مناقشة حلقة "متى سيعلن الذكاء الاصطناعي سيطرته على العالم" مع فرح الكردي

محمد علي

محمد علي، مقدم البودكاست المفضل، يستضيف فرح الكردي، مقدمة بودكاست سهرة بزنس والمؤثرة الاجتماعية في سياقات التكنولوجيا والذكاء الاصطناعي والأعمال، في نقاش يتناول تأثير الذكاء الاصطناعي على حياتنا الشخصية والعملية بطابعه السوداوي من ناحية والإيجابي من ناحية أخرى. فمن يسود؟

تابعوا البرنامج على تطبيقات البودكاست

دبي (أخبار الآن)

استكمالاً للحلقة السابقة من البودكاست المفضل.. مناقشة حلقة “متى سيعلن الذكاء الاصطناعي سيطرته على العالم” مع فرح الكردي.

الذكاء الاصطناعي لا يتحدث باللغة الإنجليزية أو البرتغالية أو الاسبانية أو باللغة العربية الفصحى فقط، بل يتحدث باللهجات المصرية، والسورية، والعراقية والمغربية وغيرها!

فماذا سيحصل إذا تحدث الآن باللهجات، ثم دخل بنطاق المشاعر والأحاسيس، وانتهى به الأمر بتطوير شخصيته المستقلة بطباعها وأهدافها ومشاريعها الخاصة؟!

محمد علي، مقدم البودكاست المفضل، يستضيف فرح الكردي، مقدمة بودكاست سهرة بزنس والمؤثرة الاجتماعية في سياقات التكنولوجيا والذكاء الاصطناعي والأعمال، في نقاش يتناول تأثير الذكاء الاصطناعي على حياتنا الشخصية والعملية بطابعه السوداوي من ناحية والإيجابي من ناحية أخرى. فمن يسود؟

من وجهة نظر محمد وفرح، العد التنازلي لهيمنة الذكاء الاصطناعي على البشرية قد بدأ بالفعل!

ما رأيكم أنتم؟

يمكنكم مشاهدة الحلقة أيضاً على يوتيوب:

نص الحلقة :

طبعا ال AI  ليه حاجات كدا بس انا بحبه انا عارفة انه هيحتل البشرية وهيموتنا كلنا بس انا بحبه مش عارفة ليه " فرح"

 

ازيك يا فرح " محمد"

الحمدلله " فرح "

عاملة ايه منورنا ومنورة البودكاست المفضل ومنورة الدنيا كلها " محمد"

 

أنا مبسوطة اوي اوي اوي بجد انه انا معاكم " فرح"

واحنا اكتر والله واحنا اكتر

عايزين ندردش شوية بخصوص الذكاء الاصطناعي " محمد"

 

اهم موضوع دلوقتي في العالم كله " فرح"

 

بالظبط قالب الدنيا انا شايف من اللي بيحصل من خلال الفترة اللي فاتت انه الذكاء الاصطناعي بقي بيدخل في كل حاجة في حياتنا شغلنا البيت اليوميات بتاعتنا الصور"محمد"

 

كل حاجة وبالذات كمان عايزة اقولك بقي الناس في الشغل يعني احنا مثلا صناع محتوي خلاص شغل كبير من شغلي اتحول AI ۔ "فرح"

 

بالظبط " محمد"

فهو فعلا مسابش حاجة مدخلش فيها " فرح"

مبدئيا كدا من قبل ما نبدأ بما انه احنا البودكاست اسمه البودكاست المفضل ايه هو البودكاست المفضل بالنسبالك ؟"محمد"

 

يعني بص انا مش عارفه هيكون بودكاست ايه بالظبط بس انا بحب جيري في اوي وبتفرج علي كل الفيديوز والبودكاست بتاعته هو ده اكتر حاجة مفضله عندي فهو جيري في بيعمل فيديوز بقي عن الماركتنج عن يعني كل عن البيزنس عن كل حاجة لو عايز تفضل اب تو ديت في حته الكوبليرشن لازم تتابعه فهو ماي فيفورت  "فرح"

 

حلو جدا " محمد"

 

طب وانت ايه اكتر بودكاست مفضل ؟"فرح"

والله حاليا اكدب عليكي لو قولتلك انه في واحد محدد هو البودكاست المفضل لان انا وظيفتي ان انا بحاول اساعد الناس اننا نستكشف ايه هو البودكاست المفضل لينا فأنا في رحلة استماع مستمره عمال اسمع من هنا ومن هنا ومن هنا بدأت مؤخرا بقي اسمع بالانجلش اكتر لانه في بالذات الناس بده سابقة اوي في حته ال اه اي فالحالة دي تحديدا بلخص فيها ليكس فريدني عمل بودكاست يستضيف فيه الياس الراجل ده فيلسوف وكاتب عن الذكاء الاصطناعي افكاره كلها سوداويه وشايف انه الذكاء الاصطناعي ده هيموتنا كلنا

