الرث الأنيق.. مشروع يعيد الحياة للأثاث

ليلى العوف

دبي (أخبار الآن) وفاء سنان مصممة داخلية وأكاديمية بدأت مشروعها في تجديد الأثاث القديم، وتمكنت من صناعة دهان من نوع خاص، ورغم التحديات تحلم بإنشاء أول مصنع للدهان. إعداد وتقديم: هبة جوهر

تابعوا البرنامج على تطبيقات البودكاست

دبي (أخبار الآن)

وفاء سنان مصممة داخلية وأكاديمية بدأت مشروعها في تجديد الأثاث القديم، وتمكنت من صناعة دهان من نوع خاص، ورغم التحديات تحلم بإنشاء أول مصنع للدهان.

إعداد وتقديم: هبة جوهر

نص الحلقة :

قصتها القصيرة مع هبة جوهر أخبار الأن
يعني أنا الكل بيقولي اتركي شغل الدهانات الدهانات كتير صعبة بس أنا بحبه
ألوان تميزوا وهما هند ميد يعني أنا بعملهم بخلاط الكيك يعني بعلب اللبن يعني هاي انا مكوناتي بلشت بغرفة صغيرة ببيتي بعديها فتحت محل هلا بس سكرت المحل رجعت علي غرفة صغيرة ببيتي
التحديات اللي واجهتني كتير لانه زي ما قولتلك ما كان في تقبل ابدا للفكره اللي كنت اشتغل فيها فأنا من 2017 ل 2021 الناس مش متقبلتني كتير مش متقبله الفكرة اللي انا اعملها فكنت كتير اشتغل علي الموضوع وادفع للبازرات واروح علي المشاريع وعلي الدهينه وكل هذا الحكي علشان انا عندي فكرة مأمنه فيها ۔
" وفاء "

يا أنت شخص أكاديمي يا انت شخص بتحب الحرف، هاي النمطية بالتفكير خلتنا نشوف اما الشخص بكون فنان وبحب الحرف اليدوي لانها بدها هاد الكم من الابداع والخروج عن المألوف والنمطية، أو بكون شخص بحب الالتزام والتنظيم والعلم فبكون أكاديمي، لكن شو بصير لو اجتمعت العلم مع الفن والتعلم مع الشغف وكملوا الجهتين بعضهم ۔ " هبة جوهر "

أنا 50 % في الاكاديمي 50 % بالسوق علشان هيك الحمدلله كورساتي بتوصل بسرعة لانه مافيها بس نظري فيها خبرة عمليه والعكس صحيح كورساتي العملية فيها خبرة أكادمية فأنا بشتغل الاتنين سوا انا بعض الكورسات أكادمية بالتصميم الداخلي بدرس وبعض في تجديد الاثاث والمهارات اليدوية هادول فأنا ماشية الاتنين مع بعض سوا والاتنين بيكملوا بعض لانه تكوني حرفية بدون أكاديمي صعب توصلي المعلومة بطريقة سهله وسريعة والعكس صحيح إذا كنتي أكادمية بدون خبرة سوق معلوماتك بتكون قديمة ومش أبديت أبدا " وفاء "

هاي هي بطلة قصتها القصيرة، وفاء سنان متخصصة في التصميم الداخلي بل وبدرسه هي صاحبة مشروع لتجديد الأثاث وإعادة الروح لكل شي قديم أو فقد ألقه الي كان موجود أول ما شريناه، وفاء رائدة أعمال جمعت بين العلم والشغف، وبين الحرفة والأكاديمية راح تحكيلنا تفاصيل قصتها القصيرة " هبة جوهر "

هلا سألتيني اذا انا درست الشئ اللي حبيته او لا أولها لا أولها طلعلي ادارة مياه وبيئه ومن اول فصل حولت لانه طول عمري نفسي ادرس تصميم داخلي فحولت من اول فصل علي جامعة بطرة ومن هناك بلشت في موضوع التصميم والحمدلله تفوقت فيه بالجامعة بعد هيك كنت اشتغل يعني بمحلات اثاث بمحلات انتريور بس ما اتفوقت في ولا شئ وكانت هيك طموحاتي كتير اكبر من هيك بعد ما اخدت الماجستير اتوظفت بجامعة فيلديلفيا وبعدها بالجامعة الاهليه خلال شغلي بالجامعة الاهلية بلشت بتجديد الاثاث أنا كتير بحب الاثاث القديم ودايما كان عندي مخيله بتطلع علي القطعه حتي قبل دراستي بطلع علي القطعه لو رفعنالها رجلين وغيرنا ايدينها وفكيت منها قطعة فدايما كان عندي هاي المخيله يعني بلشت بهذا الشغل وانا استاذة بالجامعة وبدرس يعني " وفاء "

