فادي دلوع
أخبار الآن|ريف حمص-سوريا (عبد الحي الأحمد)
عندما تشتد المعارك ضد تنظيم داعش في سوريا والعراق، وتتزايد الضغوط العسكرية عليه, يلجأ إلى ما يسمى "فرقة خالد بن الوليد", من هي فرقة عسكرية مختصة بالمفخخات والإقتحامات.
التنظيم يعتمد على شيء اسموا جيش خلافة ويسمى " فرقة خالد بن الوليد", هذا الجيش هو جيش إقتحامي, وين في ضغط هذا الجيش يلي بيركب المفخخات والأحزمة الناسفة وما شابه ذلك, تحت إطار المسميات الإسلامية المعرفة واللي ما عاد تخفى على حدا.
جيش خالد بن الوليد هو مكون من أربع فرق, ممكن تسمى ألوية لكن كل مدة ومدة يعاد أسامي الكتائب فقط, مثلاً, أعرف كتيبة كان اسمها موسى بن نصير بعدين أبو مصعب الزرقاوي.
هم أساسهم أربع كتائب مقاتلة تابعة لفرقة خالد بن الوليد , اسمها كتائب المشاة, هي كتائب مقاتلة صراحة قوة قتالها لا يستهان فيه, لأن يلي بقاتل عن عقيدة ,وكلنا بنعرف أي شخص بقاتل عن عقيدة, خاصة بيعرف حالو بموت من هون بصير بحضن الحور, هذا ما يهمه شي, فالمقاتل ممسوح عقله, راكض مستعجل بدو حور عين, وتفضل الحور العين درجات, إنو يقتل صحوجي.
جيش خالد هو قلب التنظيم, تقريباً جيش خالد في الجنوب السوري والشمال السوري على طريقة تواصل واحدة, ممكن هذا يستمد من هذا في حال نقص عناصر من التنظيم والعكس نفس الشي.
ممكن جند تنظيم الرقة يستمد عناصر من العراق في حال صار ضغوطات عليهم, والعراق نفس العملية, فرقة خالد في العراق أو في الرقة هم فرقة واحدة تابعين لإدارة واحدة وقيادة عسكرية واحدة.
اقرأ ايضا:
