بكتاب تفاعلي تحدت الانفصال والتنمر

نص الحلقة :

قصتها القصيرة مع هبة جوهر بودكاست اخبار الأن

في شغلة أنا ما بنكر يعني صعوبات والاكتئاب ولا بنكر هاي المشاكل وتحديات بتواجه الكل وبتواجه بعض من الناس بس في الها علاج في الها طرق معينه في الها اساليب معينه بس ما نستسلم وناخد هاي المسميات غطي واستسلام علشان ما نقدر ننجز۔

مريت بظروف تركت اهلك تركت خطيبك تركتي اتزوجتي ما اتزوجتي انتي قادرة تكوني انتي ۔ " ولاء"

صعوبات بالتعلم انفصال لمرتين شعور بالفشل بعد عن الولاد كل هاي التحديات خلت ولاء خلال توقف استمرت في المحالوة والتطور وتغير واقعها لصارت مختصة بتدريب الاطفال واطلقت مشروع لتصميم وسائل تعليميه للاطفال حسب احتياجتهم رح تحكيلنا قصتها القصيرة " هبة الجوهر "

طفولتي كانت حلوة ومش حلوة طفولتي كانت شوي كانت صعبة كان فيها تحديات كتير كانوا يحكولي انه كان يلقبوني بدائما بالطفلة المؤدب يعني كنت حدا كتير مسالم بس كنت حركه يعني كنت طفل كتير مسالم بس كنت عايشة كتير بالخيال يعني كنت هيك عندي كتير خيال ادراكي كتير شغالة بالخيال كنت كتير طفل مسالم دايما يعني ما كنت اعمل مشاكل كنت هادية عادي مثلا وين ما تحطني الملعمه عادي ايه المشكله يعني كنت مسالمه مش متذكرة بالظبط شو كنت حابه بس كنت اكتر شئ احبة وانا وصغيرة انه بيت واولاد وهيك انه 7 ولاد ويكون عندي بيت كبير وهيك يكون عندي انه انا ام وأطفال كتير كنت احب الاطفال من وانا صغيره يعني كانت كتير كانت فترة الطفولة صعبة اكادميا لانه كان عندي صعوبات تعلم كان عندي بالاملاء كنت بالاملاء والقرأه والتعبير كان شوي كان عندي صعوبات وصراحة انا بحكي رسالة لجميع المعلمات انه هو الفكرة مش بالصعوبات الفكرة انه هم بدهم يكون الهم وقت مختلف يكون الهم مثلا طريقتهم مختلفة اسلوب مختلف بتكون المعلومه بتوصل باكتر من طريقة مش يكون في صعوبه ۔ " ولاء "

اتخطت ولاء كل صعوبات التعلم بالمدرسة وقدرت انها تلتحق بالكليه وتدرس تربية طفل لكن هو واجهت تحدي تاني هو الزواج والانفصال لمرتين وبعد بنتها عنها۔

" هبة جوهر "

وأنا بالكلية اتزوجت والله ما وفقني الحمدلله رب العالمين بالعكس انا ممتنه لاي تجربة بتكون موجودة بحياتي الحمدلله كان موضوع مش سهل وصار الانفصال ومعي بنتي والحمدلله رب العالمين اشتغلت واتطورت بعدين فترة من الزمن رجعت اتزوجت فبنتي بعدت عني كان هذا الموضوع مو سهل كان انه انا بدي ارجع اتزوج وانه انا لسه صغيرة وبعدت عني بنتي يعني كانت صف تاني بعديها اتزوجت تاني مره والحمدلله رب العالمين ما اتوفقت كمان بالعكس انا بنصح كل ام وكل حدا انه شو ما مرينا بحياتنا بتكون هاي التجارب هي بتعلمنا لقدام بتطورنا بتخلينا نعرف شو بدنا فينا واحنا مو عارفين بتوصلنا لأماكن جدا حلوه واحنا ما بنعرف بتوصلنا لناس تعلمنا وناس داعمين وناس بتجنن وناس ممكن تساعدك وناس كمان ممكن الناس اللي مش مناح بتعلمك والحمدلله د=رب العالمين هاي المرحله كانت شوي صعبة علي لما اتزوجت تاني مره ما اتوفقت وانفصلت عندي ولد وبنت دا|ئما كنت احس انه انا ممكن اكون ام فاشله او انا ام مش منيحه بس بعد ما انا قعدت مع حالي وعرفت انه احنا فوق ما كنتي انتي ام الله اعطاكي ام بالعكس فانا فكرت وبدا انطلاق مشروعي بهاي الافكار انه احنا ام مش ام بس انه انا مخليه ولادي جنبي وانا ماثرهم نفسيا وعاطفيا مو قادره اعطيهم شئ اذا انا مو قادره اعطي حالي كيف بدي اعطيهم وبعد التجارب وبعد البحث انه نحن امهات مهما مرينا بصعوبات مهما ولادنا ما كانوا جنبنا مش معناهم احنا تركناهم احنا امهات سيئات في ظروف معينه تحكم علينا بشئ معين ۔ " ولاء "

رغم كل الكلمات القاسية اللي كانت تسمعها ولاء من الناس الا انها ما استسلمت خاصه مع دعم اهلها لالها رفضت كل الكلام اللي اتهمها بالفشل وانه تركت بنتها

" هبة جوهر "

