بعد الأربعين

نص الحلقة :

صيرنا نسمع كتير كلمات ان شاء الله نفرح فيكي صيرتي عروس أمته رح نفرح فيكي

أول ما اتخرجنا من الجامعه يلا ان شاء الله بنفرح فيكن خلاص هيك خلصتوا جامعة كنت كتير أسمع هالحكي من الناس

أتفاجئت وقتها صارت تحكيلي صار عمرنا 26 ونحن لهلا ما تزوجنا

طلعت فيها عنجد وقتيها وصيرت أحكيلها بس نحن كتير صغار بعدنا كتير صغار ليش أنتي مستعجله

يعني صيرنا بال 30 كل البنات أنه أه أتأخرتي أه انتي ليش ما تزوجتي طيب أنا شو أعمل هادا الشئ مش بإيدي كل شئ نصيب ۔۔۔۔ بصوت " ندي "

أول ما تنولد البنت والكل بحكي اجت العروس، ان شاء الله بتفرحوا فيها، والفرح دائما مربوط بالزواج، والزواج اله عمر وكل ما كبرتالبنت اكتر هل الاستحقاق الي وضعه المجتمع بقرب عليها اكتر

۔۔۔۔۔ بصوت " هبة "

لما كنا بالمدرسة كنا يمكن بصف سابع كان في النا بنت جيران اتخطبت وقتها نحن بالصف كنا نحكي أنه شو نحن لستنا صغير كتير كتير كيف ههاي خطبت فعلا هي خطبت نحن كنا بصف سادس أو سابع

بعد هيك بالصف التاسع في بنات اتزوجوا علي التوجيهي في بنات اتزوجوا طلعنا عالجامعه وصيرنا نكبر طلعنا علي الجامعه صيرنا نسمع كتير كلمة ان شاء نفرح فيكي صيرتي عروس امته نفرح فيكي والله لما كانو يحكولي هيك أضل أحكي أنه أنا كتير صغيرة ليش هيك بيضلوا هيك يحكولي وأنا لسه ما خلصت جامعة طيب أنا لسة بدي اشتغل بدي اسافر بدي اعمل بدي وبدي كان عندي في كتير أشياء بدي أحققها طبعا الواحد لما بيكون لسه بياخد مصروفه من اهله بيحس أنه في اشياء كتير هو نفسه يعملها بس أنه هو لازم يكون زمته الماليه مستقله خلصت من الجامعه اتخرجت من كلية الحقوق أول ما اتخرجنا من الجامعه يلا ان شا الله بنفرح فيكن أنتو خلاص خلصتوا جامعه بعد هيك طلعت لبرة للإمارات واشتغلت في بنك هناك خلصت رجعت للمكان اللي انا ساكنة فيه للبلد أول ما رجعت شوفت صاحبة كانت معاي بالجامعة اتفاجئت وقتيها صارت تحكيلي صار عمرنا 26 ونحن لهلا ما اتزوجنا اطلعت فيها عنجد وقتها صيرت احكيلها بس نحن كتير صغار لسه بعدنا صغار ليش انتي مستعجله ؟؟؟ حكتلي لا كل اللي معانا واللي قدنا وصحبتنا كلهم اتزوجوا انا وانتي اتاخرنا قولتلها انتي اتاخرتي انا ما اتاخرت بعدي صغيره والله ما كان يخطر علي بالي ابدا هذا الموضوع ۔۔۔۔ بصوت " ندي "

ندى درست المحاماة واشتغلت كمحامية، وصلت الأربعين وما تزوجت… في هاي الحلقة راح تحكيلنا قصتها القصيرة وشو يعني ان تصلي لعمر الاربعين بدون ما تتزوج  ۔۔۔ بصوت " هبة "

رجعت يعني بدأت اشتغل بمهنة المحماة وضليت اشتغل علي حالي كنت كتير مبسوطة أنه عماله بنجز أنا يعني الحمدلله كنت مع النردات بالجامعة وبالمدرسة كنت كتير مبسوطة علي حالي اني كيف بقدر عماله اصيغ لوائح كيف بقدر امسك دعاوي كيف اني عماله بكون اسم لحالي كتير كنت مبسوطة وفخورة بحالي أنه الي اسم وانه حدا محترم والناس كلها بتحترمه وكل اشي هيك شوي شوي عنجد الدنيا بتمرأ بسرعة حسيت كل الحوالي عمالين بيتزوجوا انه الدنيا بتمرأ عادي يعني انه لس لوقت هلا انه كان عادي وقتها

۔۔۔ بصوت " ندي "

ندى كبرت وصارت بالثلاثين ومع انه قصة الزواج مش ببالها، بس المجتمع ما تركها لحالها، خاصة لما يتزوجوا صحباتها صارت وتطلع معهم، كلهم صار عندهم ولاد وحماة وحماية ومشاكل مع بيت الحماة، وندى برا هالمعادلة فكيف كانت تتعامل معها  ۔۔۔ بصوت " هبة "

