مشروع عائلي من حليب الأتان

نص الحلقة :

قصتها القصيرة مع هبة جوهر بودكاست أخبار الان

الحلو في المشروع أنه اتحدينا واتحدونا وكان ياثر كمان علي امور ماليه كانت مش سهله لكن اهم فكره كانت أنه امنا فيها وقدرنا نوصل للمرحله اللي بدنا اياها هي كانت زي حلم صغير وانتجناه وفعلا
ها احنا عندنا 13 انثي الانتاج تقريبا حسب الطلب احنا ما بنقدر نقول احنا قديش نقدر اما قدره علي الانتاج عندنا قدره علي الانتاج لانه عندنا مصنع ايضا غير المزرعه والانتاج عندنا كفيل يغطي متطلبات واذا زاد بنقدر نزيد ان شاء الله
لكن كيف اجت الفكره هي حصيله عصف ذهني لاشياء متطلبات بحياتنا محيطه في انه انا عم بدور علي مشروع يحتضن العائله الاشخاص اللي في العائلة متعطلين عن العمل اولهم ابني بلشت سبحان الله دخلت كل هالمجال العصف الذهني كانت اشياء تجينا افكار تجينا ۔ " سلمي الزعبي "
الطموح ما بنتهي عند عمر معين، والأححلام ممكن تتحقق حتى بعد ما يصيروا الأشخاص تيتيا وجدو، الحياة دائما مليانة بالطرق الي بتخلينا نوصل لأمنياتنا، وبتخلينا نشوف جوانب تانية من الحياة
بطلة قصتنا لليوم تيتيا كانت مسيرتها المهنية كلها بالتعليم لحد ما غيرت طريقها عشان ابنها وصارت صاحبة مزرعة ومنتجة لمواد التجميل بعدا ما كانت معلمة .. سلمى الزعبي راح تحكيلنا قصتها القصيرة
" هبه جوهر "

الحياه المهنيه بتاعتي كنت في بدايتي معلمه في بداية حياتي المهنيه معلمه وبعدين دخلت في سلك التعليم الالكتروني وبعدين كملت في مجال التعليم البيئي هادي السيرة الذاتيه هيك صغيره عني لكن انا هلا مش بهذا الصدد رح نحكي بس هيك خلفيه بسيطه عني الشئ اللي بدي احكي فيه المشروع اللي احنا عم نشتغل فيه مشروعنا شئ كتير حلو مش بس فكره المشروع انتوا خدوا كيف انه الانسان بدوا يطلع بفكره غريبه شوي ولكن ممكن تكون اجابيه وتنجح فكرتنا غريبه انه نحن صنعنا مواد تجميل هي عبارة عن صابون وكريمات من حليب انثي الحمار الاتان طبعا هذا المشروع غريب شوي والكل استهجن الفكره لكن كيف اجت الفكره هي حصيله عصف ذهني لاشياء متطلبات في حياتنا في الحياه المحيطه في اني انا عم دور علي مشروع مشروع للعيله مشروع عم يحتضن الاشخاص في العائلة المتعطلين عن العمل اولهم ابني سبحان الله دخلت كل هذا من خلال العصف الذهني كانت اشياء تجينا افكار تجينا تاخذنا لهاي السياق انه نصنع صابون من حليب انثي الحمار الافكار كتير اتزاحمت حتي وصلنا لهاي الفكره طبعا انا عندي خلفيه في صناعه الصابون من الحليب فمبالك لما يكون احسن نوع حليب في العالم اللي هو حليب انثي الحمار لان جودته بتاعته قويه جدا طبعا هالنتيجه من ابحاث وقرأت واسئله وعلماء اثبتوا هذا الكلام طبعا فتنا بهذا المشروع بطريقه تدريجيه وليست كبيره الفكره اللي فيه ان نحنا ما بدنا نستخدم اي نوع حليب بدنا الحليب يكون طازج يعني بدنا مزرعه اذا بلشنا نفكر في الموضوع بشكل بسيط جدا بلشنا في انثي واحده وبنتها وبلشنا نشتغل علي المشروع ۔ " سلمي الزعبي "

