سامسونج من محل أرز لإمبراطورية في عالم التكنولوجيا

محمد علي

بدأ مؤسس سامسونج بداية بسيطة ومن أهم أسباب نجاحه هو طموحه و عدم استسلامه.

تابعوا البرنامج على تطبيقات البودكاست

دبي (أخبار الآن)

بدأ مؤسس سامسونج بداية بسيطة ومن أهم أسباب نجاحه هو طموحه و عدم استسلامه.
في هذه الحلقة سنتعرف على السبب وراء نجاح سامسونج و كيف تحولت من تجارة الأرز والأسماك إلى شركة مؤثرة في عالم التكنولوجيا

إعداد و تقديم : فرح و إبراهيم الكردي⁣

نص الحلقة :

قصتنا إنهاردة عن مؤسس واحدة من أكبر شركات الأجهزه الإلكترونية في العالم شركة سامسونج " فرح"
بيزنيس ميدنايتس مع فرح
اهلا بيكم في 5 حلقة من بيزنيس ميدنايتس معاكم فرح وإبراهيم
قبل ما أبدأ أنت أندرويد ولا "فرح"
AUS?
" إبراهيم "AUS
وأنا كمان " فرح "
أنا عايش في الايكو سيستم بتاعهم حلمي يعني " إبراهيم "
أنا مبطيقش الاندرويد " فرح "
لا مش فكره مبطيقش هما ساحلني يعني مش عارف اخرج بره الايكو سيستم بتاعهم يعني تحسي انك خلاص بقيتي غصب عنك كل حاجه ريليتد ببعض فأنا لازم اكون كدا علشان كل حاجه بتسمع بالتانيه " إبراهيم "

أنا فاكره أنه قبل ما اكون أيفون كنت متمسكه أوي بالأندرويد وفاكره اني كنت بتخانق مع اي حد اللي هو سامسونج ولا ايفون لا سامسونج طبعااا " فرح "

فاكره البلاك بري " إبراهيم "

البلاك بري ده كان حوار اوي ، بس انهارده قصتنا عن الاندرويد " فرح "

أنا اكسيتد أوي علشان هي شركة مشهوره وانا معرفش عنها اي حاجه " إبراهيم

جدا ۔۔ " فرح "

يعني أبل

كل الناس تعرف كل حاجه عن أبل أما لما تيجي عند سامسونج اللي هو مش عارف " فرح"

عارفها بس مش عارفه الاستوري ولا حاجه " إبراهيم "

أنا عايزه أقولك إن وأنا بحضر للحلقه دي اخترت سامسونج يعني كان ممكن اختار ابل بس سامسونج بالذات فعلا الناس عامه متعرفش عنها معلومات وابتدت ازاي ومين الفوندر وعمل ايه " فرح "

يلا قوليلنا بقي " إبراهيم "

يلا بينا ، هنرجع بقي لسنه 1910 لما واحد اسمه لي يونج دة من اكتر الشخصيات الطموحه اللي هتسمع عنها وفعلا شوف هو مش مشهور بقي زي الناس اللي بنسمع عنهم
الراجل ده اتولد في مدينه يونج ودرس شويه في جامعه طوكيو بس مكملش دراسته وساب الجامعه بسبب ان باباه اتوفه ورجع تاني علي مدينته اللي هي يونج مكان ما اتولد وقرر هناك يفتح محل غريب جدا تفتكر ايه ! محل رز وسكر ومتسألنيش ليه
ومتسالنيش ايه العلاقه يعني هو قرر يفتح محل رز وسكر " فرح "
رز وسكر بس ؟ " إبراهيم "

بس ، قعد بقي فتره شغال في المحل ده لكنه حس انه مش ده طموحه مكانه مش هنا وشويه الفلوس اللي كسبهم الفتره اللي اشتغل فيها في المحل قرر يستثمرهم في انه يفتح شركه صغيره سنه 1938
" فرح "
شركه ايه بقي ؟ " إبراهيم "

أنا خايفه أقولك كان بيبيع ايه في الشركه دي ، شركه لبيع وتجاره السمك والخضار والنودلز وسمي الشركه دي ايه ؟ سامسونج فتح اول واحده رز وسكر وتاني واحده سمك وخضار ونودلز تيجي تقولي اشمعنا سامسونج ؟
سامسونج ده اسم كوري ومعناه بالعربي 3 نجوم وده علشان كان شخص استريكت وعنده 3 مبادئ اساسيه للشركه بتاعته انها شركه تبقي كبيره قويه ووجدت لتبقي للابد شركه قاعده معانا خلاص للابد والشركه اول ما بدأت كان فيها 40 موظف وقعدت بقي تتوسع تتوسع " فرح "

احنا كنا بنتكلم عن السمك " إبراهيم "

