منى فارسة تقفز عن الحواجز والتحديات

نص الحلقة :

أنا وصغيرة ماكان عندي إهتمام بالحين ما كان في حدا قريب مني بيركب أو مهتم وأنا دخلت بعالم الحيل ب2018 الفروسية رياضة ما فيها كثير بنات من التحديات اللي واجهتها في الهاي السنين أنه دائما بنافس الشباب الذكور بصراحة شعوري لما أجي أركب الحصان خصوصا لما أقفز شعور كتير مختلف عن أي شعور موجود شعور الضقة والحرية والإعتماد علي النفس الثقة عالية بتكون جدا بصوت " مني الحديد"

مشاركة النساء في الألعاب الأولمبية القديمة كانت تقتصر على ألعاب الفروسية،ولكن كيف كانوا يسمحوا للنساء بالمشاركة؟ كانوا يسمحوا للنساء بمشاركة الخيول التي أشرفوا على تدريبها، يعني صاحبات الخيول ما كانوا حتى ضمن الحضور في فعاليات الأولمبياد الأول غالباً، وكانت المشارَكات الفعلية في الألعاب الرياضية مقتصرةً على الذكور ، واستمرّ استثناء النساء من الألومبياد حتى عام 1900م في وقتها شاركوا بلعبتي التنس والجولف
وهذا بعني حتى لو كانت الفروسية والخيل جزء من موروثنا وموروث الحضارات القديمة الا انه ما كان مسموح لفتيات المشاركة في هاي المسابقات، لكن ضلت الفارسة الها ألق خاص ومعان مختلفة في أذهانا، اليوم راح نروح برحلة مع الخيال والخيالة منى الحديد الي راح تحكيلنا قصتها القصيرة ۔۔۔۔۔ بصوت " هبة جوهر "

مرحبا أنا مني الحديد عمري 31 سنة دارسة بجامعة البدر إدارة أعمال أكتر شئ بحبة بحياتي هي الرياضة خصوصا الخيل كل وقتي في من تدريب وإعتناء وإهتمام طفولتي كانت هادية كتير بحكم أنه إحنا عيلة مكونة من أربع بنات وولد وطفولتي كنت كثير أحب الرياضة بكل أنواعها سباحة وباسكت وأكثر شئ كان الباسكت يعني وكنت أحب المدرسة وكنت كتير مهتمه بنشاطاتهم أنا وصغيرة ما كان عندي إهتمام بالحين ما كان في حدا قريب مني بركب أو مهتم وأنا دخلت بعالم الخيل ب 2018 أنا درست بجامعة البدرة إدارة أعمال وإخترت هذا التخصص لأن مجالاته واسعه وبقد أشتغل بأكثر من مكان مش مكان محدد ۔۔۔ بصوت " مني حديد "

منى قبل 5 سنين فاتت هاد العالم وبدأت تبني علاقة بينها وبين الخيل، ولو انه الصدفة هي الي دفعتها تروح لهاي الطريق الا انها شعرت بالراحة والحب لهاي الرياض ۔۔۔۔ بصوت " هبة جوهر "

أي أنا بلشت بالخمس سنين ب2018 من أول ما بلشت وأنا حاطة في بالي أني أحترف بهاي الرياضة وأسير فيها وطبعا كان لازم يكون عندي إلتزام بالتدريب علشان أقدر أوصل وصار بعدها عندي تدريب وصيرت أركب أكثر من حصان بنفس اليوم وشاركت مبارريات والحمدللة حققت كثير نجاحات وبعد التدريب وأكثر من سنة أستمريت علي هذا الشئ وبعدها صار أنه خلاص لازم يصير الوقت أنه يكون عندي حصان خاص الي علشان أقدر أرفع مستواي وأوصل أكتر أنا دخلت صراحة عالم الخيل نقدر نحكي بطريقة صدفة يعني كنت رايحة علي نادي مع أخوي نقعد هناك بكوفي هاوس فاخطر في بالي إني لازم أجرب شئ جديد في حياتي فكان الخيل قدامي كان في تدريب فحبيت إني أبلش كورس علي طول يعني بلشت كورس أول حصة أخدتها صراحة حبيتها كرياضة لأن هي رياضة جد الوحيدة اللي معاكي كائن تاني بتعتمدي عليه أنا وياه بنكمل بعض أنه مش أنا لحالي بقدر أعمل شئ ولا هو لحالة بيقدر يعمل شئ نحن فريق فهذا الرياضة كتير شدتني من هاي الناحية أكثر ناحية ۔۔۔۔۔ بصوت " مني الحديد "

مع انه منى لاقت دعم من أهلها الا انه هذا الدعم لا يععني عدم وجود تحديات، لا سيما في رياضة ما فيها كتير من الفارسات المحترفات ۔۔۔۔ بصوت " هبة جوهر "

