محمد نجاتي يعلق على منشور يقارن بينه وبين أمير كرارة

  • نجاتي: أنا مش مبسوط بالحاجات اللي بقدمها

علق الفنان المصري محمد نجاتي على المنشور المنتشر عبر مواقع التواصل الاجتماعي، حول صعوده خلال فترة ظهور الفنان أمير كرارة، مشيرًا إلى أنه لا يتدخل في إرادة الله في شهرته، حيث إن النجاح يكون قبول من الله.

وقال “نجاتي” عبر فيديو بصفحته الرسمية على موقع «إنستغرام»: «طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل».

وأضاف :«أما البوست اللي كتبه أحد الأساتذة، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير».

وتابع: «أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي وإذا كانت وضعي كدا مضايقة ناس ممكن اعتزل واريحكم كلكم مني وتبقى نهاية الحكاية».