"هم يقتلون باسم الله ونحن نقاوم إرهابهم لنحيا باسم الله"

نص الحلقة :

أهلا بكم عاينت أخبار الأن ما يجري في العاصمة الصومالية مقاديشوا لتكون المؤسسة الإعلامية العربية الأولي التي تدخل ساحة المعركة هناك منذ إطلاق الحملة الرسمية والشعبية الواسعة ضد جماعة الشباب الإرهابية حيث رصد لنا موفد أخبار الأن الزميل عبدالله ملعب في قسم الصحافة الإستقصائية مزاج الشارع الذي شهد تحول له في ناحية رفض الإرهاب وفكر جماعة الشباب ۔

في هذه الحلقة من بودكاست في 20 دقيقة نستضيف عبدالله ليخبرنا كواليس هذه التخطية الخاصة ۔۔  عبدالله بأخبار الأن نحن مهتمين دائما بالتركيز علي مكافحة الإرهاب بعدد من الدول العربية حابه اعرف منك بقسم الصحافة الاستقصائية ليش اليوم بهالتوقيت بالذات اختارتوا تتجهوا للصومال" مها فطوم "

نعم ۔۔ مها شكرا لإلك لهاي الفرصة اليوم بكون معك حقيقة اليوم متابعة الملف الصومالي أو زيارتنا اليوم ذهاب أخبار الأن تخطية أخبار الأن من الصومال من العاصمه مقاديشوا أتت لعدد من الأسباب يمكن السبب الأبرز أنه اليوم الإرهاب الموجود بالصومال هو يعتبر الأقوي علي نطاق العالم يعني منحكي اليوم نحن عن جماعة شباب منحكي عن جماعه إرهابية مزانيتها بتبلغ حوالي ال100 مليون دولار بالسنة بالتالي تعتبر من الجماعات الإرهابية القوية ذات النفوذ هي أعلنت الولاء لتنظيم القاعدة الارهابي بعام 2012 واليوم يعتبر البعض إنها صارت أقوي حتي من تنظيم القاعدة بالتالي هاي الجماعه اليوم بتسيطر علي بلد كبير الصومال دولة أفريقية لديها أكبر شاطئ علي البحر بالقارة الأفريقية يعني أكبر حدود بحرية هي بالقارة الأفريقية هي لدي الصومال تقريبا عدد سكانها حوالي 14 مليون بلد كبير هي بلد عربي هي بلد لما يأخذ حقه حتي الساعة بالتخطية الإعلامية علي العلم من أنه اليوم ضحية الشباب الإرهاب أولا ضحية تغير المناخ ثانيا وأيضا يعاني من أزمات هايدا البلد كان أيضا بحرب أهلية فبالتالي أخبار الأن مثل ما قولت ببداية حديثك مها نحن بنركز علي الملفات الإرهابية لنقول للشباب سيما ولا جميع متابعينا حقيقة وزيف إدعائات هذه التنظيمات اللي للأسف عم يكون في الها الي حد ما أذن صاغية فبالتالي عم نلعب دورنا كإعلام لابد أنه يكون عم بيوعي عم يلقي الضو عم ينقل الحقيقة خصوصا بمناطق لم تأخذ حقها بالمنستري اذا بدك مؤسسة المنيستريم بعالم المديا يعني المتعارف عليها التقليدية ما أخد حقها فبالتالي كان هذا ملف مهم جدا ۔۔ " عبدالله "

نعم عبدالله المتعارف عليه في كل الجماعات الإرهابية بالعالم بإنها تلعب علي وتر الإنتماء خاصة الديني للإستقطاب الشباب والأطفال أحيانا لحتي ينتسبوا لهاي الجماعات فهل شاهدت مثلا حركات مقابلة لإلها بالمجتمع الصومالي مثلا تقوم بدور توعية للشباب بأنه لا أنتم مكانكم مش هاي الجماعة أنتم مكانكم بمقاعد الدراسة أنتم مكانكم مثلا بالعمل مثلا  ۔۔ " مها "