اه احنا بنتكلم عن بدايه شركه سامسونج اللي كانت بتجار في الشمك والنودلز والخضار ما هي بص هي قصه موتره شويه بس مع بعض ههههه ، والشركه اول ما بدات كان فيها زي ما قولتللك 40 موظف لحد 1947 لي نقل مقر سامسونج هي في كوريا الجنوبيه " فرح "

نقلها لكوريا الجنوبه " إبراهيم"
اه بالظبط وبعد كدا قرر انه يسيب كوريا الجنوبيه علشان الحرب اللي قامت بين كوريا الشماليه وكوريا الجنوبيه في الوقت ده وراح علي مدينه اسمها بوسان وفتح مصنع سكر ومصنع صوف كل المصانع اللي عمال يفتحها سمك ورز وسكر ومش عارف ايه ساهمت بشكل كبير اوي انه سامسونج تتعرف امته بقي وصلنا لسامسونج الي احنا نعرفها دلوقتي ؟ " فرح "

بتاعت اليكترونكس " إبراهيم "

ايوه بتاعت اليكترونكس لاني انا توهت منك ههههههه في اواخر ال 60 سامسونج ابتدت تشتغل في صناعه الاليكترونكس واللي حصل في بدايه الحرب العالميه التانيه كوريا كانت حطه خطه بقي في انها تمحي الاوميه الالكترونيه وده طبعا جه في مصلحه مين لي وشركته سامسونج ههه ماشي وتوسع بقي ودخل في اقسام كتير منهم الاجهزه الالكترونيه والالكتروميكانكس والواير ليس كميونكشن كل دي مجالات ابتدا يفرض نفسه فيها تفتكر ايه اول منتج يعني الكتروني انتجته شركه سامسونج اشتغلت عليه ؟ " فرح "

ردايو ؟ " إبراهيم "

لا هديك محاوله كمان " فرح "

لا قولي " إبراهيم "

التليفزيون الابيض والاسود ههه ده كان اول منتج انتجته سامسونج وده بقي كان 1970 وده فتحلهم لانتاج حاجات كتير اوي من الحاجات اللي نعرفهم دلوقتي وسامسونج مشهورين بيها تلاجات تليفزيونات الوان كالكوليتر تكيفيات لدرجه ان سامسونج وصلت سنه 1978انها كانت بتنتج بال 5 مليون تليفزيون واكتسبت بقي شهره كبيره جدا ، يعني تخيل 5 مليون تليفزيون سنه 1978 " فرح "

طيب وانتي شايفه ايه اكتر حاجه سامسونج مشهوره بيها " إبراهيم "

التليفونات طبعا والتليفزيونات والتلاجات باردوا ناس كتير اوي دلوقتي اعرفها عندها تلاجات سامسونج " فرح "

الحلو في سامسونج انه التارجت بتاعها كبير اوي مش زي ابل ولا اي شركه تانيه
" إبراهيم "

جدا لو تاخد بالك من اول القصه هو ليه عايز يتوسع في 100 الف مجال
" فرح "

بس انا هقولك علي حاجه انتي عارفه انهم بيعملوا منتجات كتير اوي لدرجه انه يعني انتي تليفون الابل اي حد ماسكه الديسبلاي بتاعته معموله من سامسونج
" إبراهيم "

أصلا ! " فرح "

أه الشاشه الديسبلاي سامسونج هي اللي بتصنعهلهم اساسا " إبراهيم "

دي معلومه اول مره اعرفها " فرح "

المفروض انه ابل دلوقتي بتاخد القرار انهم يصنعوا الديسبلاي بتاعتهم علشان يوفروا حاجات كتير اوي بس لحد دلوقتي سامسونج داخله في حاجات كتير اوي شوفي بقي هي داخله في كام حاجه شوفي هي بتعمل كام حاجه تانيه غير الحاجات المشهوره والتلاجات والتليفونات " إبراهيم "

ما انا بقولك اعتقد ده كله راجع لمايند سيت بتاعت لي انه عايز يتوسع في كل حته وباردوا حته محو الاوميه الالكترونيه هي اللي دخلته المجال 1980 هي دي السنه اللي دخلو بيها في مجال تصنيع الموبيلات وسامسونج بقت بقي ايه مش في كوريا الجانوبيه لا بقت في المانيه والبورتغال ونيويورك ده كان سنه 1980 ولي موقفش هنا وقرر انه يشتغل علي اول بيرسونال كمبيوتر من انتاج سامسونج ونزلوه سنه 1980 بعد سنتين من لما دخلوا مجال الموبيلات وقعدوا بقي يتوسعوا في مجالات بعد كدا سامسونج اليكتونكس تليفزيونات ديجتال لي زي ما قولنا الراجل ده بدا يبيع سمك وخضار وبدا يبيع سمك وسكر " فرح "