"محمد"

 

هو في ناس كتير بص مش عارفة بحس في ناس كتير خايفة منه وهو يخوف يعني انا لسه امبارح لعبت حد عامل بقي بالذكاء الاصطناعي أنه ريبوت تلعب ضده اير هوكي "فرح"

 

واو ! "محمد"

 

كان في مهرجان كنت فيه فانا اصلا اول لما شوفته اتحمست جدا وروحت رايحه واللي هو لا خلاص هاخد دور وجربت العب معاه تحفه وشاطر جدا بس الفكره انه هو كان عنده زي احنا عندنا ايد واحده وهو عنده اتنين فبيعرف يصد محترف بس دخلت فيه جونين وعنده احتفاليه شوف عاملين له البروجرامنج بتاعه لما يكسب يقعد بقي يعمل كدا مرعب والاطفال اللي هو كانت منبهرة بيه فهو زي ما قولتلك دخل في كل حاجة ووصل حتي الاطفال "فرح"

 

طيب تعالي كدا نبص في الاسئله اللي احنا كنا مقدرنها "محمد"

 

اوك "فرح"

بمانسبة  للتطور الرهيب اللي حصل في الفترة اللي فاتت كصانعة محتوي بتستخدمي الذكاء الاصطناعي قد ايه في يومك مثلا او في الفيديوهات اللي انتي بتصنعيها"محمد"

 

اول حاجة اول حاجة يعني الذكاء الاصطناعي تحفة فيها واي صانع محتوي مش بيستخدم ده هو مش بيستخدم ده هو مسينج اوت ايه بقي ؟ الكابشنز ممكن تستخدم في ابلكيشن اصلا اسمه كابشن ده بيستخدم الذكاء الاصطناعي بكل سهوله بتحط الفيديو عليه وبيطلعلك السب تايتل بتاعت الفيديو ب 100 الف لغة وعمل كمان حاجة تانية دي استخدمتها كنت عملت فيديو عن كيلوبترا والفيديو بتاع نتفلكس وكدا فكنت عايزة اترجم الفيديو بالإنجلش بس مش ترجمة بس كنت عايزة اني اكون بتكلم بالإنجلش والفيديو ده حطيت فيه ايفورت كبيرة اوي فمكنتش عايزه اصوره تاني فلقيت اوبشن انك ممكن تعمل دابينج بال اه اي فعملت دابينج للفيديو بالانجلش وكان في 100 الف لغة تانية وكان تحفة ونزل فعلا والناس شافتة ووصل اودينس اكبر وعارف مثلا مستر بيس بيستخدم الذكاء الاصطناعي علشان يعمل كدا دايما كل الفيديوز بتاعته بالاسباني ومش عارفة والألماني والانجلش وكل حاجة علشان يوصل لعدد كبير من الناس فدبنج والسب تايتل هخلاص ده أساسي لازم تستخدمة في الذكاء الاصطناعي بالنسبة بقي لشات جي بي تي وحتة انك تدور علي معلومات عليه لو بحضر ورك شوبس او حاجات كدا تمام بس في الفيديوز نفسها هو اتس نوت تريندج وباردوا متعرفش السورسس دي جايبها منين يعني المعلومات اللي هو جايبها دي "فرح"

 

لازم تدوري وراه"محمد"

فممكن اللي هو يساعدك في افكار عامة بس كريسيرش وحاجات تنشرها عندك علي الصفحة مش بستخدموا علشان مبثقش فيه

طيب انت ايه ؟"فرح"

والله انا بدأت مؤخرا اخد منه افكار تساعدني اني انا اظبط او اطلع الشغل بتاعي في وقت اسرع شوية يعني مثلا قبل ما اقعد معاكي انا قولت طيب لو في اسئلة معينه انت عايز تقترحها عليا انا انهاردة هعمل انترفيو مع فرح فرح كذا كذا كذا وهنتكلم عن كذا فاقترح عليا شوية اسئلة من وجهة نظرك بما انك هتجيب التايهة يعني "محمد"

 

بالذكاء بقي ههه "فرح"

 

اه يعني طلعلنا أسئلة كريتف شويه ف والله يعني شويه طلع شويه افكار حلوه لكن بشكل عام مش حاسس اني معتمد عليه اعتماد كبير حاسس انه احنا لسه عاملين نجرب ومبهورين اننا صنعنا حاجة زكية وايه ده بترد علينا ده مش عارف ايه ده انا لو سألته بالمصري هيرد عليا انا بس قعدت اجرب يعين مثلا انا داخل الحلقة دي بالانترو كاتب فيها انا معايا 5000 جنيه وعايز ابقي غني جدا في خلال سنه ممكن تقولي اعمل ايه ؟ السؤال ده انا كتبته بالظبط كدا في الشات جي بي تي ورد عليا