مشروع وفاء بحافظ على البيئة وبحافظ على قيمة الأشياء، وبدل ما نبدل الأثاث القديم بأثاث جديد، ممكن نجدد القديم ونحافظ على متانته وقتها بكون عنا أثاث ثقيل وعصري، بإعادة التدوير مع فنانة وأكاديمة، استوحت اسم مشروعها من طبيعة أعمالها " هبة الجوهر "

فكرة مشروعي هي انه كيف نحول الاشياء القديمة الي اشياء حلوه يعني الاثاث القديم كتير تقيل وحلو ليه نكبه ونشتري اشياء اقل من الاثاث
المعني الحرفي تابعها الرف الانيق انه انتي بتعملي تحويلي بتاخدي الاشياء القديمه تحوليها لاشياء انيقه في الاول كان كتير صعب ما كان الناس قبل الكرونا متقبلين فكره تجديد الاثاث لا كان عنده فكره انه نشتري جديد فكنت اعمل قطع صغيرة مثلا درج احوله لقطعة اكسسوارات ضرفة احولها ببورد بلشت باشياء صغيرة واعمل اعادة تدوير يعني شوفي خشب زيادة هون هون هون اخدة اعمل منه قطع دكوريه بالبيت بلشت بكتير بازرات بلشت انعرف من البازرات بعديها تركت علشان اطلع اكمل دكتوراه هناك اخدت كورسات بادهان الخشب عجبتني كتير دهانتهم والافكار اللي عندهم لما رجعت هون ما لقيت في كتير دهانات موجودة بالاردن هو احبطت انا كل شغلي بالدهان يعني اذا ما في دهان كيف بدي اشتغل فققرت اجرب انا اعمله الي يعني مثلا عندي بدي اجربها اعمللها دهان بعدها صيرت افكر أنه هاد الادهان مش موجود بالاردن لما اساعد غيري وابيعه يعني يصير الناس تدهن فعلا من هون بلشت الفكره فكرت اخد خطوه رسك شوي زي ما بتقولي انه افتح محل واحط ايجار واشوف اذا بتمشي الامور او لا بس انا كنت كتير حابه ومتحمسه وعندي كتير افكار والحمدلله صار كتير ناجح وعندي زباين كتير موجودين هلا لظروف معينه اضطريت اني اسكره واروح علي تركيا بس هلا رجعت وقررت ان شاء الله رح ارد افتحه وعلي الغلب رح اعطي كورسات بصناعة الدهان لانه ناس كتير كتير مهتمين فيها ۔ " وفاء "

وهون وفاء بدأت بمشروع جديد وهو صناعة الدهان، وهذا الدهان مش زي أي دهان موجود في الأسواق هو دهان مائي وآمن على الأطفال، واله ميزات كتير
" هبة الجوهر "

لدهان اول شئ اساسه ماي ما بنستخدم معه تونر ولا اي ماده فطريه فما اله اي ريحه مزعجه حتي الناس اللي عندهم حساسيه من الدهانات اخده منه الشغله التانية أمن علي الاطفال روضات ومدارس اخدوا مني الاطفال بيشتغلوا فيهم كورسات كتير الدهان اول ما تغسلي ايديكي بيروح عن ايديكي بس بالماي والصابون حتي عن الاواعي بيروح اما عن الاثاث ما بيروح بس ينشف ويثب ما بيروح بينشف كتير بسرعه ما له اي ريحه مزعجه سهل الناس انهم يستخدموه ۔ " وفاء "