هو ترنزيشن عجيب " إبراهيم "

عجيب وناجح سامسونج بعد كام سنه بقت اكبر شركه لتصنيع الالكترونيات يعني الاستهلاكيه في العالم ولي بقي عنده 77 سنه شوف هو حرفيا افني حياته للالكتورنكس بس مات للاسف سنه 1987 وابنه مسك سامسونج بعديه كبرها وحقق انجزات كتير بس بعدها ب 10 سنين سامسونج بقت اكبر مصنع للوحات الشاشات الكريستال في العالم كله ده بقي تقنيه غير خالص اللي احنا بنشوفها واتشهر جدا شوف ابنه بقي خدها لنيكست ليفل زي ما قولتلك واحد بدأ من الصفر وبقي اغني واحد في كوريا لحد ما مات وبعد ما مات فتحوا بقي ممتلاكاته للناس علشان يعملوا جولات ويتفرجوا علي المجموعات الفنيه بتاعته غير اني قرات انها كنت من اكبر واحلي المجموعات اللي ممكن تشوفها وكمان في شويه قطع كدا الحكومه في كوريا اعتبرتها ثروه وطنيه وكانت المفجأه بالنسبالي انه مكنتش اعرف انه سامسونج كانت انفولفيد في كل حاجه كدا أنه بعد ما لي مات سامسونج اتقسمت ل5 مجموعات شوف انا عاوزه اقولك انه لو انت كنت اتلغبطت في الاول انت هتتلغبط دلوقتي اكتر مجموعه للاجهزه والمواد الكيميائيه ومجموعه للورق والاتصالات ومجموعه يعني ليها خاصه صناعات الميديا وكدا انا بقول كدا باختصار وكمان الشركات دي والاقسام دي منفصلين عن مجموعه سامسونج دلوقتي انت متخيل الارباح اللي الشركه دي بتحققها مجموعات واقسام يعني ايه ده " فرح "

طيب انتي شايفه ايه اللي خلاه يعمل ترانزيشن من سكر لسمك " إبراهيم"

أنا شايفه انها ظروف الحرب في البلد ساعتها وان الحكومه كانت بتزق اوي الشركات دي في الالكترونكس ومحو الاوميه لي قرر انه انا فاتح وعندي فاسلتي طيب ما اخش " فرح "

انا شايف انه ذكاء منه انه اشوف الديمند فين واروحله هو شاف انه الاليكترونكس طيب الالكترونكس كانت حاجه مش موجودة زمان طيب انا هدوس فيها واشوف هي ايه " إبراهيم "

بالظبط هو داس فيها وكمان من مصلحته ك،واحد صاحب شركه انه الحكومه دعمته جدا جدا في الوقت ده ، في جانب مهم اوي انت مسألتنيش عنه الماركتينج يعني ازاي لما نتكلم عن سامسونج ومنتكلمش عن الماركتنج لي كدماغ كان بيهتم اوي للتسويق وكان بيسوق لسامسونج كويس اوي ومكنش عارف انه بيعمل الطرق التقليديه لا كان بيقد يدرس المستهلك ويجيب افكار كريتف عندك مثلا هو من أوائل الناس اللي عملوا العروض القويه والديسكونت ومش عارف ايه بالذات في حته تسهيل عمليه الدفع يعني زمان ده مكنش كومون زي دلوقتي بس عمل تسهيل عمليه الدفع دي علشان الناس تقدر تشتري تليفزيون تلاجه كمان بيضمن حق المستهلك بعد البيع ودي ساهمت اوي فانتشار سامسونج في العالم وحته انه زمان كان ايه انت اشتريت تليفزيون طيب باظ انت لبست فيه " فرح "

كان من اول الناس يعني اللي بيهتموا ببعد البيع " إبراهيم "

خدمه ما بعد البيع دي اللي هي مشهوره دلوقتي طيب هسالك علي حاجه شايف سامسونج بعد كل المعلومات اللي عرفتها دي ليه دايما بتحس انه ابل انجح "فرح

لانه بحسها انه بترجت كلاس ا مثلا لكن سامسونج ا ب س يعني " إبراهيم "

بص انا شايفه انه اكتر حته في حته الفوكس ابل فيري فوكس علي برودكت معين
" فرح "

هاي اند " إبراهيم "

اللي هو ابل الايفون الماك بوكس الابل وتش مش داخلين باردوا مش بتعمل غسالات تلاجات سامسونج غاسلات وتلاجات " فرح"

ما هو ده كان علشان في الاول عاوز يبتدي الي هو 3 نجوم ده " إبراهيم "

أنا فاهمه باردوا الشركه ناجحه جدا وبتعمل ملاين والراجل عمل فلوس كتير بس انت مع انك لما تفتح شركه تبقي فوكس في حته معينه ولا تدخل ما جلات كتير ؟
" فرح "