مها إنطلاقا من سؤالك بحب إدعي كل المستمعين والمشاهدين لأخبار الأن بالعالم العربي تابعوا كل التقارير يلي رح ننتجها عن الصومال سؤالك كتير مهم وفعلا نحن التمسنا هايدا الأمر علي كل الأصعدة اليوم الصومال لما زعلن معركة تحرير البلاد من جماعة الشباب الإرهابية المتطرفة المتشددة قام بهذه العملية علي 3 محاور رئيسية المحور الميداني العمليات العسكرية المحور المرتبط محاربة الأيدولوجيا الفكر وهون كان في دور للمدارس للمعلمين للمثقفين لرجال الدين وأيضا إقتصاديا لتجفيف منابع التمويل يلي عم بيكون يؤخذ من قبل جماعة شباب بالتالي المجتمع كلياته هيدا اللي رقبناه نحن الوضع بتلاقي المجتمع كله  رجال ونساء أطفال المعلم العامل كله عم يلعب دور ليكون عم بيحرر نفسه من جماعة الشباب دينيا أطلق مصطلح الخوارج وكلنا بنعرف يعني ما عندنا هذا المصطلح حتي رئيس علماء الصومال بيقلي لما عملت معه مقابلة الشيخ صلاة بيقلي حتي هم يعني لا يرتقون إلي رتبة الخوارج يعني اليوم خلاص سئموا من هذه الجماعة والكل عم يلعب دور ونحن زيرنا مدارس زيرنا جماعات بتلاقي الإمرأة الصغيرة الطفلة تقاوم لتتعلم وتذهب الي المدرسة رغم كل شئ ونحن زيرنا مدرسة أتعرضت للضرب من قبل جماعة شباب وحكينا مع طلابها بتلاقي المرأة عم تحضر لأنه جماعة شباب بتقولها أنه المرأة اليوم هي يجب أن تكون الداعمة لزوجها الذي هو كل شئ فبالتالي اليوم الإنتفاضة علي كل الجوانب الشباب بعمر الشباب عم يلعبوا دور كتير كبير سياسيا بالجامعات بالمجتمع بالمؤتمرات اللي عم يعملوها لعديد أتواصل معنا وبفترة تواجد أخبار الأن بمقاديشوا أنا هون بحب كمان أذكر هاي النقطة حتي الساعة يعني الي اليوم بعدني عم بتلاقي مسجدات عبر تويتر وعبر فيسبوك ما سنجر عبر إنستجرام أنه شكرا لك وأهلا بك ونحن مستعدون للتعامل من سياسيين من محللين من منظمات شبابية فهيدا الحملة الواسعه تقام اليوم وأعتقد يعني بحسب الأمل يلي شوفته والمتابعة أنه فعلا رح تجيب نتيجة يعني  " عبدالله "

أن شاء الله عبدالله في هاي الإحصائيات أو أعداد موضحة لمشاركة النساء بهاي الجماعة ؟ " مها "

كمان السؤال مميز مها لأنه اللي منكشفه نحن اللي رح نكشفه بيتخطيط أخبار الأن للملف الصومال أنه أكثر المنشقيين من جماعة الشباب هن النساء وهيدا يالي كشفته لإلنا نائب مدير الشرطة في الصومال وهي سيدة الجينرال ذكية حسين يلي قالت يلي أوضحت لأخبار الأن الخطة الحكومية للمركزية للتعامل مع النساء وكيف كانوا النساء هن الضحية الأولي لجماعة الشباب علي اعتبار أنه الديانه الإسلامية تضع طبعا محرمات مرتبطة بالنساء فبالتالي توجد قدسية للنساء فجماعة الشباب التي تتدعي ما لا تؤمن به وما لا تمارسة كانت تستغل ولا زال تستغل هذا الأمر بالتالي الحكومة الصومالية أخدت قرار أنه المرأه بالمرأه يعني نحن لن نتراجع اليوم عن مواجهة جامعة الشباب لأنه عم يستخدموا النساء كأداة يستخدمون النساء لتوسيع الشبكة المالية اليوم نحن لما عم نحكي عن الجماعة الإرهابية الميزانية السانوية لإلها تتعدي المليون دولار وفي سبب رئيسي وبالتالي هيدا السبب هو أنه هيدا الجماعه اليوم بتعمل بالإقتصاد بتاخد ضرايب بتاخد تعريفات من المواطنين بتعمل بتشتغل بالمخدرات بتشتغل بتجارة الأسلحة بالتالي إقحام المرأة بهيدا الملف كان أمر جماعة شباب ما وقف أنه ما تعمله بل كانت تنفذة بإستمرار الحكومة الحالية والسلطة الصوماليه الحالية اللي تأستت بأيار مايو 2022 رئيس جمهورية جديد حسن شيخ محمود رئيس حكومه جديد ووزراء جدد أخدوا القرار أنه نحن سنواجه استثمار المرأه ورح نتعامل مع أي مرأة صومالية تعمل مع جماعة الشباب كما نتعامل مع الرجل لأنها إن أرادت أن تحرر نفسها عليها أن تتحرر هي يعني زولا وبالتالي هنا جادت معرفة أن النساء هما أكثر إنشقاقا عن تلك الجماعة ورح نكشف تفاصيل مرتبطة بالمرأة والإرهاب والمرأة وجماعة الشباب تحديدا بتقاريرنا ۔۔