طبعا التحديات بدأت من هون من صناعة الدهان، التحديات كانت عبارة عن جمل من قبيل ( شو بدك بهالشغلة .. الشغلة متعبة) لكن المتهة بصناعة الدهان ومن أدوات بسيطة كانت كفيلة بأنه تتمسك وفاء بحبها لصناعة الدهان وخلط الألوان، بل هي اكتشفت بحالها حبها للألوان " هبة جوهر "
يعني أنا الكل بيقولي اتركي شغل الدهانات الدهانات كتير صعبه بس انا بحبه يعني انا ساعات لما اطلع لون بدون مكينه بدون خبره بالالوان لما اروح علي محل دهانات واطلب نوع ما يعروفوا شو مكونه اصلا لانهم بيشتغلوه علي الماكينه وانا تبعتلي زبونه انا بدي لون ازرق نفطي بترولي كيف عيني بتجيبه انا ما كنت اعرف اني شاطره بهذا الموضوع لما بلشت اقلد الالوان يطلع معي درجه لون توصل لزبونه تقولي بتجنن الدرجه هاي دهان كتير حلوه الواني تميزوا يعني انا بعملهم بخلاط الكيك بعلب لبن يعني انا هاي مكوناتي بلشت بغرفة صغيره ببيتي بعديها فتحت محل هلا سكرت المحل رجعت للغرفة الصغيره ببيتي بقولك بتمني تطور المواد اللي عندي وحتي لو يصير مصنع صغير بس علشان هاي الصعوبة بصانعته بتخف " وفاء "

التحديات الي واجهت وفاء مش بس الها علاقة بالدهان كمان واجهت تحديات بفكرة اعادة تجديد الأثاث، لكن بالوقت الي فتحت فيه المحل وصلتها أول طلبية ومع أول طلبية تغير كل شي بالنسبة الها وعاشت أحلى لحظات مع كل قطعة بتتجدد أو طلبية دهان بتنجز " هبة الجوهر "

التحديات اللي واجهتني كتير لانه زي ما قولتلك ما كان في تقبل ابدا للفكره اللي انا عيشت فيها فانا من 2017 ل 2021 الناس مش متقبلتني كتير مش متقبله الفكره اللي بعملها فكنت كتير احط فلوس علي المشروع وادفع للبازرات واروح للهينه كل هذا الحكي علشان عندي فكره مأمنه فيها بس زي ما قولتلك بعد الكرونا اتغيرت فكرتهم من اول يوم عنجد فتحت المحل جاتني طلبية دهان ومن وقتها الحمدلله يعني الطلبيات ما بتوقف احلي يوم يعني بالأيام اللي بيوصلني اياها فيدباك من الزباين قد ايه انبسطوا علي الدهان ولما يبعتولي يشكروني علي هذا الجمال يقوليلي شكرا انك امنتي هذا الجمال بالاردن كورسات تجديد الاثاث اللي بعطيها قد ايه بيطلعوا سعدين بالقطع اللي كان نفسهم من زمان يغيروها وما عارفين يغيروها هلا اليوم قد ايه واصل مشروعي هلا انا في مرحله سيئه لانه زي ما قولتلك ظروف عائلية زوجي تركي وقررت اسكر واسافر معه لتركيا فهدول اكنن شهر كانوا كتير سيئين لشغلي بس زبايني لسه موجودين وهلا قريبا زي ما قولتلك هرد افتح المحل " وفاء "

هذا المشروع انعكس على حياة وشخصية وفاء بشكل مباشر من ناحية نفسية ومادية، وقدرت إنها فعليا تلاقي نفسها بشي بتحبه وقدرت انها تقتع الناس بمشروعها " هبة الجوهر"

انعكس بطريقة ايجابية كتير كبيرة حسيت انه الناس فهمت علي شو بدي اوصل انه انا من 2017 بحاول بحاول بس هما مش شايفين الشئ اللي انا عم احاول قد ايه هو مهم اثر علي ماديا طبعا قدرت افتح محل وادفع ايجارات وكل الالتزامات وبنفس الوقت وكانت الماديات الحمدلله منيحه فأثر علي ايجابيا جدا اجتماعيا جدا والمجتمع كمان قصص المقابلات يعني صاروا كتير كمان كتير شوفناكي علي التليفزيون شوفناكي علي كذا فهذا نجاح كتير حلو مع انه في كتير اشياء لازم اسويهم وان شاء الله رح اسويهم باذن الله بس طبعا الواحد لازم يعمل الشئ اللي هو حابه " وفاء "