يعني صيرنا  بال 30 كل البنات انه اه اتاخرتي ليش لهلا ما اتزوجتي طيب أنا شو اعمل يعني هاد الشئ مش بايدي كل شئ نصيب صاروا البنات اللي حوليا مثلا متزوجين نروح نطلع هاي انه تحكي عن حمتها عن حماها عن اولادها عن زوجها حسيت انه المواضيع يعني انه بصراحة ما كنت اشعر شعور انه مرتاحة بهاي القعدة مش لانه مثلا انا اقل منهم لا لا مش هيك احس انه بشعر انه في اشي ناقص يعني هن بيحكوا مواضيع مش موجودة عندي حتي مرات بحكي هما ليش بيجيبوا هالمواضيع قدامي ملهاش داعي بعد هيك خلصت من المكان اللي انا بشتغل فيه كنت موظفة فتحت مكتب لحالي من الأشياء اللي اتعرضتلها وانا فتحت المكتب يجي مرات موكلين مش كل الناس بتعرف تحكي استاذ في ناس بتكون يعني من الناس البسيطة اللي بتقول أم شو نحكيلك يعني انا مش ام شئ يعني ناديني باسمي او يجيكي حدا ماشاء الله كام ولد عندك يعني مفيش داعي للأسئلة الشخصية في مكان العمل بس نحن بنتعامل مع مجتمع في عدة أصناف عدة نوعيات من المجتمع الفئات المجتمعية بتكون في متعلمه غير متعلمه مثقفة غير مثقفه مش الكل بيعرف يحكي هاي من الأشياء اللي عنجد كانت تضايق يعني بالشغل حتي مرات كتيره أنا وصحباتي نشوف حدا من الزملاء اللي معايا بيكون هو ومرته باجتماعات مثلا بيكون محامين مثلا هو وزوجته او اماكن اجتماعات للنقابه اه استاذة كذا قاعدة لحاليها بتحسي انه بيطلع عليكي نظر غلط حتي أنه يعني ما بعرف بس هادا الشئ كان يشعرني أنه بصراحة صار زي برستيج هو الزواج أنه كل واحد لازم يكون معه حدا هيك بتحسي هاي النظرة مع انه انا عنجد انه بحكي لهلا انه مفيش اشي الواحد بيعمله خلاص يعني مفيش اشي يعمله بشغله مفيش اشي يعمله بالزواج الزواج بالنهاية رزق من الأرزاق اللي موجودة بالدنيا الزواج العلم الصحة محبة الناس باردوا هذا رزق الارزاق مقسمة يعني لا بشطارتي ولا بشطارتكم بيقولولك شدي حليلك لنفرح فيكي ايش اشدحيلي انا يعني بشتغل وبعيش حياتي اذا بضل انتظر الزواج بموت انا

۔۔۔ بصوت " ندي "

ندى اهم شي عنها انه يكون الشخص ملائم ومش مهم كتير تلحق قطر الزواج، ومش مهم كتير تتزوج بس عشان تتزوج وبالعكس كل ماكبرت اكتر كل ما صارت انتقائية اكتر ۔۔۔۔ بصوت " هبة "

طيب ما انا لو بدي اتزوج اتزوجت زمان مفيش ولا بنت بندقش بابها بس انا بدي اختار الانسان الصح أنا كتير بضايق من البنات اللي بتوصل لسن معين بيقولك يأست انه صارت تاخد فلان او تاخد علان صح أنه يعني تنكح المرأه بلاش تنكح المرأه انه الزوج من ترضون دينه وخلقه فتعطوه لكن بصراحة أنا اختلاف البيئات من الناس اللي بتتاثر يعني انا بشوف بالمحكمة كمية الطلاقات اللي موجودة لإختلاف البيئات مش كل العقول بتيجي علي بعض مش علشان انا وصلت شئ معين اقبل بمين مهما كان هادا الشئ كتير غلط وعمال بيأثر بالمجتمع ونحن هلأ بحكم مهنتنا بنشوف قديش في نسبة طلاق عالية بالمحاكم انا ما بحكي انه الواحدة تقعد تتشرط أو انه مثلا انا اقعد احط نقاط بدي 1،2،3 صح الواحد لما يصير عمره اربعين بيصير انضج واوعي مش علشان صار عمري هالقد باخد اي حد  مين ما كان لا بالعكس انا علشان صار عمري هيك بكون اوعي مين اختار بيكون عندي فكر متفتح اكتر من البنت اللي عمره 20 او 22 او بالعشرينات اكيد هاد الشئ الطبيعي اني اكون اوعي بافكاري واختياراتي هتكون افضل وبالنهاية كل شئ نصيب مش شرط كل واحد نصيبة بياخد هاي المشاركة أنا كان بدي اشاركها معاكم الزواج اسمه ونصيب الحياة بدها تمشي اذا انا بدي انتظر ما بعرف انا امته بيجي انا بضل هالوقت استني انا بعيش لنفسي بتصالح مع نفسي بالافكار الموجودة عندي انه انا ما بدي انتظر اي حدا ولا انتظر احقق طموحات او افكار او اهداف موجودة عندي لحين اتزوج او ارتبط بفلان او اربط سعادتي او تحقيق اهدافي بوجود فلان او بكون اقوي بوجود فلان لا انا بحقق ذاتي بذاتي كل انسان بيمثل نفسه وذاته واهدافك نابعه من داخلك انت بتقرر شو تكون حيتك اذا تكون حياتك حلوه بانك انت تبنيها لوحدك ولا انت رح تضل موقف حياتك لحتي ترتبط بانسان تاني وممكن ما يجي اشتغلي علي حالك وانبسطي بحياتك لكل صبية لحتي شو ما كان عمرها وماتزوجت خلي عندك هدف عيشي يومك ما تفكري ببكرة شو بده يصري فكري بس شو الاهداف اللي بدي احققها بحياتي خلي بكرة والاشياء اللي مرتبطة ببكرة لرب العالمين احنا علينا نخطط والتدبير عند رب العالمين ۔۔ بصوت " ندي "