" عبدالله"

نعم ، بالمقابل في حركات نسوية مدنيه بالصومال ؟ " مها "

المشاركة السياسية مها والمدنية والإجتماعية بالصومال واضحة جدا طبعا مثل ما قولتلك الجينرال ذكية حسين هي المرأة العربية والمسلمة الأولي التي تتبوأ هكذا منصب عسكري او إذا صح التعبير شرطي أمني رفيع وهيدا أيضا يعني في سبب ورائه وهو زنه عم نوصل رساله نحن لجماعة شباب أيضا المرأة الصومالية حاضرة بالبرلمان بالصومال موجودة ويوجد عدد واضح جدا من الصوملات الناشطات في السياسة والإجتماع سيدات أعمال نحن زورنا فندق أعمال يلي هو إليت أكبر شواطئ الصومال وشاطئ أيضا يعتبر عام وتعرض للعديد من الهجمات الإرهابية وضل في إصرار أنه يكون في حضور من قبل الشعب ومن قبل الناس اتوصلنا مع مسؤلة الماركتنج بفندق اليت تسويق وكمان كان الها حضور قوي ورسائل قوية جدا ۔۔۔ " عبدالله "

نعم عبدالله كنا عم نحكي بالكواليس أنا وانت عن بعض تعليقات الصوماليين عن المقاطع اللي انتشرت عن أجزاء من التقارير اللي هتنزل تباعا علي مناصتنا البعض كان مستهجن فكرة تواجد محطة إعلامية بفريقها في الصومال وتساؤل غريب شو عم تعملوا علي شو جايين تسلطوا الضوء وكنا عم نحاول نفسر ليش البعض بيفكر بهالطريقة إحكيلي اكتر عن هاي النقطة ۔۔  " مها "