المواد التجميلية المصنوعة من حليب الأتان تعتبر من المنتجات عالية الجود زي ما بتم الترويج الها، سلمى بتحكي انه هالموضوع مش جديد وهو سر إشراقة كيليوبترا " هبه جوهر "

طبعا بالنسبه للحليب الاتان هو مش فكره جديده هو قديم الزمان كانت كيليوبترا تستخدمه هو سر اشراقها وسر جمالها اشراقه بشرتها باستخدام حليب الاتان طبعا هو يدخل في بعض الدول صنع وهو سعر الحليب غالي جدا في الدول الاوربيه او في بعض الدول لتأكدهم من انه يساعدهم في امور كتير في حياتهم يعني كحليب طبعا انا بحكي لا كمنتج يدخل في منتجات التجميل الكوزمتكس هو جدا رائع واستخدم في دول كتير منها تركيا غالبتها تركيا طبعا لكن الفرق اللي بيفرق عنا نحن او نحن بنفرق عنهم انه نحن نستخدم الحليب الطازج وفعلا احنا المشروع الاوحد في العالم اللي نستخدم الحليب الطازج ما نستخدم البودره او الحليب المستخدم بطريقه التجفيف وما الي ذلك ابدا ما بنعمل عليه احنا بعد تجارب كتير قدنا نوصل للمنتج هاي وعلم والحمدلله الله فتح علينا فيه طبعا هذا اللي انا احب اضيفه للمعلومات انه الحليب اللي احنا بنستخدمه حليب انثي الحمار هو احسن حليب في العالم من حيث الجوده فيه نسبه معادن وفيتامينات قويه جدا تساهم في انعاش البشره اعاده تهيئتها ونضارتها وتخف معالم الشيخوخه فعلا احنا جربنا علي مشاكل بشره مثل البثور والاكزيما كتير ناس استفادوا منها كتير بطريقه يعني كل اللي عندهم اكزيما ورش اخدوا من عندنا صابون رجعولنا بالتغذيه الراجعه بانهم استفادوا 100 % الحمدلله هلا نوع الحليب نفسه لانه فيه كميه كبيره من الفيتيمينات انه يضاهي حليب انثي الانثان يدخل في عناصر البشره بيوحد لون البشره يزيل التصبغات حتي علي الاستمرار البعيد تتلاشي ترجع البشره زي المخمل بصراجه هاي من الاشياء اللي بحب ااكد عليها انه نحن هيك اقدام الناس عليها نعم في اقدام اللي بيجربوها بيرجع يجربوها مره تانيه ۔
" سلمي الزعبي "

هذا المشروع ما كان سهل انه يمشي واجه كتير من التحديات المادية، ورغم انه مشروع عائلي الا انه التحديات المجتمعية ظلت حاضرة ومستهجنة المشروع " هبه جوهر "

الحلو في المشروع انه اتحدينا واتحدونا وكان اثر كمان امور ماليه كانت مش سهله لكن احلي فكره كانت انه امنا فيها وقدرنا نوصل للمرحله اللي بدنا اياها هي كانت زي حلم صغير وانتجناها وفعلا تحديات ماليه صابتنا واثرت علينا تحديات اجتماعيه فكره غريبه استهجنت اتحديناها الحمدلله والناس اللي استهجنوا الفكره ناقشناهم او عرفوا من خلال لما بحثوا اكتر هما رجعولنا وقالو فعلا شئ كويس وجربوا والتجربه كانت اكبر برهان طبعا كانت في تحديات اخري اللي هي كيف ناسس شركه طبعا هاي كانت عقبه لكن تجاوزناها باردوا لما يكون في فكره وتبلش فيها صغيره ما تكبرها من البدايه مشان انت ما تفوت تخسر كتير لا علي الباب خطوه خطوه بتنجح ما في شئ بيبلش كبير كل شئ بيبلش صغير وانا بشجع اي حدا عنده فكره ومامن فيها وبيقدر يحصل نتائجها الايجابيه يقدر يدخل فيها شوي شوي ۔ " سلمي الزعبي "

رغم عدم وجود دعم المادي الا أنه المزرعة الي كان فيه أتان وحدة صار فيها 13 والإنتاج عندها قادر انه يلبي كل الطلبات " هبه جوهر "

