي بحياتهم في شباب أجانب و مترددين بفكره الإرتباط هلا في جمله أنا كتير بأمن فيها " تغربوا تضوا" هاي الجمله أنا بقولها بشكل عام يعني من قبل ما كون إتعمق بمجتمعنا العربي وتحديدا بالمجتمع السوري وتحديدا بالوقت الحرج اللي سوريا وصلتله بهادا الوقت يعني هلا ما فيني عمم وماراح قلك أنه الشباب العربي ما بيسوى أو كل الشباب العربي هيك الشئ المنطقي والطبيعي زنه في ناس هيك وفي ناس هيك ونيالها اللي بترتبط رجال عربي يحترم ما راح قول أكتر من هييك بالمقابل بعد عم نشوف هاي التريندات أو أراء الشباب العربي والسوري تحديدا بالوقت الحالي بالإرتباط والزواج وبقول لهادول الصبايا إنفدوا بجلدكم لأن الشئ ما فيني أوصفه بكلام فإذا هنن مرتبطين أو في بحياتهن شاب مو عربي بغض النظر جنسيته وهو شاب منيح يعني ما يكون في هاي عقدة الخواجه أنه والله بس لأنه أجنبي أنا رح أقبل شئ كيف ماكان لا فدائما إذا كان هادا الشخص منيح كبني أدم وكصفاته شخصية يعني الكراكتريستكس (المواصفات ) تبعه إنه كتير مثلا في شئ بيظبط إله ولشخصيته ويعني مادائما تحكم البنت لتكون عندها هاي العين أنه كتير امبريسد بس بمجرد أنه الفكره أنه الشاب هو أجنبي و أنه ما تحكم بعين تجرد تكون عقلانيه يعني بالنهايه أول شئ أنتي كوني مقتنعه فيه كبني أدم إعملي عين عاميه ع صفة أنه هو أجنبي فأعتبريه هو شاب عربي قدامك وعنده هاي الصفات لهادا الشاب اللي من غير الجنسية العربية قدامك وعلي الأساس أحكمي يعني هلا طبعا قصة إختلاف الثقافات إنتي بدك هيك بينك وبين حالك طبعا بعد ما تعرفي البني أدم اللي أنتي بحياتك أنه هو كيف بيفكر يعني في عندكن مخكن بيظبط علي بعض وبدكن شغلات نفسها بالحياة في إختلافات فظيعة بينتكم لدرجه أنه بس يروح هاي الكميكال ( الكيمياء ) تبع الحب لما البني أدم بيفتح عيونه بيصير بيشوف البني أدميعني كيف هو وبس تشوفي شو هو أنه ويروح هالكيمياء اللي بتعمي عيون البشر وقت يكونو حابين وبعد ما يمر سنين أنتي تفيقي وتقول أنا مبسوطه بحياتي مع هاد البني أدم وماتندمي عليها كمان الزواج أسمه ونصيب يعني ما هي اذا الواحد أرتبط مع بني أدم وبعدين لاقو أنهم متفقين بأي شكل من الأشكال يعني هادا الشئ بيفضل الواحد يعرفه مرحله بكير أو أقل شئ جرب يعرفه وحتي بعد الزواج يعني في كتير شغلات ما بتبين لبعد الزواج ما نحس نيفر تو ليت  (الوقت متأخر ) لحتي أنه الواحد يدور علي سعادته ويدور علي بني أدم تاني يكون سعيد مع ما ترتبطي كمان ببني أدم عربي بس لأنه عربي وبس لإنه بينتمي لمدينتك أو بس لأنه سوري مثلا لأن صراحه بعد ما أنا قرأت أراء الشعب وبالشباب تحديدا عالزواج والارتباط بسوريا يعني فكر فيها كمان هيك بشكل كوميدي يعني ايه يعني مو ضروري كل الأجيال القادمة السوريه تطلع بكرش وصلعه يعني هلأ ما عم بحكيها نأفستيكن ما حدا بيختار كيف بيكون شكله كذا بس هادا الحكي بقوله بس بنطاق لما بيكون حدا من الشباب العرب عنده هاي الاأراء الفظيعة اللي أنا بقرأها دائما عالسوشيال ميديا بس وقتها بهادا الاستثناء الوضع الاستثنائي لما بشوف أراء  الفظيعة بالارتباط والزواج بئلا للبنت أي طبعا روحي دغري حتي خدي أي جنسية غير العربية والسورية ۔ صراحة أنا بنبسط كتير لما بشوف الصبايا عرب و تحديدا سوريات عم يرتبطو بجنسيات تانية لأنه للأسف الشديد بعد اللي صار بسوريا عم أقراء متل ما حكيت من شويه علي السوشيال ميديا شغلات وأفكار أنا ذات نفسي بتسأل إذا هادول وين كانو وقت كنا بسوريا ما كنا نسمع فيهم وهو شئ يعني كأني شو بدي أوصفلك كأنه كاره للنساء بكل مقاييس الكره الأرضية لا خدي بني أدم مو من جنسية عربية وما عنده كره للنساء وما عنده عقدة السلطه الذكوريه وماعنده هاي الصفه اللي فعليا لا بتقدم ولا بتأخر أهم شئ حبي حالك كفايه بدي ئلهن لكل صبايا الرب وتحديدا السوريات حبي حالك كفايه لتنقي بني أدم تفيقي بعد 10 سنين إيه بني أدم مبسوط بحياته بعد ما بعرف كام سنه يعني تكون تبعات الإرتباط لسه أفظع من عدم الارتباط ۔"