مها بداية حديثنا حكينا عن المعناة ومعناة الشعوب خصوصا لما يكون شعب عم بيحاول يبذل جهدة ليتعلم ليقوي ليتسقف ويلاقي الإعلام التقليدي والغربي لا يغطي الا ما يرتبط بالإرهاب أو بالدماء وسفك الدماد وبالأمور السيئة جدا أنا ما بخفي عليكي انه بكل محل عم نزوره كان في لهفة لما يعرفوا انه قناة عربية هذه القناة أتيه من دولة عربية من دولة الإمارات من إمارة دبي الصحافي لبناني الفريق عربي فكان في لهفة وترحيب ولكن قبل أخذ هاي التفاصيل لما يشوفوا كاميرا او مايكروفون دوغري في استهجان او تساؤلات بالأحري ليه عم تصوروا ؟شو الهدف؟ من أنتم ؟ لماذا أنتم هنا ؟ يعني بلد يعني تقريبا دخل الحرب الأهلية بال 91 تأسست الشباب بال 2004 أصبحت جماعة إرهابية تكفيرية خطيرة بال 2009 مع أول عملية إرهابية وطالت وقتها حفل تخرج بالعاصمة مقادشوا كل هاي الأمور سنوات من المشاكل سنوات من الدمار والحروب كانت الإضاءة تكون الي حد ما عادية جدا وكانت فقط تضئ علي المساوء وتشمل الجميع بإطار الإرهاب وبالتالي طبيعي هايدا الأمر وبرجع أقولك مها الصومال هو بلد عربي بالتالي كان جدا فرح لما شافوا أنه في محطة عربية لم تختار زو لم تتعاون فقط مع الصومالين نحن عندنا زملاء نتعامل معن مصورين وصحافين والأن أصبحوا أصدقاء موجودين بالصومال بس نحن اختارنا أنه نذهب الي هناك لأنه لنقل الصورة من هناك عبر أشخاص ليسوا صوماليين لأنه بعتبر هدا بيلعب دور كبير وحتي أنا مها قبل ما  روحت علي الصومال بإطار بحثي  لم أجد الا القليل القليل من الفيديوهات أو التقارير أو الوثاقيات اللي وضعت الضو علي الصومال كشعب وكدولة وليس كجماعات إرهابية وتكفيرية واقتتال ودماء فا الي حد ما تفهمت هذا الامر وكنت أفهم عليهم ووعدناهم أيضا بتغطية حقيقية بتشبهم بتشبه المقاومة يلي عم بيقوموا فيها اصرارهن علي الحياة عملهم بجدية وهيدا الشئ بيريح يعني أنا كتير قلت عبدالله ما خفت ما بنسمع الا يوميا في تفجير يوميا في عملية تقوم فيها جماعة شباب تحديدا بالعاصمة لأنه اليوم الجماعة تنتهي اليوم الجماعة عم تخسر أماكن كتير كبيرة كانت موجودة تحت سيطرتها من 15 سنة بإشبيليا بوسط جنوب البلاد هالرديري بمناطق كتير كبيرة فالنتيجة عم تكون أنه نضرب عصب الدولة الصومالية وعصب الدولة يكون في العاصمة فبالتالي كل أسبوع في تقريبا عمليات إرهابية سئلت هذا السؤال انه ما خفت او قبل ما اروح ما خفت أنك تروح لما وصلت الي الصومال الي مقاديشوا وقعدت معن وشوفت إصرار الصوماليين علي الحياة وهيدي رسالة لكل الشعوب العربية يلي فعلا عم تعاني من معارك ومن حروب ومن ملييشيات موجودة بأرضيها ان كانت رسمية أؤ غير رسميةه نقل كيف هن عم بيقاموا هذا الأمر بعتقد رسالة لكل العرب وكل الشعوب العربية لأنه الصومال اليوم وهيدا قالوا رئيس الجمهورية اليوم الصومال بمرحلة إنشاء دولة ما عم نحكي عن دولة كانت قائمة واتت الجماعات الإرهابية أو ما عم نحكي عن دولة كانت موجودة وصار في ميليشيا خارجية أو صار في لعبة أمم مثل ما بيقولو وأنتجت اقتتال زو دكتتاتور عم بيعنف شعبه مثلا لا عم نحكي عن قبائل كانت موجودة صار في حرب أهلية انتهت الدولة واليوم عم يأسسوا دولة فبالتالي ما في دولة بالعالم اليوم عم تعاني او عم تعمل الجهد اللي عم يحطه المجتمع الصومالي في عالم تقولي نطلع من بيوتنا ما بنعرف امته بنرجع ولكن عندنا امل ورح نحرر هاي البلد وعم نقدر نعمل دولة وهيدا الشخص لانه رئيس ولا وزير ولا نائب هو مواطن صومالي يعني أو يتعاطي بالشأن العام بيدركوا بيعرفوا انه ربما ما يرجعوا علي بيتهون بس هل نستسلم للإرهاب هل نستسلم للتطرف أبدا وهايدا يمكن كان أحلي درس ممكن أي شعب يتعلمه من الشعب الصومالي أو أي شخص يتعلمه من انسان هالقد المحيط صعب هالقد الخطر موجود ولكن إرادة الحياة يعني أنا أحد الأشخاص قالي هم يقاتلون بإسم الله وطبعا يعني عن كذب نحن نعيش لنحيا باسم الله فهيدا إرادة الحياة مقابل إرادة الموت ونقطة كمان بسيطة مها الصومال رغم الحروب واليوم يمكن شوي أفضل لأن الحكومة صارت أقوي وصار في دعم خارجي للحكومة صار في التفاف من قبل القبائل علي الحكومة وعلي القوات الرسمية بالسنوات القليلة الماضية ما كان هدا الأمر موجود كانت العمليات الارهابية بالعاصمة اقل ولكن كانت المناطق تحت سيطرة الشباب مناطق شاسعة وباردوا كان الصومال عم يستقبل يمنين وسورين بأزماتهن أنا التقيت بيمنين والتقيت بسورين بالصومال استغربت أنه كيف وصلتم إلي هنا هلا ربما اليمنين في طبعا جغرفيا مسافة قريبة ولكن الشعب السوري أيضا الذي عاني ما عناه يعني وصل هذا الأمر للصومال والصوماليون استقبلوا السوريين بفرح وبلهفة وبإستقال عربي لأخيه العربي وهيدا مش شعر هيدا واقع التمسته بأرض الواقع فهايدي اللهفة العربية موجودة من شعب فوق معانته فتح أبوابه واليوم يطلب من العالم العربي تحديدا من العالم العربي زورا الصومال زوروا مقاديشوا مسؤلة التسويق بفندق اليت بتقولي بنهاية حديثها حبيبي قم تو مقاديشوا ههههههه ۔۔ " عبدالله "

