40 سنة في تعليم قيادة السيارات للنساء

نص الحلقة :

برافق الحديث عن قيادة المرأة للسيارات كتير من العبارات والدراسات، مثلا ممكن كتير نسمع  عبارات متل "ما بعرفوا يسوقوا" وصور على السوشال ميديا لحوادث وتحتها تعليقات بتشير انه سيدة الي كانت  بتسوق، بنفس الوقت بنلاقي  دراسة بتشر انه  المرأة أفضل من الرجل في قيادة السيارة بحسب المركز الاجتماعي الأمريكي

كل الدراسات والعبارت بدل انه حتى اليوم قيادة المرأة للسيارة مش حدث طبيعي أو فعل بمر عادي  لازم يكون فيه حوالي نكت ودراسات  وجدل.. في حلقة اليوم من بودكاست قصتها القصيرة راح نروح مع سيدة من أوائل  السيدات  الي  بدأت  بتدريب قيادة السيارات وأول سيدة بتأسس مركز  لقيادة السيارات في الاردن ۔۔ " هبة جوهر "

أنا تعرضت لتحديات كتيرة مادية تحديات من الأهل تحديات من المجتمع تحديات بكل شئ لكن أنا بجوز أكون ساهمت وفتحت مجال للسيدة أنها تدخل مجال التدريب لأنه لما أنا كنت مدربة ما كان في مدربات كنا احنا في 3 مدربات فقط لمدة 3 سنوات احنا فقط 3 مدربات ما كان في عدد لكن هلا بجوز إتشجعوا الستات وأنا حتي لما بتحكي معي أي ست بدها تصير مدربة أنا بشجعها بحكيلها تعالي وأنا بساعدك علي أساس تاخدي الرخصة اللي تأهلك تدخلي دورة مدربين لكن بنفس الوقت نحن بنحكي أنه البلد هون صار فيها تطور كبير الستات صاروا يدخلوا كل المجالات وهادا من المجالات اللي بتحسن وضع الست اذا دخلت مجال تدريب وعندها قدرات يعني أنا بشجعها مع زنه المجتمع بالنسبة للست اللي بتاخد جميع السيارات يمكن صعب تشتغل فيها صعب تشتغل بالرخصة اللي أخدتها لكن باردوا هاي خطوة جميلة جدا وأنا بتمني لكل الناس التوفيق وباردوا رح ضلني أشجع انه الست تصير تشتغل مدربة لأنه مهنة كتير حلوة بتتعرف علي ناس كتير تعمل علاقات كثير يعني شئ جميل جدا ۔۔۔ " نوفه "

هذه نوفة القهيوي أم وجدة راح تحكيلنا قصتها القصيرة  ۔۔ " هبة جوهر "

أنا أول ست بتفتح مركز تدريب سواقة وبينجح المركز عندي مجموعة كبيرة من المدربين والمدربات أنا أم لأربع ولاد وبنت عندي 15 حفيد في 2 من ولادي بيشتغلوا معي في واحد من ولادي بأميركا وبنتي بأميركا ووزحد بيشتغل أعمال حره ۔۔۔۔ "نوفة "

نوفة بدأت مشوارها بهالطريق وهي بعمر الـ 25 لما حبت  تغير رخصة قيادتها  لصارت مدربة حاولت تنسق بين شغلها وبيتها ۔۔۔ " هبة جوهر "

كان عمري تقريبا بال 25 او 27 أول شئ اتعلمت سواقة وكنت بسوق كتير منيح وفكرت أطور رخصتي فكان عندي جار مدرب سألته كيف بإمكاني أطور رخصتي ما كنت بعرف أنه ممكن أكون مدربة فلما حكيت أنا وياه حكالي بإمكانك أنتي تعملي رخصة عمومي وتصيري مدربة تشجعت كتير للفكرة وحبيت الفكرة مباشرة يوم روحت وعملت إجرأت وأخدت الرخصة العمومي وبعدها مباشرة روحت دخلت بنادي السيارات الملكي دورة مدربين تشجعت كتير للفكرة وحبيتها شغل التدريب حبيته وكنت أم لأربع ولاد وكان ولادي صغار حاولت انسق أموري وأظبط أموري بين ولادي والبيت والتدريب والحمدلله مشيت أموري وكان عمري صغير كتير ومشيت الأمور الحمدلله ۔۔۔ " نوفة "

18 سنة عاشتها نوفة وهي مدربة قيادة سياراتـ لفكرت تفتح  مركز لتدريب القيادة ۔۔۔۔ " هبة جوهر "

طبعا أنا دربت لمدة تقريبا 18 سنة وبعد 18 فتحنا المركز من أيامها لهلا وأنا بدير المركز لغاية اليوم أنا بدير المركز وأنا بداوم فيه وعندي مجموعة كبيرة مدربين ومدربات ما كان عندي خلفية كبيرة كيف بدي أدير مركز ما كان عندي خلفية كيف بدي أشتري السيارات كيف بدي اجيب مدربين أو مدربات يشتغلوا كانت شوية هاي فيها شوية تحديات لكن حاولت اشتغل وحاولت اتحدي نفسي وتمشي الأمور معي وكان ابني الكبير كان هو داعم الي أو ماشي معي خطوة بخطوة لكن هلا بعد خبرة سنين طويلة صارت الأمور كتير أسهل علي صار كتير الوضع سهل خلاص لأني اكتسبت خبرة كبيرة اكتسبت ممارسة أكتر صيرت سهل عليا إني أجيب سيارات سهل عليا أوظف موظفين سهل عليا لأنه السنين الطويلة أعطتني خبرة كبيرة فعلشان هيك مشيت الأمور ۔۔۔ " نوفة "