لا دي هبقي فوكس دي الحته بتاعتي اللي انا هبقي شاطر فيها اوي وهيبقي عندي الكفائه وعندي النولدج الكفايه اني ادوس فيها واتكل يعني " إبراهيم "

هي ممكن معرفش ممكن ناس توافق وناس تختلف بس في ناس بتحب تدخل حاجات كتير وفي ناس بتحب تبقي فوكس " فرح"

في الاخر باردوا هي تحت الكلاود بتاعت الالكترونس بس هو مراحش بعيد مرجعش للسمك يعني " إبراهيم "

هههه بالظبط مرجعش للسمك يعني مش بنشوف بسكويت وشيبسي من انتاج سامسونج يعني " فرح"

هو مراحش بعيد بس كنت بتكلم انه هو تركز في حاجه معينه وتكمل فيها لحد الاخر خالص هي منفعتش او كدا ممكن تجرب حاجه تانيه لكن متقعدش تجرب كل حاجه في نفس الوقت مش هتعرف تبذل 100 % في كل شئ منهم "إبراهيم "

صح صح لازم حاجه تخيش يعني مش هتوصل للتوب اوي بس وعندك شركه زي نوكيا بس الناس بتقول انه لحظه ابل ما اعلنت عن الايفون دي كانت الجنازه بتاعت نوكيا كشركه كحته الموبيلات وكدا لان نوكيا مقدرتش تطور من نفسها اه كانت بعمل موبيلات وناجحه جدا جدا وبتحط علي اي براند تانيه لكن مقدرتش تطور من نفسها وتكبر وتجذب الكاستمر ليها مقدرتش تعمل كدا فوقعت ، طيب انت بعد ما سمعت قصه سامسونج انت لسه من تيم ابل ولا سامسونج "فرح"

لا ابل " إبراهيم "

هو انا بصراحه محترمه لي وكل المجهودات بتاعته بس انا تيم ابل ههههه الخيانه

ودي كانت الحلقه الخامسه من بيزنيس ميدنايتس اشوفكم الحلقه الجايه ومتنسوش تقوللنا انتو تيم سامسونج ولا تيم أبل " فرح "

بيزنيس ميدنايتس مع فرح أخبار الأن بودكاست


قائمة الحلقات

  • Crocs | كروكس
    محمد علي

    Crocs | كروكس

    دبي (أخبار الآن) من فكرة بسيطة لثلاثة مليونيرات بحوزتهم 850 مليون دولار! بعد اكتشافهم لخامة نادرة في كندا، صنعوا واحدة من أشهر الأحذية في العالم و اتجهوا نحو العالمية و حققوا أرباح بالملايين في فترة ...

  • أبخل ملياردير في العالم
    محمد علي

    أبخل ملياردير في العالم

    دبي (أخبار الآن) Warren Buffet حالياً هو خامس أغنى رجل في العالم ، اختلف عليه الملايين هل هو عبقري أم أبخل مياردير في العالم؟! سنتعرف على قصته التي بدأت في عالم الاستثمارات منذ أن كان ...

  • نوتيلا .. منتج من الحرب العالمية الثانية
    محمد علي

    نوتيلا .. منتج من الحرب العالمية الثانية

    دبي (أخبار الآن) ازاي راجل قدر يستغل أزمة الشوكولاتة في الحرب العالمية الثانية و ابتكر Chocolate Spread أصبح الأشهر في العالم إعداد و تقديم : فرح و إبراهيم الكردي⁣

  • ما القصة وراء Airbnb ؟
    محمد علي

    ما القصة وراء Airbnb ؟

    دبي (أخبار الآن) ما القصة وراء Airbnb ؟ إعداد و تقديم : فرح و إبراهيم الكردي⁣

  • مقالة أنشأت أمازون
    محمد علي

    مقالة أنشأت أمازون

    دبي (أخبار الآن) من موظف في شركة إلى قائمة أغنى شخصيات في العالم. Jeff Bezos كان يعمل في شركة كبيرة براتب ثابت ، ولكنه قرأ شيئاً ما أوحى له بفكرة عظيمة غيرت نظرته إلى المستقبل. ...

  • مؤسس زارا، من العدم إلى ثاني أغنى رجل بالعالم
    محمد علي

    مؤسس زارا، من العدم إلى ثاني أغنى رجل بالعالم

    دبي (أخبار الآن) بسبب فقر عائلته الشديد ترك أمانسيو أورتيجا Amancio Ortega دراسته و بدأ العمل في سن الرابعة عشر ، و كان لديه حلم وإيمان قوي بأنه يستطيع إنشاء متجر للملابس وأن يوفر للجميع ...