طيب هلا عالصعيد الشخصي كنا بنحكي بالكواليس علي اخراج الصوت " محمد" علي الصعيد الشخصي شو أكتر الشغلات اللي حبتها بالصومال والتجارب اللي عيشتها وأضافتلك شئ يعني مثلا الأكل هههه ۔۔۔ " مها "

الأكل المطبخ الصومالي غني فعلا ومتل ما قولتلك مها اليوم الصومال هي دولة لديها المساحة البحدية الأكبر بأفريقيا أكبر شاطئ فا مافي استغلال لثورة سمكية كتير وأنا هيدا الشئ سألت عنه يعني فعلا المأكولات البحرية رائعة بالصومال وبفن يعني بيحضروا الأطباق البحرية بس ما في استغلال لهيدا البحر بعدوا للبحر أو المأكولات البحرية أو الثورة السمكيه بعدوا المجتمع الصومالي يفضل الريف يعني الزراعة والأبل لحم أبل كله هنيك يعني أنا ما اتجرأت أنه أكل لحم أبل للأمانة

" عبدالله "

والله غريب أنه ما عندك حب لتجرب الأطباق الجديدة ۔۔ " مها "

الأطباق الجديدة يعني البحرية أو الدجاج يعني بس الأبل مع العلم انه يبدوا جدا لذذ وفعلا طبق رئيسي لدي الصومالين بس ما دقته وكمانا عنجد بتعرف الواحد كنا عم نحكي لما يسافر علي ثقافات وعادات مختلفة غير انه مجتمع محافظ ويحترم الانسان ويحترم المرأة كثيرا كمان بالأكل وبهيدا الأمور جدا محتدم ومثلا كنا نكون قاعدين يعني مع مجموعة صومالية قبل ما انتهي انا من تناول أكلي وقوم من علي الطاولة هم ما بيقوموا لأنه انا ضيف بالنسبة لإلهن يعني انا ضيف ببلدهم فهيدا اللهفة موجودة وين ما كان كنا بنصور بسوبر ماركت او مول وهو زكبر متجر بالعاصمة مقاديشوا وكمان اتعرض لعديد من العمليات الارهابية فكان جزء من التصوير انه نحن نتسوق فبالنهاية مثل ما بيقولو عبوا العربية عربية التسوق وأخدوها دغري علي السيارة يعني شعب هالقد كريم هالقد بدوا الاخوه العرب يعرفوا عنه يجوا يزوره يعرفوا جمال المدينه لأنه فعلا مدينه حلوه ۔۔ " عبدالله"

عبدالله شكرا كتير لإلك علي وقتك بالدرجة الأولي وعلي جهدك في هذه الرحلة للصومال ومقادشوا تحديدا بإنتظار كل هاي التقارير والمواد اللي عم تجهزوها بنتمنالك التوفيق اثناء اعدادها وبدي حس المستمعين والمشاهدين انه يتوجهوا الي منصاتنا أخبار الأن ۔ نت قسم الصحافة الإستقصائية  ليشاهدوا كل ما ذكره عبدالله تباعا

ونلقاكم ان شاء الله بتحقيقات ورحلات أخري  ۔۔ " مها "

شكرا مها لإلك دايما علي الاضاءة علي عم القسم الاستقصائي وأيضا علي الاهتمام يعطيكي ألف عافية  ۔۔ " عبدالله "