مظاهرة مناهضة للنظام السوري في محافظة الرقة تنديدا بمجزرة الغوطة

محافظة الرقة، سوريا، 22 أغسطس، علي أبو المجد، أخبار الآن – بعد المشاهد المروعة لما حصل في ريف دمشق ، خرج اهالي محافظة الرقة في تظاهرات عارمة تنديدا بالمجزرة التي دمعت لها القلوب قبل العيون.. مراسلنا علي أبو المجد كان هناك وأعد لنا هذا التقرير
بعد المجزرة المروعة التي إرتكبها النظام
هنا في مدينة الرقة المحررة تخرج مظاهرة مناهضة للنظام السوري وذلك رداً على المجزرة التي ارتكبتها قوات النظام في الغوطتين الشرقية والغربية.

 مقابلة1 : في الحقيقة المجزرة تندى لهااجبين الانسانية كلها والرقة جزء من هذا الوطن الغالي خرجت عن بكرة ابيها لكي تعبر عن هذا الجرم الذي لا ينتمي الى الانسانية ولا ينتمي الى اي شيء في هذا الكون العجيب ،

مقابلة2 :لازم نكون ايد وحدة ، قتل اهل الشام بس ما قدر يتقل الشام كلها ، قتل شهداء بس نحنا ان شاء الله الله رح يبعتلنا الف ، ويبارك فينا وان شاء الله النصر النا

مقابلة 3 : والله حقيقة كانت ردة فعل مؤلمة جداً ، والحقيقة بكت قلوبنا قبل ان تبكي عيوننا ، وخير شاهد انو هب اهلي الرقة نصرة لاخوانهم في الغوطة وليعبروا انهم معهم ان شاء الله ، ( أغنية ) صبرا يا غوطة جايينك رجال ، تهتف بالعوم وتهد الجبال ، نسقيكي دما بسنين المحال ، ما يغمض جفن لنبيد الاندال نقضي ع الكفر و نطهر الكون ، صبرا يا غوطة

مقابلة 4 : طبعا نحنا بمحافظة الرقة خرجنا من كل مكان من كل الاحياء ، من كل الشوارع من كل البيوت من كل الفئات العمرية كبار وصغار ، تنديدا بالمجزرة اللي صارت لاخوة دمنا بالغوطة الشرقية والغوطة الغربية ، حبينا نوجه رسالة ككل ، لاخوتنا خاصة نحنا معكم ودمنا دمكم واللي صاير عليكم صاير علينا، واهل الرقة كلهم معاكم ان شاء الله ، وهاي المجزرة تدل انو العالم كلو متآمر على شعب سوريا ، النظام والدول العربية والغربية كاملة ،

مقابلة 5 : لما بلشت بسوريا قال الغرب اذا استخدم قوة الجيش بدنا نتدخل ، لما بلش النظام يضرب برصاص قال الغرب لسا بكير عليها ، لما تدخل الدبابات قال لسا بكير ، لما تدخل الطيران قال لسا مافي شي اذا ضربو كيماوي رح نتحرك ، صار ضرب كيماوي عشرات المرات وهاي اليوم الف وخمس مية شهيد خلال ساعة وحدة ، هادا حرام وين الغرب اللي هنن عم يدعو الديمقراطية ، هدول لا عندهن ديمقراطية ولا عندهن حرية ولا عندهن شي من الصدق لان الاساس هو الصدق