مها : " شكرا لإستماعكم سلسلة زواج مختلط مسمترة وفي الاسبوع القادم راح ننقل لإلكم تجربة جديدة ومختلفه فيكن تسمعوا الحلقات السابقه بسلسلة وفي بودكاست صارت معي عبر جميع منصات البودكاست مثل اي تيونز ، سبوتيفاي جوجل بودكاست ، ساوند كلاود ،أنغامي يمكنكم أيضا زياره موقعنا

akhbaralaan.net

للمزيد من البرامج والبودكاست للمشاركة والاستفسارات اتواصلو معي عبر الواتسات 00971568531592 بالإعداد والتقديم برافقكم دايما في بودكاست صارت معي أنا "مها فطوم"

إلي اللقاء  ۔

قائمة الحلقات

سارة: الوحيد ليس من لا إخوة لديه بل من يكون فظاً غليظ القلب

سارة حمصي شابة سورية مقيمة في دولة الإمارات العربية المتحدة متزوجة ولديها طفلة عمرها 4 ... ...

المزيد

جاد وهبي: اخترت إخوتي من الحياة كأصدقاء ورُبَّ أخ لم تلده أمك

"جاد وهبي" إعلامي ومقدم برامج في راديو الرابعة في الإمارات وهو ابن الإعلامي اللبناني الراحل ... ...

المزيد

أحمد: حياتي وأنا وحيد بدون إخوة صعبة لكنني أثق بحكمة الله

"بهالأيام بقول منيح إنو ما عندي إخوة كانوا تعذبوا كتير "حياتي كوحيد بدون إخوة صعبة ... ...

المزيد

يارا: أنا وحيدة لأهلي وهذا لا يعني أنني مدلعة وغير مسؤولة

يارا: أنا وحيدة لأهلي وهذا لا يعني أنني مدلعة وغير مسؤولة فكرة وجود أخ بحياتك ... ...

المزيد

أنا فهد الناجي أخبركم سلبيات وإيجابيات أن تكون وحيداً بدون إخوة

فهد الناجي شاب أردني درس إدارة أعمال ويعمل في مجال التسويق تخصص دعاية وإعلان، والده ... ...

صارت معي
أنا فهد الناجي أخبركم سلبيات وإيجابيات أن تكون وحيداً بدون إخوة
/
المزيد

النشرة البريدية

تريد المزيد من أخبارنا وبرامجنا؟
الرجاء إدخال بياناتك للاشتراك في نشرتنا البريدية.

النشرة البريدية

تريد المزيد من أخبارنا وبرامجنا؟
الرجاء إدخال بياناتك للاشتراك في نشرتنا البريدية.