طبعا فتح المحل وحدة من خطط وفاء بالفترة القريبة لكن حلم مصنع الدهانات هو الحلم الكبير والخطط المستقبلية الي بتسعى لتحقيقها " هبة جوهر "

خططي المستقبليه هو الخطوه اللي من يوم ما فتحت المحل ومن اول علبة دهان عملتها اللي هو مصنع لانه صناعه الدهانات كتير صعبه انا بخلط الدهانات علي ايدي بدون ماكينه كمبيوتر بدون اي شئ يعني انتي بتعطيني لون بتقوليلي حابه مثل هذا اللون الازرق مثلا انا بخلطة علي ايدي فكره تعبايه الالوان بالعلب خلط الالوان مشتري أشيائهم كتير كتير متعب فطبعا طبعا بحلم انه يصير عندي مصنع تصير صناعه الدهانات فيه بكمية اكتر وبسهولة اكتر بالنسبة الي " وفاء "


قائمة الحلقات

  • حارسة الذاكرة بالحكاية والأغنية الشعبية
    هبة جوهر

    حارسة الذاكرة بالحكاية والأغنية الشعبية

    حارسة الذاكرة بالحكاية والأغنية الشعبية فوزية كتانة أم وجدة أعادت إحياء التراث من خلال الأغاني والحكايات الشعبية بعد تقاعدها وتمكنت من الوصول إلى جيل الشباب.  إعداد وتقديم: هبة جوهر الإخراج الصوتي: شركة Feedz Pro الهوية البصرية: سرد ...

  • وجه واحد لزوجة محبة وأم حنون وامرأة عاملة
    هبة جوهر

    وجه واحد لزوجة محبة وأم حنون وامرأة عاملة

    وجه واحد لزوجة محبة وأم حنون وامرأة عاملة حياة النساء مليئة بالتفاصيل والتحديات، ومهما كثرت مسؤوليتها تتمكن في السيطرة على توازن إيقاع البيت، كما فعلت آيات الشاويش. إعداد وتقديم: هبة جوهر الإخراج الصوتي: شركة Feedz Pro ...

  • سلام تحقق حلم الطفولة بالوصول إلى الفضاء
    هبة جوهر

    سلام تحقق حلم الطفولة بالوصول إلى الفضاء

    سلام أبو الهيجاء شابة عشرينية ومهندسة ميكانيك، وهي أول مصممة بدلات فضائية في الأردن. إعداد وتقديم: هبة جوهر الإخراج الصوتي: شركة Feedz Pro الهوية البصرية: سرد ديجيتال الإشراف العام: محمد علي

  • مشروع أردني غيّر مفهوم "العزومية"
    هبة جوهر

    مشروع أردني غيّر مفهوم "العزومية"

    أطلق محمود النابلسي مشروع مطعم "عزوتي" والذي يمثل التكافل الاجتماعي وبين العازم والمعزوم، وهناك المتطوع، التي تروي قصته الممرضة سارة محفوظ. إعداد وتقديم: هبة جوهر الإخراج الصوتي: شركة Feedz Pro الهوية البصرية: سرد ديجيتال الإشراف العام: محمد علي

  • النرجس لغة حب
    هبة جوهر

    النرجس لغة حب

    النرجس لغة حب تميم وريم هو مشروع للزوجين مأمون عودة وهبة جموم، اللذان عاشا قصة حب بدأت من ورد النرجس، وتعلمت هبة لغة الإشارة لتنشر الحب في كل مكان. إعداد وتقديم: هبة جوهر الإخراج الصوتي: شركة ...

  • حلم الأمومة المؤجل
    هبة جوهر

    حلم الأمومة المؤجل

    حلم الأمومة المؤجل يرى الكثيرون عملية تجميد البويضات على أنها خطة بدلية للحفاظ على حق الأمومة، على الرغم من ذلك تواجه العملية رفضا مجتمعيا وحيرة، فـ ما تفاصيل هذه العملية وكيف يراها المجتمع؟ إعداد وتقديم: ...