أكثر دعم إلي كانوا أهلي خصوصا أخوي لانه بلش الخيل معي فكانت هواية مشتركة بيني وبينه وبالعكس أنا بعتبر كل الناس اللي حواليا كل قرايبي يعني كانوا حابين أنه أنا دخلت في عالم الخيل وكانوا دايما يسألوا ويحبوا هذا الشئ بس كتير أنا واجهت تحديات من هاي التحديات أنه كان في مدرب دربني بفترة من فترات التدريب كان ما عنده إقتناع أنه أنا ما اقدر أحقق أي شئ بهاي المباراة فماكان في داعم ما كان في تركيز في التدريب من باب هو مقتنع أنه ما ممكن أعمل أي شئ بهاي الرياضه من التحديات كمان اللي واجهتها أنه كنت اركب في نادي في إحدي المحافظات بعيدة عن عمان فكان الناس اللي بتيجي تقعد بهاي النادي كان في الها شوي نظارات مستغربين أنه بنت تركب خيل لأنه المتعارف عليه أنه الشباب الذكور أكثر بهاي الرياضة يعني فروسية الرياضة ما فيها كثير بنات من التحديات اللي واجهتها خلال هاي السنين أنه دائما شباب الذكور زنا بتمني يزيد عدد النساء في هاي الرياضة علشان تكون المنافسة أحلي ۔۔۔۔ بصوت " مني حديد "

هاي التحديات ما وقفت منى أو خلتها تكون مترددة بالعكس كملت بطريقها ومشيت وفاتت الكتير من البطولات لتحقق فيهم مراكز أولى وتقبل المنافسة كفارسة قدام متسابقين شباب ومه هيك كانت تكسب، هاي الانتصارت والانجازات الي حققتها كان في بدايتها اخفاق الا انه كان حافز لمنى لتدرب أكتر وتكمل التحدي …..

أول بطولة إلي كانت فئة المبتدئين تكون x يعني كانت نتائجها سيئة أنه ما كملت الكورس فهون كان عندي التحدي أنه أول بطولة إلي كانت سيئة بس هذا لا يعني أنه حكيت خلاص ما راح أكمل وما بقدر أكون أحسن بالعكس كان عندي التحدي هون أنه ضليت أشتغل علي حالي علشان احسن من حالي والحمدلله قدرت كتير أحسن ، البطولة اللي بعدها الحمدللة كانت كثير أحسن بس ما قدرت أجيب مركز أنه أنافس من أولها بس مع التدريب الزيادة والمشاركة الزيادة والثقة بالنفس تصير زكثر الحمدللة قدرت أجيب نتايج كثير أحسن يعني في البداية بتكون كثير منافسة بين الشباب والبنات بس لما تيجي ترتفع الفئات أنه بعد المتر بتصير نسبة البنات جدا قليلة يعني بتصير بنسبة 10 % من نسبة الشباب يعني كتير حققت نجاحات كبيرة من ضمنها كان دوري الشتاء هو عبارة عن 7 جولات بتنحسب نتائجهم والحمدللة قدرت أجيب المركز الأول في كمان مباراة كمان كانت كتير مهمه بالنسبة الي هي رايد أند دراي هي مباراة بتجمع كل الرايدر بمبارة واحدة كمان الحمدلله جبت المركز الأول طبعا في مبارايات كتير شاركت بيها وكنت دائما من التوب 3 ۔۔۔۔
بصوت " مني حديد "

طبعا منى لتحترف صار عندها خيل، وصارت الخيل بالنسبة الها بتعنيلها الكتير لانه هي واياها فريق واحد بحققوا الانجاوات سوى وبدربوا سوى وبرتاحوا سوى ۔۔۔ بصوت " هبة جوهر "

الخيل المفضل عندي هي أكيد فرستي هيفن اللي هي أنا ويها حققنا كل النجاحات مع بعض لأنه أنا بعتبر إن احنا فريق علاقتي مع فرستي كتير صراحة بهتم فيها لازم أحس أنه هي مرتاحة بالمكان اللي هي فيه لازم يكون الها عطلة يوم بالاسبوع ترتاح صراحة شعوري لما اجي اركب الحصان خصوصا لما أقفز شعور كتير مختلف عن أي شعور موجود شعور الثقة الحرية الإعتماد علي النفس الثقة عالية بتكون جدا ۔۔۔ بصوت " مني حديد "
منى فارسة بتحلم تكمل بهالطريق وتقفز هي وهيفين عن كتير من الحواجز لتحقق المزيد من الانجازات في هذه الرياضة ۔۔۔۔ بصوت " هبة جوهر "

في شغلة حابة أحكيها أنه هاي الرياضة ما فيها عمر محدد أنه الواحد يدخل فيها مو شرط أنه يبلش صغير علشان يوصل اذا الارادة موجودة والتدريب صح أنه يكون عنده وقت أنا مبسوطة بكل الإنجازات اللي حققتها لليوم وبتمني أنه أوصل للأعلي وأقدر أشارك كمان بمباريات أكتر من هيك ۔۔۔۔ بصوت " مني حديد "