بالنسبه لاحنا كمشروع دعم مالي الحمدلله ما حصلنا علي دعم مالي يعني شوي شوي احنا اشتغلنا بالمشروع حسب مزانيتنا بالاضافه الي دعم لوجيستي طبعا حصلنا علي دعم لوجيستي من ناس علي مستوي وزراء كانوا كتير يرحبوا بالفكره لما نراجع المعاملات ويسرعولنا فيها صدقا هذا كتير اثلج صدري كمان ايضا علي مستوي العائلة طبعا دعم لوجيستي كامل هلا احنا عندنا 13 انثي الانتاج تقريبا حسب الطلب احنا ما بنقدر نقول قديش بنقدر اما القدره علي الانتاج عندنا القدره علي الانتاج لانه احنا عندنا مصنع ايضا غير المزرعه والانتاج عندنا كفيل يغطي المتطلبات واذا زاد بنقدر نزيد ان شاء الله ام كم يعني ما بنقدر نقول قديش احنا بننتج لانه متذبذب الامر حسب الطلب بيرجع بس الحمدلله الامور مسيطر عليها والي الامام اذا احتجنا سوق محلي وسوق خارجي طلب منا اكبر احنا قادرين علي تغذيه المشروع بشكل اكبر والاستمراريه علي مستوي اكبر ان شاء الله ۔ " سلمي الزعبي "

رغم التحديات دائما في لحظات مميزة، أول صابونة تم تصنيعها، أول طلبية، أول ردة فعل للزبائن، وهاي اللحظة الي بعد انجاز كميات من الصابون والمواد التجميلية، كلها مواقف بتخلي أي صاحب مشروع يحب الي عم بعمله ويكمل فيه، ويطورعليه ويتوسع فيه، خاصة اذا كان واثق بالي بعمله وهاد الي صار مع سلمى " هبه جوهر "
طبعا في شغلات حلوه كتير كانت لحظات نجاح كبيره كانت انه انا بعد ما صنعنا الصابون في البيت طبعا بلشنا في البدايه وحكينا للناس المقربين لنا الاصدقاء الاهل وبصراحه التغذيه الراجعه كانت وخاصه اللي عندهم مشاكل بالبشره يعني انا اكتر مره فرحت فيها لما واحده بحكي معاها وكانت الدنيا رمضان بتقولي الله يباركلك في المشروع الله يباركلك في اللي بتعمليه لانه فعلا ايدي كيف كانت وكيف صارت انه الصابونه عالجت الاكزيما والكريمات رطبت ايديها هذا كان لحاله قمة النجاح والفرحه عندي يعني اكتر من كل شئ انه فعلا نقدر نساعد كمان في شغله انه بحب اقول انه كلنا عندنا كل حدا اله شخصيته كل حدا اذا بيؤمن بفكره بيقدر يمشيها بس لازم نحطها وندرسها صح ونمشي فيها الشغله الحلوه الكتير اللي بحب احكي فيها انه كان حلم بس هلا هو علي ارض الواقع واحنا حاليا في مراحل انه عم نعمل تغليف جديد لانه متطلب ان شاء الله يتسوق خارج الاردن كمان قد ما احنا مبسوطين من منتجنا لانه منتجنا طبيعي 100 % ما في بالصابونه اي نوع من المواد الكيميائية الكريم فيه نسبه ضئيلة جدا فاحنا هون هاد فرصتنا القويه انه احنا عندنا مزرعتنا عندنا المنتجات بتاعتنا المواد الآوليه كليتها احنا واثقين فيها واحنا بنشتغلها يعني مصنعنا الصغير والحمدلله احنا حاليا في مرحله اللي بلشنا نقول ها بدنا نطلع السلم صح يعني نبلش نشوف الاثار الايجابيه الجيده سواء علي الصعيد المالي او الصعيد الناس استفادت او اسم المشروع كمان كبر والحمدلله احنا بهاي المرحله اللي هي طلعنا من الدرجه الاولي وبلشنا نطلع السلم والحمدلله " سلمي الزعبي "