اشتغلت علي حالي كتير حالوت اني ما استسلم كان يجيني كتير تنمر وحكي انه انتي كيف بتحبي ولاد الناس وتاركه ولادك او بنتك او اواتايفر المهم فبعديها انا تركت كل الكلام اي حدا بيحكيلي ما همني هم ولاء ولادها يفتخروا فيها واهلها انه ولاء قادرة تكون وقادرة تكون انسان منتج مش انسان بس فاشل ومؤذي للمجتمع فبديت افكر بمشروعي اخدت دبلوم معتمد سوري بعديها اشتغلت علي الانشطه واخدت دبلومات معتمده مدرب معتمد صيرت وصيرت ادرب الاطفال كنت اشتغل علي الاطفال نفس ما كنت احس بطفولتي صيرت احس فيهم ان اللي عنده صعوبة مش سئ هو بده طريقة معينه واسلوب معين اللي اي حدا مو قادر يكون مع الاطفال ما يكون مع الاطفال يشوفله شغل تاني بس هوبده بس انك تعطيه طريقه تانيه واسلوب تاني تركزي علي الجانب المنيح اللي عندهم دائما كنا واحنا صغار انا جديد صراحة سامحت معلماتي كنا بس يهتموا بالشاطرين بس هو قمة الابداع والتميز انه احنا نركز علي الاطفال المو شاطرين احنا بمجتمعنا مافي سكني ابيض واسود يعنييا بيركزوا علي الدعم والتربيه الخاصه او بيركزوا علي الشاطرين طيب والوسط هادول الرمادي هادول ضاعوا فمالهم اي دعم فانا بديت اشتغل بهذا الحكي انه بيكون شكلهم عادي وبيكون طبيعين بس بيكون في عندهم تحديات وهذي التحديات جدا صعبة لالهم لما بديت بفكره مشروعي بديت اشتغل علي هذا المشروع اشتغل كيف انا اطور من حالي واطور من الخبره اللي اكتسبتها وكيف الولاد يستفيدوا منها وكيف اكون شخص منتج لبلدي ۔ " ولاء "

ولاء بتحكي أنه بالارادة ممكن تتحدي اي عوائق من اكتئاب لقلق لاي ظروف ممكن يمر الانسان فيها وانه الاسستسلام هو اللي بيخلي الاشخاص ما يتطورا ويضعفوا والاجمل من الوصول للنتيجة هي الرحلة المليانة تحديات " هبة جوهر "

مشروعي هو كتاب تفاعلي وسائل تعلمية اول تحدي كان يصيبني اني انا ما كنت اعرف امسك مقص كان الموضوع جدا صعب انك تقصي كميات وكيف ارتب ومن وين اجيب الاغراض كيف اجيب اشياء كيف بدي اجيب طابعة بدي اجيب اشياء ستب باي استيب بدات اشتغل بالمكتبه كنت اسال كيف اطور صفحتي علي السوشيال ميديا كيف ابدا اشتغل كيف الكتاب اصممه اول ما بديت افكر اصمم اشياء جدا بسيط ومن هذا المكان بشكر اي حدا اشتري مني ودعمني كنت اول كتاب حدا اشتري مني كان بالحضانه جدا كنت سعيدة يعني صراحة اكتر شئ تقدري انك تطوري فيه حالك والثغرات يلي جواتك لما تعملي اشئ منك وتبيعيه وتحسي انك حدا منتج فبشكر اي حدا اشتري مني بجد انتوا لما تشتروا من اي مشروع جديد ما تكوني بتشتري منتج بتكوني بتجبري خاطر بتطوري حدا بيتطور من دون ما تحسي جدا شئ بيكون روعه يعني اوك بنشتري شئ جاهز ممكن يكون اعلي بس انتي لما تشتري من حدا عمل يدوي انتي بتطوري يد عاملة جد شئ جدا جدا كان صعب اول لما بديت بديت عملت كتاب عملته حيوانات كان استخدمت التطابق استخدمت منهج السوري انا اخدته وكتير استفدت منه واخدت دبلوم معتمد كمان استفدت منه من عمد 3 ل 4 علشان كل شئ يكون معتمد وبعدين الاشياء كنت اخدها من النت واطبعا وارجع اظبطها وارجع احط عليها وشو بيحب وكيف اعطيه وقته وكيف اطور الطفل عن طريق هاي " ولاء "

أما احلام ولاء ليها علاقة بتخصصها وبتتعلق بالاطفال وتعليمهم " هبة جوهر "

أنا عندي أحلام حلم انه كنت كتير حابة من وانا صغيرة يكون عندي فقرة اني اعمل فيها اعمال يدويه زي كيف فقرة الطبخ فقرة هيك انه حلمي من زمان يكون عندي فقرة انه هاي الفقرة انه اشتغل فيها مثلا اعمال يدويه اشياء من البيت اعملها للاطفال كتير هذا حلمي ومشروعي صراحة أنا بحكي للكل لأي أم لأي حدا مش كمان أم لأي بنت أنتي قادرة تكوني بمكانك أنتي حدا منتج حدا قادر وشو مهما كانت الصعوبات سمرا بيضا وشاطرة حركة مريتي بظروف تركوكي اهلك تركك خطيبك تركتي اتزوجتي ما اتزوجتي أنتي قادرة تكوني أنتي لأن ربنا ما خلقنا عبث ربنا ما خلقنا عبث خلقنا للنجز ونتطور دوري علي الشئ المنيح الك وحاولي ما تخفي اتقبلي الأشياء اللي مش منيح لأن الشئ اللي مش منيح هو اللي بيخلينا نتطور اكتر بجد انبسطي باللي انتي فيه ومش معناته اذا عندنا عيوب انه احنا اذا احنا قادرين نعمل اذا احنا هلا معناته انه احنا مش موجودين او مو قادرين او انه احنا خلاص مهمشين لا العيوب هاي اجت علشان نستمتع بالرحله ننبسط باللي احنا فيه ۔ " ولاء"