بالرغم التحديات الي مرت فيها  نوفة كان في نظرة مجتمع ايجابية لأنه كان في حاجة لوجود مدربة سيدة في مجتمع محافظ بده بناتهم تدرب سوتاقة ويملكوا رخص لكن مع وجود سيدة ، لهيك نوفة ومركزها  كانوا حاجة مجتمعية  لكن  مركزها اليوم توسع  وصار يدرب شباب وصبايا  ۔۔۔ " هبة جوهر "

اللي نظرة المجتمع لإلي لما أنا فتحت المركز وحطيت فقط مدربات لأنه بالفترة هديك هلا زنا دربت 18 سنة لكن حاليا الي تقريبا 25 سنه فاتحة المركز هلا الناس والمجتمع كان نظرتهم الي نظرة كتير جميله ليه لأنه من قبل هاي المدة كلها كانو بدهم يدربوا بناتهم في عائلات كتير كانت محافظة بيهمهم بنتهم تتدرب مع مدربة فأنا حاولت أشتغل علي نفس الموضوع إني انا لما افتح مركز بدي أجيب العدد كله مدربات لأنه اذا بدها تطلع بنت مع مدرب بدها مرافق فا في ناس كتير صعب يأمنوا مرافق بالإضافة الي الفترة هديك كثير في عائلات كان بدهم يدربوا بنتهم بس بنتهم بدهم اياها تكون مع بنت فعلشان هيك الناس اللي شجعوني أصلا لما شوفت الإقبال كبير علي مركز يكون في مدربات اتشجعت اكتر لكن مع مرور الأيام بقي يجيني ناس بدهم مدرب فعلشان هيك أنا زودت حطيت مدربين وزودت مدربين وصار هلا العدد كبير عندي تقريبا 30 مدرب ومدربة بس بالفترة أول فتحت المركز لما كان بس عندي بنات كنت أنا بروح علي الكراج أنا اللي بصلح أنا اللي برتب برنامج المدربات كنت أنا بشرحلهم وين يروحوا يعني بس تعطيني الطالبة عنوان البيت ما كان في أياميها لوكيشن كنت أنا بشرحلها في الشارع وين تروح وين البيت بالظبط وين المكان كان كل هالحكي مسؤليتي أنا ۔۔۔ "نوفة "

هاي كانت فائدة  المركز للمجتمع، بس نوفة كسيدة وأم كان للمركز انعكاس مباشر على حياتها ومع ولادها، المركز كان مصدر رزق وحب علم  ودعم  ۔۔۔ " هبة جوهر "

أنا عندي 4 ولاد وبنت ولادي كلهم أعمارهم متقاربة تعاونت أنا وياهم يعني ولادي كانوا عاملين مساند الي وأكتر شئ الولد الكبير درس بالجامعة كمل ما جيستسر المركز ساعدني انه اتنين من ولادي بعد ما خلصوا بس مرحلة التوجيهي اشتغلوا معاي كبروا شوي ولما كبروا اشتغلوا معاي بالمركز صاروا هما كمان يدربوا المركز ساعدني بأني أربي ولادي جابلي دخل حسن وضعي المادي ما كان عندي وضع مادي جيد قبل ما افتح المركز المركز حسنلي وضعي المادي اجتهدت علشان يكبر ولادي وأربي ولادي وأمورنا الحمدلله تستقر وبعدين ابني الكبير طلعله منحه من أميركا راح كمل دكتوراه بأميريكا عمل 2 دكتوراة بأميريكا وبنتي كملت جامعة واشتغلت شوي بعدين عملت ماستر بعدين اتجوزت وطلعت علي أميركا فالمركز هو اللي دعمني ودعم ولادي ولادي هلا كلهم اتجوزوا وكلهم خلفوا وبعديها أنا بنتلهم بيت وسكنا كلنا بنفس العمارة كل ولادي ما عدا ابني وبنتي بأميركا ولادي التانين ساكنين معي بنفس العمارة أنا ببيت وكل واحد ببيت والحمدلله ۔۔۔ " نوفة "

40 سنة عاشتها  نوفة كسيدة ناجحة ورائدة في هذا المجال اليوم بتشوف هالسنين الي مرت وبتشوف حالها بكل انجازاتها وبتحكي الحمد لله  ۔۔ " هبة جوهر "

أنا بحكي ب40 سنة أكيد زنا تعبت تعبت من البداية وأنا بدرب تعبت لما عملت المركز تعبت لبين ما نجح المركز أنا فخورة بولادي وولادي ماشاء الله عليهم فخورة بنفسي كل مراكز التدريب بيحترموني جدا زملائي اللي لهم أصحاب مراكز كلهم بيحترموني يعني الحمدلله الحمدلله أنه أنا وصلت للوصلتله الحمدلله بشكر الله بتمني الله يعطيني الصحة ويعطيني العمر بس غير هيك ما بدي كل شئ بدي ياه عملته تحديت كتير اجتهدت كتير جاهدت كتير صبرت كتير والحمدلله رب العالمين  ۔۔ " نوفة "