 

طلعلك اجابة فعلا ؟"فرح"

 

قالي هو هدف صعب جدا انك تبقي غني جدا خلال سنه بس انت ممكن تعمل واحد انتنين تلاته اربعه خمسه انك تحافظ علي كذا وتوفر فلوس وتطور من مهاراتك وكذا وكذا اجابه مقنعه جدا وواقعية جدا ولطيف انه بيفهم اللهجات انا بتكلم بالهجة مصري اللي احنا بنتكلم بيها عادي وممكن اقوله رد عليا بالمصري يقولي حاضر ياباشا

 

لا والله ؟

 

والله العظيم

 

بس موضوع مرعب ، انا مرأة سمعت انهم بيتعلموا حاجات احنا مش طالبين منهم انهم يتعلموها يعني مثلا مره حد اداله جمله واحده بالبرتغالي او كدا فهو البرورجرم طور نفسه واتعلم كل اللغة البورتغالية ليه ليه ! فخطر جدا فالموضوع اللي انت بتقولة ده اتس فيري ادفانس"فرح"

 

بما اننا اتكلمنا علي انه بيفهم لهجات لسه من كام يوم جوجل اعلنت عن الطرق اللي بتستخدم فيها ال اه اي اللي هو بارا او مش عارف

 

اه اسمه غريب اوي

 

مش عارف انا بصراحة لقيت انه هو اول حاجة عملتها بدات اساله بالعربي هل تتحدث العربية ؟ فقالي لا لسه والله هههه

 

ان شاء الله قريب هتكلم

 

يعني بص انا شايفه انه قريب جدا الذكاء الاصطناعي هيبقي ليه تاثير اوي جوجل بتحاول تاخد شويه فلوس من اوبن اي اي وشات جي بي تي عايزه تكسب شويه ف انا مش حساه ناجح انا مجربتوش قبل كدا مجربتوش خالص بس هما بيقولو انه قدام لما تيجي مثلا تدور علي جوجل مش هيطلع بقي ويب سايت وحاجات

 

 

 

على الفلوس الي الناس بتدفعها علشان تظهر الاول

 

محمد :  صح

 

فرح : " وبعدين هو هيسرق كده معلومات الي هو انت جايبلي المعلومات دي منين طيب ما تقولي ممكن تبقى من بلوج مثلا ملهاش اي مصداقية

 

محمد : " صح ، صح

 

فرح : " فمش عارفه الموضوع محير الصراحة

 

محمد: " امممم ، حلو جدا مش شايفة انه ممكن قدام يحصل مثلا خناقة او يحصل حاجة زي open ai vs Google   القصة مثلا واحدة بنت جديدة مثلا بعد عمر طويل تطلع تقلد فرح او تعمل محتوى زي الي فرح بتعمله وتتكلم عن ازاي بدأ chat gpt  وازاي بدأ "

 

فرح:" للأسف ، للأسف ده اساسي هيحصل وعايزه اقولك انه احنا اصلا ابتدينا نشوفه شوفت الي هو الصور المتركبة بتاعة الملك شارلز ، احنا ابتدينا نشوفه في الصور فطبعا في الفيديوهات واحدة مثلا AI مش حقيقية عملت صفحة وفيديو فهو الموضوع بجد مرعب فاعتقد اه definitely  هنلاقي  وفي ناس اصلا اوريدي ابتدت تعمله سيبك من الصور على تيك توك في ناس عامله pages  وaccounts  بتنزل أخبار  up to date  ل characters ai  ناس اصلا مش حقيقية شكلهم بني اديمن بس هم ملهومش اي اساس من الوجود فتحس انه لا ال competition  ابتدت انا هعمل ايه يعني فربنا يستر بس ده جاي جاي "

 

محمد : " انا بقى في الحلقة بتاعتي عمال اثير مخاوف وكذا وكذا بس احنا دلوقتي عايزين نبص شوية للجانب المشرق "

 

فرح : " ياريت "

 

محمد: " اه ،انا شايف انه ممكن يبقى الذكاء الاصطناعي ده او ال tools  الي عماله تطلع وببتطور لو هنفكنا خالص من الجانب السلبي ، الجانب الايجابي ممكن يفتح فرص جديدة او يفتح فرص غريبة للشباب بالزات الصغير انه هو يطور من نفسه او انه هو يتعلم حاجة جديدة او ممكن كمان يصرف نظر شوية عن فكرة الوظيفة ويحاول انه هو يصنع حاجة لنفسه انتي ايه رأيك في الكلام ده ؟"

 

فرح : " انا اوافق جدا و طبعا ال AI  ليه حاجات كده بس انا بحبه انا عارفه انه هيحتل البشرية وهيموتنا كلنا بس انا بحبه اوي مش عارفه ليه ، لان هو زي ما انت قولت هو هيسهل علينا حاجات كتير اوي منها الطريقة الي احنا بنشتغل بيها كل الناس دلوقتي في الشركات محدش بقى بيعمل ال power point  والجو ده ويقعد بقى يدور على content  هما بقوا بيكتبوا بيطلعلك في ربع ساعه تبقى مخلص كل الباوربوينت شايفه الي قدام كمان حتة ال documents  الي هو الشغل الروتيني ده هيختفي ال AI  هيسهلنا الموضوع ده ، ايه كمان ، حته بقى احنا كحياتنا سيبك بقى من صناعة المحتوى ، احنا كحياتنا يعني مثلا في رمضان كنت عملت ان في ناس بيطلعوا recipes  من على  chat gpt  انت تطبخ اصلا بالذكاء الاصطناعي يطلعلك بقى recipes  وفي حد طلع  فيديو تحفة جرب يعمل chocolate ship cookies  بالذكاء الاصطناعي "

 

محمد : " واااو "

 

فرح : " هو أصلا وهو بيعملها كان خايف انها تطلع حاجة غريبة ، طلعت تحفة فقصدي هو هيساعدنا في مجالات كتير اوي منها الشغل منها الطبخ منها الخروجات انت ممكن تسأله دلوقتي هنروح فين مش عارفه اعمل ايه فلا لا "

 

محمد : " عايز ارجع تاني لحتة الطبخ دي لاني مش قادر افهم اصلا طيب هو ازاي فهم ان المقادير دي مع بعض هtaste  good. "

 

فرح : " عايزة اقولك اني جربت وقعدت مثلا اقوله make it a little bit crispy  خليها مثلا مقرمشة أكتر يغيرلك في recipe   ويطلعها "

 

محمد : " واااااو "

 

فرح :"  very interesting   "

 

محمد : " اللطيف بقى او الغريب ، انا شايف انه التحول في 2023  تحديدا ، ال curve  نفسه عمال يبقى يعني exponential مرعب "

 

فرح : " جدا "

 

محمد : " التطور كل يوم عمال بشوف خبر كل يوم اشوف خبر في tool جديدة في تطور جديد  ، goole  اعلنت مش عارف مين كذا وبقى mobile application  بقى كذا  ،كل ال tools  بقت بتستخدم و ال APIs بقت شغالة في كل حتة "

 

فرح : " بس عارف في حاجة انا متحمسة علشانها جدا وعايزة اقولك انا حرفيا بحوش علشان اجيبها عايزة اجيب a humanoid robot  مش عارفه انت سمعت عنه ولا لا  ، روبوت كانه انسان فيه شركة اسمها ameca  دي شركة ذكاء اصطناعي بتعمله تحفة بص هو كانه ، هو بني ادم بيضحك ، بيكشر ، بيعمل reactions بجد واقعية جدا وبيقولك الصناع بتوعه بيقولك في اول دقيقتين لما بيقابلك يقدر خلاص يبقى صاحبك ويتكلم معاك لذيذ كده الي هو روبوت لذيذ "

 

محمد : "بياخد عليك "

 

فرح : " غير كده كمان انت تقدر تشتري نصه الاولاني ، الجزء الاولاني او الجزء التاني منه يعني تشتريه على أجزاء مش لازم تشتريه كله لانه طبعا غالي جدا ، والناس بقى بيقولك انك تقدر تستخدمه في ايه لو عامل عيد ميلاد تقدر تأجره مش لازم تشتريه ، تقدر تأجره وهيجي وهو بقى هينزل المشروبات وال الأكل ويرحب بالناس ، ممكن تجيبه عندك في البيت يساعدك بقى في حاجات البيت وتطلب منه ، انت متخيل العالم رايح على فين "

 

محمد: " انا خايف  "

 

فرح : " انا متحمسه اوي "

 

محمد:" شفت بقى هي متحمسه ،انا خايف "

 

فرح : " بجد والله ، أصل انت لما تفكر فيها وهو انا شوفتله videos وعملوا experiments  مع ameca  ده فحد عايز يحط ايديه على مناخيره ، مناخير ameca  فبيقولك عامة لو هو مش متبرمج حلو كده ممكن مثلا يعمل رده فعل عنيفة يضرب الشخص الي قدامه ، مضربوش ولا اي حاجة هو رفع ايديه بالراحة ونزل ايده بجد رد فعل بشري اوي ونزل ايديه وراح خلاص باصص قدامه واتعامل عادي "

 

محمد : " انتي قولتي مع انه متبرمج انه ممكن يضرب "

 

فرح  :" طبعا لا لا  "

 

محمد : " يدافع عن نفسه المفروض يعني "

 

فرح : " اه بس ameca  آخر مره قريت ناقصه بس انه يمشي مبيمشيش ، يشتغلوا على الرجلين شوية وهتبقى زي الفل "

 

محمد : " هيبقى جامد جدا "

 

فرح : " انا هجيبه "

 

محمد  :" هتجيبيه هتحوشي  "

 

فرح : " انا بقولك اهه ، لا بس بزمتك مش حلو "

 

محمد :" والله هو حلو بس في نفس الوقت اكيد مرعب برده انا بالنسبالي معرفش يمكن علشان انا عندي مثلا يعني عندي بنات عندي ولادي الي هو لو اتخيلت انه هما حبوا حاجة زي كده يا بابا احنا عايزين كذا مثلا فالي هو وصلنا للعصر ده الي هو في ايدينا انه احنا نجيب tool   زي كده في البيت يعني طيب ما ممكن يعمل كوارث "

 

فرح  :" بس برده هيسهل علينا حاجات كتير يعني مثلا يقعد ينضف ، يغسل المواعيد حاجات كده "

 

محمد: " طيب ما عادي احنا ممكن نجيب ناس تساعدنا تنضف بشر عادي ليه نجيب روبوت "

 

فرح : " وجهة نظر ، الصراحة وجهة نظر "

 

محمد : " ده الي بكلمك فيه بقى ، احنا كبشر معجبين اوي بفكرة انه احنا صنعنا حاجة قوية وايه ده ده احنا مبهورين وسايبين كده التطور يعني بنغض الطرف كده عن التطور الي بيحصل ده باصين اوي للصورة الجذابة انه احنا بشر شاطرين عملنا ذكاء اصطناعي "

 

فرح : " لا بص هو احنا مش شاطرين ، احنا هنودي البشرية في داهية "

 

محمد :" اوك "

 

فرح :" علشان نبقى واضحين ، هو اه في حاجات حلوة بس مثلا مش عارفه كنت شوفت الي هو ال videos  الي هما بيدربوا في الصين ، بيدربوهم انهم يخشوا حرب دي فيديوهات مرعبة تخليك انا مش عايزة اي حاجة من الدنيا ، تشوف عاملين جيش من الروبوت واقفة بتعمل نفس الحركات في نفس اللحظة وحتى كنت شوفت فيديو من ٢٠١٨ او ٢٠١٩ ازاي عملوا كده روبوت ده بقى مرعب ده سيبك بقى من الجيش وكده ده بيحاولوا انهم يدمروه وهو واقف واحطينله حاجات وبيضربوه على راسه بيوقعوه وبيضربوه بالشلوت مبيموتش ومبيوقعش حتى لما بيقع عادي بيظبط نفسه وبيرجع راسه تاني وبيقف ، الفيديو ده انت لازم تشوفه فهو في خوف "

 

محمد : على فكرة انا شوفت حاجة زي كده قديمة ، ده بجد كان حقيقي "

 

فرح : " ده كان حقيقي ، تخيل ان ده كان قديم ، انا بقولك ده كان في ٢٠١٨ او ٢٠١٩ كان قديم طيب تخيل بقى دلوقتي مع كل ال التقدم الي هو فيه ده ممكن يعملوا ايه يتشقلب في الهوا يطير ، عايزه أقولك احنا هنبص بعد ١٠ سنين على البودكاست دي ونقول ده احنا كنا بنقول كلام "

 

محمد : " كنا طيبين اوي "

 

فرح : " اه وهيبقوا ماشين خلاص حوالينا في الشرع يعني ربنا يستر "

 

محمد: " يعني انتي شيفة لو هنحاول نجاوب على سؤال الحلقة : امتى هيعلن الذكاء الاصطناعي سيطرته على العالم ؟ تفتكري ايه الاجابة المقنعة من وجهة نظرك ؟ "

 

فرح  : " بص انا شايفة ان مفيش توقيت معين انا شايفة انه هيفضل يتقدم يتقدم يتقدم واحنا ممكن نقضي عليه او هو definitely هيقضي علينا  لكن هو مش هيسيطر على العالم بص مش عارفه بحس التكنولوجي اه مرعبة بس برده يعني هنقدر نسيطر عليها بشكل او بآخر مع ان ده مش رأي ايلون ماسك "

 

محمد: " ايوه "

 

فرح : " الي انا بقتنع برأيه جدا "

 

محمد : " ايوه انتي بتحبي ايلون ماسك "

 

فرح :" انا بحب ايلون ماسك ، بحترم عقليته مع انه هو السبب اصلا يعني هو ادي funding  ل open ai   وكل الكلام ده فهو دلوقتي خايف مرعوب ، بس انا مش مرعوبة حاسه انه احنا بطريقة او بأخرى هنلاقي ثغرة كده نقوم داخلين ونعرف نسيطر "

 

محمد : " هو من وجهة نظر علماء كتير احنا يعني في ناس كانت بتقترح زي مضوا على ورق او حاجة زي كده انه احنا يا جماعة لازم ناخد pause  مثلا ٦ شهور نوقف الي بيحصل ده لغاية ما نشوق احنا ممكن نعمل ايه علشان  نقلل او نخفف من حدة الأخطار الي ممكن تحصل "

 

فرح :"بس مهديوش ، موقفوش ، مرضيوش يوقفوا "

 

محمد : " ما دي حاجة تخوف "

 

فرح : " هو الفكرة انهم عايزين يعملوا اكبر قدر من الفلوس الي يقدروا عليه وانت عارف عامة في البيزنيس الناس الي بتخش الاول بتقدر تعمل اكتر علشان كده google  قالت لا هو chat gpt  لازم اخش ، فالكل عايز يخش علشان الفلوس ويستغل الفرصة دي ، زي ما كده الانترنت ابتدا في الأول ، amazon  جيف بيزوس راح داخل وعمل وهو فاهم بقى عنده السيطرة الكاملة على الاونلاين شوبينج في الاول فنفس الحاجة ، انا مش عارفه مش متأكده من الي جاي بس يعني هنشوف تخيل لو خلاص سيطروا علينا "

 

محمد :"  طيب تعالي نتخيل حاجة تانية انا كنت برده قريت وانا بدور على الاجابات للأسئلة بتاعتي في الحلقة دي انه الي هيليد في AI  By 2030                هيحكم العالم "

 

فرح : " دي حقيقة لان بالزات خد بالك دلوقتي سيبك من AI  السوشيال ميديا  اصلا كل ال algorithms  بتاعتها بقت معتمدة على AI  فالي هيليد ده هيبقى مسيطر على السوشيال ميديا الي خلاص بقى أكتر من ٥ مليار بني ادم في العالم عليها  فهو معاه دماغ الناس ويقدر يوصل لكل الناس "

 

محمد : " صح "

فرح : " حتة الlife style   كل ده هو ليه دخل فيه غير كده كمان هو اكتر يعني أكتر جزء مرعب او انا مبحبوش في AI  جزء الحرب ان الناس ابتدت تحضر جيوش ، الجيش ده هو ده انت معندكش سيطرة عليه زي ما قولتلك ال videos  القديمة ، حتة يستخدموها في الخرب او انه هما يسيطروا مثلا على بلد معينة ده أكتر جزء مرعب فهيسيطر على العالم ، على ٢٠٣٠ اوافق بشدة "

 

محمد: " ربنا يستر ، طيب تعالي نسأل سؤال سريع كده ، ممكن توصفيلي تصورك على المستقبل في كلمتين ؟ "

فرح : " بص تصوري عن المستقبل ان في شغلانات كتير هتختفي بدل الي موجودة دلوقتي ، شغلانات كتير هنختفي ، دي اول حاجة اساسي وهيظهر طبعا شغلانات جديدة ليها علاقة بالذكاء الاصطناعي و علشان مطولش عليك انا شايفة ان الناس ، اي حد دلوقتي بيطور نفسه وبيستخدم الذكاء الاصطناعي هيسبق كل الناس ، هيعمل فلوس اكتر  هيتعلم اسرع ، هيعرف يختصر على نفسه وقت ومجهود في حاجات كتير اوي ، فالناس الي بتستخدم الذكاء الاصطناعي من الأول هي الي هتسبق هو ده الي انا شايفاه في المستقبل "

 

محمد: " صح جدا انا اتفق معاكي وشايف كمان انه استخدامك للذكاء الاصطناعي يعني دي مش حاجة صعبة خالص انك تستخدمه ده بالعكس ده الموضوع اسهل ال tool  جاية لحد عندك  وبتتشات معاك بمنتهى السهولة كأنك بتتشات مع واحد صاحبك "

 

فرح : " بالظبط و الصراحة بشوف عامة احنا كأشخاص دلوقتي مسؤليتنا انه احنا نطور نفسنا ونكون flexible  متبقاش لا لل chat gpt  خش وجرب ، طور من نفسك متبقاش restricted اوي ، فالمفروض دلوقتي نبقى up to date  "

محمد : " طيب حلو في كلمتين بقى  "

 

فرح : " ليه بتصعبها عليا "

 

محمد : " هو السؤال كده "

فرح : " المستقبل في كلمتين  i think   هيكون في تطور اكتر  "

 

محمد : " تطور اكتر ، حلو جدا يعني نظرة متفائلة جدا "

 

فرح : " والله نظرة متفائلة ، انا شايفة ان المستقبل هيبقى احسن بالذكاء الاصطناعي بس هو الاشرار ميحطوش ايديهم عليه وهنبقى في السليم "

 

محمد : " طيب حلو جدا ، لو اتكلمنا specifically  على business midnights ، انا متحمس جدا ل season           ٢ "

 

فرح :" وانا كمان جدا ، لان هو أغلبه او مش اغلبه هو كل الحلقات على الذكاء الاصطناعي من شغل من  tools  من قصص او اصلا ازاي cha gpt  ظهر ، ازاي ال humanoid جت  هنتكل في كل حاجة كده بطريقة لذيذة كده مفيهاش تعقيدات "

 

محمد : " احنا كمان بنعمل الشكل الجديد "

 

فرح : " شكله حلو جدا و شايفة كمان ان احنا ندخل حاجة كمان زي الحاجات مش البلوتشينج  definitely ال AI  وكل الحاجات الي جاية قدام "

 

محمد: "انا متحمس جدا اني اسمع "

فرح : " وانا كمان اوي "

 

محمد : " ان شاء الله تطلع حاجة حلوة جدا ، طيب انتي نظرتك لل AI  برده متفائلة عن  ناس كتيرة جدا في حاجات معينة انتي بتكرهيها او مش بتحبيها في AI  بشكل عام "

 

فرح : " يعني بص الحاجة الوحيدة بس الي انا مش بحبها في AI   بحس انه هيسيب ناس كتير اوي يبقوا  left behind  ، ناس كتير اوي هتخسر شغلها وعلشان اغلب الناس او احنا طبيعتنا كبشرية اي حاجة طالعة جديدة بنهاجمها ، اي حاجة جديدة مبنحبهاش ، فبس الناس  الي هي بحس مش بتطور من نفسها هتتساب ، هتخسر شغلها مش هتبقى فاهمة اوي السوشيال ميديا او ايه الي بيحصل فهو ده عيبه انه هو هيأثر اوي على حياة ناس كتير ملهاش علاقة بالتطور او الي بيحصل "

 

محمد :" صح انتي عندك حق انتي متعاطفة مع الناس دي الحاجة "

 

فرح : " متعاطفة مع الناس بالظبط و زي ما قولتلك حتة الحرب ودي مشكلة ال AI يعني الموضوع بقى أكبر  من انت يبني وقف ، الموضوع كبر وبعدين دلوقتي احنا نعرف حاجات معينة تخيل بقي الناس الي بتشغل واحنا منعرفش عنهم حاجة وبيطوروا التكنولوجيا دي "

 

محمد :" طيب ما ده ياخدنا لحد زيhenson  jeffrey الراجل الي طلع من جوجل الراجل الملقب بالاب الروحي للذكاء الاصطناعي انه انا بقدم استقالتي يا جماعه وطلع حذر العالم بشكل عام من مخاطر الموضوع ده بيقول انه مش بس انه احنا اكتشفنا ان الحاجات دي اذكى مننا لا ده المشكلة في انه احنا بقى بنعمل ايه دلوقتي علشان نقلل او نحاول نكافح المخاطر دي فلما الراجل ده يقول الكلام ده "

 

فرح : " تعرف ان في خطر ، تعرف انه احنا داخلين على ايام سودة ، وتعرف انهم فقدوا السيطرة انه هو لا انت وقف شغل انا مش هوقف ، فاهم هي دي الخطر ، الموضوع ابتدا يكبر ومش عايزين يوقفوا شغل ال AI  دلوقتي انه بيطور نفسة لوحدة هو بقي بيتعلم حاجات مش بتحطها في البروجرم لا هو بيتعلمها لوحده زي ما قولتلك كلمة بورتغالي هو اتعلم اللغة لوحده ۔"

 

محمد:" الراجل الفيلسوف ده بيطرح بوث كيس سيناريوا شايف من وجهة نظره بخيالة يعني كراجل فيلسوف شايف انه في يوم من الايام في مختبر للمعامل الطبية مثلا لو مع اني استخدم ال AI واحنا كبشر حاطين له لميت معين انه ميصنعش ذكاء اصطناعي اقوي منه ال  AI  ده حصل انه هو عدي الليمت ده وبدأ يكتب ال NEXT AI نسخة أقوي منه النسخه دي بتضم الكيس بتاعت كل المعامل اللي حواليه في كل العالم هما اتواصلوا انتيرنلي مع بعض بيقول انه ممكن يحصل ورث كيس سيناريوا بيقول انه ممكن يدي معلومات للمعامل اللي فيها الذكاء الاصطناعي بانها تصنع بكتريا مش عارف ايه كدا وتتحقن في دم البشر وتاني يوم كل الناس الي علي الارض هتموت بنفس اللحظه هو بيقول انه ممكن يحصل لو AI  ذكي بنفس مستوي ذكائي ولو اذكي ممكن  يعمل ده بطريقة اسهل بكتير ۔ "

 

فرح :" هو السيناريوا أسود للاسف بس هو واقعي واقعي جدا هو ممكن يحصل طبعا وبالذات مع حته معلومه انه بيطور نفسه لوحده وبيعلم نفسه حاجات فده ممكن بس مش عارف ليه بيجي في دماغي عارف الافلام انه بيكون في شريحة في دماغ الناس او ايديهم وكلهم بيسيطروا علينا هو ده بالنسبالي المستقبل ۔

 

محمد:" طيب لو ده حصل انتي هتوافقي انك تحطي الشريحة ؟"

 

فرح :" هو محدش هيكون عنده اوبشن يحط الشريحة او ميحطهاش هو ساعتها كله هيوقفونا كده تك تك خلاص ۔"

 

محمد:" وده ساعتها اللي انا قولته في الحلقة هو فكرني بموضوع الفاكسين اللي اخدناه احنا مضطرين ۔"

 

فرح :" لا حسيت انه في تشويس خد بالك ساعتها ال AI مكنش كدا حاسه انه في طريق اجباري هو حتي ممكن يحطهولنا في حاجة مثلا واحنا منعرفش حاسه هيحطوهلنا في حاجة مثلا عارف أفلام ال AI وحاجات المستقبل ههههه ۔"

 

محمد:" هتحصل في الواقع هههه ۔"

 

فرح :" أه بس تخيل هتحصل في الواقع بقي ههههه :"

 

محمد:" شايف انه حد بيتكلم في فكره التشيكس والحاجات اللي بتتحط دي انه وافق انه يعملها ناس كتير في الكومنتس بتقوله انت لو عندك سوبر مومري هتفتكر كل حاجة بتزعلك لا دي كارثه انا موافقش وفي ناس واو انا هقدر افتكر كل حاجة انا هبقي سوبر انت تشوف اصلا عارف الاكونت اللي بتنزل اخر الاخبار وكدا الناس دي بتبقي بتتخانق مع بعض وبتقطع بعض في الكومنتس علشان علشان الناس متفائلة جدا بال AI والله وشريحة وكدا وناس تانيه لا ومش فاكره مين كان عمل باردوا زي منضاره او لينسسزز بتخش جوا العين وناس كتير عجبتها الفكره اوي وناس كتير معجبتهاش فهو مستقبل غريب

ده اللي انا وصلتله

فرح :"بس حاسه ان احنا مش هنعيش لحد ما نوصل للشرايح والجيوش يعني لسه لسه بدري ۔"

 

محمد:"ممكن يبقي منطقي ممكن يبقي في لحظة كدا "

 

فرح:"طبعا طبعا اساسي "

 

محمد :" ده الكونكلوجن اللي وصلتله انا مش عارف بيتي مش عارف اني محمد العلماء نفسهم مش عارفين فالاجابة المنطقية لسؤال الحلقه هي منعرفش ممكن اي لحظة

 

ففرح:"بس اهم حاجة ان احنا نفضل UP TO DATE منقعدش بس ننتقد ونقول لا وكدا نعرف اللي بيحصل حوالينا حلو او وحش احنا كدا كدا مبنفهمش في الذكاء الاصطناعي مبنطورهوش ملناش اي يد فيه فهيبقي زينا زي العالم ۔

 

محمد:"طيب يا جماعه احنا بنقول اننا ننتظر سيزون 2 من بيزنس ميد نايتس لان فرح هتبقي بتتكلم اكتر عن ال AI والفرص اللي ممكن نصنعها والحاجات الجانب المشرق شويه يعني احنا هنتفائل بالظبط وفي نفس الوقت لو في حاجة بتحذر الناس او بنوعي الناس احنا بنحاول بس نشاور علي الحاجات اللي بتحصل ونبقي فاهمين ايه بيحصل حوالينا فنستني سيزون 2 وكلنا متحمسين نسمع حاجة جامده جدا ۔

 

فرح:"ان شاء الله انا متحمسة أوي أوي ان شاد الله هيكون حاجة قريبه للناس مفيهاش تعقديات تبقي قصص كدا نعرف عنها اكتر عن الذكاء الاصطناعي في فيديوهات بإذن الله "

 

محمد:"إن شاء الله شكرا جدا يا فرح"

 

فرح:"علي ايه مبسوطة جدا اني كنت معاك "

 

محمد:" وانا كمان شكرا جزيلا"


قائمة الحلقات